影片
更多
2023-11-03
849 浏览
🌟餐廳：Maison ES📍地址：灣仔星街1A號地舖💰價位：～$400 - $800⏰營業時間：星期一至五12:00 – 15:00 / 18:00 - 23:00 及 星期六 11:30 - 16:00 / 18:00 - 23:00 及星期日及公眾假期 11:30 - 16:00📱電話：25218011呢排返工超勁忙，好耐都無坐底歎返餐Fine dining～朋友仔今日就帶我去呢一間「Maison ES」，體現浪漫法式烹飪，重現經典港式味道～適逢創辦人創立Ta Pantry 15周年 ，特別推出「Le Vieux Hong Kong」 紀念菜單，整個五道菜菜單由Chef Esther & Chef Eric共同設計。Chef Esther受到香港地道美食啟發，將傳統美食拆解，糅合現代法式烹飪手法和獨特創意，將全新既香港味道帶比大家，事不宜遲，即刻品嚐下先～———————————————————🌟5 Course Dinner🌟✨油甘魚，三文魚子，牛油果，青瓜，白胡椒泡沫，食用花和港式羅宋湯汁-新鮮油甘魚切成薄片，簡單以海鹽及初榨橄欖油醃製調味，入口清新之餘，鮮味濃郁～上層鋪上牛油果
📍地址：灣仔星街1A號地舖
💰價位：～$400 - $800
⏰營業時間：星期一至五12:00 – 15:00 / 18:00 - 23:00 及 星期六 11:30 - 16:00 / 18:00 - 23:00 及星期日及公眾假期 11:30 - 16:00
📱電話：25218011
呢排返工超勁忙，好耐都無坐底歎返餐Fine dining～朋友仔今日就帶我去呢一間「Maison ES」，體現浪漫法式烹飪，重現經典港式味道～
適逢創辦人創立Ta Pantry 15周年 ，特別推出「Le Vieux Hong Kong」 紀念菜單，整個五道菜菜單由Chef Esther & Chef Eric共同設計。Chef Esther受到香港地道美食啟發，將傳統美食拆解，糅合現代法式烹飪手法和獨特創意，將全新既香港味道帶比大家，事不宜遲，即刻品嚐下先～
———————————————————
🌟5 Course Dinner🌟
✨油甘魚，三文魚子，牛油果，青瓜，白胡椒泡沫，食用花和港式羅宋湯汁
-新鮮油甘魚切成薄片，簡單以海鹽及初榨橄欖油醃製調味，入口清新之餘，鮮味濃郁～上層鋪上牛油果和青瓜粒，再加入三文魚籽增加口感，最後以食用花點綴，擺盤精緻之餘，層次感十足！
餐廳主廚受懷舊港式西餐羅宋湯啟發，將港式羅宋湯變成凍濃湯汁，羅宋湯酸中帶甜，搭配油甘魚既油香及滑溜，提升鮮味！整個菜式散發著清新海洋感覺，令味蕾綻放，超出色！！
✨法式乳鴿二食
- 第二道菜式，靈感來自傳統燒乳鴿
第一食：乳鴿胸以低溫慢煮煎香，肉質粉嫩，乳鴿肉汁鎖緊於肉身，入口啖啖肉超滑嫩～
第二食：以鵝肝慕絲、紹菜、黑松露醬釀入乳鴿髀炸成春卷，搭配花椰菜、伍斯特醬喼汁啫喱、准鹽及梅醬，惹味開胃之餘，層次感十足～
✨天使麵配牛油波士頓龍蝦尾、黑魚子、貝殼濃湯和芝士醬
-呢道菜式完美演繹傳統港式芝士龍蝦伊麵！
龍蝦肉身先以牛油煎香，再用上天使麵取代傳統伊麵，醬汁以龍蝦頭及雜菜熬煮成濃香醬汁，再由店員倒下，儀式感十足～
值得一提，香濃芝士醬夠哂邪惡，以車打芝士、格魯耶爾芝士、雞湯及奶油混合炮制而成，奶香味濃而且濃稠厚身，配搭鮮味十足既龍蝦肉，perfectly matched！
✨美國和牛肩胛肉威靈頓捲配柱侯牛肉燉菜
-令人驚喜既菜式！融合傳統廣東菜式-蘿蔔炆牛腩，以威靈頓牛柳呈現出另一道經典菜式～
牛柳採用美國和牛肩胛位置，油脂分佈均勻，肉味濃郁，牛柳及酥皮釀入嫩滑濃郁既炆牛肉及捲心菜，再加入炆牛腩既靈魂柱侯醬，味道猶如傳統嘅中式炆牛腩～
廚師即席切開威靈頓牛柳，香氣撲鼻，效果非常吸睛，係全晚既戲肉！配菜更係令人驚喜，以低溫慢煮白蘿蔔及鮮嫩芥蘭葉作配菜，再將牛筋部分先冷凍再切片，經風乾後油炸成脆片置頂，制作認真極具心思，令人回味十足～
✨法蘭西多士、花生朱古力醬、金黃糖漿脆餅和奶茶雪糕
-餐廳最後亦好巧妙咁以港式茶餐廳經典美食，西多士及奶茶為主題，炮製出另類滋味～
西多士餡料以白朱古力和花生醬製成的花生朱古力醬，香濃無比，搭配外脆內軟既西多士，入口綿滑令人滿足，奶茶雪糕以錫蘭紅茶、奶油及茶葉制成，茶味極其濃郁，成個組合充滿港式味道，為今餐晚飯畫上完美既句號！
———————————————————
😋味道：4.5/5
🏢環境：4/5
💁🏻♀️服務：4.5/5
💵價錢：4/5
🤟🏻性價比：4/5
———————————————————
👅整體小總結
餐廳以香港地道美食為靈感，炮製出別出心裁經典菜式，制作創新及認真！
好鍾意呢度既法式古宅風裝潢，燈光柔和，餐廳既陳設及壁畫充滿歐陸風，令整個用餐氛圍寧靜及優雅～食物方面，每一款菜式選材、擺盤及烹調手法完美演繹一道接一道香港經典菜式，每一啖都充滿驚喜，令人食得好盡興！
张贴
