WM Café & Bar (海之戀商場)

营业中

休息中

今日去咗荃灣行海之戀，見到有啲肚餓，於是就入咗去WM cafe度食個晚餐。黎到叫咗兩個主菜，另外，加$35就可以變做套餐，會配餐湯、包、沙律/小食、餐飲，性價比十分高。今日餐湯係龍蝦湯同黑糖麵包，真係十分驚喜，平日出面好少見，小食就係炸蠔，炸得好脆口。跟住就黎咗意大利風乾火腿火箭菜薄餅，餅底係薄身pizza，食落好脆口，再配埋火腿既鹹香味同火箭菜嘅清新，真係好夾。之後就黎咗燒春雞，燒雞既時間啱啱好，雞肉好嫩滑同多汁，特別係蜜糖醬真係溝得幾好食，而且配菜仲有好多薯條，仲有洋蔥圈，十分豐富。最後仲叫咗阿華田蛋糕同藍莓芝士蛋糕，蛋糕唔會話好甜，而且食落唔會流，值得一試。

放假同老婆去商場行街，買左勁多野想搵個地方坐低舒舒服服抖下食個晚飯，又黎呢間平靚正cafe醫肚。如果有幫襯過一定知，呢度有位非常熱情嘅員工，好好笑！開心入座後，點左無得輸嘅安格斯牛肉芝士漢堡配洋蔥圈、薯條。兩邊麵包牛油煎香，厚厚嘅漢堡又香又juicy，新鮮生菜番茄及酸瓜，味道梗係誇啦啦！洋蔥圈同薯條我都食哂！鍾意佢炸得香脆內軟，超香口。老婆叫左蒜香檸檬海蝦扁意粉，清新之選。意粉質感彈牙，蒜香檸檬香都有，海蝦鮮又爽口，老婆都讚好。老婆想豐富d，加$35轉餐，有番茄湯、廚師沙律、另再加$4 upgrade檸檬柑橘蜜，食埋cheesecake 埋單$300有找。

唔知係午餐食得太飽滯定熱到冇乜胃口💦行完商場唱完首Don Don Don之後…夠鐘食晚餐啦(雖然未見餓!但想坐低hea吓口部運動吓😝)唔想離開冷氣區域就直接喺海之戀入面覓食啦!!行行吓見到呢間cafe✨位置咁隱蔽都好多枱客人喎!!一於入去打個卡😃. 🔸西柚巴馬火腿煙三文魚沙律 $98🔸本身係點咗柚子鮮果沙律(到埋單依然係出呢道菜名😂)但話無哂柚子…所以轉咗點呢道同樣咁fresh嘅開胃沙律🥗西柚酸味中和咗啲ham嘅咸香！煙三文魚又一如既往咁好夾啲沙律菜！成碟沙律就係Be想要嘅解暑開胃菜🙂.🔸牛油果蟹肉青蘋果煙三文魚千層 $68🔸呢款前菜淨係逐樣讀啲食材名都知幾清新啦✨上到枱仲有埋靚靚擺盤(有啲晶瑩嘅三文魚籽)!!creamy牛油果+鮮味蟹肉+爽脆青蘋果+煙燻味三文魚👌👌係一道大熱天時食都無負擔嘅稱職前菜！. 🔸芝士奶蓋牛油果沙冰 $38🔸呢度都有幾多特別嘅飲品🍹Be抵受唔住呢杯特飲有個咁誘人嘅名就點咗啦！不過唔想吸收太多糖份(因為要留quota叫甜品😜)所以點咗走甜!(但下次都係叫番正常好啲)係的確比普通嘅牛油果沙冰更厚實creamy但啲芝士奶蓋味就唔係好出囉😅不過真係好鍾意咁豐富嘅口感

有一晚收咗工就嚟呢間西餐廳食飯，因為都可以坐耐少少同朋友傾吓計，到咗之後客人都唔算多，位置都坐得比較舒服，成個環境裝修得不錯，我哋叫咗一份啖啖肉Pizza，一碟香蒜蜆肉扁意粉同埋一個雞翼拼盤，先講吓個Pizza，食入口真係啖啖肉，餅底唔會好口，脆卜卜，味道都唔差，每一件都會有一粒肉丸喺上邊，再加咗少少肉醬同埋肉碎，另外又有芝士粉，都唔差，雞翼拼盤佢分咗三種唔同口味嘅雞翼，有水牛城雞翼，柚子蜜糖雞翼同埋原味雞翼，個人覺得蜜糖雞翼同原味雞翼比較好味，因為水牛城雞翼味道都唔多似水牛城雞翼，但係味道都唔太差，柚子蜜糖雞翼淨係食到蜜糖味，而原味雞翼就即係普通嘅雞翼，整體呢碟雞翼拼盤味道都OK，最後就係香蒜蜆肉扁意粉，蜆肉有幾隻，唔算太多，蜆肉比較細粒，扁意粉個人認為味道比較淡，食唔出香蒜味，下次可以試吓其他意粉。

