Wheatfield X 羅宋湯專門店 (漢宮閣) (已搬遷) 新店位置

今日經過太古城見到一間似曾相識的店名叫Wheatfield X羅宋湯專門店, 細想之下我記得上年尾公司週年飯是在銅鑼灣Wheatfield Kitchen舉辦的！那次用膳經驗很好，環境舒適，食物不單止特色而且好味，而且服務態度非常細心體貼，當晚同事個個都大讚！有見及此，所以我極力推薦朋友陪我一同入店試過究竟。午餐時段需要等位，大約等10分鐘。進店後發現店舖比銅鑼灣Wheatfield Kitchen的細，而且感覺完全不同。睇枱紙上的介紹，才得知Wheatfield X 和Wheatfield Kitchen是有關連的！原來主廚葉師父的兒子為完爸爸多年的夢想，先在銅鑼灣開設以上海式俄羅斯菜作主打的餐廳！經營多年得到一班熟客支持後，葉師父兒子決心攪攪新意思，伙拍其他人合資經營以招牌的海派羅宋湯，配上多款麵類，以大眾化價錢及快餐的形式，將海派的味道令更多香港人認識！打開簡單的餐牌，感覺到銅鑼灣Wheatfield Kitchen餐廳與Wheatfield X是完全不一樣最後埋單，我們更感驚喜的是原來他們小店是不收加一的！

好少一開埸要俾負皮，但今次真係唔俾唔得。見到開左間專門店，經過好幾次，一直心思思想試，琴日終於試左。點知期望越大失敗越大琴日外賣自取了一個海派牛腩羅宋湯加燒澳洲肉眼豬仔包。個湯仲差過平時茶記lunch個羅宋湯，仲話專門店，平時lunch 49蚊個餐湯羅宋湯 好飲好多。用左double 價錢但換來一半享受都無。個豬仔包裡面塊扒仲薄過番茄，雖然佢係用個湯底去煮熟啲肉 ，但個湯無咁香左 啲肉又無羅宋湯味，超失敗。

可能取了專門點這個名，對他家羅宋湯有期望，味道中上，其它包、小食就似一般茶餐廳味，單點set lunch就不飽囉。孤陋寡聞的我才得知豬排包是無豬排的。收銀男不是很客氣，明明店裡客不多，還要客人在外等外賣

話說呢間舖開左咁耐我都無幫襯過，因為聞說實在太多人，有排等。今次食晏又一枝公，天寒地凍不如近近地買個外賣番黎食算。 12點鐘打去問有無得電話落單自取，原來係可以既，話明1點先拎都無問題，咁就太好了！我一點鐘準時到達，門外已經有人龍，大家無懼寒流仍舊於門外排隊堂食，小女子表示敬佩！係收銀處排隊俾錢認領食物時，只見收銀姐姐忙於收錢，落外賣訂單，仲有應付walk-in外賣同我呢d領取外賣的客，我又不其然心中暗暗尊敬呢位服務員的專業。到我了，服務員收錢後示意我去水吧枱拎預備好的外賣。成個流程好流暢！我要左個海派牛腩羅宋湯餐，有餐包，薯仔沙律同一杯熱奶茶！ 原來我嗌左個無飯的餐，深怕自己唔夠飽，自己加左個韓國辣麵。搞左一輪終於開動了！ 羅宋湯好足料，有多種蔬菜得黎個湯無草青味，調味係啱啱好，唔會好似西餐廳送個d用水溝淡左咁，又唔會過濃或者有辣味，個湯有好多舊牛腩，牛腩炆得好淋唔會韌，配埋呢個足料又酸酸甜甜的羅宋湯令人胃口大開！ 薯仔沙律都唔錯，沙律醬唔會太多同過酸，薯仔好綿又無出水，成個沙律填滿晒個紙杯，餐包拎到番寫字樓都仲暖暖地軟淋淋，不過我都有d後悔落左個即食麵，因為食埋沙律同餐包就太飽了，

終於都試到呢間喇！試下個海派豬骨羅宋湯加上海麵，連咖啡。先嚟睇下相唉……之前聽朋友話呢間正呀！個湯好濃好甜咁……點解今次咁貨不對版嘅一嚟見個湯已經覺得好稀。飲咗啖，真係淡！得個辣字！冇鮮味喎……係咪一碗變兩碗呀……啲麵正常嘅，水海麵係林啲嘅……個啲豬肉呢，也把鬼！乾爭爭，鞋颯颯…… 冇咩味。最後係杯咖啡。唉……奶太多，冇咖啡香，冇力。整體吾得law相反同行嘅朋友叫牛腩羅宋湯就好得太多！又濃又甜！搞錯呀……

