WM Café & Bar (海之戀商場)

营业中

休息中

太過份啦！我同我老公星期5 7點幾入去，諗左一陣叫羊排，賣晒！再度問清楚啲侍應有冇食物係冇，佢答除左羊排都有。我地又諗多陣，叫左古巴三明治，轉個頭個經理話連三明治都賣晒😒咁我問有咩有，佢又話除左呢兩樣野之外都有！但係所有好心情都掃光啦！搞唔明白點解客人入座時唔講，宜家食餐飯要搶購係咪？邊個叫先邊個食？咁點解廚房唔入多啲份量？

掛住睇奧運冇時間煮飯，落街食個快靚正嘅晚餐！海之戀依家有好多餐廳，好多選擇，我哋今晚食西餐～Set dinner 由餐湯餐包開始，忌廉龍蝦湯味道都幾濃郁，餐包普普通通，焗熱咗都幾好食。之後有少少沙津，味道清新開胃兩個main course，一個係意大利辣肉腸水牛芝士pizza，一個就要咗墨魚汁秋葵八爪魚扁意粉。兩個嘅份量都唔少。Pizza 幾薄身幾香脆，芝士份量就唔算超級澎湃。墨魚汁扁意粉好味，每一條意粉都掛汁，好食！最後食咗兩件甜品：藍莓芝士蛋糕同埋白松露芝士蛋糕，飽晒！

呢間位於荃灣西鐵站上蓋，海之戀商場，交通都好方便👍🏻雖然餐廳都幾多座位，但係同樣都好多人等位，於是去Donki行咗個圈，大約8:00上去等咗陣就有位啦🙈✨ 🎈WM鵝肝安格斯牛柳芝士漢堡配炸洋蔥圈及炸薯條 $168純粹係想食鵝肝，所以就叫左呢一個鵝肝漢堡。估唔到竟然足足有兩塊扒😋😋仲要唔係薄切👍🏻啱晒同朋友share食，一人有一塊扒。雖然餐廳冇問我哋要幾成熟，不過都好彩煎得啱啱好，唔會全熟😆😆仲有配埋洋蔥圈同埋薯條，呢個價錢其實都幾抵😜🎈巴馬臣芝士香煎珍寶帶子卡邦尼扁意粉 $98其實好多餐廳嘅卡邦尼意粉都要呢個價錢，不過呢度仲有粒香煎珍寶帶子，兩邊煎香，不過又唔會全熟👍🏻👍🏻雖然粒帶子真係幾大粒，不過好食既野就一定會嫌少，我覺得如果可以有兩粒就好啦🙈🙈

喺海之戀行完街，同fd想揾間坐下食下野傾下計咁，行到三樓見到呢間wm bar環境幾好價錢又唔貴wor，就試呢間。室內full左，原來仲有露台坐，啲位闊落好多，夜晚啲自然風又涼，坐係度傾計都幾愜意~ 如果想同fd飲下酒吹下水慢慢歎，呢度都係不錯嘅選擇。啖啖肉薄餅➕35蚊是日餐湯是日龍蝦湯好有龍蝦味，好飲嘅~個餐前包有啲驚喜，我必須讚下，個包有陣酒味，又軟身，口感不錯。炸蠔就正正常常，啲蠔係新鮮黎。我又要讚下個薄餅，推介大家試下，唔好見佢個樣普普通通，但係好好味，無得輸。勁多邪惡芝士，仲拉到絲添。肉丸好有豬肉味~中間成扎肉絲，好足料。安格斯牛肉漢堡$140漢堡包就正正常常，足料係真嘅~雙層安格斯牛肉餅食得勁飽肚。麵包口感好~粗身薯條同埋洋蔥圈炸得啱啱好，好味~ 兩條友300蚊都唔洗，抵食。下次來親海之戀會再黎食，想試意大利同埋意粉，仲有藍莓芝士蛋糕🍰堂食$28咋。

擁有四間分店的西餐廳，包括這間落戶海之戀的分店，有戶外及室內用餐區。炎炎夏日我當然要坐冷氣區。WM鵝肝安格斯牛柳芝士漢堡配炸洋蔥圈及炸薯條 $168，厚切牛扒軟腍入味，肉汁豐富，黑白芝麻包香脆。蒜香檸檬海蝦扁意粉 $108，配搭特別，記得要把檸檬汁和香蒜拌勻，才夠入味。意粉對我來說份量頗多，宜分享不宜獨食。加$35可轉套餐，可以選番茄湯/龍蝦湯、吉列炸蠔/沙律，另有餐飲，經濟實惠。最後以甜品芝士餅作結。滿足！

