Wingman (已結業)

餐廳位於旺角，係間雞翼專門店，主打不同口味的雞翼，今次就叫左三款不同口味的雞翼和一個漢堡試下🔹️巴馬臣芝士蒜蓉味雞翼6隻🧀$69三款入面最喜歡呢款，蒜蓉味很突出，配埋加在上面的巴馬臣芝士好正。🔹️咖啡香味雞翼6隻☕️ $69 乾身的雞翼，有啲咖啡味，都幾特別。🔹️黑芝麻海鮮蜂蜜味雞翼6隻 $69濕身的雞翼，蜂蜜味都幾出，幾好食。🔹️香辣炸雞漢堡🍔 $88呢個係爆脆系列既，塊炸雞超級脆！好好食，很香辣很惹味🌶🔹️Mojito $88

話說本人自問都幾鍾意食雞翼所以決定多人同朋友去食呢間雞翼放題嗰日係星期五晚餐時分所以幾乎係爆滿咁滯我地都等左10分鐘先可以入去入到去見到個餐牌真係呆咗 因為佢雞翼嘅選擇十分之多 淨係醬料，我諗都應該有15至20款 不過鑒於之後我同朋友都仲有活動，所以就冇叫到全部放題 只係叫咗幾隻味，去試一試原本以為我哋兩個人都可以食得晒24隻雞翼點知去到最後第18隻已經要投降😂😂強烈建議選擇醬汁比較多嘅雞翼，例如蜜糖甜辣醬之類 因為佢冇其他粉狀嘅雞翼咁乾 雖然兩隻都非常入味。另外叫咗一個西蘭花苗 佢係比較硬身嘅菜 適合鍾意唔食咁諗嘅菜嘅人👍🏼地理 7.5/10裝修 9/10味道 8.5/10服務 8/10😗😗😗😗😗😗😗😗

好難食!!!點咗三款雞翼都係好難食。雞煲味雞翼係好酸嘅雞翼，水牛城雞翼仲酸 , 真係冇下次！ 唔明點解有咁多正評，個老細究竟俾咗幾多錢？仲有個小食係黑松露通粉完全冇味道仲要一pat嘢賣相都好差，屋企煮好食過佢。環境方面呢都算還可以嘅，但係啲背景音樂有少少九唔搭八😑本身見到咁多正評都懷着滿心歡喜嘅心情嚟食，但一上到去見到冇咩人，咁個心呢就開始有啲驚，點知真係令我好失望，本身我真係未試過寫食評，但我唔想咁多人中伏，所以決定上嚟寫一寫。鍾意食雞翼嘅朋友，我建議自己煮你個心情應該會好啲😊

最近工作關係認識了一位外籍人士，原來他跟我同樣地是雞翼的愛好者。他極力推薦了這家位於旺角新城的Wingman!果然所言非虛，餐廳主打各式雞翼，中英對照，分門別類。主要分為乾身或濕身雞翼。價錢上，非常實惠，只是69蚊6隻，而且雞翼來源地是法國。這個價錢也只是比平常吃到的土匪雞翼貴一點點。味道上，有各種選擇，而且可以mix&match。於是，我和友人便選擇了- 巴馬臣芝士蒜蓉味 3隻- 新加坡辣蟹味 3隻- 泰式甜辣醬味 3隻- 日式蜂蜜芥辣味3隻不得不說，各有特色。我個人最喜愛日式蜂蜜芥辣味，不會攻鼻，有意想不到的味道。 而且雞翼煎炸得宜，十分香口。朋友則最愛巴馬臣芝士蒜味，他說這是幸福的味道。 其他泰式跟新加坡味也是很好的選擇。除此之外，我們另外也點了黑松露長通粉及黑松露炸薯條，中規中矩，也不錯。而HO WING draught beer 更是出色。我本人不好酒，卻發現這手工啤酒頗有誠意！

