Yamm

营业中

休息中

在美麗華酒店Yamm的一晚， 明顯地我就是海鮮腔和甜品腔，Yamm 在食物質素方面一向都不會令我失望！ 招牌的波士頓龍蝦，鱈場蟹腳，即開生蠔就一定冇得輸。七月和八月的晚市buffet以鵝肝和鮑魚為主題，正好讓我寵幸一下我的腸胃。 鮑魚配紅椰菜橘子沙律 這個配搭有點奇怪，鮑魚亦都有點細粒。 此外還有清酒冰鎮鮑魚，陳皮薑絲蒸鮑魚，鮑魚海鮮拉麵，鮑魚鐵板燒，香煎鮑魚香芒加州卷 等，如果你愛食鮑魚的話就一定要來試試。 除了主題菜式外各式甜品亦都做得非常之好，啱曬我呢一個甜品控！

今次驚喜是‘‘鮑魚‘‘主題自助餐， 唔係要你好刀叉去切鮑魚，而係鮑魚都可以整出好多款食菜式，有西式鮑魚沙律， 和風鮑魚前菜，燒鮑魚，鮑魚海鮮炒飯，陳皮蒸鮑魚.....喂呀! 我真係記唔哂。點解可以有鮑魚嘅配搭! (我只影得2張相，因為手機無電)因為約左一班‘‘always late‘‘ 和‘‘唔願放工‘‘的朋友，只可以食自助餐來平衡自己對他們的‘‘忍耐力‘‘。Yamm壽司和甜品杯每次絕對有信心保證，唔洗特別提。龍蝦海鮮冷盤，從來不會失望，真係食唔切。鹹蛋蟹粥 oh my god ! 我今次又食左2大碗，好鮮甜。空間感真係好舒服，樓底夠高。可惜，真有點暗，散光既我勉強看得不太清楚。如果整個座位區域可以燈光亮點比較好。太暗環境，有點食飽就眼瞓....,..

星期一放工約左男朋友食buffet, 揀左一輪終於揀到位於Mira 既Yamm, 今次係第一次食，之前聽人講話質素OK既都。Book 左19:15, 尼到時幾乎坐滿晒，平日都好爆喎。座位方面我地坐左近oyster bar 既梳化位，同隔離枱既位都好鬆動，坐得幾舒服，另外一邊人比較多，所以會嘈D。沙律吧都有幾款沙律比你揀，但我都係揀返Caesar Salad, 沙律醬都有8款，自己可以加返bacon, cheese, croutons.湯方面，一款中一款西，我呢個係西湯既椰菜花忌廉湯，同普遍忌廉湯分別不大。男朋友拎左海鮮吧既龍蝦，肉質都幾好，膏都有既。生蠔偏細隻既，味道都麻麻地。Assorted Cheese 有5款左右，可以選擇夾餅食。Mini Baguette 較硬身，不過細細舊都OK唔太飽。赤蝦刺身肉質新鮮爽口，推介!印度雞肉咖哩角，外皮好好食，但雞肉同青豆餡有少少乾。煙肉魚肉卷，個配搭幾新穎，魚肉都幾滑冇骨既。任飲有士多啤梨伯爵茶同Mira Punch,另外每人包一杯咖啡或茶。刺身雖然係即切, 但只一般貨色。燒腩仔可能凍左，皮已經唔脆。牛肉唔錯，調味選擇比較多，Mustard 有

