WM Café & Bar (海之戀商場)

营业中

休息中

本局長是日與副局長於旺角巡視，見此cafe裝修雅致，遂入內一窺究竟。此餐廳有室外海景座位，可邊飽覽海景邊品嚐美食。本局長是次於室內就座，點下兩道主菜，加三十五元跟餐，有頭盤、湯、以及飲品。吉列炸蠔香脆可口又不失鮮味，沙律則為開胃醒神之選，配上芝士粉更添味美。是日餐湯為羅宋湯，足料，麥包亦夠鬆軟。主菜黑松露大啡菇牛肝菌野菌意大利飯，飯香，菇靚夾大件，好食。墨西哥手撕豬肉薄餅餅皮薄而脆，豬肉亦多汁可口。總括而言，餐廳食物好，環境靚，為三五良朋聚會之選。

呢間餐廳西利喇！令到我咁大個女第一次打食評黎到海之戀商場，當然想搵間靚景可以坐出面既餐廳，加上朋友生日，物色左好耐，見到呢間有咁多叻叻咁多好評，諗住實冇死，一於試下啦！入到餐廳，女職員態度正常既，男職員冇個正常，仲要有個疑似經理黎嫁添，我地講左一輪落個單，跟住同我講賣曬，跟住話講笑，我明你想行風趣幽默路線，但我落左咁耐單，你講完笑後係甩曬要我重新落過咁制，不過我都算啦，影響不大！跟住重點就黎喇，食到咁上下時間，我就話可以切蛋糕，蛋糕上得，職員同我講切餅費要100蚊，100蚊話平唔平啦，好喇蛋糕上到黎，冇話幫手切既，影左幾張合照後（唔係職員幫我地影嫁），就同我地講餐廳要關門喇（我地影左3-5分鐘左右啦），態度惡劣同我地講，一係拎走個蛋糕一係1分鐘內食完，我就問個蛋糕我地未郁過咁我拎走你俾返100蚊我地啦，我都費事阻住佢地關門，跟住個職員竟然話我係餐廳拎左個蛋糕出黎影過相就已經要收錢，下？！食又唔俾時間我食，錢你地又照收，嘩！擺明同搶冇分別姐！喂，其實咁趕時間，一早我話要切蛋糕既時候你就要提醒我地得返幾分鐘，問下我地係咪仲要切，唔係淨係同我講要收100蚊切餅費囉一句到尾，總結，唔想受氣唔好

WM café在OP Mall頂層，環境舒適寬敞，室外露天座位更富情調，可以青馬大橋遠眺海景，安坐於卡位，享受快樂星期五。香草橄欖油蜆肉扁意粉 $98扁意粉入口煙煙韌韌，表面鋪滿彈牙的蜆肉，咀嚼時，釋出淡淡的蒜香。意粉入口油潤，散發誘人的香草味，鮮味吸引，別有一番滋味。加$ 35跟配是日餐湯+吉列炸蠔炸蠔熱燙，包裹著充滿肉汁的蠔肉，香口中帶層次感，沾上沙律醬，更加惹味。雜菜湯酸甜開胃，香脆法包沾上雜菜湯，十分開胃。北海道花魚條 $48花魚條是佐酒小吃，花魚條表面香脆，每條粗幼不一，口感有嚼勁，沾上茄汁，啖啖鮮香惹味。單骨雞翼 $48單骨雞翼酥炸至脆卜卜，外脆內軟，內裡肉汁鮮嫰，愈吃愈想吃。自家製蛋糕 $38Tiramisu造型精緻，以高身玻璃杯盛上。頂層的忌廉打至綿密，表面鋪滿可可粉及餅干碎，空氣感十足，十分誘人! 忌廉質感柔滑，入口帶濃郁的咖啡香，加上香脆手指餅，味道甜思思。

餐廳位於海之戀商場三樓轉角位，分户外和室內用餐區，燈光稍暗，座位寛闊，餐點味道沒有驚喜，唯價錢比商場同類餐廳低，唔使一百蚊可以有餐湯，主菜，心太軟，同餐飲，總括而言，性價比高。