今日喺海之戀撞到個舊朋友 咁啱我哋兩個都未食飯 平時大家都忙 好難約到 難得大家得閒就不如一齊食 餐廳佈置得好靚🤩有好大幅嘅草皮牆仲有舖頭名嘅燈係上面比人打卡用✨🌟我同朋友平時都食好少 所以淨係叫左一隻燒雞兩份share再加每人一杯野飲香草柚子胡椒蜜糖燒雞雜菜配洋蔥圈薯條$186勁香蜜糖味嘅燒雞一放上張餐枱上面已經聞到 肚餓到飛起嘅我哋當然嗱嗱臨影完相就切開隻燒雞一人一半 肉質嫩滑 唔會好似平時啲燒雞咁勁鞋 配上黑椒汁 味道一流士多啤梨雪葩$34葡萄柚蜂蜜茶$32#荃灣美食 #香港ig #hkig #hkfoodie #food4life #foodporn #foodlover #lovefood #igfoodie #foodmadness #craveforfood #hungry #eat #冬陰生活日記 #冬陰生活日記_荃灣

WM位於海之戀商場3樓既一個唔起眼既角落位，入到去先發現原來佔地好大，室內幾闊落，仲有好多室外位😍柔和既燈光配合埋寫意既環境，放工/放假黎happy hour都幾chill~💭😉餐廳服務親切，食物選擇以西餐為主，跟餐+$35配埋餐湯、吉列蠔/沙津、茶/啡，味道正常😆☑️蟹皇薄餅 ($92)pizza係偏脆既薄批，配料有蟹肉、蟹柳、蟹膏醬，配上大大隻軟殼蟹同埋爆多芝士😍一次過滿意海鮮迷同芝士控，幾抵食🥰☑️香草柚子胡椒蜜糖燒雞雜菜(半隻)配洋蔥圈、薯條 ($128)燒雞非常香👍🏻一上枱已經聞到陣香草味，柚子胡椒唔算突出，但亦腌得入味，夠juicy嫩滑，甜甜地幾好食😋洋蔥圈好大個好香口，可能係我地食過最脆既洋蔥圈😂☑️士多啤梨芝士餅 (跟餐+$14)面頭既豬仔朱古力幾得意🤣士多啤梨味正常，酸酸甜甜咁😆不過食埋舊朱古力就有啲滯啦😳☑️伯爵茶巴斯克芝士蛋糕 (跟餐+$20)香濃既芝士味配上微微既伯爵茶香，面頭既焦香味加上creamy既口感，味道幾平衡☺️茶味再濃啲就好啦~

海之戀商場嘅一間又可以食嘢又可以去飲杯嘢嘅WM Cafe’&Bar…仲有室外可以坐嫁。安格斯牛肉芝士漢堡估唔到有兩塊牛肉漢堡扒，兩塊size都適中唔會好厚。仲要有兩塊芝士好邪惡😝。漢堡扒味道正常勝在佢有個醬汁嘅配搭～味道唔錯。佢個漢堡包包皮又係幾香脆上面仲有芝麻☺️蟹肉龍蝦汁大蝦扁意粉意粉嘅龍蝦汁味唔係好多，如果龍蝦汁味再重d就正😛。意粉上面有啲蟹肉碎，啲蝦就細細粒口感都可以😉，加$35就可以轉餐，有龍蝦湯 原來可以選擇吉列蠔或者沙律🤩。佢哋仲有甜品可以加今次食咗佢個阿華田芝士糕同埋檸檬芝士蛋糕🍰兩款都唔會好甜👍🏻

