WM Café & Bar (海之戀商場)

营业中

休息中

由於疫情關係，已經好耐冇出去食飯，難得同老公拍拖，梗係要揀番間舒服嘅環境，好好享受下二人世界啦！ 而呢間Cafe位於喺海之戀，商場嘅餐廳同裝修普遍來講都好好！呢間就係W M Cafe，有室內同埋室外位置可以選擇。呢度計選擇種類都唔少， lunch Menu都有好多嘢揀，啱晒喺呢度附近做嘢嘅Office lady，我先生就揀咗西冷牛扒薯菜，份量都唔算少㗎，男士來講都應該夠飽㗎 ！而我就揀咗港女摯愛嘅all day Breakfast!乜都有齊，唔使諗又唔使煩，幾好！賣相都唔錯㗎，乜都有得食啲，份量真係夠晒多，女士來講未必食得晒！Set Menu嘅話仲可以加配沙律甜品雞翼或者心太軟，呢樣真係好吸引，又可以食下小食又可以食下甜品，滿足晒港女好多個願望！ send Menu梗係唔少得可以包嘢飲！有好多特色嘅嘢飲都可以揀，而我就揀咗杯綠茶，先生就揀咗杯咖啡！總括嚟講呢間餐廳都值得推介大家黎試一試！

疫情嚴重本應小出街，但因有急事要同朋友商量，所以特別小心揀餐廳🍴午膳，今午就到嚟海之戀的「WM Café & Bar」因餐廳有室內及室外用餐區，室內座位寬躺，室外空氣流通觀景好，可放心光顧🥰🥰午市套餐款式有意粉🍝焗飯，漢堡包🍔沙律餐，扒餐等等……..套餐已包括南瓜湯及多士🥣主餐：牛肝菌汁牛柳焗飯$61嫩滑牛柳粒加牛肝菌味道濃郁配焗飯，食落暖笠笠😘😘烤燒紐西蘭肉眼扒配紅酒燒汁跟薯菜$93五成熟剛剛好，肉味香濃，配上炸得香脆薯條🍟及四季豆，豐富的一餐🥳🥳+$18可以追加意式炸雞翼3件，炸得香噴噴，熱辣辣😘😘+$20自家製朱古力心太軟👍👍另外+$9可以升級飲品：熱朱古力及鮮奶咖啡☕️

位於海之戀商場3樓，一上電梯轉左便看見，餐廳有戶外座位，晚上的氣氛不錯，可惜現時只有外賣不能堂食，買了些外賣回家加餸。脆炸軟殼蟹墨汁扁意粉 | $108一黑一啡的顏色，突出了軟殼蟹。軟殼蟹上有大量蟹籽，旁邊堆放了蟹肉。軟殼蟹回到家後已經不脆，焗熱後會變脆身，墨汁味道較淡，意粉煙韌。龍蝦汁海蝦蟹肉意粉 | $96有兩三隻蝦及帶子，意粉炒得較乾身，醬汁味道不算太濃，加了青椒絲有些蔬菜。是日餐湯南瓜湯稠綿，味道較清，南瓜味突出。薄荷青檸梳打 | +$23青檸味酸酸地，幾開胃。芒果百香果青檸特飲 | +$27滿佈百香果籽，有嚼口，不會太甜。藍莓芝士蛋糕 | +$14、士多啤梨芝士餅| +$14芝士味道偏酸，吃起來不會太膩。藍莓醬及士多啤梨醬口感較乾身。