以羅宋湯做主題嘅餐廳🏛大約一點幾嚟到 可能因為放飯時間 有唔少人排隊買外賣 同朋友等左5分鐘就有位餐牌簡約 主要以全日特惠套餐同自選湯麵為主🍝 另外亦有小食同飲品嘅餐牌 叫咗兩個套餐B 廚師推介有自選包又有自選羅宋湯 好吸引同特別 🌮 自選包選擇有鹹牛脷/澳洲肉眼/豬髀肉 羅宋湯選擇有海派牛腩/豬骨/紅菜頭/清雞湯 基本上全部都好想食😭好快兩歌豬仔包就嚟咗 熱辣辣 冇諗過包皮咁脆 一個餡料有生菜/蕃茄/咸牛脷/沙律醬 另一個有生菜/番茄/澳洲肉眼/沙律醬 食落感覺有啲似越南法包 侍應仲提醒如果想個包冇咁乾可以點落羅宋湯食🥙羅宋湯分別叫咗海派牛腩同海派豬骨湯🍲 以為豬骨會濃郁啲但同牛腩差唔多 只係牛腩湯底甜啲豬骨辣啲🌶 兩個羅宋湯材料都非常豐富 食咗好多菜同蘿蔔覺得好健康🤣 值得一題係牛腩質地超林 食完都好想再叫多碗！最後叫咗兩個小食 蝦多士同雞翼🦐 兩樣都正常冇特別好食同驚喜 整體來講 呢間羅宋湯主題嘅餐廳感覺幾特別同健康 食物種類雖然唔多 但都好特別 好少會有機會食呢類食物 有機會會再嚟食過海派牛腩羅宋湯！

我最喜歡有歷史背景的食物，也是我對這羅宋湯熱切期待的原因！記得第一次食的時候，是天氣很冷的那一天，一碗熱騰騰的牛腩羅宋湯扁意粉送上，急不及待的拿著匙羹一口一口喝著！那是一次不能忘記的味道，羅宋湯濃而不膩，喜出望外的是沒有味精，因為我一食味精，必要喝很多水。而這次，我什麼都沒有喝。那牛腩更值一提，比起其它食牛腩的地方更有牛味，而且口感鬆軟！ 加上新創意，把鲜制的扁意粉放入，有飽肚感之外，竟然能夠襯托出這層次！那種懷舊的味道，加上侍應殷勤的態度，我愛上了！

新一年第一日第一餐lunch就選擇左呢間垃圾....平時都想試試呢間好失望lunch選擇小到得A B 餐食物水準一般到平傭 但係竟然冇茶走飲 咁簡單都做唔到就知道間餐廳有冇用心經營

我本人就唔多喜愛羅宋湯，就算出去食有白湯或者紅湯，我都一定揀白湯。 今次試呢間，唔多唔少因為家姐鐘意飲。 但係去到見到個menu都幾貴，唯有叫一個一齊食，堂食最低每位$50。。。。。我見有清湯揀，不過當然揀主打。 叫左個$88餐，有牛腩羅宋湯，牛脷豬仔包同奶茶。羅宋湯：我覺得個湯底應該有整溶左既薯仔（可能feel錯）。 牛腩都好林，有5-6件，size唔算細。味道唔錯，酸度同甜都balance，不過辣左少少。。。。。 牛脷豬仔包：好足料，醬汁都好多，牛脷唔un，個包烘得好脆！奶茶：唔好飲。。。。。。題外話，我覺得好唔環保，又有木筷又有大紙袋袋住，雖然用膠袋都係唔環保，不過個紙袋太大，雖然有牛腩，但係用匙羹都食到，所以感覺不好。。。。。。

同同事食lunch見到專門店就試下，坐底見到menu"羅宋湯配牛腩/海派豬骨+個細餐包" 要$72唔係真㗎...另外個餐，湯一樣，個包轉咗豬仔包夾舊燒豬扒嘅東西,$88...伏咗!! 好彩後面仲有其他餐，合理D 湯配牛/豬+飯/麵 $58, 就叫個飯試下。 食物好快到, 先講個湯： 好普通家庭試羅宋湯，D肉：牛腩同豬都極普通飯n麵都...唉~總之就所有嘢都無驚起，最驚起莫過於個價錢，真心唔覺得值.... 中一次伏已經好夠，Totally not recommend!!

