XYZ Bar & Restaurant (已結業)

第一次上openrice開post,因為真係未試過一間咁誇張食物質素差服務態度惡劣既餐廳，完全呃錢首先要公開講呢間既waiter好有問題，係一個有花倫同學頭，脾氣極暴躁既男人。對客人係呼喝既語氣，我真係覺得好莫名其妙。同埋態度懶散不負責，呢間lunch set明明係寫附送一杯野飲，我隔離台點野食果陣冇叫，我提番佢地係有野飲送，佢地問番個waiter野飲，佢竟然話你地冇落就冇！哇！我真係第一次知道有咁既道理！人地比左錢架哦大佬！跟住佢地係好和善既就冇再問，但係我望到都覺得誇張，擺明係蝦人地淋善其次，呢間lunch平均$70-90，cafe價黎講係正常，但食物質素係極差，我叫烤雞薯仔陪田園沙律，佢真係比我兩夠勁細既薯仔同埋幾條沙律菜，好彩有個細烤雞頂住先，但要$80幾，我想講，lunch呢個價錢係絕對可以食到比佢高汁既野食，我fd既牛腩配蘿蔔，幾夠牛腩，一細夠飯，幾夠齋煮既蘿蔔，真係唔知食左d嘜最後比既水係水喉水味我講既嘢真係冇誇張，我都唔明咁大個人，真係第一次竟然可以係香港食到咁低質既餐廳👍奉勸一句，收得呢個價就唔該唔好再蝦消費者，如果係諗住長做既，就唔該唔好做壞自己盆生意。Best w

門口不太起眼的小店，店內裝潢卻顯得用心。下午茶時段，店內人唔多，點左黑松露蛋沙律三文治，但老闆兼主廚話是日改用黑松露炒蛋取代沙律，我覺得都無所謂，因為純粹想試竹炭麵包，未試過果然無令我失望，聽主廚講，竹炭麵包係自家制，食落口感似海錦蛋糕，口感特別。而黑松露炒蛋，好香黑松露味，炒蛋都好香滑，值得一試

went there for lunch on a Sunday. the rib-eye steak was only $138 but was way better quality than many other local restaurants that charges similar price. we also tried the herbs roasted chicken. the meat was very tender and juicy while the skin was dry and crispy. must come again to try the other dishes.

一家四口來為我慶祝生日🎂，環境招呼一流，喜歡吃牛扒配紅酒必定要試一試，羊架原汁原味主打既豬手唔介紹都要吃！煙三文魚沙律好味道下次有慶生節慶日子都要再來食餐餐！

終於黎到情人節晚餐呢😂話說當天我同🐷仔都冇Book枱想去Walk in 一間食扒的點知一拎飛要等100張枱🙄原來可以係 openrice 遙距拎飛🌚最後轉移陣地去附近嘅XYZ名字很特別 菜式款待都很好我們叫了2個Set Dinner首先係10安士自家熟成美國肉眼 ($276)肉質好嫩 調味恰當好處 好味另一個係香辣大蝦羅勒海鮮汁扁意粉 ($230)呢個意粉稍為遜色一啲 味道較淡但勝在有隻大蝦 啖啖肉🍤驚喜在於餐湯 南瓜湯夠Creamy☺️________________________裝修環境：✨✨✨✨✨服務態度：✨✨✨✨✨食物質素：✨✨✨✨(5個✨為滿分)________________________唔信我嘅可以自己去試試😂

朋友話呢間餐廳開咗幾個月佢都未試過，咁我哋就入去試下， 雖然地方唔算大但勝在食品有質素，服務態度一流，地方細細都有放過酒櫃，喺呢度同朋友食下野飲番兩杯都得，我地叫咗肉眼牛扒(煎得剛好，保留好多肉汁)，帶子意粉( 帶子無雪味，意粉軟硬度處理得好好)，德國咸豬手( 唔記得影相 ，外皮好脆，肉唔會太鹹與啤酒係絕配)，啤酒， 蛋白檸檬批( 個人覺得食完咁多肉必食推介)，焦糖脆脆朱古力蛋糕，啲嘢食全部都好好味 ！有時食嘢唔係一定要去名餐廳大集團， 小店就搵到一啲與眾不同嘅味道！

一直有follow開呢間餐廳嘅instagram，一直覺得啲食物好吸引但一直未有機會試，終於喺情人節嘅時候book咗枱去試☺️餐廳面積唔大，但佈置同格局都幾精緻，幾適合朋友聚會又或者自己一個嚟飲杯嘢食件餅。當晚其實都幾full，食飯途中見到有唔少人想walk-in但無位，好彩一早book咗枱姐！😆Menu佢地有兩款，一款係set，一款係a la carte，我地今次決定叫a la carte。海鮮濃湯 ($80)呢個濃湯鮮味十足而且味道濃郁，相信師傅應該係用咗蝦頭去煲湯。附上嘅㰖油法包外脆內軟，用嚟點湯食一流。個湯其實幾足料，入面有幾隻青口之餘仲有咁大舊蟹肉。美國安格斯10安士肉眼扒配蒜香薯角及露荀 ($226)呢個係朋友叫嘅main course，叫咗6成熟，但肉汁依然飽滿。塊肉眼扒皮脆肉嫩，簡單嘅黑椒同鹽調味已經令到個牛肉味好出，相信應該係靚牛肉嚟。配上新鮮露荀以及另外咗調味嘅薯角。香辣羅勒蝦汁大蝦扁意粉 ($180)扁意粉夠彈牙，配上特製蝦汁，濃香得嚟有少少微辣，再加上甜酸度適中嘅蕃茄仔，成個意粉配合得好好，而且食完唔會覺得膩。主角虎蝦新鮮彈牙充滿肉汁，見到師傅喺烤大蝦嘅時候有另外

