Wingman (已結業)

同朋友不嬲都好鐘意食雞翼Wingman 又開多間分店啦 今次地點仲要旺角 非常便利之前已經係灣仔分店食過 已經愛上左 黎到旺角lunch time 時間真係好多人 有機會要等位 有雞翼放題提供果然係人流不斷 我同朋友叫左個netflix & chill 拼盤有18隻雞翼 3種口味 同一個配菜我地分別叫左水牛城醬 黑芝麻海鮮蜂蜜 蒙古燒烤味 水牛城醬味道帶酸辣 味道偏酸少少有醬汁既外層濕潤咬落香脆 雞翼仲有肉汁 多肉又大隻黑芝麻海鮮蜂蜜味 蜂蜜味好出 味道甜得黎唔膩 面頭有鋪有黑芝麻蒙古燒烤味 香料味好濃 係三款裡面最濃郁 孜然粉味同花椒味都濃烈鍾意重口味既朋友會覺得好惹味仲叫左個火燒牛油果 口感軟滑 醬汁比較辣怕食辣既可以單食牛油果都好唔錯

旺角WingMan店開張啦🎉好耐之前食過中環店 已經對佢哋既雞翼念念不忘😳 依家唔洗過海 都可以食到雞翼啦😍佢地採用100%法國雞翼 質素有保證👍🏻咯咯拼盤 (可選3種口味 18隻雞翼、1個配菜)乾身 巴馬臣芝士蒜蓉味 好豐富既口感 又有芝士味 又有蒜蓉味😆聞落去好香 強烈既芝士味 令人難以抗拒🤪濕身 黑芝麻海鮮蜂蜜我的最愛💛蜂蜜味重甜蜜蜜 食得好滋味🤤濕身 加勒比海香辣雞食雞翼點可以唔食辣😌不過 佢只係少辣😆配菜 杏仁麵包糠炒澳洲西蘭花苗好新潮既菜式 炒得好香 偏乾爽既西蘭花苗😋Super Bock $45汽水 $30

嚟到Wingman，我叫咗個Sharing Platters!! 有三款拼盤可以揀，我揀咗Netflix & Chill～依個Set有18隻雞翼，3款口味同1個配菜。巴馬臣芝士蒜蓉味雞翼上佈滿芝士碎，真係一啲都冇慳！芝士好香，味道濃郁，裏面會夾雜大大粒蒜蓉粒。雞翼炸得香脆，肉質嫩滑。水牛城醬水牛城雞翼我諗大家都唔陌生！雞翼佈滿紅色嘅醬，甜甜地、辣辣地，又特別又好味。如果大家鍾意食辣嘅話，可以揀再辣啲嘅一款。普通款係微辣。雞翼佈滿醬都一樣好脆，正！自家製鹹蛋黃媽咪超鍾意食鹹蛋黃，佢指定要食依款！依款最好味，雞翼面頭佈滿鹹蛋黃碎，基本上每一啖都會食到。鹹蛋黃好有鹹香，一咬落去啲蛋黃味就走晒出嚟！雞翼一樣香脆、Juicy!!牛油燒粟米依個配菜有成兩大舊粟米，條粟米仲好大添。粟米好甜又多汁。成條粟米搽滿牛油醬，好香。不得不提嘅係廚師中有用火槍火炙過條粟米，非常惹味！粟米上面都配有芝士碎，另有一番風味！

18隻味雞翼放題 ($250/平日，$268/五六日)每次衹可以嗌五款味道，每隻味會上4隻~咁味道款式非常多💁🏻‍♂️黑椒檸檬&蒙古燒烤味&泰式甜辣醬&紐奧良香粉&黑芝麻海鮮蜂蜜&水牛城醬&死神醬&咖啡香味&巴馬臣芝士蒜蓉味&田園風味&日本蜂蜜芥辣&吉列咖哩味&自家製鹹蛋黃&醉雞&雞煲味&印度唐杜裡烤雞&加勒比海香辣雞&新加坡辣蟹味.每隻味道都好突出，而且雞翼Size唔會因為喺放題而縮水，肉質又嫰滑🤤.個人最欣賞佢醉雞&雞煲味喺另外上一碟㗎，而且佢吉列咖哩味真喺用炸吉列嘅方式整~感覺超用心的🥰.仲包埋汽水、檸檬茶、啤酒&薯條(太掛住食雞翼，唔記得左叫)🤣.Taste: 9/10

