Wildfire Pizzabar (凌霄閣) (已結業)

自從纜車翻新之後，今年第一次坐第六代纜車上山頂。每次上山頂我哋都會去選擇呢間餐廳食飯，因為景色宜人，價錢合理之餘，可以隔住個落地玻璃、嘆住冷氣就望到維港美景。餐廳嘅食物都好大眾化，好適合小朋友。包括唔同種類嘅薄餅、沙律、意粉和甜品。🍕12’’辣肉腸薄餅薄餅餅底夠香脆，上面舖滿辣肉腸同拉絲芝士，好滋味😋🥙煙三文魚藜麥沙律 Smoked Salmon Quinoa Salad有薯仔、青蘋果、橙、煙三文魚、橄欖感覺很清新開胃，三文魚亦新鮮，是炎熱天氣下的好選擇。

大約早一星期前已經打電話訂枱食飯，諗住同老婆上山頂食餐飯慶祝生日。當時同接聽電話果位男生訂枱時落左remark因為同老婆食生日飯想要求坐窗邊位，同埋落左remark話我點甜品果陣幫我响碟上寫生生日快樂等字句。接線生有複述上述要求及答應可以滿足以上要求，我當然好開心咁thank you同收線啦。到左大日子，諗住兩個人開開心心咁入去食餐飯，侍應好有禮貌咁帶我地去張枱坐底。的確係坐窗邊位，不過出面有一大條柱擋住大部份山下景色。呢樣我算，我request窗口位之嘛無request想睇風景係我唔啱，我忍。到我order甜品，諗住有個驚喜俾老婆睇下，寫住生日快樂既tiramisu送俾老婆開心下，點知！點知！點知！只係一件普通tiramisu，沒有任何裝飾，帶俾我只有憤怒！我無同侍應反映問題，大家可能話我傻仔做咩唔爭取，不過我唔想即時提出搞到大家尷尬，好在賢妻睇得出有問題無太介懷。總結，環境係靚，食物係好味，不過對客人無心裝在。嬲！

四周年諗住上山頂慶祝 見到依間餐廳可以睇到維港景所以早一個月book咗海景位首先望住個靚景嘆返杯紅酒同白酒之後就嚟咗水牛城雞翼先 食落都好香脆 辣汁係清新同惹味 芝士醬唔會太濃 同個雞翼好夾其中一樣主菜就食咗黑松露蝦意粉 有成五六隻蝦 蝦係爽甜同彈牙 意粉唔會太淋 黑松露味都好掛到上個意粉到第二樣主菜就係烤美國豬扒 本身想嗌肉眼不過賣曬個豬扒肉質好彈牙一啲都唔韌 同埋好香炭火烤嘅味道 尤其是係有焦香嗰個位最後食咗個甜品心太軟係for四週年慶祝嘅好有心機幫我地寫咗字 個心太軟係外脆內軟 配埋有個雲呢拿雪糕 非常之夾真係心太軟 好好食埋單八百左

202211月平日--Wildfire Pizzabar (凌霄閣)地址位於:山頂山頂道128號凌霄閣1樓2號舖時間約四時多，沒有預訂座位，Walk in，客人不多，還有窗邊位置可供選擇，有室內視野較廣闊的，也有戶外可看到維港，又可看到纜車的。我選擇了坐在戶外，可欣賞維港景，又可看到來來往往的第六代纜車，很是有趣侍應服務不錯，送上兩杯水和餐牌餐廳供應火即烤的PIZZA、漢堡，牛扒等等由於不太肚餓，只想看看風景，吃過簡單下午茶，點了一杯Kozel($58)夠凍一客燒美國豬肋骨($188)份量足，切開約有13-14件骨，濃郁的醬汁甜味配上醋和蕃茄的酸甜味，剛好中和平衡，令人食指大動。薯條炸得香脆火喉剛好，肉質鮮嫩軟滑，灑上芝麻，格外香口埋單: $270.6室內風景更好，價錢合理，服務不錯，食物有水準享受了一個愉快的時光

一星期前已經book咗呢間餐廳食飯，因為上得山頂都想食到個靚景，做完一輪功課後就覺得呢間價錢比較合理，所以試吓佢。我訂左7點，6點半去到時已經排晒隊，店員安排咗我哋去窗邊位置，點餐係用QR code，今次叫左一個薯條，水牛雞翼，pizza同安格斯肉眼牛扒。第一個黎係薯條，有黑松露同茄汁。醬汁味道可以，薯條都係熱嘅。第二份係水牛雞翼，配左個藍霉芝士同辣醬，個人比較喜歡點辣醬😋第三係5050pizza, 一半係辣肉腸，一半係芝士，都做到少許拉絲效果。最後係安格斯肉眼扒，叫左5成熟，食落都有少少炭味，唔錯。就呢個價錢，呢個質數，呢個景，在山頂算係非常之化算。

