影片
更多
2016-12-18
1055 浏览
踏入聖誕月份，又到好朋友生日的日子，諗食咩又係變成例行公事。幸好朋友都無所謂，所以當然係揾自己想食嘅餐廳去試，今次就揾左麻市滋味館，因為我想食小菜，炒返兩味。小店係佐敦，要穿過街市走到最入面內街。唔特登揾好難揾到。今次黎係主要試個金字塔。因為並非度度有得食。一行四人，點左8餸，原想炒小菜，但見餐牌食物太吸引，所以食其牆上推介。先黎椒鹽豆腐，細細粒容易食，炸至金黃香脆，灑上椒鹽，主菜未到，已被清光。海鮮孖寶原想點扇貝，但已售罄，改白灼基圍蝦，橙紅外表，隻隻肥美，鮮甜好味。原來呢度老闆識得海鮮批發行家，所以每日都有親民價海鮮供應，售完即止。最愛食魚，清蒸沙巴龍躉，大大一條，魚皮光滑，睇得出係新鮮貨色。灑上薑葱豉油，已經鮮味無比。魚肉彈牙滑嫩，每一啖皆是享受。水凖孖寶都不過$228，抵食到呢～主角登場，金字塔層層疊，未食都睇得出扣肉肥美，而且好稔，層層扣肉入面滿是梅菜，不得了的一道菜，不單考功夫，而且送飯是極度邪惡，欲罷不能。大蝦粉絲煲，正品，正如其名，蝦大而肥美，帶葱香，粉絲入味而且爽口乾身，絕非用蝦米充場的貨色，用料十足。與友相聚，難得盡興，當然要飲返兩杯！剛好推廣雪花啤酒買一送二，不過
小店係佐敦，要穿過街市走到最入面內街。唔特登揾好難揾到。今次黎係主要試個金字塔。因為並非度度有得食。
一行四人，點左8餸，原想炒小菜，但見餐牌食物太吸引，所以食其牆上推介。
先黎椒鹽豆腐，細細粒容易食，炸至金黃香脆，灑上椒鹽，主菜未到，已被清光。
海鮮孖寶原想點扇貝，但已售罄，改白灼基圍蝦，橙紅外表，隻隻肥美，鮮甜好味。原來呢度老闆識得海鮮批發行家，所以每日都有親民價海鮮供應，售完即止。
最愛食魚，清蒸沙巴龍躉，大大一條，魚皮光滑，睇得出係新鮮貨色。灑上薑葱豉油，已經鮮味無比。魚肉彈牙滑嫩，每一啖皆是享受。水凖孖寶都不過$228，抵食到呢～
主角登場，金字塔層層疊，未食都睇得出扣肉肥美，而且好稔，層層扣肉入面滿是梅菜，不得了的一道菜，不單考功夫，而且送飯是極度邪惡，欲罷不能。
大蝦粉絲煲，正品，正如其名，蝦大而肥美，帶葱香，粉絲入味而且爽口乾身，絕非用蝦米充場的貨色，用料十足。
與友相聚，難得盡興，當然要飲返兩杯！剛好推廣雪花啤酒買一送二，不過二十大洋，著實抵到無朋友。啤酒雖為內地出口，但質素令人驚喜，苦澀味不重，反而清甜易入口，必點之選👍🏻
奄仔蟹糯米飯，明明是點小的、但份量也令人興奮，而且也太足料了吧？用上2大隻肉蟹蒸，可謂不惜工本，誠意十足。蟹香連連，糯米軟熟，加上荷葉香，在這微冷的天氣食這個足料糯米飯，蟹香、荷香、葱香、飯香，讓人頓覺幸福又滿足。
上湯豆苗夠青綠，簡單而美味。鴛鴦蛋用上了瑤柱肉鬆，火喉恰到好處，蛋保持滑溜。因為足料，所以差不多每一羹都是滿滿的瑤柱，送飯又是一溜，
四人食8菜，飲飽食醉，埋單得知仲有貼心甜品送，呢間小店真係無得頂。芒果布甸仲要幾好食，花奶任加！埋單每人不過$300有找，又魚又蝦又蟹，呢個價錢，係邊到揾？
店仔細細，但性價比奇高，晚飯與其同人迫，不如行入兩條街，食餐滋味海鮮小菜，咁抵嘅價錢食到咁多野，包你話讚！！！
张贴
