Wingman (閣麟街)

营业中

休息中

呢間位於中環嘅餐廳係專門食雞翼 內在環境格局非常型格 播住流行的外國英文歌曲店員大部份都係外國人 落單時要講英文-橙香填鴨卷 $138呢個鴨卷非常大份 入邊有好多嘅生菜 🥬仲有蔥同生薑吊味 入面都有好多嘅鴨肉 分量充足 橙嘅味道唔算突出 但佢入邊真係會放一啲橙入去嘅 裏面醬汁都唔算好多 因爲聚哂係底部蒙古燒烤雞翼 $69/6 pcs呢款雞翼我推薦 有啲似食土匪雞翼 不過比平時食嘅土匪雞翼烤得更加香同乾身 但同時瑣得住入面嘅肉汁 唔會成隻乾巴巴咁 新加坡辣蟹雞翼 $69/6 pcs呢款雞翼喺面頭度散左一啲炸蒜同埋辣椒 🌶️如果唔食啲辣椒其實都唔算好辣 呢款雞翼就較頭先嗰款比較濕潤 但食落去都香口嘅 好大陣炸蒜嘅味 就好似食緊炸蟹嘅一啲配料咁 -整體而言 呢間餐廳適合同朋友過嚟食吓宵夜又或者聚會 一路食一路傾吓計都幾chill

雖然話就話減肥唔可以食啲咁油膩嘅嘢但係有時都要獎勵吓自己！食下自己鍾意食嘅嘢！ 咁先有動力行更遠嘅路！食過幾次都係鍾意食佢嘅新加坡辣蟹味雞翼!呢兩款雞翼都係辣辣地嘅！但係新加坡辣蟹味嘅雞翼就更加辣，係香辣！如果唔食得辣嘅朋友記得將紅色嘅辣椒仔清走先好食呀，唔係可能會食到流眼淚㗎！雞翼熱辣辣咁即叫即炸真係好好食！唔知佢哋點樣整嘅呢呢幾日完全冇雪藏味！餐廳環境打卡一流 「一齊叫雞」好搞笑！你會有啲咩聯想🤪甜薯條炸的金黃色，非常之香脆又香甜！

今次係我第二次黎Wingman喇！ 之前都有同同事黎過happy hour 自此之後一直對佢地既雞翼念念不忘 所以前幾日唔洗OT收工就去左買外賣返屋企慢慢嘆喇店內既裝修幾有特式 chill得黎又帶有香港特式 裡面仲有大大塊既曾灶財牆雞翼有好多唔同口味 乾身既有巴馬臣芝士蒜蓉味、印度唐杜里烤雞味同埋蒙古燒烤味等等 濕身既有日本吉列咖哩味、黑芝麻海鮮蜂蜜味同埋加勒比海香辣雞等等 口味多到不能盡錄 另外堂食既話仲有兩小時任食放題（$350位）今次雞翼我就揀左乾身既「咖啡香味」同濕身既「日本蜂蜜芥辣味」 另外再搭個「菠菜甘藍沙律配柚子醬」 有肉又有菜 有足夠既蛋白質及膳食纖維 呢個組合唔錯 哈哈！「咖啡香味雞翼」：係炸得外脆內juicy既雞翼表皮灑上咖啡粉 味道出奇地夾 食落仲有陣陣咖啡香味 好得意！「日式蜂蜜芥辣味雞翼」：好入味 雞翼裡裡外外都充滿蜂蜜芥辣味 食落略帶甜味 芥辣味唔會話太嗆鼻 好易入口「菠菜甘藍沙律配柚子醬」 ：蔬菜好新鮮爽口 配埋清新既柚子醬 可以消除雞翼帶黎既油膩感 今次真係好滿足 下次想去挑戰佢個兩小時任食放題呀！