今天晚上在這間餐廳吃晚餐期間，waiter收枱的時候，不小心把我吃剩的東西弄跌在我坐沙發的旁邊位置，卻一句問候都沒有。另外，我看見對面枱客人等野食等到不耐煩，問waiter還要等多少時間，waiter在回答對面枱的客人卻說：「等多陣啦 ，廚房吾係得你一張單！」這是一個waiter對客人應有的態度嗎？ 我在這餐廳吃晚餐大概兩個小時，其他waiter心不在焉，完全hea做，大聲有講有笑，對客卻無笑容。除了其中一個waiter（外藉人士）有services外，其他都沒有services！十分惡劣！！！

Ordered Ribeye steak, very juicy, grilled so well.. the quality of the steak is excellent.. added 10 dollars for the fries… surprisingly good… it’s from fresh sweet potato….whole family loves… bravo!!!Drinks and milkshake are good for sugarolic…a bit too sweet. Have to workout and burn it out on the track…

我地既專屬位置🥰每次weekday 同朋友上黎山頂book 12點就一定係安排哩個超正角落景位我地。佢12點先開門，不過通常都會有點熱，始終對住大窗口，但我會有風扇仔跟身，冇有怕。😋Set lunch $188/位 +10%😋Mango Salad新鮮芒果粒加上新鮮沙律菜，好fresh.最好味就係個汁，有少少酸甜既味道，夏天咁熱食就一流，好爽，😋Caeser Salad新鮮沙律菜有甜味，醬汁唔會好重味同厚身，麵包糠都好脆口，唔錯。😋雜菜湯都好足料有好多雜菜，同埋唔會感覺太罐頭湯味，好有口感。😋龍蝦湯 +$38有幾粒龍蝦肉，味道龍，要另外加$38 就係值係果幾粒龍蝦肉度。😋肉眼扒 8oz +$38都算幾大塊，叫左medium rare, 岩岩好，算好淋 ，好好味。以哩個價錢係超值。仲有好多長青豆，車厘茄配碟，好味。😋黑松露大蝦意粉 哩個有幾隻大蝦，都算爽口入味，意粉就比較油，可能我都食開清淡，但係好味既，黑松露就唔算好有味。😋凍檸茶x2 正常啦新鮮檸檬，都算大杯。以$188/位連加一食到咁多野都算唔錯，平時叫一個steak都起碼三百或以上，所以好抵食，仲要欣賞住香港既景色。⭐️⭐️⭐️⭐️（5星

▫️黎到山頂賞月玩燈籠🏮 唔好晒左個景🌕 一於就係山頂食埋飯🤩▫️呢間餐廳以前都幾多分店，而家好似愈執愈少🥲 明明覺得呢到啲野食都唔錯😗🥩 美國安格斯西冷 $218▫️要左5成熟🖐🏻 肉質嫰滑又juicy💦 咬落唔會韌，啲網紋都燒得好靚🤪▫️伴碟仲有我最愛既薯條🍟 係粗身厚切版✌🏻 炸到卜卜脆，啖啖薯仔擺落口🥔▫️仲有少少豆角，好似有啲菜食下叫健康啲😂👳🏾‍♂️ 印度天多利雞 8” $108▫️原本見到配料有mint, yogurt, lemon好驚會中伏💀 但覺得幾特別又想試下🤣 好彩食落個味都幾夾幾香，真係好有印度風情🇮🇳🥂 House wine $68▫️美酒配靚景簡直一流😍▫️以呢個價錢有咁既靚景真係值回票價😍‼️▫️望住個景覺得香港其實真係好靚🌃🥹 可惜🥹

位於太平山山頂🏔嘅Wildfire🔥係一間西式餐廳，菜式包羅萬有，Pizza、Burger、 Pasta或者扒類都有。可以試吓佢好特別嘅北京烤鴨pizza 🍕 。餐廳環境裝修時尚，如果坐窗邊位可以望到好靚嘅夜景🌃。餐廳價錢唔算貴，整體來講都幾抵去。👍Rating: 7/10Budget: ~200pp-📍Wildfire Pizzabar山頂山頂道128號凌霄閣1樓2號舖-

趁住假期，同埋纜車重開，今日去一日山頂行下！ ！亂打亂撞入咗呢間餐廳，價錢一啲都唔貴！望住個靚景，直頭係超值！我哋一行四人叫咗個Pizza漢堡包同埋水牛城雞翼，加埋嘢飲都唔過$600個景仲要超級靚！！打卡都抵呀！望晒成個海景，呢個價錢，冇得挑剔啦！ ！不過食物就不過不失，上得山頂，都係為左填肚姐，冇乜太大要求而且餐廳侍應們都好有禮貌 如果大家都去山頂嘅話我都推薦你哋去呢間餐廳！ ！不過要留意番佢窗邊嘅位唔多想去嘅話就揀啲非繁忙時間入去坐啦！ ！

