WM Café & Bar (雅濤居購物商場)

营业中

休息中

今曰經開馬鞍山去左幫襯WM CAFE & Bar，餐廳的燈光柔和，環境非常整潔，贊！座位寬闊，卡位是皮梳化設計更舒適乾淨👍WM剛剛推出新的晚餐Set Menu有好多選擇龍蝦湯非常鮮味，龍蝦味突出，個湯好柔滑法式鴨肶香煎鵝肝菠菜闊條麵香煎鵝肝煎到好香口好好味。好少咁樣食鴨肶，鴨肶比雞肶更結實，肉味更濃郁❤️南瓜貝柱意大利飯配香煎刺身帶子勁好味呀😍南瓜意大利飯唔會太硬，符合港式口味。貝柱同刺身帶子雙重滿足，刺身級數帶子外層微微煎香，裡面仍保持鮮嫩👍配埋荔枝蜜桃梳打同熱情果菠蘿梳打真係無得頂🍍🍑這裡的Home-made Dessert非常出色，所有甜品都是甜品師傅親手整，我地要左個跟餐朱古力香蕉忌廉薄餅🍌同upgrage左一個自家製甜品士多啤梨軟身芝士餅(strawberry combo light cheesecake) 🍓我好鍾意這種很raw的芝士餅，更加有口感，軟芝士口感更滑溜，配埋士多啤梨酸酸甜甜好味道❤️❤️朱古力香蕉忌廉薄餅要襯熱食，pancake餅皮整得好薄好煙韌，唔會水漏漏，自家製忌廉唔會太甜，食得出好有heart, 我同老公都贊不絕口🤗💓

今日係馬鞍山做完野，就搵個地方食lunch。我之前係大埔分店有食過呢間既dinner，覺得幾好食，反而未食過lunch。餐廳環境幾寬敞，同埋幾乾淨企理。我叫左個烤燒紐西蘭肉眼扒配紅酒燒汁。佢首先黎左個餐湯，係龍蝦湯，好鮮甜同埋濃味，我幾鍾意。餐包就係蒜蓉包，我好鍾意食蒜，呢個包蒜蓉味好重。件扒好大件，同埋我叫左5成熟，d肉就唔會煮得太老，肉質鮮嫩，好容易切開，個意粉佢煮得岩岩好，唔會太淋或者太軟。

係Happy Friday🥳 #到底疫情幾時完!!😭辛苦咗成個星期決定去屋企附近嘅一間餐廳食吓好西。餐廳喺新港城附近，唔算難搵。一入去就係cashier/reception，已經即刻有人招呼。入座係卡位，夠哂闊，好難得喺香港會有餐廳坐得咁舒服，greeting吹水都唔會覺得太逼。叫咗兩個set dinner，包餐包、湯（蕃茄/龍蝦湯）、主菜同埋甜品，都幾豐富。冇幾耐已經上咗個熱辣辣嘅餐湯同埋餐包，一個係龍蝦湯，一個係蕃茄湯。平時喺出面飲湯好多時會比較稀，我個人就會偏好夠味啲嘅湯。呢度嘅龍蝦湯夠濃，飲落一啲都唔油；蕃茄湯好足蕃茄味，有小小蕃茄嘅酸味，湯入面有蕃茄蓉同埋切開咗嘅蕃茄。::主菜::•鵝肝鴨胸菠菜闊條麵($88)配菜夠，有椒、菇，可能因為係菠菜闊條麵，食起上黎唔會太油，岩岩好balance到鵝肝同鴨胸嗰種heavy嘅感覺。•WM burger ($78) - veggie用料: 牛油果、大啡菇、蕃茄、生菜用牛油烘咗個包，比較少見，亦都見餐廳喺細節位有花功夫。大啡菇落咗黑椒調味，菇唔會太dry，夠juicy，滿意！•薄荷青檸梳打 (set dinner +$18升級)清新feel

