WM Café & Bar (海之戀商場)

营业中

休息中

Caffe Mocha $25味道正常的。巴馬臣芝士香煎珍寶帶子卡邦尼扁意粉 $98帶子煎得幾香，但卡邦尼汁唔夠creamy，食落有d好水既感覺。小食拼盤 $138整體正常，但腸仔有d酸味，不太喜歡。個人覺得一般，上菜節奏有點慢，食物一般吧！

荃灣又多嘢食就不嬲都好多人知，但係呢一間餐廳就真係要多啲人知啦！好抵食睇咗你就知！😎場內都好多家庭客，啲嘢食都真係好老少咸宜，其中有d食物我一定會encore！😋平日不用+1服務費！好良心！———————————————————————————☘️八爪魚墨汁意粉$61☘️呢個價錢來講真係好親民，性價比好高！蜜汁都好濃，有少少鹹調味，食落口都好順滑，我同朋友都大贊呢！想encore！☘️雲呢拿奶昔跟餐+$25☘️呢個奶昔分量充足，而且雲呢拿好香，唔係嗰種香精味，好自然！☘️套餐配蕃茄湯 ☘️蕃茄湯味道自然，淡淡啲蕃茄味很容易入口！一口就飲晒！爽呀！☘️北海道檸檬黑豚豬柳太陽漢堡配薯條$73☘️想講黑豚豬柳真係好大塊，厚過我兩隻手掌疊埋，好誇張，大食怪必點，入邊配料有蕃茄，仲有一隻好靚嘅太陽蛋，太陽蛋真心唔錯好邪惡，蛋嘅質素好好！薯條好脆！☘️芝士奶蓋牛油果沙冰 跟餐+$28☘️呢個我真係覺得好好飲！真心極度推薦！首先芝士味唔會太過濃搶走左牛油果的風頭，牛油果沙冰味道濃郁，冇偷工減料，口感順滑，賣相仲好吸引，放入麥提沙在沙冰中間，仿牛油果🥑，有創意加分！😍encore！☘️雞鎚2件 +$18☘️呢個又係好開心，雞

好少餐廳可以有户外位置坐🥰依家天氣唔太熱 夜晚就可以坐下户外位chill下 仲有夜景睇添❤️呢度既burger出晒名好食又大份今次終於試到😋果然係正 牛肉爆多汁juicy呀 仲要係好香濃果隻 Double cheese🧀 溶溶地 夾埋一齊食一流薯條都係厚切 外脆內軟🤤.雞翼拼盤有原味 柚子同水牛城雞翼我最愛一定係水牛城雞翼🤩重口味人士必選醬汁唔係好多 但出奇地入味 仲熱辣辣💜雞肉嫩滑.蒜香🧄檸檬海蝦意粉會清新啲 意粉質感較為硬身爽口很適合夏天食呢～最後一人整返件🍰cheese cake 餅底唔太厚 芝士味香濃😋正啊～甜而不膩

哈蜜瓜幾甜，同埋做好大塊ham😂冇咩好挑剔雞翼有三隻味，我自己最鍾意係係中間辣辣地嗰隻，唔會死辣，因為有少少甜味，好易入口，而且雞肉好嫩滑，好食薄底pizza一向都係我嘅最愛，加埋上面嘅蟹柳有啖啖肉嘅感覺，建議趁熱食，應該會仲好味羊架最有驚喜，一咬落去已經知道好嫩，嗌5成熟係啱啱好，加上油脂勁香，我哋係爭住食Cheese cake 唔算好甜，light嘅口感做飯個甜品一流，就算食到好飽，都食得落個景仲可以望到汀九橋，週年紀念或者拍拖都係一個唔錯嘅選擇

話說而家荃灣多咗好多新商場，最出名嘅一定係海之戀，所以今次約咗朋友去海之戀到行吓，行到3樓轉角位發現到一間cafe，就拉埋朋友一齊入去，入到去的環境好靚呀，原來唔單止係Cafe，佢外面仲有戶外位，唔怪得叫Cafe and Bar啦😍，當然唔少得我哋一人做一個set啦WM特色安格斯牛肉(8安士)芝士漢堡配炸洋蔥圈及炸薯條（$140）由於怕食唔晒所以我冇嗌set，只另加$29叫左杯凍朱古力，嘩！結果個包大到我一個都食唔晒仲要同朋友share，好Juicy, 薯條同洋蔥圈炸得啱啱好WM啖啖肉薄餅($92)+$35 set見到Menu張相已經即刻叫黎食😻仲加收$35轉套餐，除咗Pizza好食，名副其實啖啖肉之外，套餐嘅炸蠔非常之出色，仲有個龍蝦湯，簡直物超所值!人均：$162Janna 翻撻指數：8/10🥢🥢🥢🥢🥢🥢🥢🥢

