Zappy (已結業)

少有咁去左銅記，睇OPENRICE隨手一按就見到佢，但試無妨，ZAPPY不愧為隱世CAFE，未黎既朋友都真係要試下，值得推介！睇MENU就知係D野係唔貴既，內在環境亦真心唔錯，食野環境都真係好重要，呢度最岩情侶黎！今次叫左1個MAIN，1個PASTA，2杯野飲。香煎三文魚柳果然冇揀錯，呢個三文魚煮既生熟度岩岩好，食落唔會太乾，有D汁，肉質係滑既，滑既三文魚你食過未？切出黎又唔會散哂，之前食過有既切出黎散修修，都唔知點食！食得出煎出黎係香既，食既亦甘香可口，加埋薯仔可以話一絕！係好味既！羅勒醬鮮蝦天使麵首先要講下個蝦，廚師好有心思，將個蝦頭切左出黎先，拆完殻再套反個蝦頭落去，咁樣既話又美觀又易食，唔駛切得咁辛苦！個麵就同個羅勒醬好MATCH，羅勒醬個汁又唔會校到好咸。麵就成條狀唔會切斷，唔硬亦唔"林"，所有野都恰到好處！

Zappy 朋友介紹，順便慶祝朋友生日。今次食午餐，有幾款揀，唔太貴，銅鑼灣，係咁上下價囉⋯⋯好處，冇乜人，可以慢慢坐，傾下計，唔使一食完就要走。今次叫咗雞脾扒，好好味，雞肉嫩口，＄78。熱咖啡，好香，餐具好靚，好精緻。切蛋糕，唔收切餅費，仲提供工具比我哋，仲有幫手點蠟燭，送蛋糕過來，真係好貼心。環境好靚，仲有一幅綠色牆身，雖然唔係真草，但都好靚，遠睇幾似草。

銅鑼灣耀華街是一條美食街，今天應約去了位於百樂中心的一間CAFE，CAFE店如其名，內裡一個又一個驚喜，絕不令你失望。在地下等了約５分鐘，乘塔電梯到達13樓的ZAPPY CAFE，踏出電梯，友人便拿起相機影下入口的裝飾，簡單的黑色背景放上幾隻活潑的蝴蝶，見友人影得這麼開心，我當然也不輸蝕。踏進餐廳之後，我以為自己去了中環某某高級餐廳，一張紅色的枱布加上兩隻玻璃杯，很像電影般的高級餐廳畫面，幸好，一望餐牌上的價錢還公道合理，開了一枝CAPETTA MOSCATO的白酒，有果香，而酒味不太濃，適合女士飲用，重點是。。再叫小食拼盤會有折扣。叫了白酒當然也叫了一個小食拼盤，（有薯條，春卷，炸雞，炸蠔）個人認為是必叫的，所有小食都是即炸，所以全部都是脆且熱，我最喜歡是炸蠔，一口咬下去，裡面的汁會爆出來，很滋味！其次是黑松露薯條，那種隻BLUE CHEESE一樣的發酵，令人難以抗拒！最後是安格斯肉眼扒，起初見價錢有點卻步，但難得相約這位「老死」，就點了這塊２８８的肉眼扒。食完之後才發現這２８８花得真化算，軟硬適中，這當然是廚師的功力，重點是肉的味道，外面很多食扒都只是食調味料，而這邊確實你會食到牛

這天放工的約會來到了銅鑼灣，因人流實在太多太擠擁，到處也都要排隊，於是我倆揀選了這間樓上的咖啡店以作新嘗試，這裡確是比較寧靜，很適合繁忙的都市人來喘口氣。晚餐的選擇看上去很不錯，不用一會我們便選好了我倆的晚餐。餐湯: 牛肝菌濃湯，菌料多，味道也濃厚，味道賣相也很是不錯。伯爵奶茶咖啡，伯爵茶味剛好，但對本人來說是偏淡了點，蜜桃梳打則偏甜，沒有濃湯來的好！不過主菜才是今天的亮點，先來的是黑松露蟹肉野菌意大利燴飯，意大利燴飯煮的剛剛好，軟硬度適中，配著香味四溢的黑松露，蟹肉和野菌來吃，口感是一流好味道，令我倆吃得津津有味。然後來的另一主菜是Bbq豬仔骨，豬仔骨味香，而且煎得剛好，沒有過份油，醬汁也合胃口，份量適合2人分享，令我倆吃得津津有味。後上的是北海道千層蛋糕，是曲奇口味，味道有驚喜，奶油不會太多，感覺好好。看得出和吃得出這裡的味道都是精心制作，推薦大家來吃一頓豐盛又可以暫時放下工作勞累的晚餐。