自佢開業我已經係常客，現時WFH+冇晚市堂食，外賣亦成為我家的首選餐廳🍴即使外賣，質素仍然維持一貫的好▪️龍蝦湯晚市套餐超級抵，咁好質素的西餐套餐不過$100，跟餐仲有龍蝦湯，一開蓋香濃的龍蝦味撲鼻！個湯質感感濃稠，啖啖充滿鮮味，仲食到淡淡龍蝦肉粒！有時我為咗個湯而來▪️龍蝦汁海蝦蟹肉意粉 $98我真係超滿意這裏的龍蝦汁，嗰種香濃的龍蝦味就知道他們落足料， 仲配以以蟹肉蝦及帶子等多種口感豐富的海鮮烹調，意粉煮得有彈性亦更能掛起湯汁！啖啖都好滋味▪️雙層檸檬烤雞芝士脆炸雞漢堡配薯條$89第一次喺度食漢堡，這款幾特別，烤雞加炸雞雙重口感好豐富,令人一試難忘，炸雞外脆內軟，烤雞肉汁豐富，配上軟綿綿的芝士，成個配搭好有層次！今天外賣自取，不得不提環境氣氛超贊的！型格lofts 風格，仲有對着公園的露台🥺 好想快啲重開晚市可以再去撐枱腳

之前黎過堂食，d 野食都唔錯依家晚市仲係禁堂食，就唯有買外賣番屋企我地叫左兩個意粉，一個小食，兩杯野飲，一個甜品餐湯估唔到有d 驚喜，蕃茄湯唔會好酸，又多料龍蝦湯個味就夠哂濃帶子煎得香口，但得一粒，比較少好彩個汁味道唔錯，扁意粉煮得口感岩岩好～軟殼蟹炸得唔錯，份量夠大隻有d 蟹肉碎，墨汁底好特別仲有d 雜菇做配料～多d 送溝意粉食開心d雞翼炸得夠脆，醃得夠入味～ 加$18有三隻～特飲梳打兩杯都好好味！！荔枝蜜桃唔會好藥水，溝埋酸甜酸甜～青檸就偏酸少少，但飲完好開胃最後食埋甜品真係好飽咖啡味岩岩好，芝士蛋糕唔會好濃味好滯成個味道係夾得唔錯

隨意揀咗間餐廳食brunch，地方好大，而且有戶外位置，天氣冇咁凍嘅時候應該幾chill幾舒服，不過當日去嘅時候關咗。炭燒美國安格斯雙層牛肉芝士漢堡 / $148薯條伴碟，牛肉每塊大約2cm厚，都幾大個，每次食burger都會食到好呢hea😛Egg Benedict / $98第一次食Egg Benedict係配丹麥多士，有啲出乎意料之外😂揀咗Parma Ham配沙律。Mocha / Latte飲品不錯，只係跟餐加$9都算抵

情人節要食下西餐，但係疫情嚴重冇晚市堂食，唯有去買外賣。巴馬臣芝士香煎帶子卡邦尼扁意粉$99香煎帶子幾大粒，切開軟滑唔會過熟😍，但係得一粒，如果可以俾多粒就好了。卡邦尼意粉味道質素正常，口感都creamy，煙肉、洋蔥呢啲配料分量都夠多。WM安格斯牛肉雜茹芝士漢堡$89漢堡都幾大個，個包烘得少少脆加上脆芝麻都香，餡料豐富，牛肉漢堡扒真材實料，牛味香濃😍，配上蘑菇、熱溶芝士、爽口生菜、蕃茄，味道一流。另外，配有薯條，粗身而且外脆內軟，我鍾意😋忌廉龍蝦湯加$1就可以有餐湯梗係唔執輸啦，一打開就聞到勁香蝦味，好香濃，正👍🏻甜品加$14跟餐可以有一件cake，我哋要咗藍妹檸檬芝士餅同埋拖肥朱古力蛋糕，質素都OK，好食唔會太甜😋。飲品我哋叫咗荔枝蜜桃梳$23打同埋熱情果菠蘿梳打$23，店員細心貼咗label，包保唔會搞錯。

