喜多嬉牡蠣屋 (已搬遷) 新店位置

今日介紹嘅呢一間餐廳係近日中環新開嘅居酒屋，除咗可以任食牡蠣之外，亦有多款日式料理， 同時提供各類串燒，包括燒鳥皮蝦膠串、牡丹蝦、燒鳥三角胸軟骨、活燒白鰻魚串等。餐廳由日本北木島喜多嬉牡蠣養殖場開設，餐廳嘅牡蠣供應自家養殖嘅牡蠣，貨源有保證。🌟 牡蠣放題 90分鐘 $498/位牡蠣放題包括頭盤、任食生蠔、烤蠔、日本帆立貝、烏冬、茶漬飯、雞泡魚乾等等。🌟 頭盤首先會每人上一客嘅九品頭盤，包括象拔蚌刺身、喜多嬉牡蠣茶漬飯、二色燒活白鰻、天婦羅秋葵、手工月見燒鳥串、天婦羅紫蘇葉吞拿魚蓉、喜多嬉牡蠣刺身、時令沙律同日式漬物。個人認為頭盤都幾豐富，而且有質素。值得一提嘅係茶漬飯以牡蠣高湯整嘅非常鮮甜，而蛋黃用作沾燒鳥串燒。🌟 牡蠣餐廳任食牡蠣刺身同鐵板烤牡蠣，兩款各有千秋。牡蠣本身都幾新鮮，入口鮮甜，餐廳亦提供唔同醬料配搭，包括XO醬、芝士醬、蒜蓉醬、泰式辣醬同孜然醬，個人認為唔沾就可以保持到 牡蠣鮮甜味道。🌟烏冬套餐包括湯烏冬同撈烏冬，烏冬用嘅麵條比較幼身，更加似平時嘅拉麵。🌟雞泡魚乾推薦大家試吓食雞泡魚乾，吼過嘅雞泡魚乾微熱，沾上沙律醬更好食。📌 喜多嬉牡蠣屋 (中環) @kitaki.ka