WM Café & Bar (海之戀商場)

营业中

休息中

2021.11.08放工去荃灣海之戀DONKI 入貨前🛒同朋友去左呢間餐廳撐枱腳🍴餐廳位於3樓，設有戶內戶外位💁🏻‍♀️食物款式眾多，又有酒精飲品推供！仲有多款自家制蛋糕🍰供應！今次我地食左一個PIZZA🍕一個意粉🍝一個小食同埋餐湯同飲品！餐湯 - 龍蝦湯🦞味道濃郁，而隨跟的餐包鬆軟👍🏻跟餐小食 - 吉列炸蠔有兩件，要小心進食！咬落熱熱的！想更可口沾上沙律醬吧！香草龍蝦汁大蝦扁意粉上碟色水唔錯，滿滿龍蝦汁與扁意粉結成一體！配料豐富💁🏻‍♀️有蝦🦐蟹肉🦀蘑菇🍄青椒🫑香芒烤雞胸肉薄餅🍕係薄批黎！脆脆的！而芒果🥭幾甜！加上雞胸肉感覺會比較FRESH!士多啤梨🍓咖啡☕️生活離不開咖啡既人間中都鍾意有激喜，士多啤梨醬加上綿綿既cream 既咖啡！好治癒！食飽又叉夠電去掃貨Lu!🛒

WM cafe好多新界分店，好易食到。今日又食西餐！佢依度嘅設計好似田園風，有一個偽造嘅天台仔望星咁。法式龍蝦海鮮湯配麥包顏色暗雅啲，但係湯好龍好有龍蝦味海洋味！炸蠔好脆口！入面既蠔幾juicy帶汁，好鬆軟！意式香草龍蝦汁大蝦扁意粉除咗蝦肉之外，佢有小龍蝦肉同埋蟹肉！蟹肉加分加分！佢個蝦肉同埋小龍蝦肉都好彈牙，小龍蝦右手有份結實！扁意粉食落去有一陣葡汁味道咁！另外佢仲有洋蔥同埋蕃茄，其實應該係佢哋帶出甜味！香芒烤雞胸肉薄餅估唔到佢將芒果係成塊上！如果平時唔鍾意食菠蘿薄餅嘅朋友，可以試吓芒果，芒果比較甜香無咁酸。佢個雞胸肉唔會乾，反而因為芒果令佢濕濕地，好食過平時就咁食！可以嘗試！宇宙洛神 Galaxy Hibiscus tea顏色超級靚，又藍又紫好靚好宇宙風格！有塊青檸提清新，蝶豆花本身帶乾酸感覺。佢依款加左d糖易入口多左，又不失花香！

今日又跟朋友黎荃灣搵食，本身想試Donki新間壽司舖點知大排長龍，見到同商場有間幾靚嘅cafe就入去試下。Cafe嘅裝修都幾簡單，屬於平民西餐型，menu都好多種類，有burger意粉pizza。我同frd子個人叫左3樣野:🍝 香草白箘西蘭花忌廉雞肉意粉 ($92): 一上到黎見到好多芝士碎😋 白汁同雞肉好夾，加埋有d菇喺入面好香。🍕 WM蟹皇薄餅 ($118): 呢個係炸軟殻蟹同蟹肉sauce嘅pizza，成隻炸軟殻蟹放喺面，仲有膏喺入面😋 幾特別嘅配撘🍨 士多啤梨奶凍芭菲 ($58): 食完野梗係唔少得甜品🥰 呢個芭菲不得了。大大杯，入面有2大球雪糕，仲有好多配料例如果醬，餅碎，乳酪，生果等等。所有野mix埋一齊，一次過滿足哂食甜品嘅慾望🥰🥰🥰

好唔好食見仁見智啦🥺見餐廳有啲好評又冇咩人排隊就去咗，但對於食野無咩要求嘅我都唔會再食下次🥲我地叫咗個二人餐+ pizza ～$7xxSalad 😭菜睇落唔多新鮮Soup見個個都介紹龍蝦湯先試下，點知一啲都唔新鮮，飲一啖就無飲Pasta 青口好腥，食唔到腥味建議唔好試🥲(偏鹹)Main牛扒偏乾，無咩肉味🥺豬扒好食過牛啲啲🤣Btw，員工態度幾好。見有啲人都介紹呢間🥺但經過今次經驗下次搵野食都會望多兩眼

