Wildfire Pizzabar (凌霄閣) (已結業)

11月嘅山頂，兩個字：好凍。但係呢間野叫Wildfire就比到我熱情如火嘅感覺。餐廳位於凌霄閣，太平山頂俯望整個維港嘅夜景，恰巧當晚比較大風，冇咩雲霧阻擋，所以喺餐廳入面可以好清楚咁中望到香港嘅夜景。咁啱我哋用餐嘅時候係8:00，仲見到幻彩詠香江添～！食物方面我哋點左一個龍蝦汁海鮮意粉以及美國西冷牛扒配薯菜，坦白講兩道菜驚喜不大，標準嘅意粉配上龍蝦汁以及兩嚿龍蝦肉，同一啲海鮮，整體來講不過不失。西冷方面我哋要求七成熟，用木板上菜嘅時候，塊牛扒尚算係熱嘅～切開塊扒入邊嘅肉汁都幾多，七成熟得恰到好處。牛扒唔算太肥，但係食到後面就略嫌有少少膩。整體來講，食物尚算不過不失，但係呢度食嘢主要都係食環境，所以整個晚上望住個靚景食飯，食物感覺上都好像加添了2分美味。

Wildfire 呢間餐廳係香港有幾間分店，今次坐纜車來山頂，便品嘗了位於山頂的分店，坐在窗口邊，無敵海景在眼前👍環境真係無得挑剔😜食西餐好多時都會必叫牛扒來試，呢度嘅份量都頗多😉牛肉都算軟淋有汁，性價比高，不錯😂

這間餐廳我已經去咗三次，推介窗口位置適合打卡， 食物ok 價錢若以環境位置算合理, 味道亦可, 特別推介蛋白甜品, 真係超級好食, 不太甜,size 亦不少, 二至三人share 已夠, 總括是一處不錯的地方, 特別係現在少了自由行, 回歸寧靜， 趁現在多吃

Wildfire 好多分店, 其中我去過尖沙咀Knutsford Terrace , 星光大道 同埋山頂個間. 如果講靚景, 一定係山頂個間最正, 因為同樣的價錢, 食物, 個到的香港夜景最靚. 如果坐出面位或者窗邊, 同去左貴價海景餐廳的體驗冇分別~有次壽山頂個間就咁岩見到煙花.叫左apple cider, buffalo wings 同 pepperoni個buffalo wings配的blue cheese sauce好味到飛起, 入面有顆粒感的芝士, 若果你唔抗拒芝士的咸味, 一定超中意雞翼外仲有celery, 一齊點個藍芝士醬非常夾8''的peperroni好似有D細, 但好好食, 啖啖辣肉腸-除左山頂個間, 下面三張相都係knutsford個間食時影的唔知點解, 呢間我覺得冇咁好食LOL

許久沒有到山頂看夜景，之前怕太多自遊行及遊客，但最近疫情下清清靜靜，終於可以到山頂行下，在OpenRice 訂了位同太太慶祝結婚周年，當日餐廰留了個超靚位,對著中環維港靚景下食晚餐。職員很細心，多次主動幫忙影相，點了一個香芒薏米沙律，味道稍有些酸，不過老婆覺得很清新又醒胃，火焰雞肉串燒，上桌時一串吊起淋上了酒再點🔥，有些特別的酒香，雞肉很入味又嫩，燒豬肋骨都很好味，甜品點了熱情果醬焗蛋白餅，不太甜，38元實在好平，很滿足，食物質素很好,價錢唔貴，過了一個難忘嘅晚上。

山頂凌霄閣Wildfire山頂唔貴西餐，可享有維港景色，多謝細細佬介紹要book位才可有靚位7點爆場，walkin 要等位餐牌非常吸引，勾起讀書時代紀念冊的回憶用色相當用心。其實呢間餐廳有bar, 燈光頗暗。幸好餐牌是橙色，而字用對比色，非常鮮明，容易睇到寫咩pizza用die cut設計，唔錯細細佬推介火焰燒雞串，好好味。搞到隔離枱食客睇番menu。 後面嗰枱食客都叫了燒雞串。原來燒雞串包沙律和荷葉飯。荷葉飯舖了鮮蕃茄粒，夾住飯食，好夾。飯有荷葉清香，唔錯 pizza唔太好味，餅底唔脆原本想飲cocktail,但見到menu有威士忌酒，想試下。我立刻whatsapp 同事，我應試邊款。他推介我試Jameson侍應問我飲strict 定加冰，他推介我另一款，驚我飲唔烈酒，可加冰。我無講自己飲過茅台，唔怕飲strict shot.最後我都係揀Jameson加室溫水Jameson 聞落充滿花果香味，飲落有果實味，加上少少苦，雖然40戒5酒精，但易入口。其實有茅台味，但茅台口感更複雜。我問侍應有否飲茅台，他話有，加雪碧好正。我話用皇子和迎賓好啲，無咁貴我上網睇番Jameson價錢，同茅台價錢