從來食好西😋就係我積極工作💪嘅原動力，是晚孖住靚女同事再出動，也順道慶祝壽星女生日🎂呢。係芸芸衆多酒店buffet之中，聽講Yamm-The Mira 出名好食😋，反正我倆都未食過呢間buffet，就去試試吧。我哋準時放工嚟到餐廳，甫入座部長即時為我倆介紹及講解今晚嘅主題：鮑魚與鵝肝，服務相當稱心！冷盤呢度嘅海鮮真係好，完全係食過番尋味。尤其係波士頓龍蝦及長腳蟹，前者蝦膏盡現，飽滿嘅肉又新鮮彈牙，小妹一口氣就KO咗3隻半了。後者肉質結實超juicy，嗰種超鮮甜味，令人一吃難忘。翡翠螺大大隻，十分爽脆。凍蝦亦非常爽口。青口有鮮味。蜆比較細隻又無味。即閞生蠔，要排隊攞，唔使急反正實有refill，我哋等人龍漸散先攞，每人配給三隻，口感滑嫩但略帶苦澀味，唔係咁啱我倆口味，認真三隻夠晒數。熱盤香煎鵝肝伴薯蓉紅莓醬，鵝肝外焦裏嫩，入口即化，濃郁甘甜而不膩，第一次食到咁嘅鵝肝啊。花膠鴨掌燴時蔬，花膠軟腍入味，但要早啲攞，因為無refill花膠 ，錯過咗頭輪嘅話，就只剩下鴨掌了。除咗花膠受歡迎之外，清蒸龍躉亦都係最快沽清，小妹也只能吃到少少滑溜魚肉。西冷牛扒，肉味濃郁，有嚼勁。燒羊架，肉質軟嫩，羊羶

부페!! 👨‍🍳👩‍🍳한국에선 결혼식이나 돌잔치때 이용하는 부페!! 하지만 홍콩의 부페는 한국보단 음식 종류가 적은것 같지만 양보단 질이 대단하다고 생각 합니다.👯‍♀️👯‍♂️침사추이 미라몰 옆 미라 호텔에 위치한 이 음식점은 들어갈때 부터 인테리어가 있어 보이는 그런!! 느낌 역시 미라호텔의 부속 음식점이라!! ㅎㅎㅎ🍽🍽🍽이 음식점은 대체적으로 해산물이 종류가 좋습니다.🐙🦑🦐🦀🐡🐬🐟🐠홍합 조개 새우 굴 대게까지!! 굉장히 싱싱한 합니다.그외 음식 메뉴엔 홍콩식 일본식 서양식 태국식 인도식 이렇게 다양한 음식종류들이 있습니다🇭🇰🇯🇵🇺🇸🇹🇭🇮🇳저는 그중에 바로 잡아 열어주는 굴이!! 굉장히 싱상해서 좋았고 마지막 디져트에 아이스크림이!! 퀄리티가 좋았습니다

本人對食物要求都幾高，但YAMM絕對無令我失望。食個時做緊以龍蝦主題，有好多款可同選擇既龍蝦。有急凍同熟食都有，仲要係十分之新鮮。啖啖肉又鮮甜，佢不停REFILL，吾怕比人搶哂，慢慢食都吾怕。我成家人一人拎左2大碟滿哂既龍蝦番去慢慢拆，大家都有讚無彈。除左龍蝦，佢仲有長腳蟹同蟹粥，長腳蟹又係好甜好甜。蟹粥又係有驚喜，D粥入面有好多蟹膏，而家諗起都流口水.哈哈。性價比高.值得一去!!!!

本以為座無虛席,但不知是否因為天雨的關係, 竟然有半數的枱是沒人坐的。侍應的服務態度很好,有笑容。海鮮都算新鮮,翡翠螺和蜆特別好吃,蝦甜美芝士香濃紅菜頭包好乾好難吞,芒果酥皮撻個皮雖不夠脆,但也好吃，芒果新鮮。沙律菜新鮮爽脆,菠蘿有鮮味,蜜瓜無味,火腿肥瘦適中鯛魚ok,吞拿魚不新鮮,魷魚壽司的骰,一口可以吞下,子薑爽脆清甜燒雞翼和秋刀魚一般各款肉類不錯多款印度美食,咖哩薄餅好吸引香口,雜菜咖哩角不好吃過氣。菠蘿串加芝士特別,豬肉配鴨肝食整塊有些膩,番茄多士款式新穎,多士不脆但味道不錯,橙蕃茄紅菜頭新鮮多汁。各類漬物一般,我本想試支豆,但有個女仔全掃支豆,仲要一條都不留給我,失望。一口和牛粒過韌,咖哩秋葵有些奇怪,清酒煮蜆沒有酒味道。仲有即炒意粉,煮粉麵,中式燒味,點心...... 炸蝦天婦羅炸得不錯,不會成口油,龍蝦漢堡的龍蝦味不夠肉有點實,芒果牛角酥吃不出芒果味, 浪費了我胃空間。除了有1杯餐茶外,還有這款Yamm Punch。輪到最精彩的部份-甜品我有兩個胃也沒用,只能夠試數件甜品。 有很多其他獨特嘅甜品我都要被迫放棄。 宇治紅豆綠茶杯,將配料混在一起好味,乳酪很新鮮,很潔,紅豆綠