最近係街食牛排食到好失望，無論價格幾錢，食落都好似大家樂咁。好難得呢間餐廳以呢個價錢食到有牛味牛排，感覺上六成嘅成本都擺咗落塊扒到，雖然唔係厚切，但係食落咁香又juicy，厚唔厚都無所謂。仲有肉丸都超掂，夠味，個汁唔係罐頭汁，不過唔記得影相，同埋個沙津，睇落佢好似係健康野會冇味，點知個薯仔沙律食落香到暈，加在紅菜頭變粉紅色，撈埋黎麥剛剛好！不過又食晒唔記得影相～～ 仲有店主入既紅酒都一流！所以平時好小寫食評既我都要寫下～～

係附近拜完年搵下有咩食，見到呢間鋪個名幾得意叫XYZ,跟住同朋友入去試下，我地叫左意粉、德國豬手同啲小食，個豬手好好味，個皮好脆，點埋佢配埋個醬仲好味！平時我啲小朋友都唔食豬手，但今日佢居然食左好多舊，仲要點哂啲醬，唔夠再問佢拎都ok,連配菜既薯角都特別調味過，食物賣相都好靚，估唔到一間細小既鋪頭但食物有甘既水準！

晚飯 餐湯 頭盤主菜 單尾都是平均$300 人頭好抵！外面某些連鎖店只係賣點有廣告 但是營養食材缺乏 例如superfood 藜麥 ，反觀這裡的頭盤、扒及甜品好有心製造店舖面積麻雀雖小 五臟俱全 ！一定再來。交通方便 培正中學對面 九巴有站落車 就算坐地鐵 在旺角火車站行去都可以

遲來的食評，12月24號平安夜，唔想出街同人迫，於是落街搵嘢食。估唔到屋企附近竟然有聖誕節晚餐，當時六點鐘時間尚早，我地應該係第一枱客食晚餐，餐廳雖小，點知短短一餐飯都有好多轉客。講番餐飯，個前菜同湯都好有心機同份量剛好，味道唔錯。個主菜塊牛扒我揀咗七成熟，煎得好同好容易切，側邊個薯蓉係有好香嘅黑松露。最後有個甜酸味嘅草莓tiramisu，配合得剛剛好。食到最後係飽足。杯cappuccino係waiter負責整，水準高。平時都係嚟買咖啡，哈。整體嚟講，值得推介，會多幫襯。

今晚已是第三次幫襯晚餐，上兩次掛住食無影相，今次終於忍住，影左先食。今晚4大3小去食，由於所有食物都係即叫即做，點都要等一陣，於是先來個蜜糖雞翼食住先，估唔到水準比第一次好左好多，雞翼塗滿蜜糖，咬落去，雞皮還脆，仲有肉汁流出，一點都唔乾，好食接著食物陸續上枱蜜糖烤春雞，皮脆，烤得剛好，唔老，雞胸肉唔‘鞋‘口，點埋個蜜糖芥末醬，真係好味到停唔到口，每次必食吞拿魚藜麥沙律，沙律菜好新鮮，藜麥沙律酸味味好開胃水波蛋卡邦尼意粉，特色係水波蛋英式炸魚&薯條， 魚柳都幾厚又大件，味道唔錯最期待嘅係甜品焦糖流心慕絲批，好香焦糖，唔太甜，餅底稍為硬點紅桑子草莓Tiramisu，上面白色cream好像雪糕，接著係好香紅桑子……一拼放入口，嘩，正到暈，真係想叫杯即磨咖啡，可惜怕瞓唔著雖然有細路，但侍應態度有善，仲細心問要唔要膠餐具最後，晚餐的確值得一試，收到風係老闆自己落手煮架

裝潢及門面都hip hip地的餐廳一貫香港的cafe大小當日早餐時段到訪趁工作前快吃份早餐眼見門面乾淨還有2人座位就進門了裝飾簡潔但見用心座位只有數張只見都是外藉人多大概都是附近工作又不想吃茶餐廳的選擇早餐有5款選擇 連熱咖啡/奶茶/紅茶/果汁點了黑松露蛋沙律三文治配Latte價錢都不錯 另點了能量早餐 跟熱咖啡其實都是All day breakfast是比較豐富的選擇賣相吸引的 也有松露的香味早餐吃這個剛好 竹炭麵包加冰過的碎蛋沙律溫暖的咖啡 普通的all day breakfast 正正常常 熱咖啡也不會偏酸說真的 感覺很悠閒在忙碌的日子找到片刻寧靜到附近的朋友可以一試早餐

有一次同朋友搵餐廳食lunch，比個餐牌嘅吞拿魚沙律吸引住我個沙律麻麻，分量細，吞拿魚得幾塊，D沙律菜都少過人，同價錢不成正比。個侍應嘅服務態度真係好到一個點。問佢可唔可以分開比錢，極無禮貌同我地講話自己搞點佢。找錢又找少5蚊，錯左又死口唔認。以後都唔會黎黎到。

上次路經呢間餐廳見裏面好多人、即刻衝入去試下、order左芝士牛肉迷你漢堡配薯條、已經覺得好好味！今日再路經此地、見到佢哋有新Menu有埋相、即刻急不及待入去試吓佢嘅黑松露蛋沙律竹炭麵包三文治+ 海鹽焦糖泡沫咖啡！個賣相真係超靚、再加上食物都係用心製作！三文治個麵包好鬆軟、仲有好濃郁嘅黑松露味！期待下一次再試其他產品同特飲😉