Wheatfield X 羅宋湯專門店 (漢宮閣) (已搬遷) 新店位置

劣食指數：★★★☆☆ 餐廳主打上海派的俄式西餐（亦稱為海派西餐），將兩種富有當地特色的食物（例如上海麵及羅宋湯）合為一體。可惜有時候一加一並不能等於二，這羅宋湯味道鮮甜濃郁，略帶微辣。可惜上海麵完全吸不到湯汁，麵的味道偏淡，牛腩亦不夠腍。到頭來，或者分開才是最好的結局。整個撈麵的麵質黏稠，沒有撈麵應有的乾爽，撈起來有如深陷泥沼般奮力爭扎。撈麵的味道咸得很，連忙喝一口俄式清雞湯，居然沒有半點雞味，只嘗到下得很重的味精。只能用沙啞的聲線說：水…水…

Délifrance 呢排做緊個推廣，將啲吉嘅月餅罐拎過去回收，都會得到 #Delifrance $50 coupon一張👀 所以呢... #小秘書 今日都特登安排飯腳陪我去太古城果邊食lunch，實行「環保」🌏大行動😆每次路過🍅 Wheatfield X Borsch & Noodle 羅宋湯專門店 都話下次要嚟試吓，可惜點都唔夠人哋對腳長🤨 晏咗又搵唔到位。今日見唔太忙，準時落樓又好彩地比我哋霸到張枱✌🏻 打開餐牌，睇落價錢都比較「中產」😝 不過一場嚟到，想食就叫啦💨💨 斷估 #羅宋湯 一定係呢度嘅 signature dish，我就要一個「$88 廚師推介套餐 - #牛腩羅宋湯 配 #咸牛脷脆豬仔飽」啦！#羅宋湯 🍅味道好香濃，啖啖蔬菜之餘，仲有大大件嘅牛腩，肉質肥瘦均勻、口感非常好👍🏻 反而我對唔個 #咸牛脷脆豬仔包 就無咩好感，包身無咩特別，餡料好削，牛脷薄過紙，完全食唔出係咩嚟、只係覺得有啲腥腥地🤢 食得七七八八，見門口企咗成棚人喺度，其實我哋都好識做嘅，拿拿臨啜多兩啖奶茶就行人👣 去到cashier先知道原來用 Taikoo Place 個App登記會有九折，想問吓可以點

羅宋湯周街都有得食，但好多都係頹貨，茄膏溝稀加啲雜菜就罷了🤦‍♀但呢間就稱自己係羅宋湯專門店，咁就要試下有無料到🙊🙊經典羅宋湯套餐套餐有薯仔沙律，餐包再加一個海派豬骨羅宋湯，盛惠$72🙊 係真係有啲貴既，但食落其實又確實足料喎👍🏿羅宋湯帶有微辣，裡面勁多配菜，我就特別鍾意食煲到淋晒、入晒味既菜😍 我會用餐包點個湯食，索晒羅宋湯，超好味😍 另外，仲會有大大塊豬肉，所以其實食晒成個餐係夠飽既❤

我平時食西餐一定會點羅宋湯，見到呢間羅宋湯係主食，即刻想試😍😍太古呢間位置比較少，約十張枱，遲過1220就要排隊😂我哋嗌咗自由配搭，一個係豬骨湯、一個係牛腩羅宋湯。配上海麵同埋扁面。我覺得豬骨羅宋湯比較辣，但牛腩羅宋湯比較野味。豬骨湯有3塊叉燒，肉質比較硬。牛腩煮得好淋，好好食👍🏻 我比較鍾意上海麵，比較身同有咬口。扁面比較硬，有啲似意大利粉。可以以優惠價加其他小食，例如沙律，豬仔包，雞翼。下次試試😆

