Y Pasta (已搬遷) 新店位置

今日覺得特別需要食啲comfort food，而意大利粉就係我嘅comfort food。所以去咗銅鑼灣駱克道樓上嘅一間食pasta嘅餐廳，好好食個午餐。成個lunch set有湯、意粉、飲品同甜品，所以湯我就揀咗我未飲過嘅法式芝士浮台洋蔥湯，非常之特別，一路飲湯一路食到芝士，洋蔥湯入邊亦都放咗非常多洋蔥，記得好多歐洲嘅西湯都特別鍾意放勁多洋蔥，感覺地道。意粉我就揀咗卡邦尼蛋汁意粉，蛋汁同埋意大利粉嘅sauce 非常濃郁，除貌相非常之好睇之外，亦係一個好好食同高質素嘅意粉。今日超級熱，體感係40度高溫，所以揀咗一個凍嘅MOCHA，醒神之外亦都可以清涼一下。雖然只係一個午餐，都揀咗朱古力蛋糕做甜品，廚師好有心思將簡單嘅朱古力蛋糕再喺碟上面加上少少嘅點綴，令人賞心悅目。

今日去咗銅鑼灣行街,去咗食呢間西餐廳 Y Pasta.比起正常lunch hour遲少少所以都唔算係好多人.Set lunch包左一個湯一個主菜一杯飲品. 首先湯, 我哋叫咗法式芝士浮台洋蔥湯,上面有塊好塊芝士同埋麵包片，吸晒洋蔥湯的精華，10分濃郁同埋好味! 另外朋友叫了龍蝦湯亦都加$10加了酥皮，有人亦大讚龍蝦味十足好好味！另外叫了個柚子雞肉點意大利粉，雞肉是雞腿絲，有柚子的香味，意大利粉亦都好油雞蛋香不錯的主菜！另外叫了個墨西哥煙鴨胸薄餅，薄餅加了辣椒辣辣的，令人煥然一醒，煙鴨胸鹹鹹的都很好味！亦都加入了芝士，非常香濃仲有拉絲的感覺。最後一杯即磨咖啡，happy ending!

由於母親節唔得閒同媽媽食飯，一早同媽媽出去食個lunch先😋同佢出銅鑼灣食Y Pasta，上度去環境好靚落地大玻璃，我地過左lunch時間先去所以唔算太多人，食得好自在😚龍蝦湯真係有啲龍蝦肉係度，好鮮甜既味道，龍蝦味十足仲好濃郁，好天然，唔係罐頭湯既味忌廉黑松露野菌湯一上枱就聞到好香啫黑松露味道，湯肉便利好多野菌粒，味道都係好濃郁好鮮甜卡邦尼蛋汁意粉好重既芝士味，啲汁又可以每一啖掛晒係意粉度，唔會好稀，意粉都爽口彈牙 鴨肝雞卷雞卷冇骨全部都啖啖肉，入邊有啲鴨肝係度，唔會太鹹肉質鮮嫩，薯蓉好滑好香牛油味，配菜都好新鮮朱古力蛋糕記住一定要叫朱古力蛋糕，因為入邊有幾層朱古力醬再加蛋糕一啲都唔算好甜，蛋糕鬆軟服務好好👍🏼

