ZAKS (已結業)

大年初一，祝大家身體健康，豐衣足食。今年想靜靜地過年，所以選擇一家人走入愉景灣，對於我嚟講，有三十幾年未入過嚟，估唔到宜家變化咁大。當然入嚟前，做晒 research，坐咩車，邊度有好嘢食等等。今晚就食好啲，選咗呢間食西餐既 Zaks。四個人叫咗個沙律，一個 Pizza，半隻 Zaks 燒雞，三杯啤酒，坐係度望住個海，真係寫意。呢餐飽飽埋單都係 $720，有咁正既景，咁舒服既環境，咁好食既食物，呢個價值得。強烈推介，燒雞，就連好咀刁既外母都話好食。