Zappy (已結業)

早排去銅鑼灣百樂中心為友人選購 Sconkie 做生日禮物，留意到大廈水牌有間叫「Zappy Cafe & Bar」嘅樓上咖啡店，瀏覽過網上食評，見評價不俗，佈置清雅，而且午市套餐，定價相當親民，所以趁週末有空，決定兩口子來試新野。店子位於耀華街百樂中心13樓，當電梯門一打開，再往左望，一幅綠油油的仿草牆即時呈現眼前。沿著窄長的走廊往內進，餐廳地方不大，只有約 30 個座位，裝潢簡約，用上黑白兩色為主調，牆身鋪上人造草，配合多扇大窗，營造出舒適的用餐環境，如果是晚上到訪的話，相信景觀更佳，應該可以看到銅鑼灣的高樓夜景。拿起餐牌，午餐精選一共有六款，包是日餐湯、1 款主菜和 1 杯飲品，定價由 $88-$128 不等，而且仲免收加一服務費，價錢非常經濟，想配埋每日精選甜品嘅話，亦只須另加 $48。如果唔食套餐，當然亦可以散點，有湯、沙律、前菜、脆炸小食、意大利飯、意粉、6 款主菜、甜品及飲品等可供選擇。就一於每人揀個午餐，然後再一齊分享。是日餐湯為西蘭花忌廉湯，湯以純白餐具盛上，一點也不花巧，湯身偏稠，但入口又不算太 creamy，有很強的西蘭花味，而且湯很夠熱，由端上到喝畢仍然冒著煙。

每次同閨蜜去銅鑼灣食野都會去百樂中心睇下有冇野想試今次我地就揀左Zappy Cafe!佢裝修好有情調 後面既草牆更加係打卡既好地方每次去西餐廳如果有都必叫既黑松露薯條上面佈滿左黑松露 絕對唔係得小貓三四粒大大份 新鮮炸起好香好脆我地仲叫左龍蝦汁大蝦意大利面每人都有一隻香煎左既大大大蝦 雜菇又係出奇地入味值得一提既係配上牛油果片好特別第三樣亦都係今次我地最有驚喜既一樣香煎帶子墨汁意大利飯三粒帶子每一粒都十分厚身 大大粒 啖啖肉佢既墨汁意大利飯係我食過最好味既味道濃郁之餘又唔會腥食到變污糟貓都值得

銅鑼灣食既好多，搵到間高水準既就好難，今次比我搵到間，食完會記掛住既餐廳，就難上加難，而且環境仲要好舒服，好適合同你愛惜既人一齊去試下。餐牌上有好多菜式都好吸引，所以諗咗好耐先決定食咩，雖然無套餐，但可以自己整一SET出黎。一開始係一個每日鮮製濃湯，個晚係磨菇忌廉湯，應該係我暫時食過最好食既磨菇忌廉湯，香濃既菌香，入口細滑而有足夠磨菇蓉，比例非常好，份量十足。仲點咗一杯柚子梳打，甜度適中，淡淡柚子香。之後就到蒜香辣油活蜆天使麵，蜆十分鮮甜，淡淡既蒜香，有足夠既蒜片可以同天使麵夾住一齊食，滿足哂鐘意食蒜既我。最後主菜係香烤美國安格斯無骨牛小排，賣相一流，牛肉處理得好好，係我最鐘意既生熟程度，醬汁同牛肉好夾，連薯蓉一齊食，好有層次，由上至下味道都好夾。總結，當晚所有食物都非常好食，絕對係銅鑼灣平均水準之上，食完心情會開心左，離開時已經諗定幾時再去。

道道都好好食 環境淸靜優美 服務好五星級酒店的水準，一般居酒屋的價錢。來吃過就知道了，一定會encore。chef水準一流，做菜用心，值得一試。不知道為什麼沒什麼人知道⋯