成日都話馬路山係美食沙漠，今日同朋友係雅濤居購物商場地下發現左間唔錯嘅餐廳，於是我地忍唔住去試一試～入邊環境幾好，庭位位置足夠，而且坐得好舒服，唔會話太逼。午餐嘅選擇非常多，有意粉有扒，我同朋友分別叫左 J 餐 明太子貝柱蟹柳蟹子意粉（$56),同埋X 餐 烤燒紐西蘭肉眼扒配紅酒燒汁（$76),午餐都會配湯同蒜蓉包忌龍蝦湯仲未入口已經聞到好香濃嘅龍蝦鮮味，而且唔會太鹹，味道岩岩好。蒜蓉包都係非常之香脆，蒜蓉味香濃～烤燒紐西蘭肉眼扒（五成熟）份量非常足夠，肉質鮮嫩，唔會太乾亦都唔會太硬，入口肉汁四溢，配埋紅酒燒汁，味道一流明太子貝柱蟹柳蟹籽意粉（$56)貝柱同蟹柳都非常足料香草味濃郁，意粉好滑，非常推介！薄荷青檸梳打，薄荷加埋青檸非常清新嘅味道，好好飲！！！值得一試！

早幾日去咗朋友屋企附近馬鞍山嘅呢一間細餐館食嘢，喺門口睇佢嘅餐牌覺得唔算貴，而且環境都唔錯，所以就入咗去食。餐湯同埋餐包都屬正常水平，個湯係龍蝦湯，唔係羅宋湯或者忌廉湯，平時食開嗰啲西餐廳都係得羅宋湯或者忌廉湯，有龍蝦湯嘅話我自己感覺比較良好。飲品我哋叫咗啲特飲試吓，青蘋果特飲同埋熱情果特飲，兩種都幾特別，平時喺出邊未必咁容易可以飲到，所以如果嚟到可以試一試。之後叫咗一份帶子意粉，同埋一份佢哋嘅招牌威靈頓牛柳。啲粉幾好食，醬汁唔係好多，但係調味我覺得算足夠，威靈頓牛柳一出嚟就好熱辣辣，因為佢係即叫即整，配上佢嘅燒汁，我個人幾鍾意，因為以呢個價錢食到威靈頓牛柳其實已經好難，而佢整得唔錯。整體來講，呢度嘅環境相當唔錯，而且價錢唔貴，可以嚟試試。

呢排鍾意踩單車入馬鞍山，因為發覺裏面真係又開始有好多好嘢食，所以今次就入咗去食呢一間WM bar & cafe。首先睇吓個環境，個環境係坐得好舒服嘅Cafe，裝修都好別致，張枱好大，好啱同唔同嘅朋友傾偈，一路食嘢都好舒服。因為今次係食平日嘅晚餐，所以有個好抵食嘅dinner Menu，晚餐已經配左餐湯，一個主食，套餐仲會配咖啡或茶，和一個甜品，以呢個價錢其實真係性價比好高，同埋食物質素都好好食，今次就叫咗兩個餐，分別係E餐嘅脆炸軟殼蟹香蒜魷魚圈墨汁意粉，同埋L餐雙層檸檬烤雞拼香辣脆炸雞芝士漢堡配薯條。首先係餐湯，今次叫咗一個番茄湯，同埋一個龍蝦湯，兩個湯都會配上一個餐包，番茄湯酸咪咪手好開胃，龍蝦湯個龍蝦味好重，兩個湯都好唔錯。跟住就到脆炸軟殼蟹香蒜魷魚圈墨汁意粉，個炸軟殼蟹炸出嚟，配埋一啲飛魚子喺上面，成個配搭都好夾，魷魚好新鮮，墨魚汁同扁意粉嘅配搭更加係一流，呢個意粉真係好好食呀。然後就到雙層檸檬烤雞拼香辣脆炸雞芝士漢堡配薯條。個麵包皮係煎過嚟好趣嘅，裏面有兩種雞，一隻係烤雞，另外一隻係香辣脆炸雞，個漢堡包醬好好食，啲薯條都炸得好趣口，成個漢堡餐都幾特別。然後就叫咗兩個嘢飲，分別係