肥B成日話想去山頂唞吓氣，所以襯住端午節假期，我哋就嚟咗山頂行吓同影吓相。我哋預先book咗枱，6:30喺wildfire pizzabar食晚飯，仲專登要求咗窗口位添！平時好多餐廳既窗口位通常其中一方要背住個窗嘅，但今次安排比我哋呢張枱，係我哋兩個都係對住個靚景咖😍，邊食邊欣賞風景，好滿意呀！有靚景係唔夠嘅！要叫埋嘢食試吓先......我哋首先叫咗個煙三文魚藜麥沙律做頭盤(Smoked Salmon Quinoa Salad)，沙律裡面除咗有三文魚同藜麥之外，仲有青蘋果、薯仔粒、黑橄欖、鮮橙同沙律菜，生果同菜都好新鮮，好爽脆！值得一提既係三文魚有少少煎過嘅，所以好香口，配埋橄欖油同檸檬汁，酸酸地咁，食完即刻胃口大開🤗！第二度菜~我哋叫咗個波士頓龍蝦意大利粉(Boston Lobster Spaghetti)，軟硬適中嘅意粉面上放置咗兩件連殼嘅小龍蝦，龍蝦肉好新鮮！意粉係用佢哋自家制既龍蝦汁嚟煮，將龍蝦嘅鮮味帶到每條意粉之中！仲有露筍同埋車厘茄做小配菜，配埋最頂層嘅少許薄芝士(Parmesan Cheese)，好味！可借份量比較少......然後我哋就叫咗個炸魚薯條(Fish and

同朋友差唔多每年都會黎呢間餐廳食飯。景色真係無敵，日景夜景都好靚好中意🥰食物方面叫值個肉丸意粉同雞肉芒果super seed 沙律。個沙律幾好食，有d super seed 感覺幾健康。overall 計埋個景落去晚話，CP 值係高晚😍

記得多年前曾與前男友在山頂的Wildfire慶祝周年紀念日。一邊品嚐着美食，一邊眺望着香港的夜景，現在回望依然記憶猶新。多年後的今天決定與家人再次到訪，不知道水準如何呢～餐廳環境依舊乾淨，景色也當然如故關於前菜，我們點了炸甜番薯和炸雞翼炸甜番薯香脆可口，分量十足，性價比高相反炸雞翼比較一般，二選一下會選擇前者至於主菜分別有龍蝦意粉和Ribs個人喜歡龍蝦意粉，因為覺得味道濃郁而且通粉有咬口。還有欣賞其海量的蔬菜量，對於蔬菜控來說是一級享受啊～妹妹則比較喜歡Ribs她表示肉質鮮嫩，肥而不膩飲品方面點了這個😂是一種混合了白酒，蘋果汁，橙汁，等等的酒精飲料～ 個人認為好飲😋不過建議與朋友分享👍🏻總括來說，無論對食物或是環境也十分滿意來山頂的話，我推介Wildfire ☺️

今日帶一個外國返黎嘅朋友去咗山頂 想搵間睇到夜景又唔會太貴嘅餐廳 朋友就推薦左呢間wildfire🥰 如果想坐窗邊位 最好book嘅時候講埋😆 不得不講山頂嘅夜景真係好靚👍🏻Menu價錢其實都非常合理 我expect有靚景睇嘅餐廳收貴啲都OK🤨 但佢都係一般西餐嘅價🥳前菜嗌咗個沙律 超大bowl! 我都係第一次食呢啲生果嘅沙律 有士多啤梨提子藍莓等等 配埋柚子醋汁食落去非常夾 沙律菜亦都好新鮮唔會有苦味 仲有芝士嘅鹹香 食完即刻覺得勁Fresh😋主菜帶咗個Parma ham and mushroom pizza💁🏻‍♀️ $169 見到佢餐廳入面有一個好大嘅爐係即叫即燒🤤 ham同火箭菜份量都幾多同埋pizza 係薄嘅意大利Pizza 唔會食落太有負擔👍🏻另一個主菜係vegetarian lasagna 本身都好鍾意食芝士同蕃茄嘅combination 而呢個入面仲有好多得意嘅蔬菜 好似意大利嘅青瓜其實食落似翠玉瓜 仲有唔同蔬菜 中和左個肥膩感😙 芝士仲有得拉絲 落足料🤣本身都想嗌啲酒飲見到佢一個bottle都幾平 推薦大家去想浪漫下 或者有個特別嘅夜晚都可以去試下🤤