成棟樓都係餐廳，今次第一次試呢間。係一間小小的cafe ，我地七點半去度得我地一枱，可能因為星期一晚上比較少人，加上同一棟大廈好多競爭。大概得八至十張四人枱，環境超靜，如果三五知己黎談心實熟好地方。侍應有兩至三個，好friendly 。小cafe 有小cafe 既好。餐廳有酒類提供，我地叫左支白酒，二百蚊左右。其他酒類都唔貴，平過出而啲bar or 西餐廳。友人隨便發板點左支白酒，得5.5%酒精，飲落似汽水，甜甜地，幾岩女仔飲，不過我麻麻，太似汽水，下次揀過第款先。肉眼扒，medium rare 岩岩好，煎得外脆內軟。個扒本身好入味，唔洗點個芥末醬都得，伴碟係煎薯仔片，幾特別好食！黑松露忌廉蟹肉意大利飯，好重忌廉味，好creamy 。BBQ豬肋骨，個醬幾好味，不過個豬肋骨有少炆得唔夠腍同入味，我比較鐘意骨肉分離既感覺小食拼盤，我最愛係呢個可以揀四款，揀左春卷，炸蠔，炸雞，薯條，如果有叫紅白酒，呢個拼盤可以平廿蚊。炸蠔最好食，好juicy ，唔係炸到乾爭爭。食完所有野仲喺度吹水吹到人地last order ，但太飽無試甜品，下次要試甜品同酒！

今日去完附近飲咖啡之後，決定係呢棟熟悉大廈搵食😛😛😛見到個餐牌，個價位係可以接受既水平，就二話不說要咗一個蟹肉野菌意大利飯！另外朋友見到有一個好特別嘅咋評判所以就叫咗一個一齊食當國雜錦打俾我一嚟到，個心都離左一離！估唔到個賣相咁吸引！當中嘅咋好和炸雞都係我非常之欣賞！炸粉唔會好厚而且唔乾，當我食過好嘅時候直情有水噴出來😂😂😂春卷同薯條都唔錯，但係就冇令我留下好深刻嘅印象。跟住個主角到啦！個意大利飯煮得好好，唔單止融入了忌廉的香味在當中，而且阿玉份量好多，基本上每一口都食到！😍所以我都忍唔住得多左好多！

由於我同女朋友最近都太忙，比較少見，所以今次係銅鑼灣接完佢放工之後，去左間比較有情調又坐得舒服既Zappy cafe & bar 共進晚餐。Zappy cafe & bar 係耀華街百樂中心13樓。 一入到去，感覺寧靜舒服，係個傾偈既好地方。店員安排我地坐窗口位，仲可以睇到銅鑼灣夜景。 睇完個menu，我地決定叫柚子甜蝦沙律(HKD88)，BBQ醬燒豬肋骨(HKD168)同埋蟹肉野菌意大利飯(HKD138)。先上碟既係個沙律，賣相已經值一百分。至於內涵亦都非常豐富，有泰國柑柚，西柚，白灼甜蝦，新鮮沙律菜，紅洋蔥圈，紅椒配以自製沙律汁。用料十足，口感略帶微酸，非常好既開胃前菜。跟住黎既就係個BBQ醬燒豬肋骨。佢係用美國豬肋骨(4條)附上香濃郁烤肉醬，而伴碟既有薯菜。個肋骨點左個烤肉醬非常好味，又唔肥膩，廚師仲好細心咁幫我地切埋先上碟，正呀。最後黎既就係蟹肉野菌意大利飯。內面有蟹肉，雜菌，黑松露醬，白酒，巴馬臣芝士同埋新鮮檸檬汁。我覺得呢個意大利飯同平時食開個d唔同，除左有濃厚既黑松露醬之外，我覺得口感有種清新既感覺，食完一口之後想再繼續添食，唔想停呀

