Wingman (已結業)

食物正常 但體驗實在太差。19:32入座，幾分鐘後問侍應拎到餐牌落單 (19款口味放題)第一轉: 咖啡香味/巴馬臣芝士蒜蓉味/自家製鹹蛋黃/田園風味/印度唐杜里烤雞/水牛城醬 共6款雞翼 + 薯條 + 韓式捲心菜等咗差唔多10分鐘，見未有野食到就嗌多個Mac&cheese，結果Mac&cheese最快到 (19:51)直到20:11，嚟第一轉雞翼 (此時距離入座時間已差唔多40分鐘，放題時限90分鐘)遲都算，部份仲要嚟錯 (鹹蛋黃/印度唐杜里烤雞變咗死神醬同咖喱)，同侍應反映，佢話可以擺喺度等佢收走。知道會嚟得較慢後，我地食第一轉時已嗌定第二轉雞翼 (紐奧良香粉/自家製鹹蛋黃/咖啡香味)，第二轉冇問題。食埋嗌多罐可樂飲，侍應 (另一位) 拍罐可樂埋枱，仲燥底過我地，道歉冇句就走咗。真係冇下次。