WM Café & Bar (海之戀商場)

营业中

休息中

環境裝飾有特色，一幅假草皮再加招牌，再入啲有大幅紅磚牆，另有露天座，不過風大氣温低，眼見冇人出去坐😂佢嘅午餐價錢抵，選擇好多，包埋嘅餐湯居然有龍蝦湯素至於質素就普通啦，期望唔好太大，龍蝦湯有少少蝦味，但主要係魚湯味多。另外係羅宋湯，店員就叫佢蕃茄湯，味道都比較好主菜叫左美國BBQ醬烤手撕豬菠羅芝士漢堡 $ 63，芝士可以再溶啲，菠蘿係罐頭就預咗，夾埋手撕豬肉就非常正另一個係美國西冷牛扒伴紅酒燒汁薯菜 $ 61，牛扒都係茶記咁醃法啦，同樣預左呢種質素，不過呢個價錢冇投訴薯菜比到足，所以一定夠飽，餐飲咖啡都係即磨，豆嘅香氣都唔錯

除夕晚上約了朋友係荃灣搵下野食，記得之前睇過有間戶外嘅餐廳環境都唔錯，今日同朋友去試吓佢。Wm cafe 嘅餐廳門口裝修平平無奇，但係一入去發現原來別有洞天，室內用紅磚牆、木枱建構出懷舊氣氛，再行前啲原來可以出去戶外。我哋被安排到外面用餐，外面其實係商場嘅平台，可以望出海，有望到海之戀屋苑內嘅園景，估唔到荃灣都可以有啲咁嘅環境嘅餐廳。講吓野食，叫咗芝士香煎帶子扁意粉，加咗$35跟餐有吉列煎蠔、龍蝦湯，另外叫咗個意大利風乾火腿火箭菜薄餅，同芒果百香果青檸特飲。芝士香煎帶子扁意粉 跟餐帶子真係出色嘅，煎得好香，有咬口，食落嘅質感有啲似刺身級數嘅帶子，意粉忌廉味濃，軟硬適中。吉列煎蠔熱辣辣，外面非常鬆化已經合格！龍蝦湯都唔錯，仲食到少少龍蝦肉。意大利風乾火腿火箭菜薄餅，餅邊都幾脆下，餅中心比較腍身，唔知係咪我哋掛住影下相冇即刻食嘅關係。芒果百香果特飲都唔錯，簡單兩個字，好飲。今晚埋單300有找，可以喺荃灣食到呢個環境嘅餐廳都幾chill ，而且食物質素唔差，cp 值係番度！有興趣可以一試！

黎海之戀FD屋企玩，出來啱啱好喺晚餐時間，睇到哩間西餐廳晚市都有套餐，咁試試啦。Menu都有好多選擇，單點扒餐/意粉飯類加35HKD可以轉套餐，包埋餐湯，沙律同飲品，都幾抵食。揀咗墨西哥手撕豬肉薄餅同水牛芝士牛油果三文魚焗義大利飯，怕食唔嗮只加咗一個套餐。宜家天氣好凍，飲品揀咗熱嘅洋甘菊茶同伯爵茶。茶上咗來都好熱，雖然用的是茶包，但是質素都唔差，好好飲。因為FD好鐘意龍蝦湯，餐湯加錢換咗WM蟹肉龍蝦湯。餐湯龍蝦味好足，仲可以食到一啖啖蟹肉，超好味。餐湯配咗半件牛角包，牛角包烤得好酥脆，直接吃已經好好味。前菜揀咗吉列炸蠔，一份有2隻炸蠔，啱啱好夠兩個人share。炸蠔送上來仲熱笠笠，面衣好酥脆，生蠔鮮嫩多汁，好食到都想叫多一份。水牛芝士牛油果三文魚焗義大利飯都幾大一份，焗飯鋪滿水牛芝士，三文魚比咗6-7塊。義大利飯最驚飯夾生或者飯太過油膩，哩間整得啱啱好。飯好重芝士味，配上三文魚同埋三文魚籽一齊食好好味，成碟飯都食嗮。墨西哥手撕豬肉薄餅都好足料，有菠蘿，青椒，洋蔥同手撕豬肉。手撕豬肉喺香甜口味，每一啖都滿哂豬肉同菠蘿，好滿足。同FD吹水都吹左個幾鐘，坐得又舒服，哩間餐廳唔錯！