🥰💛雞翼控必須試·🐥wings set ($88) 8隻雞翼可選2款口味～我地再追加左2隻（+$15）🥰選擇了honey wasabi同埋Cali style😋😋本身以為前者味道會係honey mustard醬咁，估唔到竟然係提供原粒日式芥末，客人可按喜好塗抹😆🤣不過蜜糖雞翼就咁食已經好出色👍🏻😋另一款屬重口味，雞翼佈滿大量芝士及蒜蓉，衝擊味蕾！套餐可配薯條/蕃薯條及飲品～脆口蕃薯條香甜，點上微酸茄汁🥫停唔到口😆·🌯wrap set ($108) 選擇了橙香填鴨卷，配料好多大大的一份😋包含鴨肉，生菜，青瓜，香橙🍊味道不錯非常推薦，口感豐富，不過醬汁蠻多食落有點狼狽😆好彩有手套！幼身薯條香脆，又係忍唔住狂食😋·📍 wingman中環閣麟街37-43祥興商業大廈6樓

It was the typhoon #8 day and my mate and I went to have a happy hour drink in central.After the drink , we decide to fill our stomach by going to a chicken wing specialised bar - Wing Man in central.The interior environment looks like a bar with dim light and high table.The neon light of ’一齊叫雞‘ make the bar look hissy.There are 3 selection of all you can eat menu - wow! The $258 option is attractive as it has the salted egg option but might look costly for only chicken wings.We pick the $178 op

天氣轉涼了，今日約了好姊妹去中環購物，shopping 完肚子餓極了，於是去食個好味雞翼，入到店內，正值午飯時間，座無虛席，等了5分鐘，才能入座這裏的雞翼有很多款式選擇，樣樣都想試，真係花多眼亂，我們點了一個lunch set , 可以選擇兩款雞翼，薯條或甜薯，和飲品先來一個新鮮爽口又美味的沙律打開味蕾，點的是甜薯，炸得外層酥脆，咬落軟綿綿微點甜的甜薯很好味，點上微辣的醬汁，又有另一番風味主角來了，我們點了黑芝麻蜂蜜海鮮味雞翼和新加坡辣蟹雞翼，每款有四隻，一看賣相已經知道很Juice, 一點乾爭爭的感覺也沒有，急不及待嘗一口，真的很美味可口，外層芝麻味帶點蜜糖香味的雞翼，內裏味道調得剛剛好令一款新加坡辣蟹雞翼，面層鋪滿干蒜，䓤和辣椒，雞翼外層塗上辣的醬汁，帶辣的緣故，所以食落很惹味，雖說不太似新加坡辣蟹味道，但跟吃辣蟹感覺一樣，很刺激惹味最後還點了烤大蘑菇，切開蘑菇陣陣的蘑菇香味撲鼻而來，烤得一點也不乾，水份依然，入口菇味濃郁多汁，值得一試

終於有機會試流行左好耐嘅雞翼山😋 去到仲見到menu有超值雞翼放題90 mins 用餐時間佢地offer 3個packages: 🐥 3 flavours $128 🐥 12 flavours $178🐥 15 flavours $250叫左中間嘅package 已經試到好多味道 夠滿足🍗食左2-3 rounds已經超超超飽加上製作需時 其實大家都係大約食到2-3 rounds 整體味道都唔錯 但有啲味道特別深刻🧐被列入好食嘅味道有🤤✅：Lemon paperMongolian BBQ Thai sweetHoney wasai 被列入唔會encore嘅味道有🥵❌：Cajun Buffalo Espresso BBQ冇提及嘅味道我地覺得中規中矩😛一次過食咁多雞翼係人生樂事💜但亦都同時食太多雞翼 我諗一個月 短期內都唔會再食雞肉😂

餐廳裝修得意，幾啱打卡見到有雞翼放題，百幾蚊就可以任食多款雞翼同小食加飲品。但係得兩個人唔食得幾多，就同朋友叫咗兩款小食加兩款雞翼炸番薯平時喺其他餐廳好少見到有，入口好香番薯味，脆脆地都幾惹味，份量唔少叫咗一份墨西哥卷，餡料好豐富，有唔少蔬菜同雞肉係入面，加埋牛油果醬，甜甜辣辣咁，幾有驚喜有10幾款味嘅雞翼，我哋揀咗比較安全嘅鹹蛋黃味同蜜糖芥辣味。鹹蛋黃味香濃，雞翼入面唔會太乾，非常推薦蜜糖芥辣味竟然係分開上Wasabi，雖然就咁食蜜糖雞翼都好味檸檬茶唔會太甜，用嚟配煎炸嘢食就最啱