🚩Wildfire Pizzabar男朋友一直都唔同我講生日帶我去邊，原來今次佢偷偷地帶咗我嚟山頂～唔係講笑咁大個女都未上過山頂，不過好可惜纜車暫停服務左🥺夜晚男朋友就book咗呢間餐廳食飯，居高臨下咁望住維港，都真係幾嘆㗎！想坐窗邊位記得要預先book定～〰️〰️〰️〰️〰️〰️〰️〰️〰️〰️〰️〰️〰️〰️〰️🌈Set Dinner $288 per person✨意大利雜菜湯湯入面超多椰菜洋蔥，酸酸甜甜好夠味，如果有少少辣味就更加惹味啦✨磨菇濃湯面頭仲淋左圈松露油，雖然冇磨菇粒係啲湯入面，但feel到湯同蘑菇已經完全融合咗～入口好creamy好香松露味✨巴馬火腿香芒沙律用咗沙律醋調味，火腿都夠晒鹹香！芒果亦都好夠甜，酸酸甜甜好開胃✨煙三文魚凱撒沙律煙三文魚份量就有啲少啦，得中間一塊～沙律用咗凱撒醬，配埋大量嘅芝士碎同煙肉，麵包都烘得好香脆唔會淋✨印度天多利雞薄餅 12”真係想像唔到per person係點樣食一個12吋嘅Pizza，超大個！上枱已經聞到好大浸印度嘅味道😆唔好睇佢啲雞肉紅卜卜但其實一啲都唔辣嘅，佢仲落咗啲檸檬粒落去，惹味得來又幾fresh✨美國安格斯西冷 +$38足足有10安士咁多，我哋叫嘅係

Follow🐷 @chuchu_hkfoodietag埋你啲朋友仔like下我啲po♥️需要你的支持喔🥺🙆🏻‍♀🐷💬每一篇食評都好認真打架—————————————————————📍 Wildfire Pizzabar 🐷同🐷仔嗰日去左山頂100分景嘅餐廳到慶祝，雖然唔係啲乜嘢 fine dining 嘅餐廳，但個維港夜景真係一流！呢間餐廳有好多窗口位，隔離係全場最靚最啱影相嘅位！講真食物就真係好一般，但個景真係好靚💯所以如果再黎都係為景！🐷好想飲酒，不過🐷仔要揸車所以就一齊唔飲啦！—————————————————————❣️ SET DINNER $288Soup & Salad 🍄 Cream of Mushroom 蘑菇湯Ok la，唔夠濃🥗 Smoked Salmon Cangar Salad 煙三文魚沙律得一塊煙三文魚，本來廚房卷左個玫瑰花，但上枱冧左…..🥩 U.S. Angus Beet Sirloin (10oz) 美國安格斯西冷+$38加左$38，但成塊野好似落左鬆肉粉咁，成塊都係中式牛柳咁，又多肥同埋多筋，no good 🍮 Daily Dessert 焦糖燉蛋 +$

已經是第三次前來，前兩次吃晚餐，這次吃午餐。不論日夜，都被窗外那無敵景色深深吸引。夜景璀璨，日景明媚，單是欣賞景色已經值回票價。景觀無敵，那食物質素又如何？這兒的食物絕對是中上水平，我們一行四人，因為知道餐廳的食物分量充足，所以只點了三個午餐，另加點了一些小食和甜品。蘑菇濃湯：湯夠濃，有淡淡蘑菇味。意大利雜菜湯：湯也煮得很濃，很好喝。香芒洋薏米沙律：這個很值得推薦，芒果香甜，沙律菜新鮮，還有有洋薏米，口感層次豐富。水牛城雞翼（四隻）：這雖然要加$38，但下次一定會再點，因為雞翼皮脆肉嫩，味道極佳。夏威夷12吋薄餅：薄餅上桌，我們嚇了一跳，原來12吋的薄餅是很大的。薄餅的味道很好，用的是新鮮菠蘿，驚喜！如果薄餅的批底更脆，那就更好了。黑松露蝦意大利麵：蝦算是大隻，而且有六隻之多，這意大利麵有淡淡的黑松露香味，也好吃。烤紐西蘭肉眼扒（8安士）：點肉眼扒，要加$38，但也值得，因為這肉眼扒有8安士，牛味足，肉質柔軟，好吃。冰咖啡：咖啡香濃，好喝。焦糖燉蛋：這要加$28，份量大，但略為甜了一點。食物那麼豐富的午餐，每一客只售$188 。我們4人點了三客午餐，再加點了食物，每人也吃得捧腹而回，合

同我高太上下山頂拍下拖上到凌宵閣再係山頂慢慢行反落中環事前都無咩plan 到上黎食邊間餐廳，行到邊食到邊餐廳主要食西餐，都係意粉,pizza 果啲百零蚊個set lunch有outdoor, 不過當日幾大風，費事冷親我高太，我地都係坐反入面窗邊位俯瞰成個維港，百零蚊位淨係食個景都抵餐湯我加左錢要龍蝦湯個龍蝦湯加左錢即刻大碗左幾好味芒果藜麥沙律芒果配藜麥又幾夾喎試一試依個北京烤鴨pizza頭一塊食真係有啲似食北京片皮鴨，不過個汁好似濃左啲，食到第二塊就好漏食物質素幾ok , 最屈機真係價錢同個靚景