行經銅鑼灣，便食晚餐在 Zappy Cafe & Bar位於時代廣場附近的百樂中心樓上，見到餐單提供歐陸特色的美食餐款。意大利餐湯，以南瓜忌廉炮製，十分熱辣香濃美味，加些黑胡椒粉及芝士汁，味道效果更錦上添花，當然最好有塊蒜蓉嗒嗒湯。黑松露蟹肉野菌意大利燴飯，這會飯主要是以意大利式野菌黑草菇粒及碎露蟹肉粒作配料，並以忌廉汁和香飯加以配會一起，再配蕃茄粒及香茅於飯面，一碟番尋味的香會飯便在此，食落是很回味架,希望下次再叫其他野食先。

記得以前同朋友黎過呢棟大廈度食，眨下眼又過左幾年。呢間餐廳係time square後面既橫街，旺中帶靜，而且餐廳內裝修幾好，適合幾個三五知已吹成晚。一開頭得我地，後來越黎越多人。餐廳仲有Halloween 擺設。落左order, 第一樣係小食拼盤同white wine, 拼盤賣相一流，一睇就知好唔健康，但係又幾好食，其中炸蠔最好食，非常juicy, 一咬落去d汁噴晒出黎。White wine 偏甜，酒味唔重好易入口，幾岩我飲，我覺得女仔應該會好鐘意，我特登影左個酒名諗住番啅。酒同小食簡直係絕配，一啪即合！另外仲叫左蟹肉意大利飯同生蝦，蟹肉好甜，配上意大利飯d汁個效果唔錯。生蝦就一般般不過不失。整體黎講野食不錯，但可以食埋個氣氛同服務，可以再試！

是日在時代血併後，要找個舒服的地方吃飯，好好慰勞一下雙腳和胃於是找到了附近的zappy cafeCafe面積雖然不大，但座位舒適，枱與枱之間又不會太近店內播放著英文慢歌，悠悠的，很舒服食物選擇貴精不貴多，但意粉、飯、排、小食、甜品都有供應我們就點了沙律、意大利飯、豬肋骨和千層蛋糕蟹肉野菌意大利飯($138)：看食評得知這個飯不錯，果然沒令人失望整體夠濕潤而不膩口，飯粒軟硬適得宜飯中有不少蟹肉，如醬汁般包裹著飯粒，而且已拆肉的蟹很適合我這種不太會拆蟹的人加上飯面上那大坨黑松露醬，令飯的香味提升，讓我這愛野菌、愛黑松露的人十分滿足BBQ醬豬肋骨($168)：豬肋骨的擺盤很好看，肋骨已切開一條條，方便食用BBQ醬十分香又惹味，肋骨的肉中帶少少脂肪，有嚼勁又帶點油脂香薯菜中的薯仔是迷你薯仔，很可愛，皮很脆雲呢拿味千層蛋糕($48)：蛋糕口味每星期不一，這天的是雲呢拿味蛋糕每層的厚度相若，雲呢拿忌廉很香很滑

我朋友喜愛周圍食野，佢今晚帶左我去銅鑼灣 "Zappy Cafe & Bar"食晚飯，店的裝修細節都給人和諧的感覺，令食飯都心情輕鬆不少，飯後留下一段時間跟朋友傾訴才回家。海鮮忌廉汁長通粉，配上蝦肉份量十足、青口好彈牙、又有蜆肉，魷魚鮮香是少不了，加埋忌廉汁在長通粉中更香，長通粉的咬感滑溜溜，剛剛好食得好飽和，原來好合我口味。日本北海道千層蛋榚，每層層疊疊的蛋糕很滑的，加上薄薄的忌廉香味，令切開細件些慢慢食佢先。