中環半山一向都多餐廳選擇，今次就去左Wingman 食雞翼🐔大廈入口係正蘭方園對面，仲有搶眼嘅黃色banner～餐廳嘅位唔多，一到lunch time已經滿座，想食最好訂定位先。我同朋友一人叫左一個$88 lunch set，有沙律，8隻雞翼（可以揀2款口味）同炸薯條/蕃薯條，飲品就要另外加錢。沙律有2種沙律菜同蕃茄仔🥗食左個沙律打個底先食之後嘅炸物，感覺都健康啲🤪輪到主角出場🎉雞翼有濕同乾嘅味，簡單啲講就係有醬汁同無醬汁。我地就揀左Expresso, Cali Style,Buffalo同Honey&Wasabi朋友最中意嘅Expresso好香咖啡味，食落有少少苦味，中和左油膩感。而我最中意嘅Buffalo就香辣得黎有啲酸，十分惹味。Cali Style有啲芝士碎同蔥係上面，食落有淡淡芝士香味。Honey&Wasabi係日式嘅口味，上面有酸薑，蜜糖醬汁加上wasabi一啲都唔攻鼻，更加帶出蜂蜜甜甜嘅味道🍯炸薯條同蕃薯條嘅份量都幾多，蕃薯條配千島醬，口感比較軟，都幾特別😋😋加左一杯啤酒同熱茶，兩個人埋單$238,食到捧住個肚走😆😆見到餐廳有雞(翼)煲，下次約多幾個朋友再試👍🏻👍🏻

雞翼真係食極都吾厭😋長假之前當然要去放縱下～嚟翻餐「全翼宴」🐔餐牌好多雞翼選擇，連啲創新味「咖啡」「辣蟹」味都有🤣🤣我地先叫兩杯凍飲爽下，一杯Kozel(大)($65)同oh honey($60)，侍應比咗手套我地食得盡興啲🥰仲有濕紙巾同骨筒。叫Netflix & chill ($268)，可以揀三款味既雞翼，一個小菜。我地叫咗lemon pepper, hoisin glazed 同bling gold wings(另加$19)。Lemon pepper 香脆，咬落有肉汁，加少少檸檬汁又開胃又解膩👍🏻Hoisin glazed甜甜的，有少少日式feel，亦有種食北京填鴨既feel🤣幾特別，最中意呢隻🥰.Bling gold wings外觀非常華麗，影相一流🤣聞落去好香牛油味，食落好脆，香草味都好濃😍小菜我地叫咗烤麵豉茄子🍆，用上肥肥既短茄子，賣相好有日式風情🥰麵豉咸香，配上香脆乾葱好惹味😋再叫多個甜蕃薯條($55)，新鮮炸起熱辣辣🥰脆脆甜甜的，點上泡菜沙律醬，好特別既配搭👍🏻食完捧住大大個肚走😋爽!

由細到大都鍾意食雞翼，當知道有間食店專門賣雞翼，超多唔同味選擇，點可以唔試呀？wingman呢度嘅雞翼全部100%法國雞翼，選料上乘肉質健康，所以食幾多雞翼都OK，而且超過10款以上口味，雞翼迷一定不能錯過👍而且價錢公道，一般$69就可以有六隻，如果夠大食，可以考慮join放題任食添!我就掃咗三款返屋企同屋企人分甘同味。#蒙古燒烤味🌶呢款雞翼好香孜然粉味，辣辣地，而且灑滿芝麻，識落真係好有蒙古風味，土匪feel爆登👍而且個辣味會不停滲出嚟，越食越辣得起勁！#巴馬臣芝士蒜蓉味超級香噴噴的蒜蓉味！真係會令人流口水呢🤤切到好細好幼的芝士絲鋪滿雞翼上，咬落去口感特別好！芝士同蒜蓉原來好夾㗎！#日本蜂蜜芥末味雞翼本身落咗蜂蜜，食起嚟有陣陣蜜糖香味，芥末另上，分量隨心，我好鍾意芥末那種一瞬間的辛辣感，配雞翼一樣好食！

