影片
更多
2021-08-24
190 浏览
9 0 後 的 味 蕾最近愛上喺大角咀搵好嘢食，今晚周圍捐窿捐罅，發掘美食，見到有間新開嘅串揚餐廳，新裝修，簡簡單單，幾乾淨，價錢又唔係好貴，就入去試吓喇😋.🤩絕對冇浮誇地講，第一次覺得日式炸物原來係可以好好食，我對呢間餐廳評價真係幾高🤩餐廳主打「串揚」，意思即係食材用竹籤串起之後，醮上麵包糠，炸成脆脆口感。強烈建議大家一定要試下呢間師傅嘅手勢，所有食材都係炸得啱啱好，麵包糠好薄，保持到食材嘅原汁原味，炸出嚟嘅溫度、油份控制得好好。😋😋以下呢四款係必點：💁🏻♀️ 蘆筍配明太子醬、新奇、爆汁、新鮮 、明太子醬惹味💁🏻♀️ 子持昆布、一粒粒魚卵、咬落去卜卜脆、散發魚油💁🏻♀️芝士流心、奶香濃郁💁🏻♀️煙燻豚肉、肉質好淋、但又夠厚、煙熏味好濃其他食材都好新鮮，鵪鶉蛋蛋黃好大粒，秋葵又唔會好潺，雞髀菇好滑有菇汁，小紫薯同南瓜都夠甜。.餐廳仲會提供特製嘅醬汁，少少酸酸地，又唔會搶過食物原味，令到好開胃😋.📸吉列豬扒 $98有西班牙、熊本同美國揀，我哋就食熊本嘅豬扒，肉質軟爽，外層炸得好鬆脆，一入口索索聲，內裏又有肉汁，點埋甜甜地嘅豬扒醬汁，加埋磨好嘅芝麻，口感豐富。呢間餐廳仲可以無限追加椰菜絲同
最近愛上喺大角咀搵好嘢食，今晚周圍捐窿捐罅，發掘美食，見到有間新開嘅串揚餐廳，新裝修，簡簡單單，幾乾淨，價錢又唔係好貴，就入去試吓喇😋
.
🤩絕對冇浮誇地講，第一次覺得日式炸物原來係可以好好食，我對呢間餐廳評價真係幾高🤩
餐廳主打「串揚」，意思即係食材用竹籤串起之後，醮上麵包糠，炸成脆脆口感。
強烈建議大家一定要試下呢間師傅嘅手勢，所有食材都係炸得啱啱好，麵包糠好薄，保持到食材嘅原汁原味，炸出嚟嘅溫度、油份控制得好好。
😋😋以下呢四款係必點：
💁🏻♀️ 蘆筍配明太子醬、新奇、爆汁、新鮮 、明太子醬惹味
💁🏻♀️ 子持昆布、一粒粒魚卵、咬落去卜卜脆、散發魚油
💁🏻♀️芝士流心、奶香濃郁
💁🏻♀️煙燻豚肉、肉質好淋、但又夠厚、煙熏味好濃
3 浏览
0 赞好
0 留言
其他食材都好新鮮，鵪鶉蛋蛋黃好大粒，秋葵又唔會好潺，雞髀菇好滑有菇汁，小紫薯同南瓜都夠甜。
.
餐廳仲會提供特製嘅醬汁，少少酸酸地，又唔會搶過食物原味，令到好開胃😋
.
📸吉列豬扒 $98
2 浏览
0 赞好
0 留言
有西班牙、熊本同美國揀，我哋就食熊本嘅豬扒，肉質軟爽，外層炸得好鬆脆，一入口索索聲，內裏又有肉汁，點埋甜甜地嘅豬扒醬汁，加埋磨好嘅芝麻，口感豐富。
呢間餐廳仲可以無限追加椰菜絲同埋白飯，椰菜絲清爽，切得幼細，仲有芝麻醬/
日式沙律醬汁比你點，個椰菜絲幾清甜，真係好食😆，不得不提佢個麵豉湯濃郁得嚟唔會咸，都好好飲
.
📸燒美國牛小扒 $152
未入口都聞到牛香味，牛小扒燒得外層有少少脆，但係內裏好軟腍，仲要啖啖牛香味。
.
📸哈密瓜日本菓子👍🏻👍🏻
0 浏览
0 赞好
0 留言
是日套餐嘅甜品，內裡輕流心，係哈密瓜醬，食完之後成個口都甜蜜蜜既哈密瓜味，超正，個皮都好軟又唔會好粉，餐牌見唔到有得單點，但呢個甜品絕對係係驚喜之作
呢間餐廳仲有提供梳打飲品/各款日式酒，我就揀咗葡萄乳酸梳打，同埋蜜桃梳打，口味偏清淡，汽量係足夠既，但覺得如果味道再濃啲就正喇。
.
整體來講呢間餐廳CP值高，一個炸熊本豬扒飯$98，有麵豉湯、沙律菜，飯同椰菜絲都係無限追加，就算你係大胃王都唔怕唔飽。
.
對於餐廳嘅食物質素好滿意，侍應嘅態度都幾有禮物，仲會不斷fill水
张贴
