素年 (福隆大廈)

营业中

休息中

同朋友好耐冇見，佢係少數會陪我食素食既朋友，今次特登同佢去試新野，呢間位於深水埗即素年，成日見到有人推薦，一於試下。火龍果香蕉燕麥奶（+$36）呢杯野我哋一致認為超好飲，必飲。好清新既香蕉同火龍果味，甜度啱啱好，唔係好覺有燕麥味，水果味比較濃，好滑，美中不足係我哋冇走冰。日式定食（$108）我就叫咗日式定食，感覺好健康。主菜有烏冬，唔係讚x烏冬嗰d，佢似係普通烏冬再切一半，因為厚薄不一，湯底都好清甜，唔錯。佢配料都好多下，有熱有凍，有甜有咸，個甜品甜咗d，味道好熟，但唔知咩嚟。咖哩吉列豬扒意大利飯朋友就試咗新豬肉，佢覺得普通，唔算好食，感覺愈食愈差，而且d飯味道唔夠，唯一比較好食係d菇。我試咗d新豬肉，我覺得還好，但肉質比較鬆，冇d人講到咁似肉類，唔算太吸引。而且d飯比起普通意大利飯淋，但就比較迎合大眾口味。