有日小編朋友👫🏻約係荃灣海之戀覓食 經過見到呢間西餐廳🍷 價錢不貴 而且款式多 所以就即管試一試😋墨西哥手撕豬肉薄餅🍕 ($98)手撕豬肉🐽薄餅🍕真係第一次見 薄餅🍕的size 都幾大 雖然係薄批 但對兩個人來講份量有點多😳 手撕豬肉有少少辣🌶️ 令整個薄餅更惹味巴馬臣芝士香煎珍寶帶子卡邦尼扁意粉🍝 （$98）意粉面頭灑滿巴馬臣芝士🧀 卡邦尼醬汁比較濃郁 非常creamy 配有非常珍貴的帶子 因為得一粒🥲 帶子煎到剛剛好 亦保留肉汁 如果有多一粒就Perfect🤣青蘋果牛油果醬蟹肉沙律🥑🥗 （$78）對牛油果愛好者的小編🥑 呢度菜式係必點嘅項目 沙律加入左青蘋果🍏令沙律更有口感 整體感覺非常之清新 而且好開胃🤤龍蝦湯🦞 (+$35 套餐)估唔到套餐係可以跟龍蝦🦞湯 因為通常一般餐廳都會係跟忌廉湯或者羅宋湯 龍蝦湯嘅味道濃郁👌🏻炸蠔🦪 (+$35 套餐)雖然係配菜 但估唔到有驚喜 炸粉唔會太厚 火候控制得剛剛好👍🏻 唔會燶或者炸到乾爭爭 蠔🦪仍然很Juicey

第一次去呢個商場，有好多唔同食肆，特別經過呢一間見到環境唔錯有室內有室外☺️。芒果莎莎脆魚柳芝士漢堡配洋蔥圈薯條 $138好好食！魚柳絕對唔係用啲垃圾魚炸成嘅，食到魚味🥺。芒果莎莎令成個包冇咁油膩，食落清新啲，係個好好既配搭👍🏻。配菜嘅炸洋蔥圈同炸薯條都整得幾好，食得多真係要食粒喉糖，因為所有野都係新鮮炸既，特別熱氣🤣。芝士芥末焗蟹肉忌廉大通粉 $98我哋覺得係用鮮蟹肉拆成嘅，因為食到有少量嘅蟹殼。絕對唔係批評，有少量嘅蟹殼先證明到我哋係食緊真！蟹！肉👍🏻！通粉份量非常之多，仲要有芝士又有忌廉，我哋兩個食唔晒個麵🤣。加$35有是日餐湯同吉列炸蠔由於我好鍾意食蠔，所以揀吉列炸蠔嘅時候絕對冇諗過我哋已經有炸魚柳炸薯條炸洋蔥圈😂。隻蠔炸得外脆內Cream，好食，值得一嗌！最緊要係價錢唔貴😎。芝士醬焗西蘭花 $56成日覺得食西餐一定要嗌焗西蘭花先叫完美，因為西餐好少菜食🤪。依份小食又幾抵喎，啲西蘭花堆到山咁高，啲芝士又拉到絲，正啊🤟🏻。芒果奶昔 $35好大杯好抵飲，飲落杰杰地身，好冰。當食左好多炸野個喉嚨就快爛既時候，飲一啖奶昔，爽😍。

又去左DONKI掃貨，買完野特別肚餓，所以一出黎見到呢間西餐廳就衝左入去試，餐廳有室內同室外座位，天氣咁熱，都係坐返室內舒服D。WM特色安格斯牛肉(8安士)芝士漢堡配炸洋蔥圈及炸薯條安格斯牛肉超厚身，牛肉味香濃，咬落去啖啖肉汁，漢堡亦好軟熟。配埋炸到香脆既洋蔥圈係絕配。巴馬臣芝士香煎珍寶帶子卡邦尼意粉巴馬臣芝士鋪滿係意粉上面，上檯時已有濃濃芝士香味，珍寶帶子真係好大粒又好厚身，意粉煮到剛剛好，每一條都掛滿卡邦尼醬。宇宙洛神呢杯野賣相已經好吸引，有d紫色，又有d橙色，好有宇宙既神秘感，仲有粒恆星係上面，好有洛神花既味道。

晚上約左朋友係荃灣食嘢，天氣太熱就揀返入商場冷氣地方，就去左荃灣海之戀商場三樓嘅WM Cafe&Bar，餐廳環境都幾闊落。叫左個意大利辣肉腸水牛芝士薄餅($96)，Pizza係薄皮底，辣肉腸咸辣味適中，配住滿滿嘅水牛芝士好正。另外都叫左意式香草龍蝦汁大蝦扁意粉($98)，龍蝦汁幾香，大蝦爽身彈牙，扁意粉麵身偏軟。兩款主食都有轉套餐(各+$35)，分別有餐湯(龍蝦湯/雜菜湯)、吉列炸蠔/沙律、飲品，幾豐富。