今日想relax下，簡間食西式早餐飲下杯咖啡, 本來想係外面坐，點知又維修😩入到去坐位太迫，隔離有一台八人，有大有細，好嘈。我後悔叫了茶餐廳通粉餐，真係叫錯晒，因為無得同港式茶餐廳比。雞湯包片通粉，個湯底只有胡椒粉味，炒蛋火腿多士，蛋唔滑，幸好火腿係火腿扒同平時有唔同，多士食左半塊無食。食物唔岩唸住嘆杯加$12cappuccino , 真係嘥氣！好難飲。我朋友叫左蕃茄牛肉通粉餐，茄湯底係茄醬 ，唔好食㗎 $12叫咗杯凍朱古力，點知淡到爆。兩個餐$40加$12，其實係好平，所以一分錢一分貨。選擇錯誤，無晒holiday mood😞😞員工態度好奇怪，好粗魯。唔似一間西餐廳，係茶餐廳嘅伙記🙈

搵食一定要嚟到荃灣西海之戀商場🌊因為鄰近荃灣海濱嘅關係好多間餐廳嘅環境都可以媲美酒店級嘅質素WM Café & Bar 更加係少數有室外座位嘅西餐廳中午黎食Lunch 可以🌞享受陽光夜晚黎就可以吹住海風嘆浪漫晚餐🕯【WM 牛肝菌雜菌蘆筍大通粉（$92）】今次放棄我最愛既扁意粉～因為大通粉唔係好多地方搵到無辜負我既期望🤣真係索哂味每一啖都充滿濃濃醬汁牛肝菌 & 雜菌香氣四溢份量又多蘆筍係粗身款如果可以再煎香啲會更美味 😎【美式豬肋骨配炸洋蔥圈、炸薯條 & 鮮菜沙律 (半份 $178）】半份豬肋骨有三條骨左右幾腍身鬆軟而且幾入味薯條係粗身款～份量唔少❗️比幼身勁有薯味炸洋蔥圈脆卜卜幾唔錯～

切餅費100蚊就識收服務就一啲都冇態度差到不得了夠鐘淨係識趕人走蛋糕原個我地係盒拎出後碟都冇轉比我地影左陣相 一味係到話夠鐘叫佢地切死都唔肯仲大聲夾惡問係咪兩分鐘食得哂我知食唔到咪問你可唔可以退番100蚊郁都冇郁過個蛋糕😅連拎都係我地自己拎又勁大聲話唔係佢錯😅問退錢時員工一個推一個問到incharge時又話埋好數退唔到（下？你地仲係營業時間）不過落單既時候呢個incharge都九唔搭八都廢事同佢再講落牛扒 講左要五成熟轉個頭落risotto 又問我地幾成熟😅叫佢比多兩杯rosee 又話下你地三個人又話得支裝（朋友早到本身已order左一杯飲緊）一句講哂想比錢食飯受氣就黎食啦😅真係勁差既體驗😅疑似男經理同個男侍應態度認真差作為incharge都差到咁 同場加映走既時候 後面枱客都投訴緊個疑似男經理😊比人鬧多兩句就話計番折比客人（唔係埋左數喇咩）😂即係恰我唔為個100蚊鬧你姐😂