約咗朋友喺旺角食晏，佢係雞翼怪🐔，所以同佢去食「Wingman」就啱晒。我之前喺灣仔店食過雞翼放題，不過由於戰鬥力有限，食唔到幾多，所以散嗌吧。旺角店面積唔大，但環境都算四正，工業風嘅裝潢，再加埋「一齊叫雞」嘅霓虹燈箱，玩味十足🤣，亦睇得出餐廳有特意注入港式元素！雞翼主要分乾身同濕身兩類🍗，我諗係指用醬汁抑或味粉調味，另外再加埋特製款式，總共有成19隻口味可選。乾濕兩類每款$69/6隻，價錢唔算貴，只可惜無得雙併🙈。咖啡香味Espresso BBQ，雞翼表面疑似煎濃咗嘅黑色粉末，☕️應該係磨碎咗嘅咖啡豆粉，食落無渣的，並滲出微微咖啡同朱古力甜香🍫。 同時，雞翼亦混入燒烤粉，令佢多返少少鹹味。依款口味好特別，溝完出嚟無違和感，味道自然。水牛城醬Buffalo，呢款經典美式口味嘅雞翼無令人失望🇺🇸，醬汁調味正宗，夠重口味，但如果有埋西芹同藍芝士作伴就完美。其實餐廳嘅水牛城雞翼有兩種辣度可選，我揀咗較溫和嗰款，但辣度都顯著，不過唔過火🌶。黑松露芝士忌廉汁通粉Truffle Mac N' Cheese($85)，細心留意發現餐牌上有唔少雞翼以外嘅食物，🧀Mac n Cheese算係比較飽肚嘅一款

燒雞翼，我鍾意食~~🎵🎶話說我自細好鍾意食雞翼。最近得知旺角新城有間樓上雞翼專門店，於是急不及待拉埋老公陪我嚟試😋當日中午入到嚟，已經見到有枱外國客喺度食緊雞翼，已令我流出口水來🤤於是快趣落單，叫咗客雞翼，三個小食兩份食😁🐔黑芝麻海鮮峰蜜味道甜甜哋而且好惹味，拎上手熱炳炳，好🉐！🐔菠菜甘藍沙律配柚子醬菠菜新鮮入味，又可以解膩，幫助消化🤗🐔黑松露芝士忌廉汁通粉通粉夠熱，辣咀，黑松露和芝士配合得天衣無縫🤩🐔烤蒜龍嵩大啡菇上枱時仲出緊煙，真係要趁熱食，菇菇多水多汁，好鮮味🍄🐔食完雞翼，叫咗杯熱情果🍋梳打孖份飲，清潔一下味蕾👅總括嚟講，呢度令我放鬆心情。嘢食又好味，服務員又有禮，感覺好似去咗外地旅行一樣🥳

係openrice search旺角，成日都會見到呢間wingman。同佢個名一樣，呢間係專食wings既餐廳😂一睇個menu就有十幾種雞翼味道任君選擇，我個陣揀味都揀左好耐。如果想試勻咁多種味既，我建議你可以試佢既雞翼放題🐥本身係openrice睇，佢餐廳食物係偏韓風既，但係入到去既裝修風格竟然好香港，幾打卡able今次我就少少地揀左Netflix & chill呢個拼盤，有18隻雞翼(三種口味) + 1個配菜🍟我地2個人食都超飽Spicy buffalo | Wingman水牛城醬：呢條係舖頭自家製既水牛城醬，食入口個下多左d酸甜醬既味道，比普通既水牛醬再辣dHoney Wasabi | 日本蜂蜜芥辣：呢個係三種味最好食既🤤個醬令我食極冇停過口，不過個芥辣就冇乜味，所以似食緊蜂蜜雞翼多d🫢Cali style | 巴馬臣芝士蒜蓉味：呢個係我揀唯一一款乾身係雞翼，相比起濕身既明顯冇咁入味，同埋唔係好食得出芝士味，呢隻味相對有少少失望Truffle fries | 松露醬薯條：呢個松露醬又真係幾出色喎，鹹淡啱啱好，松露味有夠，薯條做到外脆內軟(左) Passion fruit lemo

第一次真真正正坐低去食呢類專食雞翼既食店😆入到店舖環境燈光比較暗黑 配上幾盞霓虹燈再加上牆上突出既山景燈 夜晚食會特別有氣氛🥰全晚都聽住耳熟能詳又輕快既英文歌🎼可以全程投入呢個咁輕鬆既環境當中😌佢呢度最多人食既應該係任食雞翼放題🐓最多可以食齊19款口味😍不過個胃都要夠大先得🤣我地又想試多啲野食 所以就放棄咗任食 決定散嗌😎➷🔹 自家製鹹蛋黃🔹 花雕醉雞雖然唔食任食 不過點都要食吓佢既雞翼過吓口癮😋佢地既雞翼唔係用打針激素雞 所以可以食得安心放肆😆每一隻都有返咁上下大 所以食起上黎會啖啖肉鹹蛋黃雞翼金黃香脆 蛋黃平均分布係6隻雞翼上所以隻隻都會食到蛋黃既咸香🥚內裡亦都唔會乾身👍🏼花雕醉雞味一聽就知道係我鍾意食既野喇🤤見到佢咁肥美就忍唔住一啖一啖咁咬落去😆花雕既香味完全滲透入雞翼裡面 酒味香濃👍🏼如果就咁試個汁 佢係會有啲咸 但雞翼就唔會過咸-🔹 爆谷雞爆谷雞會唔會有爆谷⁉️呢個問題我真係有諗過原來佢係好似爆谷咁 一粒一粒爆既雞粒😆但佢既份量都幾多 上枱既時候都有啲嚇親😲佢炸到好脆口嫁 配埋個酸酸甜甜既醬汁就好惹味-🔹 蘑菇雞肉白醬通粉上枱時香味已經撲埋黎😶‍🌫️係攪勻過程入面香氣更加強烈將芝