同朋友係銅鑼灣SOGO行街，👸🏻shopping完去附近醫肚 大家一致都想食醫粉L.square一向多選擇，呢間餐廳係意粉為主題，一於去試下🤤餐廳以白色同藍色為主要色調🤍💙有種relax嘅感覺，有落地大玻璃，景色宜人。午飯時間有lunch set🍝二十多款意大利麵，好多選擇啊！每款lunch set都附送蘑菇湯同南瓜湯，另外可加錢選擇龍蝦湯、忌廉黑松露野菌湯、芝士洋蔥湯、雜菜湯，另外仲可以加酥皮添。我揀咗南瓜湯，南瓜非常濃郁，口感順滑豐富👍🏻朋友揀嘅龍蝦湯，香濃龍蝦味，真材實料，加入龍蝦肉，口感十足🥰意粉Main 我揀咗藍芝士菜花螺絲粉😚口感好creamy 啊🧀加咗好多藍芝士芝士味香濃 係發酵嘅芝士味 鹹香味十足。螺絲粉軟硬程度適中，而且非常掛汁，啖啖滋味！配料有椰菜花同蒜蓉包碎，口感非常豐富朋友叫咗柚子胡椒雞肉扁意粉呢款嘅意粉比較罕有，雖然口感唔算太creamy!!但加入柚子胡椒，辣辣地！非常開胃同清新🤤👍🏻另外飲品，我哋都係熱嘅蜂蜜檸檬🍋加入蜂蜜 非常滋潤！飯後甜品仲加咗$25芝士蛋糕🍰芝士蛋糕水準唔錯，蛋糕唔會鬆散，芝士味非常濃郁🧀🤩

銅鑼灣嘅L Place好多嘢食，而且好多都坐得好舒服，又唔會太多人，今日就去咗Y Pasta 食 lunch。佢哋嘅午市套餐非常之抵食， $100左右有湯、高質嘅意粉、同埋一杯嘢飲。所以我同朋友就一人叫咗一個set。朋友最近個鼻有啲唔舒服，所以叫咗法式芝士浮台洋蔥湯，法式洋蔥湯上面通常都會有一塊包，浸落去碗湯上面吸收晒碗湯嘅味道同精華。如果肚餓嘅可以叫呢個湯，就有啲嘢食住先。點樣知道碗湯足料呢？就係因為朋友食完之後話個鼻即刻通返晒，都唔知係咪心理作用。我就叫咗個忌廉黑松露野菌湯，本身忌廉湯已經好好飲，黑松露油仲非常之香，未飲已經好滿足。我叫咗卡邦尼蛋汁意粉，有別於一般嘅卡邦尼意粉，呢度加咗蛋汁，比平日食到嘅味道更加濃郁，煙肉亦都做到啱啱好香脆。朋友叫咗柚子胡椒雞肉扁意粉，小小辣辣地之餘又有好香嘅柚子味，味道非常清新。飲品方面我哋叫咗蜂蜜檸檬，清清哋甜甜哋，配合返頭先較為膩嘅卡邦尼意粉。朋友就叫咗杯Cappuccino，賣相睇落去都好吸引，睇得出係有誠意嘅咖啡。

好耐冇去Y Pasta，見最近出左lunch set，就去試下。龍蝦湯 ＋$10龍蝦湯比較少機會飲，一見到就忍唔住嗌，沒有失望。湯身質感濃稠，啖啖充滿鮮味，非常濃郁，好抵飲！酥皮黑松露野菌湯＋$20真係好耐都冇飲過酥皮湯，仲要喺lunch飲，一上桌就覺得自己好威風，細個要食高級餐廳先有。酥皮脤脤，好鬆化，黑松露野菌湯好香好濃，老實講真係飲湯都飽，建議細食嘅朋友點左呢個湯，主菜最好就食沙律。西班牙辣肉腸薄餅$108焗得金黃，大量芝士，配上辣肉腸，惹味可口。最喜歡佢是薄底，實在係受夠左pizzahxx d厚底pizza。卡邦尼蛋汁意粉 $128麵粉偏有咬口，汁非常多，掛滿每一條意粉，大量厚切煙肉，食極都食唔完，不錯！凍蜂蜜檸檬凍鳥龍奶茶走嘅時候發現佢地有材料包賣，下次可能會黎買d湯煮下扮大廚