雖然銅鑼灣好似餐廳好多咁，但一到晚飯時間真係一位難求。好彩個朋友book左一間樓上cafe，先唔使等位。cafe既環境唔錯，有一面牆鋪左草皮，影食物相幾岩feel我同朋友兩個都叫左呢杯奶蓋紅茶，奶蓋幾厚，質素拍得住出面飲品店個d因為我地叫既係dinner set 所以一黎就上左個沙律。鮮蝦出乎意料地彈牙，仲唔會俾沙律汁蓋過本身既鮮味，幾好之後我地另加左個薯條，佢原本上碟個陣只有跟檸檬沙津醬，但我個frd問有冇酸忌廉，佢都好好人加左俾我地。薯條本身幾脆主菜方面，我地一個叫左三文魚排、一個叫左豬肋骨share三文魚排既熟度岩岩好，切開仲係粉紅色豬肋骨d醬汁好入味，而且一咬就開，可見烤得好林整體黎講呢間cafe係適合兩三個朋友黎傾下計咁～

喺 Muji 買完嘢就喺附近食飯Cafe 門口有一片綠油油嘅草牆同雀仔公仔真係幾 zappy & lively 入面都有另一面草牆，感覺好小清新～啲 Halloween 裝飾都幾 cutie 啲窗係調黑咗，又令到個環境 classy 啲地方唔算好大，不過睇落好精緻舒服呢度嘅 risotto 好似做得幾出色所以點咗 Crab Meat & Mushroom Risotto（我哋坐 window seats 一樣有少少草牆好鍾意呢啲有小巧思嘅裝修～）個 risotto 煮得好 al dente！蟹肉好豐富，risotto 味道好濃郁但又唔會膩因為啲野菌就中和返個味好好食！呢度嘅甜品都唔錯點咗日本北海道千層蛋糕試試今個星期係雲呢拿味蛋糕嘅班戟皮一層一層咁好靚～簡簡單單都唔錯

o係時代廣場睇完戲，去百樂睇睇有咩食！老婆就揀o左LEE間幾有情調GE西餐！四周圍應哂節咁整o左好多萬聖節飾物，老婆話好CUTE！LEE度飲酒好抵，百零二百蚊就有一支！店主話因為主打想擺番o係食物上，所以D酒賣得特別平！如果叫酒飲，SNACK仲有價錢添，可惜我感冒未清啦！見好多食友都推介LEE個蟹肉野菌意大利飯，一於就試下係咪咁正先！果然真係有好多蟹肉，個意大利飯非常CREAMY，好好食！值得推介！另外一個主菜就食肉，揀o左BBQ醬燒豬肋骨！豬肋骨都幾好肉，BBQ醬惹味好食！伴碟GE沙律同薯角都唔錯，個沙律好FRESH！LEE度服務態度好好，一o黎度就有水！見我地想SHARE就主動比兩隻碟，食到咁上下又會收碟加水咁！

<小試牛刀 Zappy cafe & bar >喺cwb耀華中心上面美食眾多 . 其實好多間都試過😃見到有間新開既cafe &bar . 約左朋友食宵夜有d肚餓 就入左去試下佢d小食 諗住打定底😂 食店環境幾舒服 cafe形式點既係西餐 仲會有酒飲甘🍽黑松露薯條68 蚊🥔68 蚊大大碟薯條 外表有好多炒過 既黑松露黏住d薯條😍 松露味香濃🍄 薯條夠哂粗身 炸得軟硬適中 熱辣辣點埋凍茄汁 🍅 好食！🍽雞尾凍甜蝦 68 蚊 🦐擺碟美觀。 蝦肉新鮮鮮甜🦐 點少少新鮮檸檬汁🍋同埋自製既 帶有辣度既雞尾醬汁 夠哂惹味🌶😋🍽日本北海道千層蛋糕 48 蚊 🍰外表側邊睇落去層次分明👍🏻 蛋糕糕皮比較爽口 每一層都係差唔多厚度 手工出色 而入面既味道係雲尼拿 cream既口感亦都好軟滑😋推介👍🏻Score 平均分 <7.7/10>Taste 味道：👍🏻👍🏻👍🏻👍🏻Present 外觀：👍🏻🏻👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻🏻👍🏻👍🏻Service 服務：👍🏻👍🏻🏻👍🏻👍🏻~~~~~~~~~~~~~Addre