間唔時就會好想食雞翼，今次就試左呢間雞翼專門店。見好多人都食放題，但自問真係好難淨食雞翼食到回本，就決定單點試下先。>巴馬臣芝士蒜蓉味：單點每款有6隻雞翼，呢款係有大量芝士碎+蒜蓉碎鋪面，食落幾鹹香又有少少蒜味。>蜂蜜芥末味：揀左呢款好穩陣既味，個芥末好似粒丸咁放響雞翼上面好好笑😂因為有提供手套，就將粒芥末丸響雞翼上碌，確保每隻都有沾到少少。雞翼脆皮又香噴噴，食落甜甜地，簡簡單單都算唔錯。>松露芝士通心粉：芝士都幾多，但係冇去到拉芝咁，帶有淡淡松露味，食完都飽飽地。>炸雞漢堡：炸雞扒大塊又厚肉，外層好脆，入面都多肉汁，中間有切絲青瓜+生菜，個汁好似係蛋黃醬，好好味，不過食果陣要小心d，D脆脆炸皮一邊食一邊跌😆>Passion Fruit Carpiroska：熱情果味cocktail，酸酸地好似飲緊汽水咁，對女仔黎講都易入口。不過野飲價錢高左d，有多d平野飲就更好啦。

🔖一間有多款雞翼的雞翼專門店，仲有雞翼放題添🍻雞翼散叫唔同味道，需要每種味道最少六隻，價錢大概$69-$88不等。🍽日本蜂蜜芥辣$69第一啖滿滿既蜜糖味，多汁唔乾，好食！但原來Wasabi既味只係純粹加咗舊Wasabi係旁邊。其實可以當呢個係蜜糖雞翼🤣🍽自家製鹹蛋黃$88表面鋪滿鹹蛋黃碎，好香鹹蛋黃味，但味道唔算好濃烈。🍽黑松露忌廉汁芝士通粉$85芝士味唔夠濃，無特別。🍽松露醬薯條$65嗰醬係幾好食😋薯條偏幼身，不嬲我都麻麻地幼身薯條，有時炸太勁，好似成條都係食佢舊皮咁。不過呢間佢又炸得唔錯！好食的！

超多唔同口味嘅雞翼😍雞翼迷一定要黎！為咗試到多啲唔同款式嘅食物，我地嗌咗個set $238，包括：5隻雞翼、4件脆爆雞、1個配菜雞翼揀咗乾身嘅黑椒檸檬味🍋酸酸甜甜好好開胃，黑椒味就唔算太濃郁～炸得好香脆而且唔油膩👍🏻雞翼唔算太大隻，但比較容易入味🙈脆爆雞就揀咗黑芝麻海鮮蜂蜜同水牛城醬口味🐒外層包裹住滿滿嘅醬汁😋超惹味！雞肉肉質嫩滑多汁，同埋有預先醃過，所以都好入味🤩黑芝麻就唔係好見到（應該冇比錯？😂）蜂蜜甜甜地🍯本身醬汁都好濃味，所以海鮮味比較淡啲～但小編幾鐘意呢款口味😛水牛城醬酸酸甜甜，同時帶住絲絲辣味，最經典嘅口味點都要試下嘅😆配菜揀咗捲心菜，入面仲混合咗蘋果絲，幾有驚喜🙈蘋果嘅香甜味同沙律醬好match～捲心菜刨得好幼，包裹住沙律醬幾fresh除咗呢個set之外仲另外加咗個黑松露薯條（$65），上枱熱辣辣夠香脆🍟比咗勁多黑松露醬😂到最後食曬啲薯條都仲淨咗好多