呢排晚市冇堂食，食多咗外賣。食得多中式兩餸飯，今日就決定食西式。呢度幾晚市套餐選擇好多有意粉類漢堡包，扒類等等。今日我就叫咗兩個套餐再加小食同甜品食兩個人share 食。落咗order之後，等15分鐘，外賣好快到手。餐湯可以揀龍蝦湯或者是日餐湯，我每樣叫咗一個。是日餐湯係南瓜湯，南瓜湯口味較淡，味道較為清新。龍蝦湯汁味道較濃。巴馬臣芝士帶子卡邦尼意粉意粉超creamy同掛汁，芝士味香濃，加上煙肉嘅鹹香，非常好味。不得不提，帶子超巨型，非常厚身，煎得金黃，外脆內軟，內裏半熟，正呀。龍蝦汁海蝦蟹肉意粉呢個意粉性價比極高，價錢比卡邦尼意粉還要便宜，但係材料好多，有蟹肉，海蝦四隻同埋一粒巨型帶子。意粉質地同樣有咬口，軟硬適中，龍蝦汁鹹鮮鹹鮮，加上青椒等調味，好香好惹味。海蝦亦都好新鮮，爽口彈牙，帶子一樣質素佳。意式炸雞翼雞翼炸得好香口，雞皮超級脆，入邊啲雞肉有好嫩滑，而且入味。凍忌廉朱古力朱古力都幾香滑，朱古力味同牛奶味好balance，甜度適中。藍莓芝士蛋糕芝士蛋糕口感香滑，質地輕盈，加上帶有少少檸檬味再配合藍莓醬，甜而不膩。總括而言，呢餐外賣晚餐都好滿意，價錢唔貴，味道不錯，回頭率高。

話說好朋友約我去呢間餐廳慶祝生日，入到嚟有啲驚訝嘅感覺，因為佢一個好大嘅室外平台，一路食嘢一路飲嘢件事好休閒，亦都係打卡嘅好去處，佢嘅食物都叫中上質素，價錢都幾合理，而且最欣賞佢嘅特色飲品，好有心機好有諗法，令到成餐飯真係比一百分，而且服務方面都非常之周到，侍應都係啲好有經驗同埋都好開心會同你講吓笑嘅朋友嚟嘅，咁第一次去呢間餐廳，你真係會明白點解咁多人嚟，有啲餐廳就算幾靚都好，都未必有好多人去，原因係一種服務親和力，有無同客人打成一片，呢間餐廳！做到野嫁！

今日係無夜晚堂食前一晚，朋友帶我去呢間餐廳非常令我滿意，環境闊落又小清新，仲有露天位置，當然食物質素係相當唔錯。要左個龍蝦湯，放上檯已經聞到濃郁香氣，飲落都好好飲。跟湯個餐包好夠濕潤，點湯食好味，個人覺得就咁食更好味，食到包嘅原味，普通包就點湯，但呢個包好食唔洗。轉頭吉烈炸蠔熱辣辣奉上，外面酥脆，內面蠔肉夠幼嫩，好味！之後就食帶子煙肉卡邦尼扁意粉，外表夠吸引，帶子置中加上面嘅芝士粉，流口水，醬汁味道啱啱好掛汁，唔會太咸或太杰身，意粉軟硬得宜，個人鐘意多啲洋葱，不過整體都已經好味道。期間香芒雞肉pizza都準備好，芝士量一啲都唔少，拉到絲，批底係薄身但又唔會好似餅乾咁，反而無厚個啲咁滯，芒果好甜，配埋雞肉同啖啖芝士，非常開胃，雖然pizza都幾大但太好味，兩個人都好快食完。飲埋杯百香果飲品，滿足，想食甜品但已經飽晒，見到埋單咁抵食，之後一定再encore！呢到員工好服務到嚇親人，仲要係男店員都好好禮貌，大讚！

每次走入荃灣海之戀商場，就好似行入迷宮咁，唔趕時間還好，趕時間就......話係咁話，但走迷宮的同時亦都可以搵到美食，咁就冇意見啦，今日迷宮之終點係"WM Cafe“。一間有室內和室外用餐區的地方。海鮮迷的我就叫咗“香草龍蝦汁大蝦扁意粉”，意外驚喜就竟然有蟹肉喺面頭，未必係新鮮即拆蟹肉，似係罐頭蟹肉，但係係高質個隻都好鮮甜，真係開心。“香芒烤鴨胸肉pizza"，pizza未算係我至愛，但呢個pizza有芒果，幾有新意，呢個係薄批，邊皮脆脆哋，一批有兩種口感都唔错。"青檸幻影碟豆花茶“打卡靚，紫色，藍色在燈光下閃爍，非常搶眼，飲落都好好味。還有加35蚊就有嘅小食（呢晚係炸蠔）和龍蝦湯，而唔係平時餐廳常見的红湯和白湯。龍蝦湯，我鍾意

