ZAKS (已結業)

喺幾年前黎愉景灣食過一次，記憶中carbonara 好好食 所以今次黎到又再食一次。今次叫左個calamari 同carbonara。先講calamari，炸漿薄得黎又好有炸物口感，食落唔會覺得成口油。配埋個醬似mayo得黎仲有mustard 嘅味道，非常匹配，個魷魚都好爽口，唔會太韌。個carbonara 同上次一樣咁好食，份量又多，一個人一定食唔哂。個白汁好香濃，又有啲bacon 吊味，但食得多會略嫌有啲漏不得不提係個景真係好正，咁啱天晴，望住個藍天，吹住海風咁真係好寫意整體黎講真係好抵食，份量大，質素高

好耐無黎過了，印象中呢間好好食，所以今次黎到就介紹朋友食呢間。環境幾舒服，好寫意。我地唔太餓，只想hea下坐下傾下偈，最後決定散叫。叫左個ribs同蟹肉千層面。嗰ribs好軟身，易入口，至於個配菜salad 就麻麻，嗰醬唔太好味。而個蟹肉千層面，其實味道不錯，可是每一層都有好多蔥，我唔喜歡食蔥，所以我個人不喜歡。飲品還是可接受的，smoothie 味道不錯，不過可以凍一點。我杯凍果茶就剛好。整體來說，食物質素比以往差了一點，好似有點求其。

大年初一，祝大家身體健康，豐衣足食。今年想靜靜地過年，所以選擇一家人走入愉景灣，對於我嚟講，有三十幾年未入過嚟，估唔到宜家變化咁大。當然入嚟前，做晒 research，坐咩車，邊度有好嘢食等等。今晚就食好啲，選咗呢間食西餐既 Zaks。四個人叫咗個沙律，一個 Pizza，半隻 Zaks 燒雞，三杯啤酒，坐係度望住個海，真係寫意。呢餐飽飽埋單都係 $720，有咁正既景，咁舒服既環境，咁好食既食物，呢個價值得。強烈推介，燒雞，就連好咀刁既外母都話好食。

Weekend 或者放假都會想行開下，relax 下，hea 下，chic 下咁（講緊嘅唔係飛去另一個地方去旅行，都唔係撘船過大海去澳門嗰種，而係留港消費）去d靜中帶旺，唔好太隔涉、偏僻嘅地方。所以去愉景灣行下，都係一個唔錯嘅選擇😄而我嚟親呢度必去嘅餐廳一定係「ZAKS」之前會因爲喺度坐outdoor 可以睇到Disney 嘅煙花，同埋一到傍晚，餐廳就越來越有氣氛，咁當然呢度嘅食物水準亦都好好啦！所以好鍾意呢度⭐️所以之後嚟親愉景灣，無論係日頭定夜晚，我都一定會嚟呢間餐廳食飯！推~推~推！👍🏽

講真兩個人去呢啲地方真係食得唔多，但係一打開個Menu喎水蛇春咁長好多野都好想食呀！最後就決定揀咗呢兩款食物。呢個魷魚圈都係相當之野味而且好 大 碟。食到咁上下已經好後悔，打包又唔係，繼續食又飽到想嘔！但唔係講笑個魷魚好鮮味，炸到啱啱好真係好好味。加上咁嘅環境，係大風咗啲之外真係一流。同埋我覺得佢個番茄味做得好出個質地亦都好濃滑，好夾。最後夾埋杯嘢飲真係好好味 好滿足呀！ 食飽飽之後就準備出發去行山喇！😀

今日去完disneyland, 之後便太太往愉景灣Zack食晚餐, 我們點了特色芝士雞胸和蕃茄磨菇闊面加雞肉。特色芝士雞胸蕃茄味鮮甜, 食落開胃, 芝士香濃惹味, 煙火腿咸度適中, 雞胸肉質鮮嫩, 食落香脆, 配菜沙律菜新落新鮮爽口, 薯條大小適中, 炸得剛剛好, 食落不油膩, 好足的特色芝士雞胸；蕃茄磨菇闊面加雞肉份量十足, 大大碟,磨菇汁香濃, 香草食落惹味, 蕃茄食落開胃鮮甜, 雞肉肉質鮮嫩啖啖肉, 闊面食落爽口, 配上芝士碎食落十分惹味, 份量適中。餐廳座位舒適, 食物美味, 值得再來。