尋日放學lunch仲係好早，就同同學嚟到銅鑼灣L Square 14樓嘅餐廳食嘢～佢主打意粉同Pizza，lunch set大概一百幾蚊，有餐湯，嘢飲送～感覺唔錯👍🏻法式芝士浮台洋蔥湯$20好濃郁嘅洋蔥湯☺️表面仲有脆卜卜嘅包🤩飲落有好香嘅芝士味😙仲有好多洋蔥喺入面～幾鍾意佢嘅包浸住係湯入面🥰口感幾正😋酥皮全素俄式雜菜湯$30加咗酥皮喺湯面～酥皮好香脆🤩啱啱出爐仲有好香嘅牛油味🧈入邊嘅雜菜湯酸酸甜甜😆有好多紅菜頭，感覺幾特別😙藍芝菜花螺絲粉$128好creamy嘅螺絲粉☺️有好濃郁嘅芝士味😙仲有大大舊菜花🤣幾鍾意佢嘅螺絲粉🥰軟軟淋淋又爽口😚配埋醬汁，食得好滋味😋西班牙辣肉腸薄餅$108好香脆嘅薄底Pizza😍食落邊邊脆卜卜🤩而且餡料豐富💕辣肉腸鹹鹹地，調味幾香☺️仲有啲芝士拉絲嘅感覺😙而且好大份🤣台式烏龍奶茶飲到幾香濃嘅烏龍茶味🍵夾雜着鮮奶嘅香味🥛幾好飲😋蜂蜜檸檬酸酸甜甜嘅蜂蜜檸檬🍋幾香甜清新💕餐廳職員嘅服務態度好好🥰會不停幫你斟水～

今日又去左一間位於銅鑼灣的小店幫襯，位置方便，銅鑼灣地鐵站出去約3分鐘便到。先從餐湯說起，我讀了加$10的法式芝士浮台洋蔥湯，不得不說，這是我飲過最重洋蔥味的濃湯，而且加上芝士拉絲的蒜蓉包浸於湯中，蒜蓉包吸收了洋蔥的濃味，再加上法式芝士香，很值得加錢轉湯。然後是主菜墨西哥煙鴨胸薄餅，貫徹墨西哥風味，薄餅使用薄身的餅底，面上加上點點的辣椒香，再配上煙鴨胸，煙鴨胸處理得唔錯，不鞋口，而且肥瘦均勻，淡淡都要煙香及鴨肉的口感，很好食。埋單與朋友另外的餐點人均約百多元，食到這些出色的 pasta，回本了。

星期五同女朋友係銅鑼灣行街，攰咗想搵個地方落腳休息下，順便食下嘢，因緣之下搵到Y Pasta。 佢個地理位置非常方便， 鵝頸橋附近一分鐘路程， 喺時代廣場行過去都大概只係需要兩分鐘已而。入到去第一個印象係非常有mood, 播住爵士輕音樂 , 色調以白色為主, 加少少藍色同埋木色系。 我最鍾意佢個落地大玻璃， 可以居高臨下望到窗外銅鑼灣嘅景色， 同埋其他矮嘅舊樓上面嘅天台景，好療癒， 成個氣氛好放鬆， 直情有少少想瞓覺。我哋叫咗兩個set lunch， 價錢方面都算係中上價位， 都大概要130蚊左右。 我女朋友叫咗個蘑菇湯， 加少少錢可以變做酥皮湯。 佢個蘑菇湯非常之濃郁香滑， 同埋都有少少口感 ，加埋香脆嘅酥皮， 食落去好幸福。我就叫咗個龍蝦湯。 我本身鍾意海鮮， 所以我會食到佢個湯真係好足料。 但對有啲人嚟講可能會太濃， 因為佢用咗有啲蝦膏同埋蝦頭去淆湯， 對某啲人嚟講可能覺得有少少苦添， 因為嗰啲蝦膏嘅鮮味實在太濃郁。 我好欣賞佢入面係有切碎咗嘅龍蝦肉粒， 加分。正餐係叫咗西班牙辣肉腸薄餅， 分量正常， 肉腸味道非常之強烈， 食到後半段有少少咸。 但整體而言餅底係好脆， 出嚟嘅溫