假期諗住同小朋友去食西餐，見到呢間食評好似唔錯，價錢亦都幾親民就食，點知漢堡意粉焗飯無一樣好味，最過份杯凍奶茶，飲落味道似洗潔精味🤮最後全部野食一半就唔想食，非常失望。

海之戀有好多好舒服嘅餐廳🍴夜晚雖然凍凍地，但係絕對有氣氛，呢一間西餐廳喺3樓，室外座位好多，唔使同人迫！呢度個Dinner Set好抵食，龍蝦汁大蝦扁意粉Set$108，我哋都話呢個意粉最好食😋龍蝦汁好香濃夠多汁，條條意粉都索到汁👍呢間可以下次再嚟過🥳跟餐有埋吉列炸蠔💯 Pizza Margherita每塊都有大蕃茄& 羅勒葉🤩抹茶咖啡，幾日式，唔甜。最後件紅桑莓cheese cake仲有種專為女仔而設嘅感覺😆

同友人行荃灣donki，超大間又好行，行完就去覓食，係donki 上一層就揾到呢間cafe！👉🏻蒜香檸檬海蝦扁意粉$108雖然唔多汁，但一d都唔乾，意粉吸哂d精華，食落去好香，檸檬皮好薄，無苦澀味，成個口感都好特別！海蝦仲有6大隻！👉🏻WM啖啖肉薄餅$92唔算好拉絲，但芝士好濃郁，除左肉絲仲有肉丸，薄薄的餅底食完都唔會太濟！加$35有餐湯，小食同飲品！👉🏻法式龍蝦海鮮湯連小麥包龍蝦湯唔會好稀，亦唔會結撻撻，味道唔會太鹹，好味！小麥包帶點微甜！👉🏻吉列炸蠔麵包糠好酥脆，小小的蠔配沙律醬，好食！👉🏻檸檬香茅梳打真係好特別嘅組合！第一啖只有梳打味，但過左一陣再飲第二啖，香茅味好岀，而且有回甘，其他地方比較少咁樣配搭，所以好有驚喜！可惜今日落雨又打風，如果唔係室外環境一流！！好優雅又chill！

今日放假去咗荃灣行企鵝🐧店，行到累想搵間餐廳食晚飯，見到海之戀有間WM cafe ，之前大埔食過都唔錯。一於入去食唔洗再諗。睇吓menu 食咩先pizza pasta 樣樣都有。蒜香檸檬海蝦扁意粉一上枱即聞到香噴噴嘅蒜香味，食落有啲檸檬酸酸地幾開胃，海蝦好彈🦷😋扁意粉都幾煙韌。跟餐 吉列炸蠔炸蠔好鬆脆好味呀。是日餐湯龍蝦🦞湯加$35 好抵飲飲落好濃龍蝦味👍迷你墨西哥餅其實都唔迷你有四件。抹茶牛奶好大杯抵飲呀！

星期六收工，就約埋 好朋友去海之戀 ，食好西 ，位於三樓 ，人流比較少 嘅wm Cafe & Bar 除咗室內還有室外 任君選擇未到聖誕已經充滿聖誕氣氛 ，職員殷勤招待， 服務貼心👍👍頭盤先嚟過龍蝦湯🦂 湯味濃沃巴馬火配🍖 番茄🍅莎莎脆多士， 味道十分之夾， 而且多士十分香脆主菜是黑松露大啡菇🍄 牛肝野菌意大利飯🍚， 一上枱已經聞到濃濃嘅芝士🧀同埋黑松露味 ， 大啡菇厚肉入味， 芝士包著意大利飯打卡必備飲品, 芝士焦糖爆谷拿鐵, 一邊 有爆 谷食， 一邊飲著鐵拿， 有雙重享受🤩甜品有wm自家甜品石板街芝士餅🍰 同埋士多啤梨芝士餅🍓 唔甜但係好有濃沃嘅芝士味 🧀為晚餐劃上完美句號。