是日黎愉景灣行山. 行之前梗係醫左個肚先. 之前黎過覺得不錯.(原來我上次無打上黎openrice)再加上朋友異口同聲推介呢間. 唔駛揀直接就行過黎.三個人唔敢叫太多. 所以都叫d比較輕量的食品.Zaks Cob Salad 招牌沙律個沙律好多菜. 重有一隻蛋. 個蛋黃重要係剛熟. 十分吸引.Spinach & Ricotta Raviou意大利菠菜芝士雲吞負責叫呢個菜的朋友, 居然唔知意大利雲吞係咁的款.睇落去無咩問題. 但一食落口就好咸. 咸到大家食左一啖就好想放棄.可能本身個菜唔係咁咸, 咸係咸係佢的芝士度.愛吃咸味的可以考慮下叫呢個菜.Porcini Mushroom & Black Truffle Risotto 蘑菇黑松露意大利飯個飯好濃黑松露味. 聞落超香. 食幾口時還讚不絕口. 但越食越咸, 唔知點解, 除左個沙律外, 今日食品都幾咸下. 唔知係廚師重手左. 定係一直都係咁咸.叫左三杯不同的飲品, 我呢杯係Iced Peach Tea,好飲.朋友叫左另一杯Berry之類的飲品.佢話好伏下, 好似飲緊提子藥水. 

第一次入愉景灣，未入前睇OpenRice 已經見到呢間人氣極高既餐廳，十分期待！！一早book左位，不過可能嗰日係平日，基本上間間餐廳都唔駛等位😆我地揀左户外既座位，侍應仲俾幾張都睇到迪士尼煙花既位我地選擇。餐牌有好多選擇，但因為知道份量係好大既，所以都唔敢叫咁多🙈首先係前菜，係燒左少少既呑拿魚，我超！好！味！所有調味都夾得岩岩好，食嗰陣連隔離枱都問我地係咩野黎😆之後當然有芝士薯條，係最喜愛既粗薯😚熱辣辣，正！到主菜喇，係黑松露雜菌焗意大利飯，係好大碟，絕對係兩個人份量🙈我就覺得咸左少少，食到最尾就會覺得太咸。最特別既就係可以遠眺到迪士尼煙花，加埋餐廳情調好，加晒分👍🏻👍🏻👍🏻

今日係個要食個生日飯所以一早搵定邊到有野食啦一早就打定電話BOOK呢間野係諗住睇迪士尼迷你煙花有諗過坐入面因為坐出面又怕熱又怕落雨但老子什麼都不怕最後BOOK照出面既咁由於我BOOK咗8點所以係愉景灣HEA 下HEA下 HEA到8點幾先入去如果太提去都唔知要等幾耐先有迷你煙花睇咁入到去我地點咗個PIZZA 同埋一個煙肉芝士濶條麵咁我地得兩個人 因為碟濶條麵原來都好大碟呀所以我地係食唔晒食到勁飽呀個碟都唔錯幾好味架 PIZZA都整得唔錯 所以食唔晒芝士味幾好咁我仲點咗兩杯野飲都算幾好味既其實由於朋友生日 所以點咗個心太軟既我地只係食咗個雪糕 都冇乜點食 太飽喇叫做好滿足呀

星期日的愉景灣特別熱鬧，碼頭旁的餐廳都請了樂隊來表演，很多外國人，好像去了小旅行，心情很放鬆。今次第二次來到這裡，同樣選了這間餐廳。頭盤叫了招牌沙律，有牛油果，蛋，沙律菜，椒……好大盤，好清新，好好味，配搭得好好之後叫左一杯飲品：波蘿梳打……（點解會有3杯呢？）***其實係上左飲品食哂沙律之後，過左一個鐘主菜仲未上，之後發現原來漏左單。隔左一陣，拎左個pizza泥。但個pizza完全唔熱，上面啲餸乾哂咁咁我就叫店員加反熱俾我，因為pizza凍左好硬……店員一聽到就話唔好意思，話送2杯野俾我地飲住先，然後收走個pizza…呢個就係等左個幾鐘既招牌pizza…熱辣辣好食同樣漏單既仲有呢個麿菇意粉…意粉硬度岩岩好，好食咁岩這時候迪士尼放煙花，蝦先生話係慶祝pizza終於到了哈哈。今次帶左相機，影得好清楚呀！甜品：朱古力布甸，配雪糕岩岩好Happy birthday to me總結：店員態度食物環境都滿意，係慶祝紀念日的好地方

第一次入來愉景灣，環境清幽舒服，見餐廳環境唔錯，就入左去試下，食物質素好好，芝士好香口感又好，而薄餅既海鮮芝士我又好仲意，食左一半已經好飽，一路食野仲有live band演奏，放假係度食野relax訓教一流。係餐廳由天光坐到夜晚先出去行下，都唔會有人等位趕走，因為坐位非常足夠，好適合朋友叫d野食傾下計。係餐廳食夠$120仲可以免費搭船出番去添，好好ga，只係我本身怕搭船所以最後都係決定搭番巴士出去。