適逢萬聖節出外吃，這餐廳有萬聖節限定套餐，叫了兩份應節。餐廳位處海之戀商場3樓，星期日的晚上人流不太多，餐廳面積大，有幾組卡位又有戶外座位。入門口的位置擺放了萬聖節的裝飾，牆上的掛燈也圈上了節日花環，節日氣紛十足。萬聖節套餐有前菜、湯，主菜、甜品和飲品。價格不貴，二百元內有交易。前菜和湯有兩款選擇，主菜有五款選擇，飲品可以免費升級為特飲。前菜和湯是一拼上的。我們都要了龍蝦湯，湯味濃郁，濃稠合度，湯內有龍蝦肉，龍蝦味道十分突出，熱度足。前菜放在湯的旁邊，伴湯同吃。鵝肝醬多士，醬料不會很鹹，口感軟綿。巴馬火腿蜜瓜多士，蜜瓜清甜配合火腿的微鹹，口感清新。兩件多士都十分脆口。前菜選了下面兩款：香煎牛柳配剌身帶子。這個菜式的擺碟略為單調了些，食材一件件疊在一起。面層帶子，第二層牛柳，第三層薯蓉。有一枝露荀橫置其上，配了一朵紫色的食用花。帶子面層帶點焦香，配合魚籽醬同吃，微鹹中又滲著鮮甜，帶子肉厚嫩滑。牛柳件頭適中，我們要五成熟，不過這件牛柳應該是熟透了，幸好沒有影響肉的質感，吃起來沒有感到鞋口和硼硬，仍然有肉味，醮上一些檸檬鹽同吃，味道佳。薯蓉口感是綿滑的，露荀也嫩綠沒有渣。松葉蟹肉軟穀蟹意粉，

荃灣開咗好多新嘅商場, 其中一個商場海之戀入面好多食肆, 絕對係一個搵食嘅地方。 逢星期六日, 鄰近地鐵站嘅商場食肆都好多人。 今日約咗朋友, 上網搵一搵呢一間餐廳環境好似唔錯, 就去試下, 去到見到餐廳裝修不錯, 座位舒服, 而且仲有outdoor, 可能我地早到, 我哋有卡位坐 (其實我哋想坐outdoor😅, 因可以望海) 。午餐選擇有好多! 我哋兩個人一人叫咗一set lunch, 午餐包一個湯, 一杯飲品。湯可以揀龍蝦湯🦞或者意大利雜菜🥬湯。我揀咗安格斯牛肉芝士漢堡配薯條, 朋友揀咗香煎魚柳配西西里茄蓉汁飯。漢堡包🍔個包係芝麻包, 好香, 漢堡扒又好juicy, 裏面夾住一塊蕃茄, 有生菜, 蘑菇, 芝士同洋蔥, 薯條🍟都好好味。朋友話個飯都好食, 因為用鮮茄溶🍅嚟做, 個汁好好味, 好香甜, 帶少少酸, 好新鮮。😋餐廳食物質素不錯而且價錢相當親民, 地點又近西鐵站, 係一個行街食嘢嘅好地方!

荃灣分店大間好多 仲要有戶外區 依稀可以望到海景 以黑色雅座為主調 室內就主要用紅磚設計 有兩種唔同既風格～～ .▫️意式香草龍蝦汁大蝦扁意粉 $108又係龍蝦君😛 意粉幾creamy唔dry 扁意粉爽口卦汁 依稀食到龍蝦味 仲有龍蝦粒同蝦仔增加口感 幾彈牙～.▫️香芒烤雞胸肉薄餅 $96同樣都係薄批 食落好香脆 仲有芝士拉絲🤤 每塊都有大大件烤雞胸肉 搭配埋芝士鹹香味好夠之餘 肉質都無咁柴 最特別應該係夾雜左甜甜的芒果 食落又幾match😚 口感幾豐富😍.▫️配吉列炸蠔+餐湯+飲品 +$35可以揀吉列蠔或者沙律 炸蠔都幾酥脆 炸粉唔會太厚 隱約帶有鮮味 同時唔會太腥 仲有沙律醬可以點😆餐湯竟然係蟹肉龍蝦湯!! 勁香desu 味道幾濃郁 真係有龍蝦鮮香味😚 配埋個甜餐包岩岩好🤤.▫️芒果百香果青檸梳打 +$26整得幾靚😍 近排迷上左百香果😛 酸酸既百香果 配埋帶點甜的芒果 味道好清爽 好夠氣之餘解渴一流🤭.總結食物味道唔錯而且價錢唔算好貴 龍蝦湯好飲🤤 香芒pizza配搭幾特別👻 同埋空間感幾大 幾適合gathering 見到好多人坐outdoor 應該會更有情調喔😚