武漢肺炎差不多半年了出街都唔夠膽怕感染早前有立限制令唔食野時要帶口罩😷如果被捉就罸款情況下真係唔想堂食最近疫情好轉下想外出食下野同男朋友入馬鞍山買野時順便係周邊搵食經過見到呢間食西餐嘅Bar見佢裝修都幾靚👉🏻其實似餐廳多過Bar😅見佢門口menu又有set dinner 價錢上晚餐算係貼地Set dinner有湯(有二款)+包+主菜+餐飲+甜品）仲可以加錢升級轉飲品&可以加錢追加小食𠻹晚餐嚟講算多選擇👍🏻我地選擇咗特別的主菜(屋企及出面都少食)👉🏻鴨肶鵝肝菠菜濶條麵👉🏻雙層烤雞拼香辣脆雞芝士漢堡👉🏻加小食雞翼👉🏻加沙津👉🏻加特飲龍蝦湯🦞🦞滑而濃味蕃茄湯🍅🍅酸酸甜甜餐飽🍞都幾特別👍🏻👍🏻主菜👉🏻鵝肝煎得香鴨肶好入味😋主菜👉🏻漢堡二件不同口感雞件幾特別小食👉🏻沙津小食👉🏻雞翅入味及香脆甜品👉🏻跟餐"香蕉pancake"甜品👉🏻加錢"檸檬芝士蛋糕"餐飲👉🏻加錢特飲透心涼😬餐飲👉🏻咖啡"掂"估唔到跟餐都唔差👍🏻

在馬鞍山食西餐🍽常常會去WM,因為離海濱長廊非常近，🌊食完晚餐可以去行行海邊、睇睇月光!🌜WM主要食簡約西餐，吃過幾次都相當有水準! ⭐️先講講餐湯👉🏼係忌廉龍蝦湯，龍蝦味好濃郁並有一絲絲的龍蝦肉🦞...好有誠意！Main Course 選了🦢鵝肝鴨肉意大利飯, 米粒軟硬適中粒粒被湯汁包圍；鵝肝肥美外面焦香、入口即融；而鴨肉令整個飯好香呀！😝$12 必加 Home made dessert 👉🏼係華田Mousse Cake 🍰 麥芽的甜蜜美味，加上脆脆口感，欲罷不能！👩‍❤️‍👨最後係白雪公主遇上黑牛👉🏼我選的雲呢拿忌廉梳打同朋友仔的朱古力雪糕可樂！🍨好玩好食又懷舊滿滿嘅drink......好一個完美的美味衝擊！🥊

馬鞍山其實有好食的西餐！😋佢可能會比馬友都忽略左，因為佢離馬鐵站都有5分鐘的距離，但係好抵食同出色！👍🏼先睇個晚餐餐牌，全部都係$100有找，仲要係餐的價錢，出面食個意粉，都坐底$100啦。雖然冇牛扒，但係都有威靈頓牛柳，都只係$128！出邊食過牛樓無返$200都落唔到樓啦，呢度真係好抵😻😻😻😻.龍蝦湯（推薦指數😋😋😋😋😋）呢個龍蝦湯一啲都冇偷工減料，因為真係好重龍蝦味🦞🦞同埋好濃！😱😱😱你係飲得出真係落足料去煮，淨係飲呢個湯都抵！完勝好多西餐廳的龍蝦湯。.脆炸軟殼蟹墨汁意粉🍝🦑🦀 （推薦指數😋😋😋😋😋）$88呢個又係要比5個😋，$88渣！真係去邊度搵咁好食又咁平嘅軟殼蟹墨汁意粉呀！啲意粉有淡淡的蒜香味🧄。隻軟殼蟹仲要好香脆同埋好大隻。佢仲落咗少少嘅蟹子，所以食意粉嗰陣時會食到卜卜脆，口感好特別。$88都唔會交行貨，佢仲有糯米小小嘅蟹肉😋😋😋😋😋😋.烤石斑魚柳配芥末籽燒汁 $88（推薦指數😋😋😋😋😋）呢個烤魚樓都係想推薦，首先個魚柳肌肉係比較實淨👍🏼，所以應該唔係我哋平時喺茶餐廳食開嗰啲所謂嘅石斑魚，舊魚本身應該係有質素🐠。咁當然佢都炸得好脆。依家重點反而係個汁度，個魚可以點三隻汁：1