爸爸是一個香港長大的上海人，而我細細個被家人送往加拿大與婆婆生活！今次放假回港，發現屋企樓下開了一間名叫"羅宋湯專門店"經爸爸及公公介紹下，我終於入店試試！店員態度和譪，親切及有笑容！是我回港後，第一家食店的服務員是笑面迎人的！我公公說他是這裹的常客，很喜歡他們大廚製作的上海式羅宋湯！公公解釋由於戰爭時間，俄羅斯人逃亡到上海生活，所以將Russian 菜式也帶入上海及加入當地特色(上海人特別喜愛~甜)店主好用心，他在枱紙上有簡單介紹何為海派羅宋湯㗎！可讓更多年青一代認識背景！我當日點了(全新推介)！$68(有4款湯任揀 + 一款自選麵底)我選擇撈上海麵配清雞湯撈麵非常好味彈牙，清雞湯清甜，雞絲亦非常鮮嫩！至於爸爸及公公當然選擇他的心水靚湯，牛腩羅宋湯！眼見顏色已知與普羅大眾的茶餐廳羅宋湯完全唔同(Totally Different). 我試咗一啖，果然令我大為驚喜！羅宋湯不但材料豐富，而且牛腩燜得非常嫩口入味！我明白有些香港人可能不喜歡甜，但我食得出那些是來自蔬菜的甜(特別是紅菜頭)，而且湯裏帶有少許微辣！令整個湯更有層次！爸爸話其實香港有羅宋湯，全因當年的上海師傅移居香港，將其菜式再

今日下午口痕。。想飲羅宋湯。。見下午茶幾抵食就想試下。。我地2大1細。。侍應話要嗌足150蚊先得。。但普通一個下午茶餐都係30幾蚊。。我地要叫4個餐先夠。。。餐廳應該要彈性處理呢個最低消費既要求。。。因為下午茶時間只有好少人客。。咁就惟有叫外賣喇。。冇理由食唔哂都叫咁多。。我叫左海派牛腩湯配蝦多士。。加個豬仔包。。等左10幾分鐘有喇。。拎返去食。。個蝦多士唔係放d蝦膠係多士多。。而係蝦mix左d菜同多士再成個拎去炸。。同期望唔同。。個湯仍舊好飲。。能個店員怕漏湯, 痴左兩層膠紙。。其實幾難撕返開。。個豬仔包就有牛油係面。。我覺得食食下好subway feel..比較膠。。唔太脆。。。。。但小朋友好鍾意食

星期六差不多一點去吃午餐，人不多大概半滿，有四種湯底可以選；海派牛肉羅宋湯，豬肉羅宋湯，雞肉清湯和紫菜頭素湯。也有兩種麵和麵包可選。服務人員態度可以。請服務生推薦。叫了一個海派牛腩羅宋湯配扁麵加糖心蛋和凍檸茶。餐大概幾分鐘就上。總共$92。以為羅宋湯會很好味，一喝就知道唔掂；湯太甜，沒有肉味，也沒有所說濃的番茄味。有點懷疑是不是有罐頭湯開的。扁麵就是從超市買回來的那種。牛腩嫩可以吃。菜不多。不會再回頭。

太古城返工既關係, Lunch主要都響太古城食! 今日去左羅宋湯專門店食, 點左個全新撈麵套餐, 有一碗羅宋湯及一碗撈麵!羅宋湯有四款湯底選擇, 因我唔食牛肉, 所以點左豬肉湯底果款! 先嚐一下羅宋湯, 好味! 足料既湯水, 有齊晒平時我飲羅宋湯既味道, 但試一囗豬肉就知係雪藏急凍貨式 然後開始品嚐我點既上海扁撈麵! 麵條上面舖滿葱花及花生碎, 混和醬油十分可囗! 麵條Q彈口感, 感覺好特別同好接受; 隨麵附上辣油一包, 可以自己調教大辣小辣, 性價比係滿意既!

午飯時間通常好多人排長龍, 今日假日1點半冇人排隊, 終於有機會試下喇最低消費50蚊一位, 餐廳食物售價咁貴都好難食唔夠, 我地3大1細, 叫左160, 侍應特登講個小朋友唔算一位咁先合符最低消費的要求我地叫左套餐A同B, 寫住淨羅宋湯同淨雞湯 而只有紅菜頭湯有寫可配豬脾肉,侍應話因為有素食者所以先咁寫黎到一睇原來淨代表得湯冇麵, 心諗得湯同包咁怪既 一定唔夠飽喇先試個海派羅宋牛腩湯, 十分濃味, d牛腩已去除左肥膏, 但唔會用淨腩肉否則會太老, 有椰菜, 蘿蔔, 西芹, 十分可口, 飲完好飽。 配知餐包, 我冇食, 但小朋友十分喜愛, 比一般的餐包更好味可口, 馬鈴薯沙律加上青口青瓜令口感多元化, 也帶有些少酸味, 有驚喜再食雞湯配肉眼扒包, 又一傑出之作, 雞湯好清零味精, 雞肉十分多, 十分之嫩口, 已去皮和肥膏所以湯油份不多,十分清甜。 因為湯只有雞湯, 今餐欠菜。 個包都有成個手掌咁大, 食完呢個餐一定夠飽, 個包用料新鮮, 但下次想試牛舌多d餐飲想叫華田但冇, 所以叫左檸水結論: 每個湯都令人難念, 材料充足有特色。多人排隊除左係食物吸引外, 原來餐廳面積十分細, 座位好少

