野姜 (已結業)

有些餐厅，你会毫不犹疑地将佢归类为「试一次就够」。野姜正是其一。野姜的唯一优势只是在戏院旁边，可以话系懒人专属餐厅。讲真，在大商场里面，由服务到食物都唔合格，都咪话唔罕见。服务员真系比较奇怪，例如入面大把位但偏唔俾你入，跟手轮住几个服务员逐一走过黎问：「你几位？」「两位」「几位？」「两位呀」…无限Loop……想不到，入到去，女店员仲问「你唔系6位咩？」……去到呢个moment，我累了，已经冇气再回应呢位发紧梦的店员，可能我身旁有其他「朋友」我见唔到啦。对于呢间舖已无任何期望，求其食完就走的态度。见到佢有鱼生台摆出黎，我解读系佢对鱼生有一定自信先会摆鱼生台对客。所以我拣左「创作鱼生丼定食」。对不起，我又错了！外貌看似还可以，但一食又见真章，新唔新鲜冇得呃。尤其是三文鱼，竟比某些放题的货色更差。帆立贝开边一分为二，体积不小，但缺乏鲜味，连一田买到急冻帆立贝比它更新鲜。相对好的是上方橙色一坨，貌似喜灵鱼和右上角的池鱼，相对新鲜(相对啊)。吃一口饭，吓然发现饭碗浅平得有点过份，饭量很少。但咁少的饭我仍要靠豉油和山葵「吊命」才撑完成碗，可见情况几咁恶劣。不合格！朋友叫了「即烧原条鳗鱼定食」，首先