YAKINIKU KAKURA (黃埔天地聚寶坊)

营业中

休息中

今日約咗朋友喺黃埔食晚餐，本來諗住食壽司，但係經過聞到好香嘅燒肉味，就決定即刻衝入嚟，剛好有位，真係大滿足！呢度裝修都行深色路線，感覺都幾高級，唔會好大浸煙味，落單更梗係選用QR code， 十分方便！我哋睇咗一陣餐牌，最後決定要左個2人omakase，$398一人其實好抵食，因為有齊沙律同泡菜3點盛，燒肉同埋每人一份嘅燒雞肉泡菜鍋飯。燒肉有特上牛胸腹肉、黑毛和牛腹柳小排、板腱牛排、和牛赤身、牛舌、大蝦同雞肉，講真份量真係唔少，對於女仔嚟講，應該一定食唔晒。嚟得呢度，點可以唔叫佢哋個大盤燒黑毛和牛西冷！呢到個經典皇牌果然名不虛傳！店員會幫你燒，佢燒嘅時候特別有效果，仲會問你想幾多成熟，店員應該係有足夠經驗，所以燒得特別靚，加埋生雞蛋食一齊超級正！

24/2 我晚上大約七點半walk-in ，門口(我估計佢係女經理，因為之前來過食飯，見到佢不停鬧員工）有人問我幾多位，我話3位，佢話要攞飛等叫號，我問佢大約等幾耐，佢好唔耐煩同我講你前有十張飛，我問佢咁即係要等幾耐，佢又好唔耐煩答我一定冇咁快，出面等等，不過我冇等到，到今日又想去食，不過我有見到佢又不停鬧員工，我心諗人哋都係打份工，就算做錯，都唔使不停鬧，見到佢咁都唔想去食，啲員工邊到有心可要做。我住喺附近，因為你哋好好食喎經常性都會去食，但我一見到嗰個唔會耐煩又成日鬧人嘅經理我就唔想入去不過我又一次去食過，見到一個肥妹員工同一個男員工，就算冇人佢哋兩個都好勤力，就算冇人一個都會selling ，一個就會有禮貌同客人傾吓計（我都試過）

今晚同朋友有飯局，所以決定黎呢度試吓今日見到話呢一間係九州佐賀燒肉店，咁岩我上月又去左，決定比較一下😎我都叫左幾多野，所以主要抽幾樣講，我叫咗個「大判燒！黑毛和牛西冷」，見到個個叫呢個咁梗係要試吓。呢個大判燒係由佢哋嘅服務員幫手燒嘅，所以亦都唔使擔心會唔會買好靚嘅肉，但自己燒得唔好食🤣佢會附上一隻溫泉玉子燒完之後加入，不分配合，有去左一層油既作用咁。而肉亦都有好香既燒肉味。第二樣我特別要讚嘅嘢就係佢個冷麵！因為我同朋友兩個食，所以揀咗個大嘅冷麵有泡菜喺入邊😎喺估你唔到咁清新，酸酸地有啲酸瓜喺入邊加埋泡菜真係好夾，好開胃我同朋友都有飲埋個湯添🤣中間有分別叫咗幾個肉類都不過不失唔錯👍🏻另外食完飯之後都好貼心咁送咗個甜品俾我哋食分別係杏仁布甸同埋雪糕糯米糍，雪糕糯米糍就稍為有啲硬，杏仁布甸有啲特別🫶🏻

YAKINIKU KAKURA (黃埔天地聚寶坊) (紅磡)📍紅磡黃埔天地聚寶坊(第11期)地下G1及G3號舖同朋友去黃埔食日本燒肉呢間餐廳係黃埔特別受街坊歡迎🔥黑毛和牛西冷大判燒呢款必叫 片肉嘅油花勁靚而且仲會跟埋一隻生蛋將牛肉煎完再放入去撈勻 就可以做到壽喜燒嘅效果椿(2人前）咩都想試吓 叫咗餐廳推介套餐黑毛和牛牛腹柳小排 油花好靚 入口即溶特上牛胸腹肉 呢款肉味同油花分布得比較平均 同樣喺入口即溶 質素好高和牛赤身肉味濃郁 食肉獸必食☄️牛板腱肉 都係主要食肉味為主 但更有咬口牛舌 牛舌爽口彈牙 簡簡單單已經好好食😋若雞雞腿&雞柳 雞肉味唔錯 用咗少少鹽調味已經好正海老 極大嘅海蝦 蝦頭仲有蝦膏 🦐牛腸 用醬汁調味 幾爽彈華味鳥雞肝 雞肝甘香 又大碟紫菜飯🔥食燒肉點少得米飯 重有蛋汁同紫菜撈飯🤤甜品係雪米糍 杏仁布甸 十分圓滿