雞翼放題 聽到都興奮 所以一直save低想食竟然佢係旺角開分店 唔洗過海食 機會黎啦飛雲！裝修幾貼地+玩味 又霓虹燈又扮地鐵站 星期日夜晚嚟食都好多人 好彩即刻有位坐雞翼放題 $198 (10隻口味）放題按雞翼口味分配有唔同價錢我就揀咗10隻口味 仲有飲品可任飲我自己就唔多食辣 所以冇揀d辣嘅口味個人推介 田園風味 Ranch全部雞翼都香烤過 食到係脆面 呢款雞翼有酸忌廉,洋蔥嘅味道好味得嚟會覺得冇咁膩 少少酸巴馬臣芝士蒜蓉味 Cali style重口味朋友會鍾意 又芝士又蒜蓉雞翼本身都好入味 加埋呢款料更重味呢款好易認 就係表面佈滿芝士碎+蒜蓉碎伏味咖啡口味 Espreeso BBQ貪得意試下呢個味 但真係搞唔掂好大陣燶味 未食都嗅到 實在太奇怪lol雞翼味道不俗 但真係等得耐 明顯唔夠人手建議食到一半就要舉手叫定下一碟啦飲品都係咁叫先比到 所以要扣返d分

本人是一名雞翼愛好者，不論燒烤放題或者在家煎炸，也離不開雞翼，所以Wingman這間餐廳可以令我大飽口福。假日的午餐時段已經座無虛席，來到時要在門口等候入座。雞翼有分乾身及濕身，因為本人比較喜歡香脆的口感，所以點了2款乾身及1款濕身，比較大食的朋友還可以食雞翼放題呢！Mongolian BBQ 蒙古燒烤味雞翼外皮燒得香脆，鮮嫩的肉汁也全都鎖在裡面，外面的芝麻及蒙古香料也配搭得宜，香氣四溢。Honey Wasabi 日本蜂蜜芥辣雖然說是濕身雞翼，但在蜂蜜汁底下的雞翼一樣燒得香脆可口，加點芥辣刺激一下味蕾，清新爽快。Cali Style 巴馬臣芝士蒜蓉味另一款乾身雞翼，薄薄芝士碎與蒜蓉極為香濃，令人吃上癮的味道。甜蕃薯條甜蕃薯條比普通的薯條更為吸引，蕃薯清甜的味道比薯仔有更豐富的層次感。

見到好多報導介紹呢個雞翼放題，今日終於都食咗，雞翼迷一定要試!第一round分別嗌咗鹹蛋黃，新加坡辣蟹，巴馬臣芝士蒜蓉，蒙古燒烤，同埋死神醬。整體都各有特色唔係就咁換隻味粉就算，個人覺得最好食係咸蛋黃醬，因為醬汁好濃而且調味適中唔會太咸。巴馬臣芝士蒜蓉味既芝士味好出，但係食唔出太多蒜蓉味。第二round嗌咗咖喱，醉雞同埋檸檬黑椒，咖哩味同其他雞翼唔一樣，面頭加麵包糠同埋香草，食落好惹味而且夠哂香口! 醉雞亦都好滑調味好好! 另外仲有任飲啤酒同埋有薯條，岩哂一班人食飯傾計!

雞翼控一定要黎啊😆😆大食既人可以食雞翼放題😉不過我同男朋友share 18隻加薯條都好夠🙈雞翼有分Dry rub $69/6, saucy $69/6 同specials $78/6✨Cali Style 巴馬臣芝士蒜蓉味 $69推薦🤩🤩話就話係乾身 但勁juicy😆芝士碎同parsley令到蒜蓉雞翼層次好豐富😋✨Singapore Zing 新加坡辣蟹味 $69正啊！唔係好食得辣既我覺得惹味得黎好可以接受到🤤有啲似避風塘😆✨Drunken 花雕醉雞味 $78花雕味比想像中濃！仲有個後勁🤣雖然冇cali同singapore zing咁正但都係好味既☺️✨Truffle fries $65估唔到專做雞翼既地方 薯條可以整得咁出色😍我同男朋友都最鍾意呢度既薯條 炸得好香脆 配埋黑松露醬🤩超滿足😋

