YAKINIKU KAKURA (黃埔天地聚寶坊)

营业中

休息中

Yakiniku kakura 位於黃埔臨近年尾 當然要對自己好啲而且有午餐 內裏環境清潔 唔會油淋淋 又唔會一陣味 座位之間 唔會擠迫 亦有private QR code落單 嘢食好快就送上 套餐包 海帶湯 沙律 前菜 白飯 飲品 醬汁黑毛和牛大判燒盛合$368大判燒A4和牛西冷 必食 職員會幫手燒 而且會問幾成熟 和真係不同凡響 軟熟得黎又好易咬開 沾上蛋漿 又滑又滿足和牛裏腹小排 脂肪分布同樣平均 燒後仍然保持肉汁和牛背末脊肉 脂肪分布比前兩組小 但牛味濃美國穀飼牛盛合 $198牛板腱肉/腹前小排兩種肉類用醬汁醃好 所以個人覺得已經好夠味雖然肉類脂肪唔算好多 但係入口唔會鞋颯颯 唔會乾飯後甜品 杏仁布甸 迷你雪米糍啲餐真係好滿足 總括嚟講 呢間燒肉好值得食 職員友有禮貌 燒烤盤即叫即換

最愛嘅燒肉店，唔止燒肉，其他日式/韓式料理都超正。🔹腹前小排有厚度多肉汁，喺和牛嚟講唔算油膩。🔹大判燒！黑毛和牛西冷軟嫩又有滿滿油香。加埋蛋汁食特別滑。🔹冷麵麵條特別彈牙，湯汁冰凍而且味道酸甜開胃，仲有少少麻油香。🔹海老四隻大大隻，特別鮮甜彈牙。🔹宮崎黑毛豚香腸好重煙燻香又唔會太鹹。🔹帆立貝彈牙而且索晒牛油香。🔹海鮮泡菜湯酸酸地好開胃，同冷麵一樣有好香麻油味。🔹豆腐沙律爽脆嘅生菜加埋豆腐、紫菜，再淋上芝麻醬。係繼冷麵後另一解膩神器。🔹牛油男爵薯薯仔用牛油燒到外脆內軟。🔹火炙黑毛和牛壽司盛海膽多汁嘅和牛加埋海膽，好有鮮味好滿足！會再嚟食飯😍

聖誕將至，約咗朋友中午去黃埔食飯兼買聖誕禮物，經過黃埔天地聚寶坊，YAKINIKU KAKURA 剛剛開門，決定喺到食個午餐，店內已作聖誕佈置增添氣氛，我們選咗兩個燒肉餐再追加一點食物。黑毛和牛大判燒係必食，牛肉肥瘦比例啱啱好，油脂分布均勻，牛肉味同油香係恰到好處，而且非常嫩滑，隨餐奉上溫泉蛋混牛肉食更嫩滑。牛板腱肉都好軟，就係脂肪較少。海鮮盛盒有兩隻大蝦、6片魷魚、4粒帶子好豐富，大蝦爽口鮮甜。魷魚好大塊，同樣有彈性，燒到微微焦啲海鮮味突出，牛油帶子都算大粒，用錫紙盆加牛油燒最好不過。和牛腹柳小排，比較厚切脂肪比較唔錯，有牛味有口感。黑毛豚無骨小排，油脂好豐富，一燒已經增加火勢，直接接觸到火焰，燒得更香仲有焦脆風味。燒肉餐另跟米飯、沙律、海帶湯、小食同飲品，餐後仲有甜品送，係杏仁豆腐同雪糕泡芙，應有盡有，朋友都食得好滿意。