餐廳以燒烤料理為主，選擇非常多選擇，除了和牛、牛肉、豬肉、雞肉同海鮮外，更有湯飯湯麵可選擇。大判燒！黑毛和牛西冷必食！和牛西冷油分均勻，肉味香濃，嫩口無比，沾上雞蛋汁，入口更順滑活鰻魚海鮮拼盤推介，鰻魚超級大件，肥美厚身，肉質雪白新鮮，鰻魚慢烤至初熟後掃上餐廳的秘制醬汁，燒至外皮微微香脆，肉質嫩滑鮮味，油脂相當豐富，鰻魚汁咸甜適中，倍添惹味若鷄雞腿雞腿肉肉質嫩滑，口感爽滑，味道滿滿雞肉味，好吃黑毛豚脛肉燒熟後，黑毛豚豬味香濃，無豬羶味，惹味最後餐廳附送杏仁奶凍配糯米糍雪糕作甜品作結Yakiniku Kakura(黃埔)📍紅磡黃埔天地聚寶坊(第11期)地下G1及G3號舖

每隔一段時間就想食燒肉今次去左位於黃埔嘅日式人氣燒肉YAKINIKU KAKURA🔶大判燒！ 黑毛和牛西冷（$178)超大塊的和牛西冷，和牛油花如大理石般店員會幫忙烤製，兩面輕輕一燒和牛半生熟再加蛋液，口感更滑嫩🔶Omakase Course ($398/位)燒肉都有omakase其中黑毛和牛由廚師每日挑選▪️沙律｜泡菜三點盛▪️鹽味盛：海老｜蔥鹽味若雞｜鹽味牛上舌海老超巨肉，蝦肉好彈牙；雞肉烤到金黃，有豐富肉汁；牛舌好爽嫩▪️燒肉汁盛：特上牛胸腹｜牛板腱肉黑毛和牛裹腹小排｜黑毛和牛腹柳小排記得燒製前先裹滿秘製燒汁！▪️兩款和牛油花分明，近乎入口即化；和牛裹腹小排肉味會較濃；而牛板腱口感會較有咬口；牛胸腹肉味同油香都好突出；每款都各有特色而非常高質▪️野菜｜南瓜、香菇▪️石燒泡菜鍋飯吃燒肉需要米飯來平衡膩感，拌入芽菜、菠菜、蛋黃等食材，口感豐富▪️海澡湯▪️甜點

呢度環境好舒服，夜晚人唔太多，適合聚會傾計。店員有問我地駛唔駛幫手燒，我地諗住一邊傾計一邊慢慢燒，就謝過店員好意。今日叫左個大判燒，係日本和牛。兩邊燒幾秒就夠，完全一入口即溶，好邪惡 😎另外幾款牛腹小排、牛胸腹同牛舌都唔錯，都係肉味香濃，汁燒調味亦好香口。至於牛上肋骨係有個壺醃住嘅，好入味。牛脂平均分布，係邪惡之選！最後原來呢度會送一份精緻甜品，係杏仁豆腐同雪糕糯米糍。雖然價錢偏貴，但係質素絕對對得住個價錢！

依排天氣凍d 又想食燒肉即刻諗起依間高質燒肉！ ❤️大判燒!黑毛和牛西冷和牛油脂分佈比例較高燒起上黎比較惹火所以好快燒完我地叫埋生菜包住食中和油膩感清爽既生菜包住入口即溶既和牛好好食～～必點之選❤️特上牛胸腹肉肉質較淋身，牛味又濃加埋燒汁更惹味❤️塩味上牛舌上牛舌口感較爽，牛味濃d❤️若鷄雞脛柳雞肉入面又有少少軟骨位口感幾特別❤️火炙黑毛和牛壽司盛海膽今次試下和牛海膽壽司和牛燒完放係壽司飯上面d 油脂同汁溶入埋個飯度面頭加上海膽海膽鮮味加上和牛衝突，好有新鮮感❤️凱撒沙律份量大大兜，岩哂我餐餐要食菜❤️冷麵叫左個小份都有甘多配菜酸味味，好開胃❤️杏仁豆腐最後埋單會送埋既甜品杏仁味好濃，口感嫩滑糯米滋皮夠薄