前晚同朋友去咗荃灣西海之戀商場嘅呢間西餐廳食晚餐，環境都舒適，仲有得坐戶外區。我哋叫咗香芒烤雞胸肉薄餅$96。好少薄餅會有芒果呢個配搭，今次試咗發現都唔算太格格不入，令薄餅更清新，而雞胸肉唔係細細粒嘅，係大片嘅，朋友話幾啱健身人士食。另外叫左香草龍蝦汁大蝦扁意粉 $108，龍蝦汁嘅味道配扁意粉就最啱，有龍蝦味之餘又酸酸地，意粉入面龍蝦肉，大蝦比較普通。加$35跟咗套餐，有是日餐湯，當日就係龍蝦湯，配一舊黑糖麵包仔，而家跟餐小食叫咗吉列炸蠔。

海之戀開咗間新餐廳，環境非常優美，有埋戶外部份，係品嚐美食同呼吸新鮮空氣嘅好地方！香草龍蝦汁大蝦扁意粉🍝🦞龍蝦汁味道超級濃郁！條條意粉都沾滿醬汁！食到龍蝦的鮮味！加$35就有龍蝦湯同埋吉列炸蠔！龍蝦湯配牛角包🥐好友龍蝦🦞味！裏面仲有少量龍蝦肉口感十足！炸蠔🦪都幾大隻！炸完都無縮水！芒果百香果青檸特飲$26好清新嘅芒果特飲，唔會太甜，好啱夏天同秋天飲！香芒烤雞胸肉薄餅$96即叫即焗，新鮮又熱辣辣，芒果🥭偏酸，醒胃之選！餐廳好大，平日夜晚都唔算多人，傾計一流！

為何去到邊都忍唔住叫 All Day Breakfast🤭🤭🤭連我自己都唔明，你地係咪都係咁架？話說上星期溫完書同謙謙去左海之戀的 WM 食個晏放鬆下心情，就叫左以下的食物：⚛ 龍蝦湯 ～ 做得超濃郁中間有少許龍蝦肉，謙謙好快手清哂成個湯。⚛ WM All Day Breakfast with Croissant (Add Smoked Salmon ) ~ 香烤過鮮甜的蕃茄， 大大條烤肉腸， 會爆漿的太陽蛋， 超脆的煙肉， 烤過香牛油味的大啡菇，我地最愛的茄汁豆，新鮮沙律菜，兩朵花型的煙三文魚，魚油豐富入口咸咸地，仲要配我喜歡的香酥脆口牛角包太豐富了。⚛ 明太子蟹柳海膽意粉 ～ 謙謙大口大口咁食，明太子海膽拌勻哂在意粉內勁香濃，蟹柳和意粉超掛汁，勁creamy。⚛ 意式炸雞翼 ～ 炸的夠香口。🍮 自家朱古力心太軟 ～ 小許流心感覺，朱古力味濃郁香甜。🍹 香橙特飲 ～ 造型一流，用橙汁制作成一球圓圓大冰，越飲越濃橙香，杯底仲加左好多新鮮甜橙，好滿意呢杯特飲。🍹 芒果百香果青檸特飲 ～ 謙謙杯百香果都幾吸引，每吸一口都有百香果肉，芒果青檸做底汁，幾fresh。

今次行街經過荃灣商場海之戀，見肚餓就入去呢間WM Cafe食晚餐。由於我哋比較早入坐，人流唔算多。入去就叫咗佢兩個主菜套餐。跟餐配嘢飲同埋前菜仲有湯同黑糖包。前菜嘅吉列蠔炸得鬆脆，龍蝦湯味道亦很濃郁，絕對值得加錢一試。主菜就叫咗個香芒雞胸肉薄餅同埋香草龍蝦汁大蝦扁意粉。薄餅餡認真落足料，大大啖雞胸肉，薄餅皮亦烤得十分香脆，配埋啲火箭菜亦都帶返啲新鮮嘅口感。意粉嘅蕃茄醬同埋個大蝦亦都配搭得出色，分量充足，食落好開胃。最後嘢飲叫咗個芒果百香果青檸特飲。真係用生果原汁原味榨出嚟完全唔覺有糖漿，好有誠意，重點係價錢亦都唔貴，值得過嚟再食。