同朋友一齊嚟咗呢間日式燒烤店食燒烤🤣$148「活鰻魚」：大大一件超級厚肉，一邊係鰻魚皮一邊係鰻魚肉，咁我嘗試運用技巧慢慢燒，餐廳仲提供咗一兜蒲燒汁，大約80%燒好嘅時候我就開始一層一層咁塗上蒲燒汁🤣，成品係好厚肉夠鮮味甜甜哋嘅燒鰻魚，好食🤣$78「帆立貝」：用個錫紙兜裝住，應該連錫紙兜成兜燒，不過朋友將帶子夾出嚟放喺龜背度燒，一樣好味🤣$68「野菜拼盤」：有粟米、南瓜、花菇洋蔥圈，全部都新鮮，幾好味🤣$78「KAKURA沙律🥗」：材料應該有 生菜、韓式泡菜、紅椰菜、罐頭吞拿魚、芫荽蔥、蛋黃醬 等，全部一齊食幾清新🤣$58「凱撒沙律」：沙律菜新鮮再加隻溫泉蛋🤣$178「大判燒！黑毛和牛西冷」：「黑毛和牛西冷」薄切大大一片，店長哥哥幫我哋燒，睇得出有啲啲技巧，店長哥哥鉗住塊「黑毛和牛西冷」喺火爐上邊快速捲埋來回移動又再打番開片「西冷」然後繼續快速移動然後快速重複以上動作，咁大約15多秒就燒好，然後將「和牛西冷」放落有一個小碗裏邊有溫泉蛋同醬油，咁就食得🤣，「大判燒！黑毛和牛西冷」肉質非常軟熟又好牛味同埋夠滑🤣$88「黑毛豚無骨小排」：「無骨小排」外表好似「五花腩」，大約 60%瘦肉40%脂

黑毛豚盛盒 $148 Lunch😍平日有時都會吃燒肉🥓，今次在紅磡找了一間性價比高的燒肉餐廳午膳。環境很不錯，每枱有足夠的空間放置食物。午市定食五線包含了前菜，沙律，主菜，白飯，飲品，湯及甜品。😋燒肉肉質新鮮可口，燒熟了不用沾上任何的調味醬汁仍然覺得非常好吃。當然沾了調味醬汁也別有一番風味。🤤最後的甜品才是重點，杏仁奶凍，不太甜又滿滿的杏仁香味。再一口冰凍的雪糕糯米糍，為午餐造了一個完美的句號。🤩#小數怕長計 #慳家 #優惠 #著數 #小師奶 #美食

間佐賀人氣燒肉店喺香港有多間分店，今次約咗朋友去黃埔分店，因為地點方便，黃埔地鐵站一出就到🚇。店內座位寬敞，岩哂同朋友聚餐👍🏻。由於我同朋友都係食肉獸既關係，我地叫左好多碟肉~大判燒！黑毛和牛西冷🥩👍🏻極力推介❗️雪花分佈均勻，油脂豐富，配埋生雞蛋，味道超級好。店員仲會主動幫你燒，確保唔浪費塊靚肉🔥。黑毛和牛上嫩肩里肉、黑毛和牛腹柳小排兩款都非常嫩滑，燒完有濃郁嘅牛油脂香味，建議用生菜包住食🥬，可以中和返啲油膩感。塩味牛舌厚薄適中，唔會太韌，口感一流海鮮拼盤包括帶子、大蝦同魷魚，新鮮彈牙，海鮮控必點除左燒肉外我地仲叫左一碗小冷麵同埋豆腐沙律。小冷麵細細碗份量岩岩好，而且凍凍地既清爽得黎又唔肥膩。另外豆腐沙律亦都唔錯，麻醬配豆腐沙律菜，味道好夾最後就梗係唔小得飲品同甜品啦，飲品叫左白桃乳酸梳打🍑酸酸甜甜好好飲，而甜品係免費送既，有杏仁布甸同埋雪米糍呢間燒肉舖真心中意，耐唔耐都會去食吓😋✨