Y PASTA 位於銅鑼灣 THE L SQUARE，距離銅鑼灣地鐵站只約三分鐘，地點極為方便。餐廳於復活節假期間 中，晚餐時間亦座無虛席，建議必需提前預訂。餐廳以意大利粉作為主打，亦可以自選其他螺絲粉代替，而且除了傳統意大利粉口味外，亦有其他FUSION 口味，如炸醬，川味，冬蔭功味，乳酪味道意粉，配搭新奇。是夜嘗試了酥炸生蠔意粉，炸生蠔配意粉出奇地不衝突，生蠔不有腥味，仍嫩滑不會過熟，乳酪汁意粉帶點酸味，可減炸生蠔油膩感，不錯。除意粉外，餐廳亦有多款小食，PIZZA 及扒類供選擇。Pizza 傳統意式制作，餅底薄脆，較乾身。羊扒味道可以，但肉質較為鬆散，一般。

突然pasta癮起，就同朋友黎食一食pasta。我地叫左兩個lunch set。每個lunch set都包一份餐湯、pasta同埋飲品。柚子胡椒雞肉扁意粉$118柚子味幾香幾濃，食落則胡椒味更重，胡椒味嘅辣味比較辣，我自己覺得大概同譚仔嘅中辣差唔多，食得辣嘅朋友可以選擇呢一款意粉。雞肉嫩滑，調味幾好。卡邦尼蛋汁意粉$128蛋汁好香蛋黃味，撈埋意粉食好好味，識落會有香濃嘅蛋黃味係口中湧出。煙肉整得好香脆，食落油脂感幾豐富。意粉食得出係手工意粉，彈牙又有咬口。龍蝦湯+$10（酥皮+$10）龍蝦湯唔會太鹹，好香嘅龍蝦味，入邊仲有龍蝦肉，非常豐富，加埋酥皮，成個感覺即刻唔同晒，酥皮浸左落湯之後可以吸收晒所有龍蝦湯嘅精華，非常好食。法式芝士浮台洋蔥湯+$20法式芝士浮台洋蔥湯洋蔥味非常濃郁，啖啖都有洋蔥，芝士好大舊，成個飲湯嘅過程不斷咁拉絲。熱蜂蜜檸檬$0係朋友飲嘅，佢話清清哋幾好味。熱即磨咖啡+$10叫咗杯美式，豆味香濃，口感順滑。

🍽難得閑情，梗係做吓運動，行吓街！經過L Square，發現了YPasta，適逢午膳時間，又以一個喜愛吃麵的人來說，試吓先！進入大廈，量了體溫，按14字，一開門，便是YPasta。再量體溫後，用安心出行登記後，便隨待應生入座，座位靠近窗，感覺舒適。我們點了兩個午膳套餐：SOUP:酥皮南瓜湯、酥皮香濃野菌湯。*酥皮另+$10MAIN:柚子胡椒雞肉扁意粉、藍芝菜花螺絲粉。Special Dessert:芝士蛋糕、特濃朱古力蛋糕。*另+$25DRINK:蜂蜜檸檬及Cappuccino。*即磨咖啡另+$10酥皮南瓜湯🫕酥皮面脆內軟，南瓜湯香滑熱辣辣，而且很濃郁南瓜味，我就很喜歡。酥皮香濃野菌湯🫕揭開酥皮，野菌香濃撲鼻，幼滑的口感，喜歡菌類愛好者，應該不會令你失望！柚子胡椒雞肉扁意粉🍝特別喜歡韌度適中的扁意粉，加上切成粒狀的雞肉，用柚子胡椒烹製，想不到的美味，喜愛辣的朋友可試試呀！藍芝菜花螺絲粉🧀以一個芝士控的人來說，光吃藍芝士已是一種享受，這次以藍芝士作醬汁入螺絲粉，是我第一次嚐到！螺絲粉烚得軟硬適中，加上煎香的椰菜花，伴以藍芝汁，味道不錯！芝士蛋糕丶特濃朱古力蛋糕😋要讚讚芝士蛋糕及特濃朱古力