行完DONKI 就一定要行下海之戀啦🤩🤩 今日又去到呢一間WM Cafe 食lunch, 勝在抵食又多款式😍今日除左有普通Set Lunch 之外，仲有季節限定WM特色吐司/漢堡 🧐睇落都幾吸引美式軟殼蟹蟹肉牛油果吐司🍞 $88賣相好加分😍 軟殼蟹炸得非常香脆，而且份量十足，配上口感幼滑嘅牛油果🥑 仲配埋三文魚子♥️層次口感豐富如果揀季節限定WM特色吐司/漢堡，免費送WM夏日冰茶特飲冰茶再配上新鮮柚子肉， 好refreshing 🤩🤩另外就叫多一個Lunch Combo，以前試過佢嘅牛肉漢堡好好食，今日就試吓雞肉漢堡 😍雙層檸檬烤雞拼香辣脆炸雞芝士漢堡配薯條🍟 $73香脆嘅香辣脆炸雞，同埋Juice多汁嘅檸檬烤雞，兩種唔同口感既雞放埋一齊做Burger,非常有驚喜😍餐湯：忌廉龍蝦湯

今日行去荃灣西站海之戀行街，又係時間搵晚餐食，海之戀商場都幾多食市，行行吓見到間裝修得幾靚嘅西餐廳，於是入去試吓。睇睇餐牌佢地d野食唔算太貴，所以叫咗幾款。凱撒沙律，份量都幾大，沙律菜都好新鮮。WM特式安格斯牛肉芝士漢堡配炸洋蔥圈同薯條，個包份量都幾大，入面2塊勁厚嘅漢堡扒，食落好juicy,洋蔥圈同薯條係即炸，好香脆可口。巴馬臣芝士香煎珍寶帶子卡邦尼意粉，隻帶子真係好巨型，煎得啱啱好，唔過熟，意粉個汁都好creamy。

放工諗住同同事起公司附近搵間餐廳食下晚飯,於是就入左呢間餐廳食野啦～佢有分室外室內嘅,如果想飲下野chill下嘅建議大家可以坐出面🥳香芒烤雞胸肉薄餅 [$96]無論芒果定雞胸肉都係大大塊,好足料🥰雖然第一次食pizza入面會有芒果🥭但好surprise芒果嘅淡淡酸味同薄餅十分夾,好開胃👍🏻芝士芥末焗蟹肉忌廉大通粉 [$98]雖然芥末味唔算太出但係芝士真係多到呢🤤忍唔住每一次夾一舊通粉都要狠狠蘸一堆芝士一齊食😍通粉唔會太硬或太軟,硬度啱啱好😌

呢間海之戀CAFE就算星期六日下就都好多人啊!估唔到都要等一等位, 好在環境勁大, 仲有室外位置架!不過我接受唔到太熱, 所以無出去, 留返係室內比較好, 就算好多人店員都好NICE, 介紹MENU可惜當日甜品款式比較少, 所以無叫到囉美式軟殼蟹蟹肉牛油果吐司 $88大大隻軟殼蟹啊！要先食蟹鉗，吐司有烘過帶脆身Lunch Set X. 烤燒紐西蘭肉眼扒配紅酒燒汁　薯菜　$93D薯條真係麻麻地, 無薯味, 好麵粉龍蝦湯幾濃龍蝦味啊! WM夏日冰茶特飲好似冰紅茶咁幾有趣, 隻杯都好鬼靚!!!

同一班姊妹們去食海之戀嘅呢間餐廳位置有啲難搵🚶‍♂️🚶‍♂️🚶‍♂️4個人有3個都兜咗2個大圈先搵到😅入到去落單果位短髮女侍應好似10問9唔應咁就算答都係答單字我當佢當日狀況唔好啦😣其他員工嘅服務都良好嘅一個lunch set大60幾到百鬆啲蚊質素都叫合格🤭番茄湯無咩特別🍅但我全部朋友都話南瓜湯好難飲又唔creamy又腥腥地🎃相信係個南瓜唔夠靚原件煙鴨胸配意粉出面好少見成嚿大鴨胸擺上碟通知都係切片我expect咁樣做係因為想keep多啲肉汁點知食落居然無咩驚喜😔咁反而好似切咗片好似食得仲方便啲最穩陣都係個雙扒飯其實味道同茶餐廳無咩分別只無係賣相叫稍稍精緻咗啲不過啲肉都幾juicy☺☺☺但價錢就貴好多啦個牛油果素食漢堡好壞參半啦配菜薯條質地都唔會粉嘅🍟個包脆得嚟唔會太乾身最欣賞佢牛油果有2個texture有切片同醬🥑🥑🥑口感即時豐富曬但所謂嘅大啡菇同大冬菇一樣大我個玻璃心就覺得好似俾人呃咗錢咁🙄你知架啦始終大啡菇價錢同鮮冬菇差一大截架嗎🙄🙄🙄唯一舉手讚嘅係環境出面有個陽台好靚😝唔怕熱可以坐出去室內幅牆其實都幾靚嘅🥰