餐廳：YAKINIKU KAKURA地點：紅磡黃埔天地聚寶坊菜式：來自佐賀既日式燒肉，賣點係由日本直運九州產既A5黑毛和牛。餐牌：午市有燒肉定食，可以選唔同肉類組合12選1，配白飯，沙律，餐湯，小食，甜品，餐飲。另外都有8款午餐定食。落單掃QR code。黑毛和牛大判燒拼US牛板腱肉 $258 另加一招牌黑毛和牛大判燒係一大塊薄切黑毛和牛西冷，全塊燒好快食得，同溫泉蛋一齊食可降溫同有壽喜燒風味。和牛西冷算嫩口，個燒肉汁真係好好味。US牛板腱肉一客4片，夠厚身又嫩口，口感唔錯啖啖肉。伴有四片南瓜。牛舌盛合 $148 另加一牛舌盛合有鹽味牛舌5片同蔥鹽味牛舌5片，牛舌夠厚身又彈牙，鹹香十足。蔥鹽味牛舌就加左蔥花，另上京蔥條同檸檬，味道唔會太鹹，已經好夠味。 每個餐可以追加一款燒肉，價錢唔貴。US牛腹柳小排 加$58 另加一腹柳小排一客四片，唔會太肥，但係都好易咬開，口感好好，呢個價錢超抵食。餐配白飯，沙律，餐湯，小食，甜品，好豐富。沙律係沙律雜菜加車厘茄，加上少少酸汁調味。小食係辣青瓜條。白飯分量唔會太多，好有米香又有口感，送燒肉一流。餐湯係昆布湯，加有蔥花同白芝麻粒，味道都唔錯，唔會太鹹

上星期去Yakiniku kakura 沙田分店食過，佢嘅大判燒簡直係令人念念不忘😍今日經過黃埔見到有分店即刻同朋友入去嘆返個優質午餐😂佢哋嘅午餐好豐富， 百幾蚊起有多款燒肉海鮮嘅套餐選擇， 套餐仲包括有沙律，餐湯，小食，甜品， 飲品添👍。我哋叫咗個黑毛和牛大判燒拼us牛板腱肉餐， 海鮮盛盒， US牛腹柳小排，日本蠔同冷麵。佢哋嘅黑毛和牛大判燒真心正， 油脂豐盈入口即溶, 加上溫泉蛋汁一齊食更加嫩滑。US牛腹柳小排油脂更豐富，燒烤後油香撲鼻， 加上特製醬汁更添美味。海鮮新鮮甜美，盛盒入面嘅阿根廷紅蝦大大隻，啖啖肉， 加上海鮮上面灑咗海鹽調味，更能帶出每款海鮮嘅鮮味 👍冷麵又係必叫之選，佢哋嘅冷麵配料豐富 ，麵質爽口彈牙 ，酸酸甜甜好醒胃❤️套餐入面嘅甜品亦絕不馬虎，每份都有兩款甜品， 杏仁奶凍同雪米糍，杏仁奶凍清香嫩滑唔會太甜 好啱我👍

好友最喜愛食牛肉，今晚特意去位於紅磡黃埔天地聚寶坊（第11期）地下G1及G3號舖的 YAKINIKU KAKURA 食晚餐，環境舒適，坐得舒服。我和好友點左個 大判燒（黑毛和牛西冷） $178，Omakase Course每位 $398(二人起)： Omakase 沙律，泡菜三點盛，鹽味盛：鹽味上牛舌，葱鹽味若雞，海老（2尾）；燒肉汁盛：特上牛胸腹肉，黑毛和牛精選2款，野菜，牛板腱肉；石燒雞肉泡菜鍋飯，海澡湯，甜品。另外點左份生菜 $28。整體黎講係材料新鮮，店長代燒5成熟的黑毛和牛西冷十分好味，牛味香濃；用生菜夾著燒肉來食，好滋味！