同事gathering ,選大一個中間位荃灣，所以今次去左海之戀到食飯，近佢地坐西鐵，我地有訂台，不過因為係閒日其實都唔太full,餐廳有dinner set,不過都係扒類比較蛋，所以我地散叫,我地叫左個小食拼盤 ，pizza , risotto , cabonara同埋沙律🥗， 小食拼盤都唔錯，有炸雞又有ribs 又有薯條，沙律就正常，risotto 係黑松露配大啡菇，個飯煮得太林 ，有少少一pat pat ,乾身會好食d, pasta 都係正正常常，叫左甘多野食一人150 左右，好抵

週末行去荃灣海濱附近搵嘢食, 去咗海之戀商場三樓其中一間餐廳去醫肚。 餐廳人流頗多,座無虛席。我哋一行兩個人 一共叫咗兩份主食同一杯特色飲品。首先我哋叫咗一個巴馬臣芝士香煎珍寶帶子卡邦尼扁意粉。據聯合會規定，真正的Parmigiano-Reggiano必須使用當地的牛奶，並符合規定製程，而且熟成至少12 個月。購買時則可透過印在上頭的戳章來判斷。巴馬臣芝士是從剛擠出的、因為重力而有一點點分離的牛生乳製造。傳統上來說，可以提供牛生乳給巴馬臣芝士的牛隻能餵食草或乾草。農人得依循嚴格的規範飼養，像是不能用發酵過、較容易保存的青貯飼料餵養牛隻，因此牠們的食物來源是當地的新鮮牧草。由於備受保護，生產出的巴馬臣芝士品質很好，被人稱為芝士之王。配上臣型帶子,味道一流。帶子煎得外香脆，内柔軟，鮮味十足。另外,我地叫左香草柚子胡椒蜜糖燒雞半隻拼薯條, 隻雞一上枱,香草味撲鼻而來, 雞件沾上了大量嘅柚子汁酸酸甜甜, 頓時胃口大開,薯條比 大型連鎖店更為粗闊, 份量亦頗多。最令我喜出望外嘅係杯特飲宇宙洛神, 杯嘢飲模仿緊浩瀚宇宙中嘅唔同星系, 顏色層次漸變, 口味特別, 細味之下才發現佢原來係一杯提子味嘅

行親Donki都會黎食呢間西餐，位置就腳，晚市又有套餐，算係幾抵食。意式香草龍蝦汁大蝦扁意粉每次黎都會叫一碟意粉食，佢啲意粉煮得幾好，唔會硬又唔會軟晒，啱啱好索晒啲龍蝦汁，好惹味。大蝦夠晒爽身，蕃茄蓉醬汁都好加分。套餐包左龍蝦湯同炸蠔，蠔味好突出，好想食多幾件！青檸幻影蝶豆花茶好靚既一杯飲品，藍藍紫紫咁，飲落好夠酸甜，而且好大杯好抵飲。我地叫左個香芒烤雞胸肉薄餅，薄餅keep到水準焗到又薄又脆，芝士拉絲拉到好長，每次黎都必叫一個👍🏻芒果無咩酸味，同雞肉都幾夾呀。