約左好友係銅鑼灣食飯無idea去邊食 記得百樂中心有好多樓上餐廳決定去到隨機選擇去到百樂中心樓下大排長龍因為lift唔多 係等既同時就係上openrice睇下有咩好食今日同友人同有種想食西餐既感覺留意到zappy cafe and bar啲食物相好鬼吸引決定一戰上到去唔洗等位即刻入座！店舖唔算大 所以位同位之間空間唔算大不過人唔多 所以都算闊落！menu選擇都好多 價錢適中！上網見到好多人都叫蟹肉野菌意大利飯友人就叫左燒魚蟹肉野菌意大利飯率先上枱香噴噴既野菌味。。我同友人都忍不住即刻動手熱辣辣既飯 濃郁既野菌香味 仲有唔少蟹肉好值得推薦大家叫賣相仲要好靚 (相機都食得好高興hehe)燒魚隨後上枱有一樣野我好欣賞呢間餐廳佢啲食物全部都熱辣辣上枱 令進食者覺得好幸福個魚好滑 燒(煎？)得好香又係一道好菜！不過如果大胃既人士 呢個魚份量未必夠你可能要再叫多少少野另外我留意到隔離枱好多都有叫牛小排個樣吸精到呢。。。離遠叫到都覺得佢一定好好食 不過兩個女仔再嗌又食唔曬唯有下次再約過朋友黎食今次！幸運的選擇

行到去百樂中心樓下，人龍排到街尾好傷心，如果帶女朋友黎，飯都未食你可以準備收皮。但係好彩今日係同朋友黎試食，吹下水，慢慢排上去囉⋯⋯ cafe氣氛唔錯，但係人好少，幾擔心中伏。姐姐好nice咁落完單，好快就有嘢食yeah 今次嗌左個鱈魚陪mustard yogurt sauce 見到個名就好有興趣 啱啱開始寫食評唔記得影相 好西既魚煮法 用左好中既蔥黎裝飾上碟 好啦 呀媽教落 可能要癖腥 結果啲配菜好食過嚿魚 薯仔同迷你菜好好食 應該因為個sauce 唔錯 由配菜睇黎 都叫對得住個價既 之後就係蘑菇飯 強推 erm 都係無相既 因為落左啲松露醬 成碟嘢即刻出曬味 菇係我本身好鍾意既食材 菇risotto 就都唔係新鮮嘢 整得都好合理 加左蟹肉 成個飯多左啲質感 下次再去就應該會再食 啊 但係個risotto 又放左蔥喺上面 睇黎師傅好鍾意蔥 我地兩丁友 七點幾坐到人地收舖咁濟 姐姐好好人 無趕我地 仲係咁斟水俾我地 驚死我口渴真係好開心 環境真係好適合同朋友黎食飯傾計無辦法 同啲長氣friend食飯 就係講極都未完 呢個聲稱係我生日飯既飯 係喺我生日之後一個半月先食 可能好朋友就係 明

百樂中心食肆林立, 隨時一星期也可能步入三晚大廈。3月11日, 一行11人(有一人甩底)在Zappy一起聚餐, 地方小小但都五臟俱全, 負責人Arthur年紀輕輕, 就已創業, 小本經營, 創造自己的小天地。看看晚餐菜單, 所有A la Carte 主菜都可加+$88 成為套餐包括是日餐湯, 自己揀的沙律 及 咖啡或茶。 之前同Arthur已溝通好11人的菜單, 只需加多些小頭盤, 就可包場, 自成一角, 全程用Whatsapp 溝通, 非常快算和方便, 這地方是一個讓十零人可聚會, 飲飲食食風花雪月的好選擇。我自己點的是煙燻三文魚牛油果沙律 和 烤美國安格斯肉眼扒。個肉眼扒真的很大塊, 味道很好適中, 勸女士小心。下次再來我會去試下泰式燒牛肉沙律 和 烤焗紐西蘭羊架。Arthur, 請繼續加油!

百樂中心食肆林立，今晚就與友人相約到其中一間評價很好的Cafe飯聚。Cafe位於13樓，一開𨋢轉左就會看到綠油油的裝飾場，感覺令人舒服。由於一早已預訂，所以店員已經預留了位置。這裡雖然地方不大，但枱與枱之間不會太迫，而且有落地玻璃，再配上黑枱布，店內又播著浪漫的音樂，十分有格調，絕對適合撐枱腳！餐牌只有兩頁，簡簡單單，不會令人眼花撩亂。黑松露薯條原本以為就像平常其他店般，就是炸薯條配黑松露沙律醬。不！是！是真的有黑松露和薯條一起炸，上枱時還熱辣辣，黑松露十分香口，配上粗粗的薯條加茄汁，食到停不了口卡邦尼意大利麵是有清新感覺的卡邦尼。扁意粉不會被汁完全淹沒，但忌廉味依然出色，即使吃多了也不會膩口。扁意粉不會太軟，有咬口。鮮雜菌意大利焗飯上菜時熱辣辣，雜菌份量很多，且入味。飯粒分明，感覺正宗，充滿意大利既感覺。又是另一款吃到停不了口的。一間既有格調，食物質素又高既餐廳，一定有下次