雞翼都有放題？真係第一次聽，雖然我係第一次食，但上網查查原來香港都唔少食雞翼放題的。今次簡左人流比較多的油尖旺區樓上店，我哋比較早到，去到未有好多人，坐低之後陸陸續續就有好多年輕人到場，成個餐廳好似開party咁熱鬧！自己知自己食量，我哋兩個女仔單點一個$268包18只三款口味雞翼的set，+$25有個主食芝士通粉。通粉好大份，芝士味好濃，通粉又香又滑，上左之後最好先食，如果唔係凍左就冇咁好味（好在我哋都係剩三分一），因為上雞翼後就即刻想食雞翼！三款口味分別係蒙古燒烤味，巴馬臣芝士蒜蓉味同黑芝麻海鮮蜂蜜味。前兩個係乾身，後面係濕身比較多汁，隨個人口味喜好選擇，雞翼都係皮脆肉嫩，如果大隻少少就好啦。蒙古燒烤少少香辣，皮都燒得脆少少，味道已經融入每一條肉絲了，連骨都想圇乾淨！巴馬臣芝士蒜蓉味就係蒜蓉雞翼加芝士，夠咸香可以一直食好多只。本人覺得最好味係黑芝麻海鮮蜂蜜，甜甜哋又唔會太膩。兩個人18只都已經好夠，如果食量大可以簡放題，都好抵！

📍𝕎𝕚𝕟𝕘𝕞𝕒𝕟一路想試食雞翼放題 終於可以一試了 不過計左計埋右之後決定叫咯咯拼盤 Loads O' Birds 有24隻雞翼 (4種口味) 加2個配菜 食落好似都好飽咁 又抵啲 所以就叫咗呢個😗雞翼四種口味：(1) 巴馬臣芝士蒜蓉味 正常發揮 可以多啲芝士🧐(2)Wingman水牛城醬食落去真係覺得好酸😂 嘗試食完全隻不過真係好困難，就算隔離雞翼hi到佢醬汁都好酸係比預期嘅酸得幾多下..(3)泰式甜辣醬呢個俾都我地最大嘅驚喜，因為酸酸甜甜，兩種味道都唔會太over 食落去啱啱好👍🏻(4) 自家製鹹蛋黃係好濃味好香，但食一隻就滯咗唔會想食咁多隻😮‍💨烤蒜龍蒿大啡菇🍄呢個係意料之外地好味 調味同埋焗唧時間都啱啱好 咬落去有菇汁必出嚟 勁香蒜味😍杏仁麵包糠炒澳洲西蘭花苗🥦呢個西蘭花苗炒得好香！好少見用麵包糠炒菜 佢好足料所以好夠香味🥰其實如果唔係超大胃口/一大班人食，可以唔使叫放題，因為佢每次最少都要1隻味叫4隻雞翼，2個人食的話叫佢啲拼盤可能仲抵，又唔會浪費食物😀 不過整體都幾好味，而且有好多味未食到，都會想返去再試！

哈哈哈估唔到放題放到雞翼樓上店細細哋員工服務態度好nice，但係好多人唔夠人手有時要叫多幾次先可以，不過環境好正，燈光暗暗地好多打卡位。自知食量唔係好大，冇叫放題，點左個套餐$268包三款口味（黑芝麻海鮮蜂蜜味，蒙古燒烤味，巴馬臣芝士蒜蓉味）+$25有個芝士通粉。份量好足，芝士味香濃，要趁熱食，凍左會乾硬（因為雞翼太吸引，通粉食剩少少）。個人比較喜歡濕身的黑芝麻海鮮蜂蜜味雞翼已經完全入味，外皮少少甜唔會膩，蒙古燒烤味外皮稍微乾身，巴馬臣芝士蒜蓉雞皮燒到啱啱好，有芝士又係要趁熱快d食喇整體都可以的，朋友飲左杯cocktail醉醉哋，不過食雞翼最正配汽水🥤

食物正常 但體驗實在太差。19:32入座，幾分鐘後問侍應拎到餐牌落單 (19款口味放題)第一轉: 咖啡香味/巴馬臣芝士蒜蓉味/自家製鹹蛋黃/田園風味/印度唐杜里烤雞/水牛城醬 共6款雞翼 + 薯條 + 韓式捲心菜等咗差唔多10分鐘，見未有野食到就嗌多個Mac&cheese，結果Mac&cheese最快到 (19:51)直到20:11，嚟第一轉雞翼 (此時距離入座時間已差唔多40分鐘，放題時限90分鐘)遲都算，部份仲要嚟錯 (鹹蛋黃/印度唐杜里烤雞變咗死神醬同咖喱)，同侍應反映，佢話可以擺喺度等佢收走。知道會嚟得較慢後，我地食第一轉時已嗌定第二轉雞翼 (紐奧良香粉/自家製鹹蛋黃/咖啡香味)，第二轉冇問題。食埋嗌多罐可樂飲，侍應 (另一位) 拍罐可樂埋枱，仲燥底過我地，道歉冇句就走咗。真係冇下次。