大判燒！黑毛和牛西冷超超超級好味，雖然薄薄一片係講緊唔夠喉😂😂😂快速地燒一燒已經食得，真心又嫩又滑，夾埋個生蛋一齊食堅正。黑毛和牛上肋骨中肉估佢唔到燒完仲係好多肉汁好嫩滑，佢好食在有小小肥膏，入口即溶個下😋蔥塩味牛舌唔使講都知牛舌好爽口，加小小檸檬汁仲正。鹿兒島和牛他他生牛肉撈埋生蛋再加紫菜，鮮甜好味。黑毛和牛上嫩肩里肉牛肉味好鮮，肉質好好真心推介。石燒肉泡菜鍋飯唔係講笑飯焦超脆口，撈埋d餸好滿意呀⋯⋯

全港有3間分店，主打九州產A5黑毛和牛，當中更有不少稀有部位，平、貴價位嘅和牛都有，而且有多款套餐選擇食咗幾次，覺得味道唔錯，整體性價比算幾高大判燒！黑毛和牛西冷 $178餐廳必點Signature之一，有專人幫手燒😍店員先用脂肪塗滿烤網起爐，兩三下就將西冷燒好，放入溫泉蛋醬汁撈埋一齊食，牛味香濃，肉質軟綿、嫩滑，真係必食😋黑毛和牛腹前小排 $248油花分布平均，灑上椒鹽，燒完可以配搭Wasabi一齊食，油脂豐富，肉質鮮美🫶🏻黑毛和牛上肋骨中肉 $198數量限定，所以要試下！好大條，醃得好入味，燒到出面有少少焦香，食落肉汁好豐富，軟淋得嚟有啲咬口，好味石燒肉泡菜鍋飯 $88熱辣辣，撈勻後就可以食啦，食落微辣香甜惹味，口感好豐富，仲有少少飯焦豆腐沙律 $68新鮮沙律菜、嫩豆腐、紫菜加上麻醬，好味又健康～ 食肉之餘要食啲菜平衡下每人送一份甜品😍杏仁豆腐滑嘟嘟，好重杏仁味，同埋仲有雲尼拿雪米糍整體質素幾高，係一間可以食完再食嘅燒肉店～

朋友生日🎂想食燒肉，於是決定揀一間高質的，就來到紅磡黃埔的Yakiniku Kakura, 燒肉第一選擇💗🌟大判燒！黑毛和牛西冷每次嚟到都會點大判燒，店員會親自幫你燒，根據你喜愛的生熟程度，非常專業👍🏻 肉質非常鮮嫩，脂肪比例均勻，完全入口即化，另外還配上一個日本無菌蛋，加埋一齊食真係又滑又香，特別滋味，回味無窮💗生日梗係要食好啲，於是我哋揀咗黑毛和牛兩個部份：🌟黑毛和牛裏腹小排🌟黑毛和牛腹柳小排肉質豐腴多汁，具有豐富的油花，牛肉味濃郁，烤香過後，肉質保持原汁原味，咀嚼時肉香四射，值得推介👍🏻另外都叫咗：🌟牛板腱肉，🌟特上牛胸腹肉，🌟若鶏雞腿，兩款牛肉脂肪相比和牛少啲，但牛肉味突出，肉質鮮嫩，都好好食！雞腿肉好滑，烤完後，一啲都唔柴口，非常嫩滑👍🏻🌟辣牛肉湯這個辣牛肉湯用料十足，用了好多菇類和牛肉，非常鮮味，牛肉肉質鮮嫩，搭配蔬菜，味道豐富，唔會太辣， 十分開胃😋🌟青森蘋果乳酸梳打 & 🌟白桃乳酸梳打乳酸口感清新酸甜，帶有微微的氣泡，冰涼解渴，最適合食燒肉飲用✨甜品都非常好食，係杏仁豆腐同埋雪糕糯米糍💗

