Wildfire Pizzabar (凌霄閣) (已結業)

大約早一星期前已經打電話訂枱食飯，諗住同老婆上山頂食餐飯慶祝生日。當時同接聽電話果位男生訂枱時落左remark因為同老婆食生日飯想要求坐窗邊位，同埋落左remark話我點甜品果陣幫我响碟上寫生生日快樂等字句。接線生有複述上述要求及答應可以滿足以上要求，我當然好開心咁thank you同收線啦。到左大日子，諗住兩個人開開心心咁入去食餐飯，侍應好有禮貌咁帶我地去張枱坐底。的確係坐窗邊位，不過出面有一大條柱擋住大部份山下景色。呢樣我算，我request窗口位之嘛無request想睇風景係我唔啱，我忍。到我order甜品，諗住有個驚喜俾老婆睇下，寫住生日快樂既tiramisu送俾老婆開心下，點知！點知！點知！只係一件普通tiramisu，沒有任何裝飾，帶俾我只有憤怒！我無同侍應反映問題，大家可能話我傻仔做咩唔爭取，不過我唔想即時提出搞到大家尷尬，好在賢妻睇得出有問題無太介懷。總結，環境係靚，食物係好味，不過對客人無心裝在。嬲！