Wheatfield X 羅宋湯專門店 (漢宮閣) (已搬遷) 新店位置

Wheatfield X 羅宋湯專門店，之前有同事幫我買羅宋湯加脆豬仔包外賣！試過後，我便愛上了！亦明白咩叫海派羅宋湯，由於故事太長編，在此我只簡單介紹下啦！佢哋其實係用上大量上海當地原材料(蔬菜)及牛腩去製作，湯嘅甜味係來自上海白菜，甘筍及紅菜頭蕃茄等等…………所以比其他店的味道較甜而且微辣，非常美味獨特！或許現今年青人不知道何為海派，常被誤以為他們加白砂糖去煲湯！今日lunch見店外唔太多人排隊，於是獨自去堂食試下！我試咗新款式，秘製撈面加清雞湯及唐心蛋。撈面醬汁~非常特別，食得出師傅有加其他配料去調製！麵~我選擇了上海麵，非常彈牙，好Q！湯~清甜雞湯及嫩雞絲，讚！我本人很喜歡唐心蛋，呢度嘅蛋非常入味！多謝侍應冇介紹錯其實太古城呢d大型商埸及住宅區，難得有特色小店加入，我真心覺得驚喜！因為以後除咗有大集團經營下的連鎖店外，我哋仲有其他香港本土美食選擇！是日消費大約$80(有撈麵，湯，唐心蛋及凍檸茶)此店沒有收取加一服務費，真心覺得抵食！