今天係老公生日飯，早兩日已經打來訂枱。員工都很友善用英文問想留室內定室外，我選左室外，因為想睇煙花。其實都好大原因因為煙花先訂呢到。我訂左7點枱，當日6點半左右已經到左。餐廳有兩層高，都有好多外藉人士，而員工大部份都係外藉人士。安排我地坐好，我到就點菜，我地兩個人叫左三個餸，墨西哥烤雞肉卷，红菜頭沙律，同埋安格斯牛排。大約半個鐘已上晒餸，份量都相當大份。但紅菜頭沙律我地懷疑staff落錯單，上左另一款比我地，不過味道都唔錯。其實入來愉景灣，個feel 就好似遠離左市區，心情都輕松好多。到8點，可以望到迪士尼放煙花，就一同慶祝老公生日。睇完我地都買單，今餐3餸2杯野飲，共800大元。

今日同朋友一起黎度愉景灣慶祝生日。一早book定枱，講左慶祝生日，係甜品度寫字，俾 surprise 俾個朋友。仲book左坐 outdoor, 可以睇埋個迪士尼煙花。😍夜晚都好多人差不多都full哂喇！安排左坐出面，都好浪漫，每張抬都有小燈。傾計談心一流。👍叫左個招牌沙律，加三文魚。都幾大碟喎！！飯前開胃菜 😁👍岩哂！叫左兩個小食。芝士焗薯皮。 焗到好脆，有埋啲煙肉粒係上面，好有咬口。幾好味！仲有炸大蝦。附有埋泰式辣醬。酸酸甜甜。隻蝦都幾大隻！唔錯！叫埋個野菌意大利飯食👍👍😍好味道。最後上埋個心太軟甜品，寫埋個happy birthday 係隻碟度，點埋蠟燭拎過黎。朋友驚喜滿分 😁👍👍🍸呢餐食得幾開心。價錢又不太貴。食完還可以換免費船飛！ 💓💓

住係香港咁耐第一次去愉景灣，好舒服唔多遊客，仲影左好多靚相。搵地方醫肚，預左係呢度食實係貴又唔飽，而且呢間餐廳仲係係海邊，仲會有live band，又係食西餐，仲要都好大下，D店員又係咁sell我地入去食，睇個menu樣樣百幾二百蚊，就覺得一定係又貴又細份，諗住食完都要再出市區揾野食。點知，D野食勁大碟，絕對唔係平時TST西餐既份量~ 自問我地兩位都係幾大食既人，平時一餐西餐就唔係好食得飽~ 但今次食到要打包拎走tim~1. 意粉，好大碟，尼到個陣實在O左咀! 好多汁，多到浸意粉，好濃味，好食，都幾多魷魚嫁~(基本上食左半碟都有D飽)2. PIZZA，都相當大份，但都係講緊百幾二百蚊，熱辣辣脆卜卜個底好好味!3. 芝士肉醬薯條個人就認為三樣最好食係呢樣，首先因為本人好中意食薯條，佢個芝士肉醬焗唔算好"漏"，不過因為係最後先到既菜式，實在食唔落了!! 薯條又粗又熱辣辣又脆，入面好多薯仔，唔係空心嫁~食完之後好滿足，以為會餓住走，點知仲打包左半份薯條同2/3pizza走! 之後一路去影相一路食，仲拎埋番屋企做宵夜，下次再尼愉景灣都會再食! 其實特登走入尼食都仲抵過係尖沙咀中環食~

十月尾除左係哈囉喂之外，亦都係德國啤酒節，香港有好多德國餐廳都有嚮應依個節日。🍻小妹最鐘意就係Discovery Bay, 今次就入左去𥚃面Zak's 依間德國餐廳幫襯下。🍺🍺▫️餐廳面向沙灘，景色非常怡人。餐廳𥚃面有好多外國客人，感覺尤如係異國。海風微微吹送，簡直好似出左埠咁。🛫▫️講返啤酒節，最近佢地推出左好多Beer Festival Food Combo，例如Sausage Platter（德國腸併盤）🍖，Jagerschnitzel (磨菇汁炸豬扒)🍗，Salted Pretzel (德國結麵包）🥐等⋯。除此之外，惠顧任何德國節食品，都可以$40換一杯德國啤，$75第二杯。另外，只要你order兩杯啤酒，就會送你德國啤酒帽，真係好多優惠。🤑🤑👍🏻