前排睇面書見到呢間羅宋湯專門店，一向喜愛羅宋湯嘅我經已相當有興趣，趁住今日去附近聖誕市集，就順路黎試下啦。餐廳面積唔大，大約廿個位左右，但好彩都唔駛等位。餐牌非常簡單，只有三版，可以叫套餐或自由配粉麵，而小食亦唔太多。今日叫咗海派牛腩羅宋湯配扁麵，呢度嘅羅宋湯帶點辣味，蕃茄味好濃，蔬菜份量豐富，牛腩煮得好淋好入味，扁麵沾滿羅宋湯後份外好味，話咁快就連湯帶麵全碗食晒。另外叫咗一碟蝦多士，一碟有兩件，唔駛驚一個人食唔晒。蝦多士即叫即炸，入口香脆，但略嫌蔥太多，有啲掩蓋咗蝦多士嘅味道。

由細到大都好鍾意羅宋湯，鍾情個種酸酸甜甜帶點辣的味道。一直都係羅宋湯fans的我，趁午飯時間誠邀同事同我一齊試下。午飯時間的太古人來人往，幾乎每間食肆外面都排隊，好興幸 一去到侍應生話人齊就可立即入座，唔洗等位，立即加分！ 餐牌只有四頁，睇完個餐牌都知選擇唔多，鍾情羅宋湯的我當然係揀羅宋湯湯底。我同同事都揀左午餐，我叫左牛腩，佢叫左豚肉，大家都揀左扁麵。其實所謂的午餐係唔包飲品，飲品另加$8。上菜速度好快，食物好夠熱，怕熱的我仲要放一陣先放入口，湯底夠濃厚，有蕃茄香，酸得來帶點辣，湯底係正既，而且帶西芹、藩茄、、青椒、洋蔥等等 ，好足料。扁麵有少少上海拉麵的感覺，口感都唔錯！唯一要改善的係牛腩，牛腩雖然大大舊，但肉質好鞋，太實，唔係幾好食。同事叫的係豚肉，就係薄薄的豬肉片咁，相對地極易入口。 下次應該唔會再叫牛腩，會試豚肉。

中午喺屋企附近搵食，開咗呢間新舖男朋友話想試下，即管陪下佢。我係星期日一點鐘去，餐廳都幾多人，但未至於要等位。餐牌選擇當然以羅宋湯為主打，有四個湯底揀。好似有三個餐可以揀。男朋友叫咗呢個餐，$50幾，第一個反應：同大家樂有咩分別？當然，個湯係濃味啲嘅。我叫咗B餐，餐牌上個廚師推介，都係有四個湯揀一，包就三揀一，$88。個包係澳洲肉眼豬仔包，個肉眼豬唔係好食到味，反而塊蕃茄出色😂 塊面包唔係特別脆，無乜驚喜。除咗舖租貴之外，諗唔明點解要呢個價錢，試一次就夠啦！

係屋企附近開左呢間店，新開張時唔係太多人，唔想等冇試到。最近冇咁多人。終於可以試下。座底左見到餐牌都唔平，但香港地食野愈來愈貴，如果好食都值得嘅。最後我叫左一個海派豬骨羅宋湯扁麵。價值$58。等左一陣，上菜速度都算快。第一時間緊係試下佢個羅宋湯，外表睇都好似幾足料，有唔少雜菜係入面，點知飲落真係幾甜。似煲湯錯手落左好多糖。點知湯唔係最有問題嘅，係兩塊叉燒先最出事！真係好柴皮。老實講，真係唔太好食，唔好話因為唔平，就算平都好難返轉頭再試。

路經太古城，驚喜地發現有羅宋湯専門店，羅宋湯一向是心 頭好，這裏充滿兒時回憶，無論餐包、沙律、羅宋湯，好像回到小時候到西餐廳食扒的時候。羅宋湯專門店果然有驚喜，除可以單喝湯外，羅宋湯還可選配上海麵等麵類，連飯也是燕麥飯。我叫了牛腩羅宋湯，牛腩軟淋，湯味濃，湯料又足，未致於大讚好好味，但真心覺得有用心在經營，有驚喜有諗頭。除羅宋湯外，還有其他二款湯可選擇！但待應少食客多，致令待應服務態度麻麻。揮手落單沒人回應，出聲叫落單時，換來藐咀待候。