最近呢半年，荃灣海之戀商場開左好多店舖，除左文青精品同服裝店，更開左好多形形色色既餐廳，適合行到攰就係入面食埋飯，呢間WM Cafe係食西餐，去到個陣見到唔少人排隊，疫情下都咁多人捧場，質素一定有返咁上下。我地叫左2個lunch set黎share食。龍蝦湯（套餐已包）基本上見到每檯都會點，平時其他餐廳要額外加錢，但佢呢間唔洗，而且味道不俗。佢既龍蝦湯超級濃味，飲到龍蝦膏既香濃，而且唔會太咸，間中仲會食到有蝦肉。明太子蟹柳海膽意粉$ 63呢碟意粉味道唔錯，蟹柳唔係一絲絲，而係一塊塊，食落更有滿足感。海膽加明太子整成既醬汁，比一般白汁多一層鮮味，意粉軟硬適中，完全可以掛到汁。烤燒紐西蘭肉眼扒配紅酒燒汁薯菜$93呢個價錢食到肉眼扒，可以話物超所值。我地叫左7成熟，佢煎得剛剛好，外皮微焦，但入面好juicy，好有牛肉味，而且相當厚身，唔係薄薄一塊，加埋紅酒燒汁，唔會過膩。意式炸雞翼3件 （跟餐另加$18）我地加配左炸雞翼做小食，佢新鮮出爐，要小心d食，唔係會辣親個咀。表面真係卜卜脆，加左香草topping，食落更香。葡萄柚蜂蜜茶（跟餐另加22）呢杯飲落好清新，葡萄柚酸味，加上蜂蜜就剛好中和返

上次食過覺得價錢公道 味道又唔錯今日行完街帶媽咪再黎呢間餐廳假日冇平日咁抵 但相對商場其他餐廳呢間都算係相對經濟嘅選擇黎架意式香草龍蝦汁大蝦扁意粉 ($98)個汁食得出淡淡龍蝦味 仲有好多菇大蝦味道偏淡 反而小龍蝦仲好味要讚佢個扁意粉煮得幾好 仲好有咬口南瓜露筍炒帶子意大利飯 ($102)呢個意大利飯幾岩香港人口味飯粒偏淋 每粒飯都索滿香甜南瓜汁最正係兩粒烤帶子 外面煎香金黃 裡面就岩岩熟 非常鮮甜嫩滑是日餐湯 吉列炸蠔 洋甘菊茶 (+35)Upgrade做套餐就有埋餐湯 小食同餐飲餐湯係紅湯 味道比較天然 都幾多菜特別讚一下 吉烈炸蠔好酥脆 蠔肉飽滿藍莓芝士蛋糕 (+14)最後加配埋餐廳自家製芝士蛋糕雖然賣相唔係好靚 但佢好有內涵芝士蛋糕本身加入咗少少檸檬味所以味道幾清新 食起黎唔會漏 抵讚!

海之戀商場開了不少餐廳，我們就選了三樓的WM Café & Bar～ 店內開揚，地方闊落而且還設有室外位置，環境很chill🍻點了一份WM特色安格斯牛肉(8安士)芝士漢堡配炸洋蔥圈及炸薯條，份量很多充滿層次，安格斯牛肉很厚很Juicy，一口絕對吃不下，切開一半，漢堡呈粉嫩的顏色。洋蔥圈和薯條都炸得非常酥脆可口🍟 值得一讚主食都可加$35轉套餐，有是日餐湯、吉列炸蠔/廚師沙律和一杯飲品。羅宋湯也蠻足料～附的餐包軟熟香甜，沾湯吃也不錯另點了蒜香檸檬海蝦扁意粉，蝦肉和意粉都很彈牙😋 蒜香濃郁，加了檸檬令味道更新爽開胃～ 很快就吃完了

係荃灣西行完Donki同👭🏼朋友都肚餓，決定係海之戀商場醫肚。@wmcafebar 餐廳裝潢具現代感，有一面紅磚牆，一面綠色植物草牆。地方大，唔洗等位。🦀🍕蟹皇薄餅💰💲92一上枱熱辣辣，批底好薄，咬落去十分脆口。Pizza佈滿蟹柳絲、蟹籽、蟹肉、蟹膏、芝士🧀、火箭菜等餡料，口感豐富。面頭仲有大大隻軟殼蟹，炸到金黃酥脆，脆卜卜而唔油膩，好肥美。🍄🍛黑松露大啡菇牛肝菌野菌意大利飯💰💲102黑松露同牛肝茵，香氣四溢，未食已經流口水🤤。醬汁偏奶忌廉味較重，沾係粒粒分明既意大利飯上，好惹味。面頭既大啡菇，肉質細膩，氣味濃郁，味道鮮美。🍸宇宙洛神💰💲32飲品紫藍漸變顏色，加上冰球好吸晴！味道酸酸甜甜，好清新。🍊🍹香橙特飲💰💲34同樣加左冰球，賣相吸引。味道有啲似芬達加梳打水，果味清新，飲到啖啖果肉，口感豐富。