Happy Friday 同朋友黎荃灣行街～去完donki 就黎呢間之前朋友介紹既餐廳食晚餐～8點呢個鐘數都有唔少人排隊😮餐廳內裝修幾靚，座位幾寬。鐘意食黑松露既我叫左個黑松露大啡菇Risotto飯粒口感creamy, 中間隻大啡菇好大隻😋 ，食落有微微既黑松露味～雖然唔係太濃味，但夠creamy.之後叫左個芝士火腿長通粉呢個通粉真係好經典，加上灑係上面既芝士粉，充滿濃濃既芝士味～🥰兩款食物都可以加35$變套餐，套餐有跟黑糖餐包同龍蝦忌廉湯，仲有炸蠔同餐飲～幾值得加。淨係個龍蝦湯都值回票價～好夠味😋

今晚去咗荃灣西海之戀商場度搵好嘢食，行過見到商場有間餐廳好多人排隊，於是我哋一行四人就決定去試吓。成餐飯我最推薦嘅就係牛肉漢堡配炸洋蔥薯條，漢堡個包烘得好趣，薯條都可以唔錯，漢堡好有牛味好好食😋另外就叫咗白汁火腿焗通粉，個通粉都幾煙銀，白汁都唔錯～另外仲叫咗個黑松露大啡菇意大利飯，個汁好香，本身我自己都好鍾意食大啡菇，所以呢碟我都好鍾意。小食方面就叫咗4隻水牛城汁炸雞翼，都幾脆好食😋如果跟餐加$35就有餐湯、餐包、同埋炸蠔兩隻，仲有野飲！我哋今晚個湯係龍蝦湯，好香嘅龍蝦味，我同朋友都非常之鍾意❤️環境方面，呢一度嘅位置都夾得幾開坐得都幾舒服，又唔會怕會同啲人好近。

平時黎開海之戀都無上過3樓，今次經過發現原來有間西餐就試試啦。餐廳座位都寬闊，仲有分室內同室外。Menu款式都多選擇，好多朋友都係到gathering食飯呢，店員態度都好friendly熱情😃🔸 牛油果蟹肉青蘋果煙三文魚千層（HK$68）黎個開胃頭盤先，滿滿嘅牛油果味，再搭配埋煙三文魚、青蘋果同蟹肉，達到千層效果。尤其值得一讚嘅係蟹肉個層份量都唔少呀，口感好清新。仲可以點下隔離嘅芥末醬馬上有第二種口感呀🙂🔸 墨西哥手撕豬肉pizza（HK$96）薄底嘅pizza外邊脆脆的，而中間位都仲係食到麵包個種軟身感。餡料嘅墨西哥手撕豬肉都好惹味，仲有火箭菜配住食就無咁膩口啦，2-3個人share都唔錯呢🍕🔸芝士芥末焗蟹肉忌廉大通粉（HK$98）食得多意粉都想試下其他，今次就叫做呢款大通粉。芝士芥末好creamy，配埋蟹肉食都好match，不過食到後來就有少少膩，可以配返啲清爽飲品呢🧀🔸 切件蛋糕甜品都幾多選擇，叫左芒果芝士蛋糕同Tiramisu試下，細細件唔驚食唔曬啦，無咁有罪惡感呀! 🍰

荃灣有個好處商場連商場舒舒服服可以行到好多街行完donki攰上一層試一試呢間西餐門口見到裝修幾grand入面座位闊落坐得幾舒服WM特色安格斯牛肉（8安士）芝士漢堡配洋蔥圈及炸薯條牛肉漢堡都幾juicy而且係雙層，每啖都充滿肉汁薯條係粗身波浪薯條洋蔥圈大大舊炸粉不厚皮脆得黎，也保留洋蔥甜味另加左＄35配餐湯，炸蠔龍蝦湯香味撲鼻，質地濃厚配香脆麵包不錯WM蟹皇簿餅一大隻軟殼蟹加埋新鮮焗起薄餅薄餅邊脆內軟香口好味這裡服務很好店員也有禮貌

星期六下午1時半walk-in, 等了十五分鐘，聽到好幾台客人已經預留座位。我們三大一小連嬰兒車，安排了六人座位，坐得非常舒服。麵包餐湯很快就到，是日餐湯是龍蝦湯，味道不錯，而且麵包香脆。點了3 份午餐，雞扒拼豬扒意粉、菠菜三文魚扁意粉和手撕豬肉菠蘿漢堡包併炸薯條。份量大，而且非常好味。雞扒香脆，豬扒有種斧頭豬扒感覺，2 者都非常嫩滑，加了三隻雞翼，味道不過不失。忌廉汁菠菜三文魚，香濃忌廉卻不膩，推介！漢堡新鮮熱辣，薯條香脆，豬肉絲有少許蕃茄味，加上菠蘿汁鮮甜，酸酸甜甜，非常醒胃。侍應服務很好，很有禮貌和細心。