以前食過呢間晚餐覺得質素唔錯，放假出銅鑼灣見有set lunch就諗住再試下。Set lunch有7款選擇，有沙律/意粉/pizza，再配湯及飲品。🍴南瓜湯🍴香濃野菌湯 加酥皮 +hkd 10好耐冇飲過酥皮湯，見呢到有都幾驚喜。酥皮好鬆脆，沾湯食好正，而且蘑菇湯好濃，食得出有蘑菇粒好足料，但要小心個湯真係超熱好燙口。南瓜湯亦好出色，好甜南瓜味夠稠。🍴卡邦尼蛋汁意粉 hkd128超濃蛋汁味調味恰到好處，每條意粉都掛滿汁，好香又唔會太膩，煙肉唔係普通薄片，而係厚身大粒有口感，煎得好香口。🍴墨西哥煙鴨胸薄餅 hkd118Pizza係薄批，有別於出面既餅乾底，呢間係好香脆但又有酥皮底既感覺，墨西哥辣椒同鴨胸好夾，配埋個醬汁及芝士辣辣地好惹味！🍴凍蜂蜜檸檬🍴熱latte +hkd10蜂蜜檸檬唔使加錢，調味岩岩好唔會過甜。嘆埋杯咖啡成餐飯好滿足。

平時喺CWB都成日會去L Square揾食 貪佢夠集中 今次同朋友揀咗14/F嘅Y Pasta食lunch👭🏻呢度除咗野食好味 藍白色主調嘅環境仲好舒服 真係好適合一邊傾計一邊慢慢嘆lunch◽French Onion Soup🍲中文名叫法式芝士浮台洋蔥湯 原來係法包上面有一大片熱溶芝士🧀平時嘅餐湯我都唔會有乜期望 但係呢個好不得了 本身個湯已經好濃好好味 加埋芝士簡直係無敵 仲好match tim◾Spaghetti Carbonara🍝意粉中我嘅至愛一直係carbonara 呢度特別在再加咗蛋汁🥚令到個汁唔會咁容易稠 而且食落味道更香濃 classic地加上煙肉/香草/芝士粉 簡單而滿足◽Jalapeno Duck Breast Pizza🍕我同朋友都鐘意食辣 見到menu上佢有一隻辣椒仔 即刻叫嚟試吓 意料之外地辣味十分突出 好惹味 但係唔食得辣嘅朋友要注意喇🌶️而配料都好豐富 仲有佢係薄批嚟嘅 所以食落都幾脆仲無咁易滯◾Lemon Honey/Oolong Milk Tea☕Lunch Set當然有包drink啦 加$10仲有得揀即磨咖啡tim

呢日朋友上完堂join我一齊嚟食飯呢度地方雖然唔算大但係都好乾淨企理我同朋友都叫咗個lunch set share嚟食個lunch去到4點前都仲有比較少見我哋叫咗三文魚凱撒沙律🥗同埋墨西哥煙鴨胸薄餅餐湯係野菌湯同龍蝦湯我個野菌湯好香野菌味，忌廉比例亦都啱啱好唔會飲到好膩朋友話個龍蝦湯都好香濃，仲加咗d小龍蝦肉質地亦好滑又唔會過咸我杯奶茶好好飲，茶香奶滑，唔會飲落好鞋口同澀推介墨西哥鴨胸薄餅呢個加好多芝士好正，醬汁係凱撒沙律醬d青辣椒同鴨胸又好夾，成個配搭都好香口惹味餅底又薄又香脆，好食喜歡香辣嘅朋友一定會鐘意份量好大蔬菜新鮮爽脆，d沙律醬份量剛剛好加埋煙三文魚，香脆嘅多士粒同芝士粉，令平時唔鐘意食菜嘅我都食咗大半碟總括而言我係好推介大家一試