我自問對食物要求都幾高，但呢間buffet 真係可以一試 ,超多選擇，因為太興奮嘅關係最後影左兩張相就唔記得影啦。推介👍🏻龍蝦同生蠔都好新鮮好味，仲要值得一讚，生蠔每次即開會比三隻唔同款嘅你，你想一次過拎多幾隻都得，冇話限你一次只可拎幾多隻。甜品都有超多選擇，竟然有斑蘭蛋糕，味道超香。唯一唔好嘅係只包一杯飲品，而出面自己拎有兩款野飲（蜜桃綠茶/fruit punch)不過我覺得味道一般。我地星期四食$668+10% 不過用AE 卡有85折，而白金hangseng/HSBC 9折。

同兩位母親慶祝母親節，咁啱佢地都係crab lovers，Yamm今期做嘅蟹主題dinner buffet就啱晒口味！！為左係咁椅慳番少少，揀左平日夜晚黎食感覺已經抵食左全場有多款以蟹入饌嘅美食，由一般buffet都有嘅凍食蟹腳、蟹棒壽司，到清蒸蟹腳、新加玻胡椒蟹、焗蟹蓋芝士蟹肉飯、鵝肝伴蟹肉薯蓉等等，都好高水準，就連兩位擅長煮蟹同食蟹嘅媽媽都讚不絕口！！（由於掛住食嘅關係，有蟹嘅食物只係影左蟹腳😅）除左蟹，生蠔都好好食，其中一位媽媽平時唔食生蠔因為怕腥，喺呢度都食左半打，因為呢度嘅生蠔完全冇腥味，只有好正嘅鮮味！！順帶一提，第一次黎食Yamm，開蠔嘅師傅好堅持要客人攞隻新碟裝住生蠔，因為想分開生熟食物以防交叉感染，值得一讚至於其他熟食同甜品，水準都好高，基本上我地每食一樣野都覺得好好食，可能因為我地都有好幾年冇食buffet，今次真係回味無窮！！

自助餐食到好飽飽，呢間人人都話好好食，海鮮新鮮又選擇多。一去到坐低就好開心咁巡視下有咩食，最吸睛係龍蝦同長腳蟹呢啲海鮮果然不錯，龍蝦肉爽，長腳蟹唔知係咪唔係時令呢，反而無咁多肉， 翡翠螺都好多肉。刺身都好多選擇，記得拎帶子，因為係一啲小碗上的，要注意喔。其他熟食，水準不俗，值得一提係個蛋白蒸蟹殼，內好似有蟹膏、海膽，混合黎食味道不錯。大家記得留肚食甜品， 精緻又好食，每樣都係小細細件，適合貪吃既我，每樣都試下食埋雪糕好滿足，捧住個肚走

朋友仔第一次話食豪d..不如食yamm自助餐啦！等左成個月終於黎到e日......一黎到....行左個圈....第一次連相都唔影就食...唔好以為好精彩....我地一行三人邊食邊講....（普通過唔普通）（一d都唔值700蚊一餐）（從前既yamm 去左邊）（好失望）(食放題好過食佢）（唔會再黎yamm）（blacklist)

今日趁住同老婆都放假，就同老婆去食餐豪啲嘅所以去左美麗華酒店食自助餐一去到，就梗係向啲海鮮埋手啦又有青口、龍蝦、長腳蟹、生蠔等熱食都有好多唔同選擇、中、西、日、印度嘅熱食都有仲有龍蝦湯，真係有龍蝦肉架不過份量就唔多，都唔知係唔係俾人「不」曬啲肉甜品方面有Movenpick雪糕、仲有好多甜品糕點食完咁多野食，再食返幾舊生果由於我地去果日係星期日，其實都要差唔多$800一位架，不過有部份信用卡就有折嘅！咁都無咁肉痛