由於經常去donki買嘢, 所以都會在海之戀食飯。今次輪到試一下呢間WM Cafe. 餐廳裝修簡約, 但原來仲有外面露天地方, 別有洞天, 可以吹住海風, 欣賞住青馬夜景食飯。我地叫左一個WM蟹皇pizza, 有軟殼蟹, 蟹肉同蟹棒, 非常足料。果然係名符其實既蟹王pizza. 餅皮好脆, 蟹肉鮮甜, 軟殼蟹香脆, 一次過有多重口味。Risotto我地揀左南瓜蘆荀烤帶子意大利飯。帶子大粒, 好鮮甜, 呢個飯比出面D意大利飯偏冧, 可能配合返香港人既口味, 但我都係喜歡硬硬既米飯多D. 不過南瓜汁都好味, 整體個飯都唔錯小食既WM小雞翼拼盤有6隻, 3款唔同既口味, 有水牛城辣味, 意式原味同柚子胡椒蜜糖味. 3種口味各有特色, 而雞翼都焗得好外脆內軟, 非常好味。

去完荃灣Donki，想話搵野食醫下肚，於是就係海之戀商場逛逛🎆餐湯 + 炸蠔 + 餐飲 $35🎆餐湯為蕃茄湯🌅芝士芥末焗蟹肉忌廉大通粉 $98🌅芥末酸酸地，都算開胃，芝士味道不太重，但勝在夠熱，有蟹籽增加口感，醬汁包裹住每一條大通粉，入面有少許雜菌令成個通粉不會太寡🌌意大利辣肉腸水牛芝士薄餅 $96🌌薄餅一開六件，餅底非常薄，外邊烤得卜卜脆，感覺似脆餅乾，辣肉腸幾香口，上面鋪滿各式芝士再加上火箭菜，食落都唔錯飲品Menu 總括而言，環境夠快都幾舒服，不錯

地方招呼可以丶午餐抵食：五六十蚊一客1. 頭盆龍蝦湯丶主菜一塊燒雞扒丶一塊豬扒另炸薯條丶餐飲鮮做齋啡：味道唔會太濃just right ! 2. 頭盆龍蝦湯丶主菜肉醬芝士意大利粉丶餐飲鮮做齋啡埋單共HK$118冇加一丶坐得耐俾到HK$140 大家開心丶平均每人七十蚊丶my recommendation for lunch. Will try dinner soon !

今日第一次嚟到海之戀商場行街，超多食店選擇，最後決定同朋友食西餐。由於已經係下午茶時間，我哋都係食少少野醫肚算。入到餐廳，餐廳嘅空間寬敞，有室內同室外兩區，座位亦寛敞舒適，方便傾偈。我點左天使湯麵配黑椒博牛扒，湯麵底揀咗龍蝦湯，朋友則點左手工蘋果批。天使湯麵好快就到枱，作為一個下午茶，我覺得呢個質素對得住個價錢，不過不失。至於朋友嘅手工蘋果批，即叫即做，蘋果批的皮鬆脆香口，熱辣辣唔會太甜我鍾意。唯獨想建議改進嘅地方係兩杯餐飲，我哋分別叫咗熱奶茶同埋熱咖啡☕️，唯熱奶茶竟然係佢唔想見到嘅熱茶包自己加牛奶🥛🤨，其實佢俾返地道港式奶茶我就可以；朋友嘅咖啡非常酸，酸得來仲有苦澀味，加完奶之後簡直係唔想飲，建議改善一下咖啡及奶茶，以迎合本地市場。