WM Café & Bar 係荃灣西地鐵站上面, 即係donki果個商場, 位置好方便! 環境好優美, 裝修好有氣氛, 有少少homey, balcony好正, 食 pasta and pizza chill chill地!頭盤食左個炸蠔先, 仲有羅宋湯!炸蠔好出色, perfectly fried, 唔會好多炸粉, 仲好熱既! dipping sauce 有D似千島!羅宋湯味濃, 好多蔬菜, 超豐富, 麵包好鬆軟, 好味!香草龍蝦汁大蝦扁意粉龍蝦汁味道濃，大蝦啖啖肉，兩款海鮮既味都唔會太搶手, 夾! 仲好juicy creamy! 香芒烤雞胸肉pizza芒果好fresh, 酸酸甜生, 加上焦香焦香的雞胸肉, 配搭有趣又新奇, 仲好開胃薄底pizza好有咬口, 但又唔會太乾,脆脆地 勁好味!仙氣飲品: 宇宙洛神洛神花原來降三高兼美顏抗氧化, 咁養顏既飲品即刻叫下先, 估唔到西餐都有咁特別既fushion drink甜甜酸酸, 有陣黑加倫子味, 再加上有汽咁, 爽!

已經第二次食呢間餐廳，已預先訂座，所以餐廳留左卡位俾我地🙆🏻。上次被佢嘅威靈頓牛柳吸引左，想黎再食，不過可惜今次黎冇得order，細問之下先知原來只有星期一至四先會供應。一行三人，所以同友人叫一個二人套餐，有兩個main、沙律、餐湯、甜品同埋兩杯野飲，另外我地再叫左個小食，三個人食已經好夠飽。龍蝦湯都係招牌菜之一，啖啖濃濃嘅龍蝦味呢個意大利飯就普普通通，得一粒帶子感覺少左啲，不過食落鮮甜，唔會煮得過熟。西冷叫左七成熟，唔會過熟，香濃肉味伴帶油脂香。黑毛豬扒好腍，唔會痴牙，份量亦多，整體黎講幾滿意打卡必備嘅飲品，芝士奶蓋味唔算濃，反而拿鐵唔錯，有得一邊食爆谷一邊飲咖啡都算兩種享受😂星期六晚去食都可以慢慢食同朋友傾計，唔似其他餐廳要趕住走，好適合一班朋友聚會，一邊食，一邊慢慢傾

其貌不揚，有內涵的高質素親民西餐⭕️法式鵝肝醬雜菌牛柳威靈頓👍👍👍晚市套餐，賣相略為失色，鵝肝放在小小一個牛柳上，下面墊著滑溜的薯蓉，濃厚的牛油酥香撲鼻🤤一切開🤩粉嫩的牛柳呈現眼前💕💕焗得金黃的香脆酥皮包裹著幼嫩軟熟充滿肉汁的五成熟牛柳，以牛油炮製的夾層雜菌，散發濃烈的肉香😭 $200不到的威靈頓牛柳，份量雖少，卻有高質烹調手法👍👍👍⭐️雖賣相降低了食慾，但仍值得推介⭐️**********⭕️炭燒雙層美國安格斯牛肉煙肉芝士漢堡👍👍賣相精美，高企的漢堡，刺激食慾🤤切開超驚喜‼️漢堡經烘過後，如餅乾般卜卜脆 "chok chok 聲"雙層牛肉份量足😍牛肉充滿肉汁，結實有彈力，cheddar 芝士少溶剛好把材料黏在一齊，香脆煙肉夾層，整體和諧融洽👍👍👍***********前菜☾法式鴨肉批沙律賣相有驚無喜😅一塊細細舊如午餐肉既肉塊放在沙律上。切開肉批質地硬實，似吞拿魚罐頭般一絲絲肉碎😆但入口香濃鴨油脂香，似有鴨香的結實午餐肉，加少量清新的沙律菜；☾香煎日本刺身帶子帶子彈牙新鮮，但醬汁偏辣，嚇一跳🤯不能吃辣的我要用水沖淡辣能😅**********☾WM蟹肉龍蝦湯深啡色佈滿油脂的賣相降低食慾跟期待感，下

After we have finished shopping at Donki, we planned to have dinner first before heading back home. We walked past WM Café & Bar and was attracted by the food they offered. It was located at OP Mall, just above Tsuen Wan West MTR.They offered a wide range of Western cuisine such as soup, salad, appetizers, pasta, risotto, mains, pizza, drinks and desserts etc. Chocolate milk shake - It was blended till smooth and milky, with enough chocolate taste.French lobster seafood bisque - The chef was gen