Wheatfield X 羅宋湯專門店 (漢宮閣) (已搬遷) 新店位置

唔知點解有d人話唔得，我同老公同爹d媽咪都覺得ok 。我地6點前到，開門人齊就入得，叫左兩個牛腩湯，豬骨湯，廚司推介嘅套餐，煎咸牛脷粒。套餐$88係唔算平，但係牛腩好“淋”，湯足料，肉眼豬扒飽同咸牛脷粒都好好味，覺得還可以! 下次會試下紅菜頭湯。

由細到大對羅宋湯真系有獨有嘅情意結🤤 估唔到中環開左未夠一年，Wheatfield X已經系太古開分店，益曬我呢啲住港島東嘅街坊🙌🏻 主打羅宋湯繼續保持高水準，本來淨叫牛腩嘅我，決定左系新太古店試下豬骨羅宋湯加上海麵——湯底同牛一樣咁濃郁，好鮮甜，食落唔覺得有油膩感。燒豬脾肉好鬆軟，唔會乾。當然要叫我既favorite——出色嘅溏心蛋，必加！🥚男友就叫左經典套餐同佢嘅至愛咸牛脷粒，薯仔沙律依舊好足料👍🏻 淨湯都記得要加蛋！無味精，高質三十小時煲出嘅羅宋湯真系無得輸，食幾多次都唔厭😋我下次都會再嗌豬骨～

店子在太古城地面舖，這裡舖面比起中環店小，坐到大概25人。話明羅宋湯，就係甜味加點少少辣味，十分正宗。加上有大量新鮮蔬菜，好味道！牛脷粒好好味~ 好新鮮~ 唔太咸，又唔乾。次次都係食牛腩，今次試個豬脾肉，一樣有質素！但始終試唔到清雞湯！其實店子還有不少很吸引的小吃，好似蝦多士，豬扒包，沙律，火腿扒等等。不過好多時都2個人黎，食唔到咁多，唯有下次再試。唔知點解啲人咁多壞意見話羅宋湯甜??!! 羅宋湯冇甜味同雜菜湯有咩分別呢？其實效果好嘅事同樣別處難求的，已是很不簡單。太古積極引入好的食肆俾街坊嘗試不同的好菜式。有時候做人，遇好事不是必然，要珍惜。

個日睇完戲唸住黎呢度食個陣時都大概2點到可能始終都係開業冇耐啦大家都係鐘意去試新野2點幾到去到食都係要排隊咁都大概要等15-20分鐘先有枱啦而佢既牛腩羅宋湯都賣哂啦咁我惟有要佢既豬骨羅宋湯啦我就配扁麵（hkd58）首先佢既羅宋湯湯好夠味因為我自己本身好鐘意飲羅宋湯既所以呢個湯底對我黎講好正麵亦都入哂味羅宋湯既料都好足夠但因為我自己本身鐘意淨係飲湯而唔鐘意食湯個d渣所以佢d紅蘿蔔我都冇點食而呢碗麵亦都有兩塊豬肉做餸對我黎講份量亦都好足夠一個女仔食都覺得好飽因為我淨翻d湯渣侍應問我係咪碗野有d咩問題俾我既感覺係佢哋會好聽客人既意見去改進係一件好事黎既

試過中環間舖而家太古城開分店, 趁放假去試下。去到已經好多人等位, 係33度天氣底下見到負責人穿恤衫全身濕透大汗搭細汗, 😅忙著為客人登記, 我地就以輕鬆心情等食好嘢。差不多20分鐘就到我地喇, 太古城舖位比起中環小d, 餐廳細細,見到服務員的忙碌夾雜些漏單或錯單之類的事,但係見到d員工都keep住殷勤的服務及禮貌。落左order等15分鐘,主打海派牛腩羅宋湯係用30個鐘煲真係冇得輸，溏心蛋, 蝦多士仲有新款烏冬找回傳統幸福的味道!! 經典套餐真係抵食夾大件, 牛脷/燒牛肉豬仔包仲保持食物熱度同質素真係好難做到! 後來先知老闆為咗保持食物質素上午準備食物用完下午要再製作新鮮的食物，員工有休息時間恢復戰鬥力先可以保持良好服務, 4時落塲, 到6點再繼續營業, WA! 係好感動囉埋單先知原來呢度冇加一,外賣袋盒都冇加錢, 同樣做生意不只是為了賺錢,可以做得細膩,充滿人情味唔係每間餐廳都做到以客為先,食物及服務質素都要做到最好，加油 !支持你！🙌

話說叫了一份$75的外賣 內容包括牛腩羅宋湯 餐包 凍檸茶 同埋沙律 結果得出來係等了20分鐘 唔緊要 店面忙 我見到 羅宋湯似糖水甜 凍檸茶自動幫我走甜 兼且環保大使上身 冇飲管 餐包凍 沙律熱 餐具亦有發毛情況 這是我第一次到開飯浪費寶貴時間寫食評 心聲 要說出來 搶錢的店 ！（圖內麵包已自行加熱）