由於我們很早放工，因此很早便到達這間餐廳，所以就可以讓我們能一嘗包場的滋味！店內之graffiti十分吸睛！禁不住在沒有人在的時候瘋狂拍照。可能因為這間餐廳主打食雞翼，因此裝修也離不開：雞！雞！全部都係雞！另外，防疫用的隔板也很吸引！有童年回憶的pulp fiction和Keanu Reeves……胃口頓時大開！先來一客黑松露醬配薯條，這個黑松露醬可口四溢，禁不住來多一客黑松露醬店內的雞翼作為主打菜，當然有十分多的種類，不同種類包羅萬有；首推這個吉列豬扒式炸雞翼，這個遊刃於吉列豬扒味及炸雞翼味的味道，令人一試難忘！其次是這個蒜香buffalo雞翼，小小一口十分香口！到了這間餐廳，當然首推炸雞，其次又是雞，天啊！最後朋友點選了這客咖啡菇，我一早已叮囑不要眼闊肚窄，不過……這個菇又實在是太美味了！時間還不到一半，店內已坐無虛席，我們亦都飽到捧著大肚腩！

呢間位於中環既雞翼專門店之前聽朋友介紹過，今日終於可以黎試試佢餐牌上有成15款雞翼口味！大胃王朋友強烈推介嗌雞翼放題！$178可以試哂12款，$250就食哂15款，超級抵！可惜當日同朋友食完晏先黎，我地就單點左2款雞翼試吓佢地既雞翼分左乾身同濕身，我地各揀左1款咖啡香味 $69/6pcs呢款係乾身既雞翼，用左自家bbq醬醃製，外皮炸得好香脆，而入面既雞肉仲好多汁，雞皮上面仲有咖啡粉同朱古力粉，原來雞翼同咖啡都可以咁夾日本蜂蜜芥辣 $69/6pcs濕身代表就日本蜂蜜芥辣，外皮有滿滿既蜂蜜，蜂蜜味道香甜，配左一舊仔芥辣俾你自己揸上雞翼，加左芥辣之後即刻變到好好食，芥辣唔算好辣，呢款幾得意！松露醬薯條 $65呢款薯條必食啊！薯條幼身，炸得好脆！薯味十足，配埋松露醬超級正

上次食Wingman意猶未盡～雞翼癮起！就外賣返去同🧑🏻‍🦱食先上次無試到雞翼雞煲，今次要試下先！雞翼雞煲 $98我叫咗細煲有8隻雞翼 每隻都非常入味！雞煲加入大蒜、紫洋蔥、葱同辣椒。味道好香好濃，就唔算太辣。煲入面有8隻雞翼，每隻都非常入味！黃金雞翼 $88呢款都唔係任食menu 入面所以今次點埋～黃金雞翼以為是咸蛋黃雞翼原來是24K金呢～是炸雞翼再加上金粉 金光閃閃的連外賣的賣相都非常吸引！雞翼外皮香脆，雞肉嫩滑，正呀！

黑芝麻海鮮蜂蜜味見到好多人話呢款味道似北京填鴨嘅味，本來都半信半疑，但係原來真係幾似！可能係因為海鮮醬嘅原因所以似，食落甜甜地，加埋黑芝麻就更加香。Singapore Zing 新加坡辣蟹味鍾意食辣嘅朋友可以挑戰下呢款。，佢應該係想做到類似避風塘辣蟹既感覺，我覺得辣味嘅感覺係有嘅，但係有少少cover左本身雞翼嘅味道，同埋會越食越辣。甜薯薯條炸得好香脆可口，配上自製嘅千島醬汁，微微辣好惹味。可惜因為外賣關係，食嘅時候始終已經吸咗少少水蒸氣會無咁脆，如果堂食應該會好正。其實如果可以的話建議大家堂食，一來最新鮮熱辣辣出爐最好食，二來堂食有 90分鐘雞翼！絕對可以滿足雞翼控！