今日行完街就係海之戀搵野食，之前試過呢間WM Cafe都OK所以今次試下Dinner我地叫左香草龍蝦汁大蝦扁意粉，蝦肉都幾大隻同彈牙味道OK唔錯另外我地加＄35 是日餐湯，今日既餐湯係龍蝦湯，個龍蝦湯味道都幾濃跟餐有個小食吉列炸蠔，個炸蠔係熱辣辣，外皮都脆卜卜我地仲墨西哥手撕豬肉薄餅，個Pizza既芝士份量都幾多，Pizza皮厚薄都適中最後我地叫左杯香橙特飲，特別之處就係個橙汁雪成左冰粒唔會溝淡左杯野飲

本身book 8點食飯,我遲左 830先到餐廳入座Book 左出面既戶外位,佢都有留到last 一張枱比我 如果過黎飲酒吹水的話,呢到環境的確唔錯晚餐叫set dinner 想叫龍蝦湯但賣晒頭盤帶子又賣晒,好生意到呢叫main course 和牛又賣晒轉左T-Bone 個頭盤上菜用細cocktail 杯裝住😓佢地碳燒T-Bone 係幾好食,但一舊薯菜都冇白酒青口又一般 最後叫左杯凍忌廉朱古力 但d 忌廉呢 仲要用外賣杯上菜呢餐真係唔知食左d咩 趕清場都唔洗咁牙 9點半都未到用600蚊食左個45分鍾既快飯🤬🤬🤬

去年十月到這店吃過萬聖節餐，有兩張餐飲現金劵送，一月底到期，今次用現金劵再來品嚐午餐。午市餐牌有24款食品可選，價錢由55至103，星期一至五免收加一。一坐下，侍應給我們水杯及樽裝水，以及一個盛載兩件小多士的面包籃在檯上。還未落單，那麼快上多士有點奇怪。午餐選擇真是花多眼亂，不知選那種。最後我們要了美國西冷牛扒配紅燒汁飯和牛肝菌汁牛柳粒焗意粉。午餐配忌廉龍蝦湯。龍蝦湯，湯味濃郁，濃稠合度，龍蝦味道十分突出，熱度足。美國西冷牛扒配紅燒汁飯，西冷牛扒如一隻手掌般大，伴碟有南瓜和邊豆。西冷牛扒肉質不是十分嫩滑，有些部位很韌，南瓜煮得軟熟，邊豆青爽。牛肝菌汁牛柳粒焗意粉，滿滿的忌廉鋪蓋意粉面層，牛柳粒嫩滑，有大量的菇菌，熱騰騰的意粉掛滿醬汁，送入口中，口感稠密豐富，味道佳。餐飲選凍檸茶及熱咖啡。奇怪凍檸茶用膠杯上，配上膠匙，不太環保。熱咖啡很濃，濃得帶點苦澀。總的來說，我覺得龍蝦湯和牛肝菌汁牛柳粒焗意粉是不錯。

荃灣海之戀商場是我喜歡的商場之一，我自己常去買衫和行下專賣日本產品的donki , 另外，美食都多了不少呢！而商場的三樓有一間WM Cafe餐廳，環境有種度假🏖感覺！我自己一個點了：海鮮龍蝦湯龍蝦🦞味濃又開胃帶子忌廉意粉🍝新鮮帶子肥美可口，意粉充滿忌廉汁多滋味炸蠔炸到外脆內軟勁juicy 芒果🥭特飲粒粒水果粒解渴又鮮甜🥭WM Cafe’ & Bar （ 荃灣分店）📍地址： 荃灣大河道100號海之戀商場3樓3094號舖