每逢想食燒肉嘅時候，都會想起「YAKINIKU KAKURA」。朋友屋企附近就有這家分店，我倆便齊齊大吃一番。😋是日選擇：🥩大判燒！黑毛和牛西冷 🍽大判燒海外限定，店員奉上後，會幫忙處理。黑毛和牛西冷大大塊，色澤粉嫩，油脂均勻分佈，沾上蛋漿，入口更滑嫩，回味無窮。 🥩火炙黑毛和牛壽司🍽入口甘香，和牛味道濃郁。 🥩活鰻魚 🍽肉質厚身，質感彈牙，魚皮焦香，最後擦上甜甜的醬汁，啖啖肉，很香口。 🥩黑毛豚脛肉 🍽有嚼口，肥瘦均勻又爽口。 🥩黑毛和牛腹柳小排 🍽肉質細緻，如醬汁可以少一點點，那會更美味。 🥩日本產雞肉拼盤 🍽三款不同部位，味道獨特，各有特色。 🥩若鷄雞脛柳 🍽雞味濃郁，口感彼為特別。 🥩牛油男爵薯 🍽馬鈴薯吸收了牛油味道，很香甜。 🥩帆立貝 🍽肉身豐厚，味道鮮甜。 🥩日本蠔 🍽細細粒，新鮮，沒有腥味。 🥩青森蘋果乳酸梳打、巨峰提子乳酸梳打 🍽青森蘋果、巨峰提子的香甜果香味，酸酸甜甜，好好飲！ 🥩甜品 🍽奉送杏仁豆腐及雪糕糯米糍，滿足的一餐！

《YAKINIKU KAKURA - 紅磡》呢排狂食燒肉🥴上星期同Pu媽 @pu.pu.purinn 收咗工去黃埔花園飲杯嘢順便食飯，由於我哋兩個都係燒肉愛好者，所以我就推薦佢去呢一間我成日都幫襯嘅燒肉店試吓佢哋嘅牛腸👍🏻咁多間分店入面其實我最鍾意黃埔呢一間，成個餐廳嘅感覺好有私隱度同埋更有日式嘅氛圍感🥰連日本通嘅Pu媽都話冇介紹錯💁🏻‍♀️檸檬威士忌梳打 $58我既最愛，呢度既價格唔算貴，威士忌既濃度飲落都幾高，飲一杯已經hyper hyper 啦😜啱晒我呢啲酒鬼，加入咗檸檬嘅清爽，用嚟送燒肉最好不過💁🏻‍♀️Suntory 生啤 $48生啤呢一個價錢真係唔貴㗎，同埋佢係1 pint 嘅價格，抵過出去酒吧飲💁🏻‍♀️大判燒！黑毛和牛西冷 $178每次介紹朋友都一定會叫呢一款和牛西冷，食落焦香有油花，點埋溫泉玉子嘅蛋汁一齊食特別滋味，我個人推薦至五成熟就剛剛好啦👍🏻💁🏻‍♀️日本蠔 $38呢一個蠔一客兩件，用蒜蓉牛油烹調，成個錫紙兜放入個網度燒滾就食得，蠔肉都幾鮮甜同大粒😍 $38幾抵食💁🏻‍♀️鹽燒牛舌 $98喺厚牛舌同薄牛舌之間揀，最後今次都係揀咗食薄嘅鹽燒牛舌，烤牛舌當然係食佢嘅軟嫩同埋口

今日去開黃埔隻大船度行AEON🛳️，買完野見到附近有我地一家好鍾意食既燒肉店，都好耐無去過，今次二話不說就即刻入去食飯。✨大判燒和牛西冷✨基本上每次去都必點的肉，一塊就夠哂👍。今次我地識玩，知道呢塊靚肉可以叫店員燒，今次就請佢地幫手🥰，廢事我地自己燒得唔好啦。佢地熟手，熟度岩岩好。入口同樣都係油份豐富，但同樣有肉味，點埋蛋汁就好正🥚。✨鹽味牛舌心✨今次我地點左鹽味，因為汁煮好易燒燶🤣，發現鹽味就最好。牛舌心咬落去脆口🤩，有牛油香，呢個又係必點的。✨雞肉拼盤✨🐔佢地既雞肉我地覺得幾抵食，一來份量唔錯，二來唔係平時食開既雞味，味道獨特。最特別係雞肉就算燒好耐(驚唔熟)，但係都依然好爽彈，食落去都係好有風味，推介大家都點黎試下。呢間我地成日幫襯，都已經算係食堂了😜。佢地呢間特別在個抽風幾唔錯，我地食完行出黎都無肉味。推介大家經過黎試下。地址：紅磡黃埔天地聚寶坊(第11期)地下G1及G3號舖@YAKINIKU KAKURA (黃埔天地聚寶坊) @YAKINIKU KAKURA @chillchill_aloye #黃埔美食#日式燒肉#拍拖好去處