小朋友餐具一拎上嚟，一望就見到係污糟嘅，充滿茄汁俾咗個四眼男人換（我冇投訴任何野）佢唔好意思都冇講，一手收咗掟入tray ，再求其拎左新一set 掟落枱🙄Lunch 唔多人，冇full ，佢都係咁拍埋d枱，由4人變8人變12人，但其他枱係吉架喎冇下次啦

禮拜六晚約左朋友出荃灣西行街食飯，呢個朋友比較喜歡西餐，所以就揀左呢間餐廳～我地叫左WＭ蟹皇Pizza同埋烤慢煮八爪魚墨汁意大利飯～WＭ蟹皇Pizza一黎到簡直嚇親我地😂非常清晰見到原隻大大隻軟殼🦀，仲以為只係得啲蟹肉舖面頭😂蟹肉超肥美，香脆唔油膩！餅底薄而脆，仲有蟹柳增加口感👍火箭菜同菇類就令成個🍕味道更加清新😋意大利飯幾有咬口，八爪魚超級粗大😯 彈牙唔韌，墨魚汁帶啲creamy👍店員服務非常唔錯，有禮貌兼反應快，座位舒適，值得encore👏

晚上去了WM Cafe食晚餐。點了🐱香草柚子胡椒蜜糖燒雞（全隻）雜菜配洋蔥圈和薯蓉$186兩個人食剛剛好，雞挺大隻，外皮炸得金黄，切下去有雞油滲出，雞髀很嫩滑，雞胸不太乾，啖啖肉。點了柚子胡椒微甜微酸微鹹的感覺很有風味。配了一片蕃茄和一小個西蘭花。洋蔥圈大大個有兩件，炸得很香脆，洋蔥味也很突出。薯蓉在雞下面，份量不算多，吸收了點雞油味。🐱加$35 轉套餐：吉列炸蠔、龍蝦湯、熱檸茶、餐包轉餐好抵，吉列炸蠔很好吃！炸得很香脆，但隻蠔還是很creamy。龍蝦湯的忌廉味很重，質地濃稠，用來點餐包味道不錯。🍰我覺得這裏的蛋糕挺好吃，而且不貴。外賣價錢跟東海堂美心差不多，CP值高。🐱白松露白朱古力芝士餅 $38很濃的松露味在口中化出來，和芝士味非常配搭。白朱古力不算太甜，整件蛋糕不會太膩，餅底很軟，口感很香滑和容易入口。🐱朱古力橙蛋糕 $38外型很高級！58%的朱古力不算太甜也不算太苦，和橙配搭起來散發著微酸微甜的清新。蛋糕質感挺身但鬆軟，吃起來也很香滑，不甜膩。

海之戀商場內的餐廳我們也試了不少，這天車爸爸看到這一間WM Café & Bar原來還未試過，那星期四的這一天午餐就來這兒開餐吧！餐廳內的以木系加綠色草坡裝飾感覺尚算舒適，我們被安排坐於卡座之中用膳亦夠晒寬敞。午餐選擇有不少我們分別選了一份扒餐和一客意粉。點上午餐可以加＄4得到凍飲一杯，我當然點至喜歡的凍檸檬茶走甜，茶底沒有渾濁但茶味沒多少，而車爸爸那杯像奶水般淡而無味的熱奶茶更不值一提。每份午餐也會跟上餐湯我選了忌廉龍蝦湯，看上去湯色挺濃可惜喝下也沒多少龍蝦湯的氣味！反而是日餐湯的雜菜湯味道來得更加舒服，伴隨的那兩片法包更是凍冰冰硬堀堀的不吃也罷！車爸爸點了美國西冷牛扒配紅酒燒汁＄61，牛扒來到時是全熟對於茹毛飲血的他當然不會覺得好吃，而且聽聞牛肉的味道亦不夠，所以車爸爸絕對不喜歡這個牛扒！但以這個價錢有如此份量也不應對它要求那麼高。我選的明太子蟹柳海膽意粉＄63甫上枱那賣相已令我不爽！那水流流的醬汁跟意粉完全背道而馳！意粉口感太過淋絕對不是我杯茶，更加沒有吃出明太子和海膽的味道，所以吃了兩口我便放棄了！暫時在這個商場內也未試過吃到那麼不合心意的餐廳，希望將來不會再遇上便好了！！

驚安之殿堂DON DON DONKI（激安）登陸荃灣西海之戀商場，今晚專程過嚟行吓街，順便食晚飯，「WM Cafe & Bar」環境舒適，有室外及室內歺區，而服務員態度又非常友善😁😁白菌西蘭花忌廉雞肉意粉🍝$92食材新鮮健康，白菌，西蘭花🥦，雞肉，彈牙扁意粉🍝比較闊，有點厚度，沾滿濃香奶油忌廉醬汁，香滑可口😋😋水牛芝士牛油果三文魚焗意大利飯$108這樣一道營養豐富意大利焗飯，牛油果吃起來十分細膩綿軟的，而且帶有淡淡的奶香味，鮮嫩三文魚肉鹹鮮可口，焗到剛剛好。牛油果🥑和水牛芝士調較的焗汁，味道超讚😍😍跟是日餐湯+小食 + 飲品$35/each吉列炸蠔，外層香脆可口，包住creamy嘅蠔，好滋味👍香甜濃郁羅宋湯配上熱辣辣餐包，最好嘅starter👍香濃凍咖啡不可缺少😘😘