今晚約了好姊妹食晚餐。黎到百樂中心，這中心差不多全是上樓的餐廳，好多食客可以選擇不同的菜式。我們今天選了13/F 這間西餐廳！這裡好舒適休閒。地方雖然不大，但是坐位舒服，白色的簡單設計配上玻璃及植物的擺設令客人可以輕鬆享受，更有輕快的音樂播放晚餐有意大利燉飯、意大利粉、小食、沙律等等選擇，更可加88有餐湯、沙律及飲品我們叫了：1. 黑松露蟹肉意大利燉飯好好味道，這個一定要試！好香的黑松露，份量好多！蟹肉好多口感好好；意大利燉飯軟硬剛好，好入味，與黑松露及蟹肉配合極好，係我推介的意大利飯2. 卡邦尼意大利粉不像平時的卡邦尼咁多cream, 唔會好膩，意大利粉好彈牙又掛著一點醬汁，剛剛好的質感；煙肉好多又香口，不會太肥；有白色菇菇及菜苗配料，增加口感及健康度另外服務姐姐好好人，好親切又有禮貌，好主動幫客人加水及服務，難怪咁多客人來了！

我係睇完<升學無疆界> 先知道有呢間餐廳，想訂位即晚，點知已經full booking，改下一晚先成功book位。食完，果然無選錯。French Fries: 每條都好飽滿，唔會乾，呢個係炸薯條最基本要求，呢個薯條當然全部合格啦!!無花果橙柳合桃沙律: 我是睇見鄰桌叫這個沙律，我才叫這個，因為無花果沙律確實比較少有，原來底下還有些少芒果汁，好好食呀!!燒烤鯖魚柳伴日式檸醋汁: 燒烤鯖魚很香口好食，可惜汁有點太咸。黑松露蟹肉意大利燉飯: 蟹肉撈入意大利飯，每一口都好平均食到黑松露及蟹肉的味道。

上網search 左一段時間諗住去一間坐得舒服既同同事傾下計位置都方便入到去，可能太早12點未有客環境好好，唔會嘈，坐得舒服我地2個叫左2個lunch set湯夠creamy 主菜好好味 - 蟹肉野菌意大利飯值得推介Good try

難得今日放假可以接人收工適逢有朋友推薦呢間還掂今日行街街又近銅鑼灣呢頭一於就黎食下啦！呢度好乾淨企理而且裝飾擺設亦好整齊坐底亦唔會有壓迫感好有家的感覺（某地產公司口號XD)另外環境都幾靜好適合帶朋友上去吹水或者同另一半拖住手仔XD你懂的@@“其實晚市都有幾多菜式有一兩樣亦係同隔離嗰位既至愛包括南瓜雞肉意大利飯，燒銀鱈魚伴芥末籽乳酪醬汁，同埋我地叫左套餐有包埋既牛肝菌忌廉湯由於主菜製作需時首先黎左個湯先可能落左奶油關係飲落更加香滑而且煮得好濃郁等左15分鐘度主菜終於出場啦意大利飯啲雞肉比例爆多另外亦有菇類同飯一齊煮香同足料之餘亦好入味而南瓜係先挖空中間再放意大利飯喺面但依然有唔少南瓜肉絕無偷工減料之嫌而銀鱈魚煎既熟度就剛剛好魚肉嫩滑唔會話煎到老哂唔會話煎到燶邊而且魚皮亦煎到香脆另外伴以烤薯仔及露荀等配菜感覺好健康薯仔亦烤得夠哂入味另外要讚一讚呢度啲服務服務員你著重顧客既需要而且斟水同碗碟更換呢啲細微位都加哂分只可惜我同隔離嗰位都食唔得多野下次再黎大食特食試下其他野先！