適逢周末當然去揾好野食下, 在海之戀商場逛街時, 見到一間餐廳, 裝修不錯 座位舒適, 看看餐牌選擇很多, 也有二人套餐, 急不及待入咗去享受下啦我地叫左二人套餐, 十分豐富呀, 先嚟龍蝦湯 味道濃 重有一點龍蝦肉 有口感配以麵包 相當知味 ;另外還有清爽嘅沙律比我地清清味蕾。主菜方面 我哋點了美國帶子墨汁意大利飯, 諜飯好有份量, 熱辣辣又有一隻大帶子和幾隻八爪魚 好好味； 另一樣主菜 我哋選擇了牛仔骨拼海鹽燒雞 份量都好認真, 雞肉好軟滑 好有雞味 牛仔骨充滿燒烤味 配埋啤酒 係最好享受最後食埋個dessert 今個晚餐完美結束整體上碟專業 份量充足 味道不錯 值得推介给大家

收工經過海之戀， 順便食完飯再回家，選了位於商場3樓，之前食過的WM Cafe ，朋友話午餐黎食牛扒，性價比最高，我就最中意牛油果沙冰， 真係每次來都會飲返杯。快將萬聖節，餐廳中央放有萬聖節主題的佈置，如女巫，大南瓜等，迎接萬聖節的來臨！🔸🔸🔸先來2 杯飲品🔸🔸🔸🥑芝士奶蓋牛油果沙冰 $38牛油果沙冰的質感非常濃郁，口感香甜可口，飲完好飽肚。🥭芒果百香果青檸特飲 $36酸酸咪咪，開胃之選。🔸🔸🔸前菜🔸🔸🔸＋$35 變套餐，就有餐湯＋餐包＋炸蠔＋茶/ 咖啡🔸🔸🔸主菜🔸🔸🔸🌟水牛芝士牛油果三文魚焗意大利飯 $108好有創意的一款焗飯，飯內混合牛油果蓉，牛油果粒， 三文魚塊，入口除滿滿的牛油果香外， 鹹香的三文魚油亦溶入飯內，加上焗得香噴噴的水牛芝士同食，唔錯。🌟芝士香煎珍寶帶子卡邦尼意粉 $98帶子煎得外香口，內柔軟，鮮味十足，多幾隻就更好了🌟墨西哥手撕豬肉薄餅 $98手撕雞食得多，手撕豬肉，原來都好軟淋， 薄脆的餅底上放滿醃得入味的豬肉絲，青椒，菠蘿，洋蔥，番茄醬，芝士， 餡料豐富，非常惹味。如果經過海之戀商場，可以一試。WM Café & Bar 荃灣大河道100號海之戀商場3樓309

WM cafe 平時食開lunch的，今晚特意同朋友去食晚餐平時中午set lunch都會有龍蝦湯，今晚我地散點食物再各加錢$35可有湯，沙律或吉列炸蠔。呢排食肉多、所以今晚全海鮮系首先清清地要青蘋果蟹肉牛油果醬多士沙律🥗好清新的感覺，食下不會heavy，多士配上牛油果醬係好配夾的再點了龍蝦意粉，汁夠多，蝦肉新鮮味道又濃郁，不錯👍🏻餐跟既小食係吉列炸蠔，炸粉剛好，好脆口的職員也介紹飲芒果百香果青檸特飲，好fresh ，又不太甜整體來講晚餐都算不錯選擇，也可選出outside door 不過我地怕熱坐番入內，原來鋪頭挺大的 平時唔覺 行入點便看到了

喺荃灣西附近食嘢，揀咗依間比較寧靜嘅餐廳，有戶外嘅座位可以選擇，感覺舒服。餐牌上面都好多選擇，我哋就揀咗個意粉同一個Pizza。🤟🏽龍蝦汁大蝦扁意粉龍蝦汁個味好濃🤩另外我仲加咗好多芝士粉，同黑椒令到佢個味道更上一層樓。扁意粉吸左啲汁好好食。蝦嘅份量都幾多。芝士軟殼蟹pizza個軟殼蟹好大隻，味道好濃郁。另外有蔬菜同埋蟹柳，餅底夠脆，唔錯🥳幾特別嘅焦糖爆谷latte，味道偏甜，而且好多奶😂