WM Café and Bar (馬鞍山).男朋友住喺馬鞍山附近，見呢間西餐近近地而且價錢亦都非常親民！.⚜️忌廉龍蝦湯⚜️.好濃郁嘅忌廉龍蝦湯，比較creamy!.⚜️鹽烤帆立貝海膽汁意大利粉⚜️.意粉份量多，兩大粒帶子，但食唔出鹽燒過，意粉屬多汁.⚜️龍蝦汁海蝦蟹肉意大利粉⚜️.佈滿蟹肉碎，龍蝦湯龍蝦🦞汁睇黎都係呢到招牌之一.⚜️阿華田芝士蛋糕⚜️.呢個店員10分推薦，佢同我哋講佢哋有自家餅房，阿華田味道嘅東西好難抗拒！(⁎⁍̴̛ᴗ⁍̴̛⁎)————————————-味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️環境：⭐️⭐️⭐️⭐️.📍 WM Café and Bar (馬鞍山)馬鞍山鞍駿街15號雅濤居購物商場地下G01B號舖—————————————————————-#hkig#hkigfood#hkfoodie#foodie#food#food#foodstagram#hkfoodlover#hkdaily#foodiehk#foodig#foodlife#hkfood#foodblogger#hkfoodblogger#hkgirl #foodporn #WMcafeandbar

今日同小學同學食飯，大家都喺馬鞍山區長大，所以都喺附近搵下食。嚟到呢間西餐廳，見價錢OK,門面ok, 就入去嚕！餐廳裝修不錯，暗暗地，適合傾計談心。卡位空間好大不在話下，背墊又夠高，私隱度一流，讚！點餐後龍蝦湯同蒜蓉包先上，龍蝦湯雖然無肉，但個湯好濃味同creamy, 蒜蓉包上台仲熱同脆！我叫咗鹽烤帆立貝海膽醬意粉，可能加咗海膽醬嘅關係，成碟粉會比較濕，但係有帶子同海膽醬，的確非常鮮味！朋友叫咗脆炸軟殼蟹墨魚汁意粉，見到嗎？真係成隻軟殼蟹嘅形狀出咗嚟，呢碟粉明顯比較乾身，墨魚汁顏色唔係好深，但係食落味道都啱啱好，亦都防止食到成咀都黑色。軟穀蟹炸得都幾脆，味道都唔錯。聽講係呢度嘅招牌菜之一飲品方面叫咗荔枝蜜桃梳打同埋香茅檸檬梳打，成件事非常完滿

今日得閒，約埋老友記，試新餐廳，早排開車經過，這間餐廳，門面裝修黑色為主有點特別，經常見人排隊等候入座，今日不用返工，特登早啲走嚟試午飯🥣12:15到門口，門口接待員，熱情有禮帶領我們到卡位，入去裝修以啡色為主，更有我喜愛英式啡色窩釘梳化🛋️，而且座位十分闊落，整體裝修也有點懷舊感覺！不是一般茶餐廳感覺！Set lunch 也許多款式選擇，我們叫了1)鹿兒島黑豚西冷配北海道檸檬海鹽吼雞意粉🍝上碟，熱辣辣，海鹽烤雞扒，好味香脆，西冷扒厚肉，意粉硬度，適中👍，啱我口味😊還大大碟2)全天候早餐配烤多士朋友說，也很好味😋，全部新鮮熱辣辣上，竟然有兩隻太陽蛋，兩條好味豬肉腸3）餐湯忌廉龍蝦湯未飲，已聞到很香龍蝦🦞味，飲落香濃龍蝦湯，真想要求送多碗來😂凍檸茶 ok凍奶茶🥤，奶多了一點服務員熱情介紹，藍妹芝士蛋糕🍰，可惜我們食得，太飽了！下次一定要試吓！最後食了$124 好抵食，下次一定再來！