哈哈，去親銅鑼灣唔係食車仔麵就日本野嘅我，今日要介紹你嘅呢間係食西餐廳，雖然價格算中等，但質素相應上都高質啲。先講講環境，雖然唔算好大嘅餐廳，但適合情侶或幾個朋友仔小聚嘅地方，十分有格調，所播嘅音樂亦都係柔情舒服嘅曲風。呢間餐廳無特定晚餐，想要飲湯定沙律又或小食，可以自己渣主意。而我地因爲唔太餓，所以最後決定叫幾款Share，咁做就可以食得哂之餘又可以試多幾款。分別有每日鮮製濃湯加蒜蓉牛油多士、蒜香辣油蜆天使麵、香烤美國安格斯無骨牛小排，加柚子梳打。最先到嘅係是日餐湯，濃郁嘅磨菇忌廉湯，稀杰程度剛好，香而細滑，而且調味唔會過咸，絕無味精。濃湯配一口蒜蓉牛油多士，味道非常融洽，真好係好好飲。其後天使麵送到，除咗碟面上大大隻嘅蜆十分吸睛之外，天使麵發出濃濃嘅蒜香味，簡直就係引死人。二話不說馬上分碟一試，預料之中，意大利麵熟透程度適中，仲有些少彈牙，食得出淡淡嘅SAKE酒味，調味得宜。其間飲品送到，個人喜歡食西餐飲水果梳打，原因係有時可能剛巧食完味道偏重或煎炸嘅小食，最適宜飲一口滋潤一下乾涸嘅喉嚨。柚子梳打嘅味道唔會太甜，最岩我呢啲唔鐘意飲甜嘢嘅人。最後美國安格斯無骨牛小排，因為我地都係食得

農曆新年吃中菜吃到怕，心血來潮想吃西餐，朋友之前推薦銅鑼灣有間樓上Cafe叫Zappy質素不裕，一於去試試餐廳環境乾淨企理簡潔，裝飾擺設好整齊，坐低唔會有壓迫感餐牌選擇多元化最後揀左南瓜雞肉意大利燉飯，燒銀鱈魚，同埋無花果橙柳合桃沙律(另加$20牛油果)首先出場既係沙律🥗無花果加橙柳合桃呢個組合好得意，而且佢有甜甜既橙柳醬汁喺底，食落fresh得黎又幾開胃由於主菜製作需時，等左20分鐘左右主菜終於到啦~ 南瓜意大利飯外型圓圓的 很可愛，南瓜先挖空中間再放入意大利飯，內裡仍有不少南瓜肉，飯中既雞肉很多，另外亦有不少菇菌，飯很足料亦好入味，帶少少咖哩香味，好好食而燒銀鱈魚既熟度剛剛好，魚肉嫩滑，魚皮香脆伴以烤薯仔同幼露荀等配菜感覺好健康，薯仔亦烤得夠哂入味服務員不時細心地幫我地換碟同餐具，加分嚕

不知大家有沒有睇【升學無疆界】這個節目呢? 剛巧收看了一輯〈煮出個未來〉, 看完之後,讓我發現自己一直對這門學問想得太簡單…..決意走進這間餐廳, 想一嚐這位藍帶學生的手藝, 亦帶同老媽來, 很想讓她知道我的想法….餐廳門口牆身披上綠色的假草皮, 上面掛上吊燈和一隻隻小鳥, 而地上亦擺放一盆盆小盆栽,很有大自然氣息, 感覺舒適寫意。甫進內裏, 餐廳以黑色為主調, 但因位於高層, 加上設有三大排落地玻璃窗, 故早上感覺開揚光猛, 亦相信晚上夜景會令人心醉, 是一個燭光晚餐的好選擇。內裏只預設了六張四人枱和三張兩人枱, 地方雖小, 但環境舒適。今日相約老媽有點晏, 差不多兩點多, 幸兒餐廳的午餐時段是由中午十二時至下午三時, 所以此時仍有套餐, 太好了! 午巿套餐包是日餐湯、主菜和飲品, 另加$48還有每日精選甜品。主菜共有六款選擇, 定期會改換, 而價格就由$78-$128, 訂價相當親民。******************************是日餐湯Soup of the Day為牛乾菌野菌湯, 熱辣辣上枱, 散發着陣陣菇菌的香氣, 很誘人! 湯面以忌廉 畫紋, 灑上少許香草 作