又貴又伏！新開無耐的羅宋湯專門店，lunch12點半前已經有2，3十人等，夜晚去都要等一陣1. 海派豬骨羅宋湯配扁麵 $58，成碗嘢係勁甜😫，甜到d麵都係甜😤！成碗嘢係得d麵嘅質哋好！2. 海派羅宋牛腩湯(無麵的) + 香煎咸牛脷豬仔包 + 餐飲$88。個羅宋湯無豬果個咁甜，但都係偏甜，牛腩都算多！包入面個塊牛脷好薄，基本上食個豬仔包時唔係好感覺到食到豬脷嘅感覺，加埋杯餐飲就$88，真係又貴又唔好食！仲有我坐左邊，無咩冷氣，一路食一路出晒汗，係近收銀果邊先大冷氣！一定唔會再去！！自己煲嘅仲好味！叫專門店都唔好味！

為左食可以去副幾盡？今次係平日返工食晏既時間，竟然為左呢間餐廳捱熱等左九個字，為既就係一碗羅宋湯牛腩麵！羅宋湯真係好正，夠哂足料，牛腩好入味，用左三個字既時間就ko左佢

期待已久，終於可以一試。平日非常多人等候，開業以來食物經常沽清，心想這間店的食物質素必定不錯！星期六早上十一時多光顧，並不需要等候。兩人各自點了一碗牛腩羅宋湯烏東及上海麵，還加了一個豬仔包。然後問題就來了！我們比起旁邊的兩枱食客都要早來而且早點餐，食物都等了20分鐘多還沒有來，但他們的食物卻已到，深感奇怪，不是first come first serve的嗎？都不要緊，詢問一下店員，麻煩他幫我們跟進一下，他都只是以敷衍的口吻告訴我們食物製作需時，並沒有幫我們跟進。然後，先來的是豬仔包，微暖，並不香脆。待我們吃完，麵還是沒有來，問了第三次，才幫我們跟進。最後麵還是來了，吃過後認為這裏的羅宋湯比較偏甜一點，牛腩很腍，不過有點酥味，麵是可以的。吃過後，因比想像中有頗大的出入，有點失望......

看到圍板，一直期待著它開張的一天。本人極愛羅宋湯，懷孕初期胃口不好時，天天只能飲羅宋湯（不知是否此原因，小女兒現在也極愛蕃茄類的食物）🤔開幕的第一個星期一，午飯時間⋯ 我和同事實在不知天高地厚地去排隊吃⋯ 等到差不多要放棄時，我們有位了！店面積真的很小，卻盡力放了十多張枱⋯ 太多人期待一試⋯ 樓面人手只有1對，根本滿足不到需求。一而再的提醒要放餐具⋯ 等到食物來到還未有餐具開動😞價格真的偏貴，一個羅宋湯套餐要$72以上。作為試食，當然就點最著名的⋯ 羅宋湯（牛腩）配上海麵。不知是人多還是混亂⋯ 全店賣的就這幾款食物，竟然可以要等上好一段時間⋯ 終於等到食物來；幸好我是點配麵類，否則單配餐包的話，那湯的份量像跟餐餐湯的份量，我一定不夠飽！入口的湯帶甜味，很有家的味道。牛腩份量、味道、口感都很好👍🏻 軟硬度適中，不會硬也不會如湯渣般鬆散的軟。絕對是腍得來有咬口的😍可惜我揀配的上海麵太糊口，下次要揀烏冬應該會較好。以$58/碗在太古城這地區來說是合格的。可惜等候時間太久及店面混亂有待改善。

喜歡飲羅宋湯，終於等到開張的一天。中午前往，未到門口，已經人山人海和佈滿花牌，所以邊排隊邊看餐牌。原來這裡不是只賣湯，還可以配搭麵類、麵包和飯，也有其他小食。等了大約15分鐘，就有座位安排。兩個人叫了：海派牛腩羅宋湯配上海麵及經典套餐（包括牛腩羅宋湯，鹹牛脷豬仔包和熱奶茶）。什麼是海派？門口同餐墊都有介紹，這裏不重複了。牛腩羅宋湯配上海麵先到。味道夠濃，又有少少辣，不像坊間有些落了很多茄膏煮變得又酸又稠，牛腩也好吃，推介 👍。之後來的是牛腩羅宋湯，鹹牛脷豬仔包（店員説的）。一試豬仔包，內裡是沒有味道的凍肉片，很失望之際，見對面枱食客正像是吃鹹牛脷豬仔包，看樣子是厚切的牛脷！連忙跟店員了解，原來錯給了肉眼豬仔包給我。這個包原來應該是另一枱的。鹹牛脷豬扒包送到後，再加蕃茄一起吃果然有水準（可能跟那個凍肉包差異太大）。牛脷煎過，有點咸香，配搭豬仔包很不錯。當日第一天營業，差不多每抬都有落錯單，上錯菜，調亂order 和漏單。開張當日又要招呼朋友，又要應付客人實不是上策。幸好店員有禮貌解釋和表示抱歉，很多食客都體諒，希望他們能盡快改善落單和出菜程序。羅宋湯專門店的湯不只羅宋湯，有機會可以試試其

今天同屋企人去太古城逛街，順便食晚飯，行到EAST 附近個陣，發現有一間新開的餐廳羅宋湯專門店，便即各入去試試!試左羅宋湯，好好飲，蕃茄味好濃郁，仲有好多舊牛腩，幾正!仲試左薯仔沙律夠懷舊，可以一下值得ENCORE，下次想試下牛脷飽