XYZ Bar & Restaurant (已結業)

遲來的食評，12月24號平安夜，唔想出街同人迫，於是落街搵嘢食。估唔到屋企附近竟然有聖誕節晚餐，當時六點鐘時間尚早，我地應該係第一枱客食晚餐，餐廳雖小，點知短短一餐飯都有好多轉客。講番餐飯，個前菜同湯都好有心機同份量剛好，味道唔錯。個主菜塊牛扒我揀咗七成熟，煎得好同好容易切，側邊個薯蓉係有好香嘅黑松露。最後有個甜酸味嘅草莓tiramisu，配合得剛剛好。食到最後係飽足。杯cappuccino係waiter負責整，水準高。平時都係嚟買咖啡，哈。整體嚟講，值得推介，會多幫襯。