之前已經想去港島區試，見旺角新開分店咁近就去試下。。點知可能新開未真係set up好啲野定唔好彩。。。。星期日去揀左198任食set,有兩款啤酒同其他任飲，諗住雞翼狂既我可以食到滿足點知坐低揀左5款味後等左10分鐘到黎第1round20隻雞翼，其中黑芝麻海鮮蜂蜜同泰式甜辣比較出色，但黑椒檸檬就好咸，叫左檸檬茶但0甜度，不過當消濟就由佢啦，諗住冇咁易飽試埋其他味兩個人食左20分鐘到再叫第2round，但黑芝麻海鮮蜂蜜已經賣唒，等左成20分鐘都未上枱，我8:36入到去坐，到左9:30話last order但仲未見到我既第2round然後最終9:45先到，10點就要山喇，佢話可以比盒我地外賣走，last order個陣再叫左兩杯檸檬茶又係9:50分先到，都係0甜小小冰，amazing如果一路傾計一路食野個到未必岩，因為啲音樂好大聲，唯一可讚係啲待應幾好禮貌，同埋個兩款雞翼幾好食，但90分鐘任食食到咁有啲谷氣囉

今晚約左另一個朋友夜D先見,  所以放工後先食定D野頂住先, 今日飛甩老爸唔煮飯, 自己同朋友出去叫雞, 我朋友係雞翼精, 所以就揀左哩間雞翼主題既餐廳.平日18:30時間都已經坐滿左一大半既客人, 坐位都好闊落, 店員好細心介紹, 有分放題同散叫, 放題分3款唔同嘅餐單，其中2款包野飲, 不過我今次係散叫.雞翼味道有分乾身/濕身/特製,  每款都係6隻為1客店員隨後附上手套同碟, 等客人可以用手盡情咁享受食雞翼既滋味Wingman 水牛城醬,  辣味好合當, 唔會太辣入唔到口, 不過唔似平時食既水牛城味, 好特別, 哩款推介日本蜂蜜芥辣,  香甜蜂蜜糖, 配上芝麻係面, 再有日本芥辣一大舊係上面, 初時勁驚會好攻鼻, 反而不是, 唔攻鼻之餘何其地夾雞翼雞煲,  就同平時食雞煲味道, 而且好入味松露醬薯條, 生切既薯條配上香濃松露醬, 好正呀, 個醬超好味食唔停冰凍檸檬茶~完結 

🧡 雞翼迷必食！呢度啲雞翼好高質😍 仲要有任食雞翼套餐，食雞翼食到飽！🤤🧡 我嗰日星期四去，如果weekdays的話，$128 +10% 就有三隻口味任食; $178 +10% 就有10隻口味任食 同汽水啤酒任飲😍🧡 如果唔想食放題仲有單點~🧡 我嗰日試咗兩款乾身雞翼，黑椒檸檬🍋同巴馬臣芝士蒜蓉味！雞翼出到嚟，外皮唔會太厚粉，仲熱辣辣！🧡 濕身雞翼都試左一款: 日本蜂蜜芥辣口味，加咗少少Wasabi都幾正😍🧡 我仲加咗一個火燒牛油果🥑，加埋佢啲醬汁都幾好食😋🧡 好想快啲再去食放題，試多啲口味!!

YEAH WINGMAN開到黎旺角啦!! 一直想試但又唔係成日過海, 係旺角就方便得多, 即刻去買黎食! 一出LIFT就見到佢既玩味設計, 雞頭, 叫雞等抵死字眼同埋佢既SIGNATURE LOGO等等。WINGMAN既一大賣點係有90分鐘雞翼放題! 除左超多口味既雞翼之外, 仲有小食同埋啤酒汽水任叫,  食到最盡18隻味個個餐都係$250, 星期六日就貴多$18姐, 成個PACKAGE係吸引既! 不過今日只係諗住黎買外賣番屋企睇住戲食既~~去到先知真係有個餐叫NETFLIX AND CHILL, 有雞翼有小食, 岩哂我心水。巴馬臣芝士蒜蓉表面滿滿蒜粒同芝士, 味道突出, 乾身既關係食落寧舍香口。水牛城醬香辣過癮, 外層仲加左芝士碎, 同時食到芝士香又有辣勁, 正!新加玻辣蟹味味道有D似椒鹽風味, 惹味之選。烤牛油果開左邊既牛油果, 咁岩比左一邊熟D口感軟熟, 一邊生D硬身D, 食落軟熟個邊好食好多, 烤過後變得更加香, 加埋檸檬更好味, 牛油果控會中意!