荃灣海之戀商場裡面有好多間餐廳，但間間餐廳都好多人排隊，價錢亦唔算平。朋友介紹話有一間在三樓的西餐廳，唔算太多人，價錢亦都算實惠，所以星期日去試下。午餐時間，等咗大約唔夠半個鐘就有位，午餐價錢60蚊起，仲可以唔使加錢轉飲龍蝦湯，有主菜和飲品。我點了芝士漢堡配薯條，漢堡扒好 juicy，好好味。朋友點了蟹子海膽意粉，都好味，不過見唔到有海膽，應該要改名叫蟹子海膽醬意粉 最後飲杯熱咖啡，餐飲嚟講算好飲，好香濃。

今日朋友生日，諗住搵間靚少少既餐廳，坐得舒服d…..不過應該冇第2次啦影左部分野食，個湯分量有d少，其他野食不過不失⋯⋯⋯一定唔係好食到冇算服務，都會再黎食個隻點解咁講⋯因為我地遠處見到牆貼住啤酒買二送一，就指住同侍應講買二送一，要3支，點知收左我地正價，之後問返先知有時段限制，咁侍應係我地指住要買二送一既啤酒個陣都唔同我地講既？？？？另外我地叫左個2人set dinner，跟兩杯餐飲，我朋友已經同佢地講餐飲要呢杯⋯但佢地唔講個杯野飲要正價，唔跟得餐⋯我地仲叫左兩杯正價最後餐飲冇叫，冇左啦，亦冇人叫我地點餐飲，就遞張單黎叫我地埋單啦叫左兩杯正價野飲我地比多左100蚊既無謂錢，同少左兩杯餐飲，最重要係服務另人失望

之前食過大埔間分店覺得ok，就決定試下荃西分店水準有無唔同位置有d僻餐廳係3樓嘅角位，但依然都好多人排隊等食lunch。選擇非常之多，價錢6-90蚊左右，星期六日收加一，包湯熱飲 商場食嘢價錢黎講算比較貼地。叫咗個雞扒意粉，一切開塊雞扒發現未熟晒，可能係太厚嘅關係。叫待應拿去加熱，原本以為拿返廚房叮，點知成碟換咗新一碟 即刻個人開心返晒等嘢食果時留意到餐廳人數有d不足，每個樓面就好似打緊仗咁但態度依然保持友善。隔離枱走唔記得拿iPad走，待應哥哥見到秒速叫返佢地拿，超貼心。另外提提就算lunch hour都唔會限時、趕客走，可以慢慢享受cafe嘢食，同朋友吹下水。總結黎講，嘢食ok 員工服務態度值得讚賞，會再幫襯👍🏻

周六午餐時間到訪，滿座要稍為等位。Lunch set有23款，本身跟餐湯加熱餐飲(咖啡茶)，凍飲加4蚊，可再加錢配沙律或小食或轉特飲。2個人叫左烤紐西蘭肉眼扒配紅酒燒汁跟意粉($93)及檸檬香煎原件隻鴨胸跟意粉($61)，餐湯有濃蝦湯或番茄雜菜湯2選1。最早上菜是2小片法包，等左逾15分鐘上湯，飲完等左逾10分鐘再上牛扒餐，差不多食完個牛扒餐才上鴨胸餐隔離枱小情侶都是食完1個餐，另1個未到，所以餐廳上菜節奏控制得唔好。其實餐廳好忙，午市一直有人等位，如果上菜時間控制得好D，翻枱都快啲。樓面的員工忙到好似要跑咁，又要帶客、落單、執枱、埋單、抹枱，送餐就好似帶特定人手，感覺整體人手比較緊張。落單時只記得問我是否加沙律及小食就行開左，唔記得俾我講埋餐茶不過樓面員工都幾有禮貌，客人離座留低左野會即刻提醒客人。講番食物，濃蝦湯幾香、番茄湯都幾多雜菜，味道正常。牛扒餐的牛扒好大塊亦好淋，應該鬆肉功夫做左唔少，味道正常，但唔多覺有烤的效果，另外如果配菜多少少會覺得平衡一些。鴨胸餐的鴨胸是原件，外表唔錯，只是咸左少少。以午市套餐為100以內的價錢而言，是值回票價的。另外埋單低於200是只收現金的，所以

性價比係高既。環境都好好。仲有室外既，相信秋涼時會很棒。但一分錢一分貨，至於食物方面，味道同質素就一般，價錢已反映。對食物不要抱太大期望。不過不得不讚揚一下服務，場內各位員工既服務效率極快，反應極好，禮貌很好，應對及效率快過茶餐廳，行動反應企理過酒店。