店名: YAKINIKU KAKURA地址: 紅磡黃埔天地聚寶坊(第11期)地下G1及G3號舖黃埔站 C2 出口，行4分鐘環境: 4.5/5價錢: 4/5味道: 4.5/5日本九洲佐賀第一人氣過江龍燒肉店🥇，賣點係由日本直運九洲產、有牛中之王美譽既A5黑毛和牛🐂！之前去左銅鑼灣同沙田分店🏠，一直心心念念左幾個月🥺，今次三訪黎到黃埔站🤤！店舖地點好方便😆，一出地鐵站🚇向船既反方向行好快就到🚶🏻‍♀️！入面裝修舒適🏞，座位十分寬敞🪑，私隱度算高🔒，而且抽風系統好好💨，無咩油煙味😬～枱上面有三款醬汁🍶，由左至右排列分別係酸汁🍋、辣汁🌶️同燒汁🍶~而且好多肉類都有特製紙牌標示係邊款肉，非常貼心💗！大判燒！黑毛和牛西冷 ❤️❤️❤️❤️❤️$178必點菜式☺️，黑毛和牛西冷係海外店限定🛫！呢款黑毛和牛西冷可以話係另類西冷🥩，同一般西餐厚身的西冷扒唔同🙅🏻‍♀️，呢度會切到薄薄一大片🔪，而且油花分布均勻🤩，盡顯廚師功架👍🏻！提供三款秘制醬汁🍶，分別甜酸辣三種口味任君選擇😋，好貼心💗！上枱後會由店中專人親自主理👩🏻‍🍳，會按食客要求既熟度去燒🔥，和牛薄身嫩滑🐂，味濃多汁💦！再配搭埋攪拌好既日本溫泉蛋漿🥚一齊吃，可以降

食材如舊優質新鮮，乃高水準烤肉店，回頭再回頭之選！此外最喜歡黃埔分店，不論餐廳環境，還是套餐選擇，都較另外兩家分店好。每次必點大判燒黑毛和牛西冷，這片可請店員代燒。西冷是和牛後腰脊肉，近臀部，肉味濃，目測可見油花分佈均勻，因此儘管脂肪多，口感卻不會太油膩，蘸鮮蛋同吃更顯其嫩滑，多肉汁、牛味濃，非常美味！！另點了兩份omakase course，這個set有齊前菜、湯、沙律、牛、雞、海鮮、蔬菜、石鍋飯和甜品，足夠豐盛。各項食物皆新鮮美味，連甜品都非常出色。餐廳的枱偏大，設計上有遮掩富私隱、抽風系統做得好，光顧後沒有沾染油煙味。服務方面禮貌勤快，讚！

今次就試吓佢哋晚市嘅Omakase set 每位$398 除左有鹽味盛同燒肉汁盛 呢個set另外仲有石鍋飯、沙律、泡菜同埋甜品🤩塩味盛就有牛舌 雞肉同大蝦 當中大蝦超好食 大隻得嚟蝦肉又好鮮甜 蝦頭仲要有蝦膏🦐雞肉有彈性 牛舌厚薄適中 簡單鹽同黑胡椒調味已經好食😋燒肉汁盛就有黑毛和牛腹柳小排 黑毛和牛裹腹小排 特上牛胸腹肉 牛腱肉🐮兩款黑毛和牛食落都好重油脂感食落好香 而且肉質好腍 入口即溶🥰另外兩款牛肉牛味濃郁 油脂感冇咁重但係都係好腍 每一款肉都好高質🤩石燒泡菜鍋飯熱辣辣香噴噴嘅石鍋飯有泡菜 紫菜同蛋 食落辣辣地夠晒惹味😛甜品係雪糕糯米糍同杏仁豆腐 清新嘅甜品解番嘅油膩感🥰大判燒！黑毛和牛西冷🐮一定一定一定要食佢個大判燒 職員會幫手燒個大判燒 燒之前會問你想要幾成熟 之後就會喺你面前表演燒牛肉😂睇佢燒到噴哂火咁 未食已經大飽眼福😎燒完職員會擺落隻半熟蛋到 加埋一齊食會好淋滑 唔洗點任何醬汁都覺得好好味🤤🤤

I had a disappointing experience at this restaurant due to slow service, particularly from a waiter with dyed brown hair. It took an excessive amount of time to get the attention of any waiter to address issues like replacing a grill plate. When assistance finally arrived, the attitude was less than welcoming, with the replacement grill plate being handed over impatiently.The 90-minute dining restriction felt restrictive, especially considering the delays we experienced in getting the burnt plat