收工，又做到粉碎了，來到海之戀食個晚飯，叉叉電。呢間西式 餐廳大，坐得好舒服又乾淨，價錢又唔貴，岩晒三五知己聚腳，店員有禮貌，服務態度好好。 新menu，WM吐司&漢堡，就試一試。美式軟殼蟹蟹肉牛油果吐司$88蟹肉，蟹仔，軟殼蟹，三為一體，哈，味道都幾夾。單試啖吐司，口感香脆，甜甜地帶點牛奶香。 蟹肉鮮甜，軟殼蟹香脆 juicy，卜卜爆開蟹子。 波浪薯條係我至愛，放左一陣都keep住脆口， 乾身唔油膩。酥皮焗三文魚扒 $168擺盤好精緻，用急凍三文魚柳同百葉菇，包著酥皮外層， 做法好似希靈頓牛柳咁，唔錯。直得一讚係連配菜都做得唔錯，蘆筍好爽口。忌廉凍朱古力 跟餐加$12唔算太甜，忌廉好軟骨，如果朱古力再濃味啲就正啦。怕凍可以叫少冰。

又黎donki 入貨，今次買完野順便係附近醫埋肚先走呢間WM 見menu 定價唔貴，而選擇都多所以試下南瓜帶子意大利飯，見之前唔少人推薦就試下。不過個口感實在太軟腍，比一般飯更濕同腍。 個人偏好較硬身risotto, 所以唔特別好呢款反而新出menu 軟殼蟹蟹肉吐司會比較吸引。軟殼蟹有完整一隻，唔係好脆。佢仲有蟹肉同蟹籽增加味道層次。 一邊係即炸曲薯條，好有舊式快餐店感覺，炸得都幾香脆而新menu 仲包左杯夏日冰茶特飲，無加糖淨係天然水果同茶幾健康。吉完西柚帶清香微酸幾fresh叫左個雞翼拼盤，呢碟反而唔錯。每隻雞翼即煎起，雞翼皮香脆，中間雞肉嫩而且都幾入味。柚子胡椒蜜糖，原味同水牛城香辣，其中個人覺得最喜歡的係柚子胡椒蜜糖，帶點柚子香同小甜。水牛城香辣唔算好辣，唔食得辣都岩最後叫左甜品估唔到反而係全晚highlight, 一件草莓布丁奶凍，口感幼滑creamy，帶vanilla香，跟日式布丁做法仲加左層焦糖但又唔算好甜，幾好食另外就係蘋果吉士醬酥皮蘋果金寶脆脆雪糕，推薦推薦~ 個酥皮即焗起熱辣辣，酥脆又唔會太厚。加埋中間甜甜蘋果，上面一球冰凍vanilla ice cream 有驚喜

星期四在位於海之戀的donk掃貨完就睇睇有咩食。見到間餐廳既裝修十妙搶眼，一大片綠悠悠的草牆，再加上寬闊的座位空間，就決定試試。WM cafe and bar 食物種類選擇都頗多。特別在於除了酒精類飲品，竟然有奶蓋飲料。於是我先叫了杯芝士奶蓋香草鮮奶油latte, 頗有驚喜呢！最怕奶油latte 過甜或香精味重，這裡的卻恰到好處，奶蓋咸香豐厚，十分推薦不喝酒精的朋友。主菜叫了美國波士頓龍蝦芝士焗大通粉，有半隻大龍蝦在面， 龍蝦爽口彈牙，配上芝士，十分邪惡！龍蝦通粉配上濃厚鮮味的海鮮湯底，不會乾爭爭。湯底除了龍蝦味，還有雜菌和蜆肉一起煮成的。薄餅叫了W&M 啖啖肉薄餅，薄底香脆，配上意式肉丸，辣肉腸，芝士和蕃茄醬，以及清脆的洋蔥是十分經典的意大利風味！最驚艷的是結尾的巴斯克芝士蛋糕，面頭看落是焦焦的顏色，一入口卻是十分amazing !芝士蛋糕有半熟的口感入口即溶，香氣十足，十分推介這度甜品作餐點的結尾呢！

呢間餐廳係海之戀商場入面，有室內同室外座位，室外重有海景，環境都幾闊落同舒適。.意大利辣肉腸水牛芝士薄餅 $96Pizza上面有芝士碎、火箭菜及辣肉腸，入口濃郁水牛芝士滿佈口腔，十分滋味，而且個薄餅烤得剛剛好，脆脆地又不乾爭爭。.芝士香煎珍寶帶子卡邦尼扁意粉 $98大大粒帶子外層輕煎，口感一流，不過一粒有d唔夠喉。扁意粉爽口彈牙，沾滿了卡邦尼汁，夠晒creamy。.我地加$35轉套餐，有湯，吉列炸蠔/沙律，咖啡/茶。.吉列炸蠔外表炸得脆卜卜，亦都保留蠔的鮮味及肉汁，配搭埋沙律醬， 非常惹味。.廚師沙律有沙律菜、麵包粒同生果，蔬菜好新鮮，夠晒健康。.羅宋湯配餐包羅宋湯好足料，夠醒胃。餐包熱辣辣，外脆內軟。