一直聽聞Yamm嘅自助餐好食，但依間餐廳少有discount,對於知慳識檢嘅少奶黎講，真係唔想用咁多錢食Lunch...終於book到今日信用卡優惠...四月主題係喜極泰來，泰式主題+印度食品，有沙嗲，海南雞飯，冬陰功湯麵，泰式咖喱麵。。。當然，壽司，刺身都有。。。仲有牛扒，龍蝦漢堡，海鮮等等。。。老實講，熟食一般，冇一樣特別印象深刻，反而我至愛嘅甜品，有驚喜。。。Tiramisu好味，有lady finger係入面，有酒味，但唔會太濃，唔會太甜。另外，配合泰式主題，有冬陰功蛋糕，味道真係好似冬陰功，不過唔會酸，都唔會辣，好得意，好搞笑，可以一試。。。班蘭waffle + movenpick雪糕嘅組合絕對係冇得輸仲有一杯綠色嘅果汁。。。遠睇以為係五青汁，但原來是mixed fruit juice, 味道都唔錯，似橙汁，因為佢主要成份係橙汁呢總結，正價價錢3百幾蚊就唔抵食啦~如果有信用卡優惠~買一送一就可以一試。。。

每個國家，都有屬於自己的節日，適逢泰國潑水節，The Mira 內的自助餐殿堂 Yamm，在泰國政府旅遊局及美麗華旅遊支持下，第四年主辦泰國盛宴；今年主題是喜極「泰」來，更聯合曼谷素凱泰酒店，呈獻地道的泰式美食！ 泰國菜一向是自己鍾情的菜色之一，平日都經常光顧不同的餐廳，但人數太少，想食多幾款都好難，今次可以一次過品嚐幾十款由大廚精挑細選的菜色，自然食指大動。 頭4天的盛宴 (4月11日至14日)，會由來自泰國的主廚 Rossarin （Rin）Sriprathum 及Yamm泰籍主廚Danita Srisuwan聯手打造，各自呈獻不同的菜色。 By Chef Rin from Thai 泰式鮮蝦炒脆米粉 份量恰到好處，一口一件，口感特別。 香辣椰汁烤大蝦沙律 Celadon餐廳內深受歡迎的經典菜色，清新爽朗，蝦肉彈牙，但入口一陣辛勁，要小心。 泰式酸辣蝦湯﹝冬蔭功﹞ 泰國菜的名物，沒有人不知，每碗都是即煮，原隻大蝦肉質鮮甜，但要小心，大廚忠於原味，辣勁可不是一般人能接受的。 鱈魚海底椰黃咖喱 源於大廚的童年回憶，

農曆新年到現在，已有段時間無和家人午餐了，今日剛好大家有空，便到這裡共享自助午餐！佢哋有唔同的主題，今次係泰國菜式，在這為大家介紹一下吧今期主題 < 喜極泰來 >精選冷盤冰凍鮮海鮮區，不會偏咸而且海鮮新鮮爽口這個漢堡用上了龍蝦用做的蝦肉餅，好香每啖啖都是龍蝦今次有好多泰式甜點由於太多選擇及相片，只好簡化推介食評！前菜有沙律選擇，多款時令蔬菜水果令人食欲大增，其中大蝦沙律同墨西哥脆餅伴牛油果醬真的吃了兩三回串燒沙嗲的牛肉比較硬點，但雞肉則比較嫩滑！沙嗲醬很香濃，不錯日式刺身中的是有金䱽魚，今次是用芝麻醬汁漬物！好香芝麻同沒有魚的鯹味龍蝦鉗非常多肉又大隻，很鮮甜甜品種類繁多，其中的曲奇是由綠茶做，綠茶味香濃及曲奇軟軟的，每次我也會伴茶吃！真的很好的曲奇最尾的餐飲，我就選了breakfast tea with milk 真的是甜品配此熱茶一流！在午餐中有自助共應一款賓治，味道酸甜開胃整體來說：服務員安排坐位很好，是我預訂的理想位置，加水及叫餐飲也很有禮又快速，食物水準保持溫熱及整齊衛生！環境舒適，只係人流多的時候比較吵閙一點！甜品雪糕水果選擇很多，真的預留多d空間吃甜點