呢排天氣轉涼，又係食燒肉的好時機，相約朋友來到位於黃埔的美食集中地，Yakiniku Kakura💗這間燒肉店非常高質，交通方便，環境舒適👍🏻大判燒！黑毛和牛西冷，這個是這間餐廳的必點菜式，黑毛和牛肉質鮮嫩，雪花比例非常漂亮，而且店員會按照你的要求去燒，五成熟就啱啱好，加上日本無菌蛋，香滑美味🫶🏻除此之外，我哋亦叫咗蔥塩味牛舌，腹前小排，特上牛胸腹肉，若鶏雞脛柳 😋不能不讚，所有的燒肉肉質都非常好，牛肉肉味重，脂肪比例好，簡單一燒已經好好食👍🏻雞脛柳燒完都好嫩滑，同朋友都食到好開心😌食燒肉點少得梳打，叫咗巨峰提子乳酸梳打同埋白桃乳酸梳打，冰冰涼涼，解渴一流👍🏻之後叫一個暖笠笠的辣牛肉湯，用料足，有雞蛋，菇菌，昆布，牛肉片，辣辣地非常鮮味🤤最後以杏仁豆腐同埋雪糕糯米糍作結束，非常滿足🫶🏻

「泡菜三點盛」🥬一碟有齊酸蘿蔔、泡菜、青瓜，蘿蔔青瓜爽脆🥒，比想像中大碟，味道唔會太酸及太咸，好開胃🤤，個人應為必點item！「Kakura沙律」🥗新鮮、美味、舐舐脷⁠「大判燒！黑毛和牛西冷」🥩店員推介此為必食item, 果然無介紹錯，你哋過到嚟一定要Order, 此大判燒會由店員跟據客人生熟程度喜好親自為大家烤燒，烤肉質及脂肪比例無敵匹配，唔識形容烤牛有嗰種烤肉香味，加上牛我肉汁，一個字「正」「黑毛和牛腹柳小排」🐮好美味，都係嗰句，由於肉質同脂肪比倒得好，好Juice, 好好味，食左兩碟，仲想叫多碟🤣🤣 「Kakura牛肉飯」🍚熱辣辣烤牛肉配上洋蔥🧅同流心蛋，撈勻食，超好味「三得利優質麥芽啤酒」🍻食咁好味嘅燒肉，點少得啤酒助慶呀「梅枝酒造乳酪酒（含果肉）可選配冰或梳打水」🍶Order時有D擔心會好甜，選左配梳打水，味道啱啱好，淺嘗美酒🍷，好relax 😌

黃埔必食燒肉店餐廳以木系裝潢，和風滿滿，而且抽氣系統亦十分好，用餐後衣物亦不會留有油煙的感覺。餐目多元化，除了和牛、豬、雞同海鮮外，亦有新鮮蔬菜、飯和湯品，各適其適大判燒！黑毛和牛西冷必食精選！油脂分佈平均，肉嫩多汁，牛味濃郁，沾上秘製醬汁，格外好吃，令人一試難忘活鰻魚海鮮拼盤打卡必點，非常高質！活鰻魚相當巨型，肥美肉厚，魚肉非常新鮮且色澤光鮮雪白，店員會替你服務，替你燒活鰻魚，燒過後外皮香脆，內裏肉質彈牙，油脂豐富，令人齒頰留香若鷄雞腿雞腿肉嫩滑無比，雞味香濃，彈牙爽滑黑毛豚脛肉必吃黑毛豚肉，口感嫩滑，消燒香口惹味，沾上秘製醬汁，讚杏仁奶凍配糯米糍雪糕 奶凍好香滑，杏仁味超濃，滿足！Yakiniku Kakura(黃埔)📍紅磡黃埔天地聚寶坊(第11期)地下G1及G3號舖