影片
相关文章
其实市面上都有好多黄色茶饮店既选择～今次帮衬呢间「+-x茶」系因为有同事帮衬过有点印象。然后有次我系旺角行街经过，比佢好eye catching好多卡通既装修吸引到，记得佢系一间黄店，就行左入去了！呢间茶饮店同依家好hit个d卖奶茶/黑糖饮品既唔同，卖偏向养生既果茶比较多～焦糖凤梨果漾茶 $28 （Double)拣凤梨系因为我系菠萝既狂热爱好者😍本身都想试吓山梨白桃可惜无供应🥺我谂呢个菠萝茶应该系比较偏门既选项，本身无抱好大期望。但饮落其实几唔错～茶味几香亦同菠萝味夹。个菠萝唔系好假个种人造味，我觉得几ok,亦唔会太甜，不过要摇匀左先好饮。顺带一提佢入面有半块菠萝（应该系罐头菠萝黎），我最后饮哂杯野用饮筒撩埋佢出黎食😂我觉得如果将个菠萝榨碎沟埋杯茶到，饮落啖啖果肉可能会再好饮d~
继续阅读
今日去咗油麻地行吓，行行吓行到颈渴，见到呢一间+-x茶，记得系旅游达人袁学谦嘅茶店，当然要帮衬支持一下啦！🤩👍🏿见到佢出咗个新既 Sanrio collections，叫咗个薄荷奇幻乐园，薄荷味道非常之重，可能唔系个个都会接受得到！另外都叫咗个蓝柑冲浪乐园，呢一款嘅口味就非常之清新，好适合夏天饮呀！🏖除咗叫嘢饮之外，当然唔少得要试吓新加盟甜品大师 Klaus 嘅星级甜点啦！可惜𠮶日去到大部份甜点都冇货，叫咗个杂苺芝士冻饼，啱啱拎出嚟嘅时候就几冻，真系要摊一阵先可以食，唔甜得黎又有苺味，实在系高质素之选，好期待试埋其他唔同口味嘅甜点啊！😋
继续阅读
和朋友晚饭后来到广华街这边打算买饮品，来到了这家新开业不久的+-x茶。店内装潢干净企理，而且刚好做Sanrio的主题，店内的两张小圆桌都放置了一些props给客人拍照用～～～有6款Sanrio主题饮品，但部份暂停供应，所以未能选中喜欢的口味呢！见到抹茶饮品标榜是宇治抹茶，就选了店家推介的宇治抹茶拿铁 ($45)，其中一位同行朋友就选宇治抹茶鲜乳沙冰 ($48)。宇治抹茶拿铁，包装卖相普通，胶杯上贴了店名贴纸，不过用上透明的胶杯，可见到饮品所用的抹茶粉份量不少！摇匀后饮用，一入口就是满满的抹茶味，味道甘醇浓郁，抹茶味远超于奶味。然而，一直饮的时候都有一粒粒结成的粉团，大大影响了口感的顺滑度！即使不断搅拌，粉团还是未能融化，可能是饮品太冰冻了，饮用完毕后还剩半杯冰。虽说热饮的口感可能会较好，但店家既然推出冻饮，也要就问题作出改善啊～～宇治抹茶系列饮品的价格相比其他饮品略贵，但都叫用足份量，OK脸的评价是给予那浓醇的抹茶味。
继续阅读
今日就自己一个黎到小店买番杯野饮既！就叫左个巨峰葡萄沙冰（岩盐奶盖）。其实佢全名系叫XXX巨峰葡萄，但我吾记得左个全名！😂佢有抹茶、岩盐、原味奶盖既，而我吾钟意抹茶，又吾想只系饮普通原味奶盖！见到有岩盐奶盖，就胆粗粗试下啦！佢个岩盐奶盖系真系咸既，就咁饮个奶盖四、五啖左右就会腻，所以我之后就捞落个沙冰到饮！个沙冰系有巨峰葡萄味，我就觉得就好饮偏普通少少。同埋可能我饮个沙冰饮得太急，搞到敏感牙齿出晒黎！lol同埋佢都有吾同公仔图案既牌仔比大家打卡既！
继续阅读
▲最钟意Sanrio～必然嚟＋—试下Teaculation+-×茶呢个联乘特饮！身为Sanrio铁粉，一知道Teaculation+-×茶联乘Sanrio，推出6款限定特饮及周边礼品，当然立即去朝圣！😝今次联乘企划叫「Thirst for Vaction」，以Sanrio 六个主角去旅行为题打造～老板之一嘅旅游达人袁学谦表示，因疫情大家都无得去旅行，所以希望透过呢个主题，勾起大家系旅游时嘅美好回忆，带嚟正能量咁话！▲在开卖首日，在活动遇上旅游达人袁学谦。▲沙冰系列，顶部都有可爱嘅果冻公仔，打卡100分！✦Pochacco 草莓豆乳城堡个人最爱呢款草莓豆乳沙冰！顶部系乳酸味果冻，采用Pochacco造型，劲可爱！下层则系豆乳沙冰及草莓果酱沙冰，饮上去酸酸甜甜，好消暑！呢款饮品虽然外形最吸睛，但成份纯素，素食者饮都无问题，而且唔系好甜，几正！✦Ahiru No Pekkle 薄荷奇幻果园钟意清爽嘅朋友，呢款薄荷柚子沙冰就啱晒！上层系AP鸭果冻，打卡100分！下层系薄荷＋韩国济洲岛柚子沙冰，饮上口劲冰凉爽快！✦Bad Badtz-Maru 搞怪黑芝麻扑克迷宫呢款好多女士都钟意，黑芝麻＋豆乳＋奶盖，最滋补架啦！而且亦比想像中无咁甜，奶香浓郁，整体都OK！我钟意呢杯奶盖上嘅XO！😝不过饮完真系超饱肚呢！✦Kerokerokeroppi 抹茶森林探险讲起绿色，Sanrio嘅代表角色一定系Keroppi啦！呢款抹茶红豆奶盖，用日本进口嘅宇治抹茶整，沟埋浓郁嘅奶盖及红豆饮，口味虽大路，但整体味道都系平均水准之上。▲特饮系列颜色好靓，散发夏日气息！✦Hangyodon 蓝柑冲浪乐园呢款系蓝柑味特饮，颜色最靓 ，充满海洋气息。代表主角系Hangyodon，插上角色饮管，好似见到水怪系上面浮潜呢，好搞笑。😂✦Tuxedosam 活力巨峰沙滩企鹅仔呢款特饮系巨峰提子味，同样地有好靓嘅渐层，以清甜爽口见称，饮完都不会有甜腻感，味道OK！▲除咗特饮，佢哋仲有Hapidanbui 限定杯套及索绳帆布袋～买饮品加钱换～数量有限，Fans有买趁手！▲开卖日适逢旺角店正式开业，人头涌涌！▲一入店即有一块大Sanrio纸版，系必影打卡位!P.S. +-×茶属于少盐少甜店，整体饮品都唔甜，超钟意！😍
继续阅读