諗住開開心心同屋企人慶祝除夕, 今朝打電話嚟問幾點last call, 有個女職員答我食物11點, 小食是12點. 點知10:40pm 到咗山頂wildfire, 一個中年女服務員回答我 "我哋10:30已經 last call咗”我好驚奇, 同嗰位女服務員講返我今朝有打電話嚟問過餐廳last call 時間話係 11點. 點知個女服務員既回答係超級不知所謂 : "呢層我不知道, 我只係跟上頭意思做”. . . wildfire 是美心旗下的餐廳. 真係估計唔到一間咁大規模既公司對D咁特別既節慶日子既安排方面都有溝通錯誤. 我覺得啲管理層真係好有問題, 需要多多培訓

山頂要找到平民又有氣氛既餐廳唔易，但呢間絕對係一個好選擇☺。晚餐時段係要排一陣隊，但係都可接受。餐廳裡面有d位可以望到香港夜景，幾正😍！望唔到既，餐廳裡面都有歌同歐美mv播放，幾有feel同座位坐得好舒服。叫左pizza,野箘risotto同T-bone,好味👍。pizza屬正常水準，都好味。而risotto個味就做得好好，松露味幾出，但係唔好彩係有d米粒未完全夠軟，比較可惜😔。T-bone大約$4xx，幾滿足，三個人share 都夠。要讚即係侍應服務好，好有耐心介紹塊扒要幾成熟，值得比tips😄。

服務：ok,但冇乜客/不忙時,員工也不主動幫客多加水環境：大,有寧靜空間感⬆️3人歺腸,豬立骨,雞可多少少份量似2人歺多D但全部好味牛扒好香口⬆️芝士菠蘿薄pizza好味,大size⬆️辣牛芝士以為會係手掌甘細件,原來大過手掌．好味又抵食！

我係呢度嘅常客，去得最多飲嘢嘅地方幾乎喺呢度。自己好鍾意坐露台，冬暖夏涼! 佢哋嘅staffs好高效率，服務又好又有禮貌，所以每次飲完野咩煩惱都冇晒。雖然好多地方都有呢間分店但係由於地點關係我淨係去過呢間，有機會會試吓其他分店。除咗alcoholic drinks, 佢哋嘅non-alcoholic drinks 都好有特色。記得有次我一位內地嘅朋友喺外國返嚟，我就帶咗佢嚟呢度飲嘢，佢好鍾意呢度，話呢度嘅cocktail好特別，佢都未見過。

非常不愉快的進食經驗！當天平日午餐時間，餐廳除了窗邊位滿，其他座位都是空的，我，姐姐連同bb三人到餐廳，由於窗邊位已滿，我告訴侍應想等一等，等窗邊位，於是我在外面等，但冇人會通知你幾時有位，於是我自己再入去問佢，佢先叫我坐住等，有位轉枱俾我。我一早已經告訴侍應我們三人，但侍仲應冇幫手將二人枱拉埋變4人枱，唔緊要，我自己做，佢見我拉埋枱，就過黎告訴我，「你地三位？我地冇bb椅子」我話冇問題，佢可以坐大人椅子，俾我感覺係佢地唔想小朋友佔一個座位。全程沒有俾一杯水我，直至我問佢！因為小朋友睡醒要食午餐，我點了一個意大利飯給小朋友食，可能佢地見我原來小朋友都有點餐，食唔晒野先主動黎打包食物！仲有個意大利飯我講左俾小朋友食，但仍然好硬，攪到佢唔肯食！雖然餐廳有靚景，食物味道不差！但服務員的態度十分令人生氣！不被尊重！以後都唔會再食！