影片
更多
2024-05-20
123 浏览
餐廳設於荔枝角長沙灣道，平時基本唔會行過，如果唔係預先搵完訂座，根本唔會知呢度有間餐廳，以為人不多，但全場滿座，也等左十分鐘先可以入座。此為一家日式居酒屋，樓底高，裝潢新淨，感覺大氣，另設幾個獨立包廂，想一班朋友靜靜地食一餐亦可以。粟米脆餅壽司。和牛三文魚籽（$158）： 巨型粟米片壽司飯，配上大量三文魚籽及兩塊半熟薄切和牛，油香滿溢，濃郁牛味加上粒粒鮮甜嘅三文魚籽，層次感滿滿。金丼。月見海膽三文魚籽拖羅蓉($198)： 丼飯超足料，刺身與壽司飯各佔一半，令你每一口都可以享用到刺身，唔洗好似平時咁就住食。海膽爽嫩，質感奶滑；拖羅蓉質感幼嫩，帶豐富魚油香，味道亦夠鮮甜；而三文魚籽配蛋黃拌飯食更係非常香甜，蛋香十足。金酒杯（$168）： 海膽、蟹肉、三文魚籽、壽司飯，配上紫菜片，讓你自行製作迷你軍艦，海膽及三文魚籽係其他部分菜式也常見，今次加埋鮮甜而肉質細嫩嘅蟹肉，將味道推上極致。金龍珠海膽吞拿魚蓉卷（$158/4件）： 此卷物同樣出色，包含海膽、拖羅蓉及吞拿魚蓉，簡直係料多過飯，極盡鮮甜，口感非常絲滑，朋友都忍唔住講左句：喂，呢個勁好食！壽喜燒和牛鍋（$480）：首先，和牛質素甚好，油香
此為一家日式居酒屋，樓底高，裝潢新淨，感覺大氣，另設幾個獨立包廂，想一班朋友靜靜地食一餐亦可以。
粟米脆餅壽司。和牛三文魚籽（$158）： 巨型粟米片壽司飯，配上大量三文魚籽及兩塊半熟薄切和牛，油香滿溢，濃郁牛味加上粒粒鮮甜嘅三文魚籽，層次感滿滿。
金丼。月見海膽三文魚籽拖羅蓉($198)： 丼飯超足料，刺身與壽司飯各佔一半，令你每一口都可以享用到刺身，唔洗好似平時咁就住食。海膽爽嫩，質感奶滑；拖羅蓉質感幼嫩，帶豐富魚油香，味道亦夠鮮甜；而三文魚籽配蛋黃拌飯食更係非常香甜，蛋香十足。
金酒杯（$168）： 海膽、蟹肉、三文魚籽、壽司飯，配上紫菜片，讓你自行製作迷你軍艦，海膽及三文魚籽係其他部分菜式也常見，今次加埋鮮甜而肉質細嫩嘅蟹肉，將味道推上極致。
金龍珠海膽吞拿魚蓉卷（$158/4件）： 此卷物同樣出色，包含海膽、拖羅蓉及吞拿魚蓉，簡直係料多過飯，極盡鮮甜，口感非常絲滑，朋友都忍唔住講左句：喂，呢個勁好食！
壽喜燒和牛鍋（$480）：首先，和牛質素甚好，油香分佈均勻，具豐富油香之餘，食落又唔會成口油，牛味亦幾香，配壽喜燒湯底及蛋漿更為香口。壽喜燒用料包括豆腐、魚腐、腐皮福袋、香菇、娃娃菜及大蔥等等，最重要梗係靈魂之物：香甜嘅壽喜燒湯底，令平凡的配料都變得不一樣。
宮崎和牛串（$98）、厚燒牛舌芯（$58）、西班牙豬肋條（$58）：和牛肉質非常細膩，幼嫩富油香，牛味亦相當濃郁，一口和牛，一口大蔥；牛舌芯質感十分爽滑，有嚼勁之餘，亦含豐富肉汁，非常惹味。
张贴