HOME OFFICE進入尾聲，家下在屋企日做夜做，有時真係好頂唔順3餐都仲要在屋企食。所以最近都冇再叫外賣，而係落街食下野同行下。因為做得太夜了，所以但求就腳，就在樓下的西餐食晚餐。都好一段時間冇來了，呢到依然都KEEP得好整潔乾淨，令人入到來都安心同坐我得好舒服。呢段時間，而且都比較夜了，人就少D.因為太肚餓了，打仗咁我飲左個餐湯同多士，就急急食呢個好香忌廉味的意大利卡邦尼意粉喔。流心蛋卡邦尼意大利粉$68份量好多，而且麵質好好，夠爽，仲有好重既芝士味，一入口就醒曬~HONEY就叫左呢個好特別既鹿兒島黑豚西冷配檸檬帶子青蘋果絲$98~酸酸的汁夏天真係幾開胃~而且個豚肉都好林，的確係幾獨待既菜式。好肉又有大大粒帶子，好豐富的一個餐~飲品有百香果SODA，我就要左杯朱古力咖啡。好美的拉花呢，想不到就在樓下都可以食到咁高質既西餐，真係滿足的一晚。

HAPPY FRIDAY, 約下朋友聚下，就在她工作的附近找個好地方坐下食下野。呢家WM其實都好像開左一段時間，通常都只行過，今次終於有機會去食下。入到去環境都好企理，俾人感覺好乾淨同RELAX，好喜歡呢個綠油油的FEATURED WALL, 令人好舒服，影相都好靚。叫左兩個SET DINNER, 都有餐湯同飲品的。今晚有龍蝦湯，好香濃的西湯，配上脆脆蒜客多士，比起一般餐包，真係好食太多了。主菜首先來了烤石班魚柳配芥末籽燒汁$88，魚柳好厚，有口感。而且燒汁有淡淡芥末味，開胃的呢~底有牛油薯容，好味~!脆炸軟殼蟹墨汁意粉$88，激讚呢~意粉炒得好香，重重的蒜香味我至愛，另外主角軟殼蟹脆卜卜〝好新鮮~!餐飲只要加$13元，就可轉特飲，天氣咁熱真係好想飲D童年消暑回億冒黑牛~~~~~哇，真係好耐冇係餐廳飲過了~超開心~朋友就叫左PINA COLADA，椰香飄飄~迎接快樂的周末~~~~CHEERS~

今晚嚟馬鞍山同朋友食飯，佢建議食呢間WM cafe。離新港城都近，馬鞍山站落車，大約行咗5分鐘。我哋都算早食飯，七點前嚟到唔使等位🤓🤓Set Dinner 都幾多選擇，而且價錢都唔貴！揀咗個流心蛋卡邦尼意粉$68跟餐仲有蒜蓉包同埋忌廉龍蝦湯😍係我最鍾意飲嘅西湯😚😚蒜蓉包幾香脆，呢個價錢有龍蝦湯都唔錯，好濃郁，有龍蝦肉絲，唔似係罐頭湯煲出嚟👍🏻👍🏻個意粉賣相唔錯，好大碟，分量十足！煙肉有輕輕煎過，個流心蛋真係流出黎架😍😍😍係出面食過類似既都要成舊水，呢到真係好抵食！烤石斑魚配芥末籽燒汁$88石斑魚煎得好香，都有手掌咁大條，面頭脆脆地好好食，薯蓉夠綿滑，而且芥末籽都唔平，用料講究👍🏻😏見到啲蛋糕整得幾精緻，跟餐可以加錢食，我哋就加咗一件榛子朱古力蛋糕。餅底都有朱古力，朱古力味唔會太甜啱啱好，中間嘅海面亦都好鬆軟，好食！😋😋餐廳坐得好舒服，服務又好好，不停幫我地斟水😆見到佢嘅下午茶餐都好吸引，好抵呀，下次可以再嚟幫襯👍🏻