終於有機會試太古店，羅宋湯足料夠濃同杰，牛腩夠林，扁麵亦剛好。$62 不便宜但久不久亦可接受。店員服務亦週到，雖然其中一位零笑容，只係如果自動比杯水會更好。唯一要投訴是冷氣不夠，今天已不是特別熱但一路食碗熱湯麵，一路流汗。同去食大牌檔無分別。朋友食過中環店亦有同一評語，食到一半頂唔順要走。既然係咁，會否夏天再堂食亦要三思。

嘢食咁嘅價錢唔係叫好好食，個人認為一般般啦，咁都算啦！最重要係個四眼服務員樣衰兼態度差，好想投訴個四眼豬扒雖然住樓上但都唔會再去幚襯囉，咁嘅態度我寧願去茶記啦！

Wheatfield X 羅宋湯專門店，之前有同事幫我買羅宋湯加脆豬仔包外賣！試過後，我便愛上了！亦明白咩叫海派羅宋湯，由於故事太長編，在此我只簡單介紹下啦！佢哋其實係用上大量上海當地原材料(蔬菜)及牛腩去製作，湯嘅甜味係來自上海白菜，甘筍及紅菜頭蕃茄等等…………所以比其他店的味道較甜而且微辣，非常美味獨特！或許現今年青人不知道何為海派，常被誤以為他們加白砂糖去煲湯！今日lunch見店外唔太多人排隊，於是獨自去堂食試下！我試咗新款式，秘製撈面加清雞湯及唐心蛋。撈面醬汁~非常特別，食得出師傅有加其他配料去調製！麵~我選擇了上海麵，非常彈牙，好Q！湯~清甜雞湯及嫩雞絲，讚！我本人很喜歡唐心蛋，呢度嘅蛋非常入味！多謝侍應冇介紹錯其實太古城呢d大型商埸及住宅區，難得有特色小店加入，我真心覺得驚喜！因為以後除咗有大集團經營下的連鎖店外，我哋仲有其他香港本土美食選擇！是日消費大約$80(有撈麵，湯，唐心蛋及凍檸茶)此店沒有收取加一服務費，真心覺得抵食！

差中之差，叫自己是專門店，個湯得個甜字，（ 加糖個隻） D椰菜一大舊，叫牛肉湯就比豬肉，員工在店裏不停咳嗽、你地公司應該檢討一下如果員工身體狀況不佳的話，該如調配！！

擺明唔做你生意，大家唔駛去。入到去話已經last order左難得我女朋友好想同我去食，好失望，好唔開心，好不知所謂，大家唔好去食真係大失所望好離譜好失望唉放棄佢吧

海派西餐，又名滬式西餐或上海西餐，是中西結合的一種菜式流派。於1843年，上海開埠後，西方文化逐漸開始影響上海。飲食方面，法式、意式、俄式、英式、德式各大派系當中，俄式因為經濟實惠而大受歡迎，羅宋湯更是當中的代表作。其後，上海式西餐亦同時引入香港，Wheatfield 老闆之一 Andrew 的父親就是擁有40年烹煮海派西餐經驗的主廚，眼見海派西餐越來越少，希望以多年經驗及烹調方法，可以將這些香港獨特的菜式延續下去。 羅宋湯源於俄國，但海派的做法卻有分別，因為缺乏紅菜頭，上海師傅用了椰菜及番茄醬熬製出適合上海人偏甜口味的羅宋湯。而麥田加入上海麵及其他麵食，令原先只配麵包的食法有多種變化，食客也有多種選擇。這店供應4款湯分別為海派牛腩羅宋湯、海派豬骨羅宋湯、健怡紅菜頭湯及俄式清雞湯，可配上海麵、鮮製扁麵、烏冬、燕麥飯或牛油餐包。羅宋湯用上大量蔬菜熬煮，濃稠帶微辣，入口有窩心的感覺。牛腩軟腍，配上上海麵又不錯，原先以為麵在湯內會吸湯發大變得糊糊的，而麵亦沒有破壞湯的濃稠，由頭至尾麵質也保持有嚼勁，原來他們是可以相處融洽的。 繼上月在太古城開分店後，裝修以地鐵車為主題的中環總店在10月