各式其式的雞翼店ＷＩＮＧＭＡＮ，終於開到來九龍了！旺角店一開我就去了試一試～環境：寬敞坐得舒適，還有不少有趣的ＳＬＯＧＡＮ！超多的雞翼選擇，有乾有濕，而且還有放題！不過我們想１８隻雞翼拼盤就夠吃了呢。。。食物：＄２６８雞翼拼盤（３口味１配菜）配菜我選了火燒牛油果，那牛油果剛熟所以非常嫰滑，而且很富果香，還配上ＣＨＩＰＯＴＬＥ ＹＯＧＵＲＴ，微酸少辣的醬汁去解一解膩，把簡單的菜色變得非常好吃乾 巴馬臣芝士蒜蓉味：這款是在烤焗雞翼上放上巴馬臣芝士跟生蒜，熟芝士咸香味濃，生蒜吊起味道！濕 黑芝麻海鮮蜂蜜：跟非常清甜的海鮮蜂蜜同烤，黑芝麻把雞翼提升至另一層次，正！日本吉列咖哩味：超爽脆的炸雞翼，這種特別大隻，特別JＵＩＣＹ，外附一碟日式咖哩醬，有點日式香草而帶點日式咖哩的甜，最好的就是黑松露蛋黃醬，松露的菇香跟很ＲＩＣＨ的蛋黃醬組合，簡直是無敵！

-🔸Free Flow Wings (10 Flavours) $178@-朋友話好想試依間雞翼專門店，因為有成十幾種唔同嘅口味，仲有放題任食幾過癮，就卜咗枱試吓啦！我哋揀咗中等價錢嘅放題，都有成十種雞翼口味任點任食，仲有汽水、啤酒任飲𠻹，超興奮啊！每次落單可以叫五款唔同嘅口味，而每款限定會俾四隻嘅，所以其實四個朋友一齊嚟係最划算的。試勻晒咁多款口味，我最鍾意嘅係巴馬臣芝士蒜蓉味，有大量生蒜茸同刨碎咗嘅芝士好正啊！而朋友就最鍾意田園風味，酸忌廉味道好似平時食薯片咁都幾好味喎！最後我哋食咗2 round左右就飽到食唔落了～

Wingman上月尾係旺角開分店啦！Wingman以雞翼放題打響名堂，本身係中環、灣仔都設有分店，最近終於進駐九龍區，係旺角樓上店開設新店，同樣主打雞翼放題，雞翼控快啲去朝聖啦！😋Wingman一向出名在以多款不同口味既雞翼放題作招徠，唔少口味只此一家，例如黑椒檸檬味、蒙古燒烤味、加州風味、日本蜂蜜芥辣味、死神辣醬雞翼等，早前仲俾外國旅遊網站BigSevenTravel選為全亞洲最好食雞翼專門店之一，評為’The wings here are unique, creative and somewhat gourmet.’可見其創作的口味，就連外國人都欣賞。當然最大賣點，就係餐廳除供應散叫雞翼外，仲有雞翼放題，而家旺角店每星期都有供應90分鐘雞翼放題（星期三除外），收費$128-$268，視乎不同時段。😌今次我CK同朋友 @jessicab1213 撞岩星期三黎，無雞翼放題提供，但就有特別推廣，1杯飲品可最多食12隻5蚊雞翼，大食既小編同細食既朋友兩個加埋都唔洗300蚊就食飽飽啦😄Wingman的最大賣點，就係雞翼口味選擇十分多，而家已經有18款，包括黑芝麻蜂蜜海鮮味、咖啡味、新加坡辣蟹