Wanna Eat

营业中

休息中

餐廳裝潢簡潔，菜式好多元化，中西餐都有得揀。想食 •柚子雞（定食）配飯，小食麻辣雲耳，蓮藕柚子雞肉嫩多汁，再加上柚子既味道，甜甜地，撈埋飯一齊食，好味又滿足。配菜既雲耳以麻辣調味，酸酸嘅辣辣地幾開胃。加拿大無激素豬腰柳 （140z)配沙律及薯條外表睇以為over cook, 原來豬腰柳煮得剛剛好，口質嫩，刀一切就入，無咩調味更突顯豬肉味。法式香草玫瑰紅茶店員送到枱上的時候，已經聞到好香，紅茶香濃好飲，可以紓解油膩，同放鬆心情。餐牌：

今日行啟德新開商場AIRSIDE，可是除了航空展有點東西看之外，其餘商店和食肆都不吸引，最後我們花幾分鐘行返出去彩虹道，幫襯食開的小店。介紹大家這家小餐廳，表面和一般文青cafe無異，都是簡約裝修，手沖咖啡，但它有一個特點，就是中式飯非常好食。在cafe食中餐？無錯，中式飯即叫即炒，夠曬鑊氣，而且味道好，份量足。信我，一定要試下。午餐供應時間是11:30am-3:00pm，午餐包湯或沙律及熱飲，凍飲加$3，升級至手調咖啡或特飲半價），今日我們點餐如下：燒汁豚肉飯（$68）簡單的洋蔥炒豬肉，可是賣相吸引，香氣撲鼻，豬肉嫩滑，燒汁惹味，白飯軟硬適中，吃到一粒不剩。芝士忌廉蘑菇魚柳焗飯（$78）有別於其它餐廳的杰撻撻的忌廉汁，它是稀而不膩，忌廉汁於是更能和炒飯混和，每一啖飯都有汁。魚柳不算大條，可是新鮮甘甜，又係好好食。我們升級了飲品：草莓荔枝綠茶（+$23）凍紫薯牛奶（+$21）一壺綠茶有3個茶包，非常抵飲，飲完添加熱水仍然夠味。紫薯牛奶好清新，香甜細膩。食飯中途突然聞到背後傳來濃濃的咖哩香味，跟住坐我背後的小學生和他爸爸不斷話好味！好味！他們的咖哩牛肋肉飯如此吸引，我又要食！不過下次啦。

隱世必食小店！位於新蒲崗既wanna eat, 由於近我番工地點，所以間唔事都會收工黎食下野🤭呢到既定位係多國fusion 菜，可能正正因為地點唔算就腳，所以性價比我會比足5粒星！⭐️⭐️⭐️⭐️⭐️論環境，呢度嘅裝修都俾人有好舒服嘅感覺，見到有燈飾設備同令人舒服嘅木式擺設！食物方面今次叫左必食世一拔絲咕嚕肉、安格斯牛扒同埋朱古力香蕉窩夫🧇🍌拔絲咕嚕肉真係10分滿分可以比到20分既菜式，賣相吸睛，有反光既拔絲糖漿增加立體感，味道從來無令人失望，有香脆油炸外皮加上鮮味香味十足既咕嚕肉，就連套餐既前菜都份量味道超班，堪稱一絕！價錢仲要非常便宜！安格斯牛扒（12oz)今次叫左五成熟，熟既表面可以見到裡面都有半生熟既部份，肉汁算多，肉質鮮但未算十分嫩，12oz 既份量再加上有沙律薯條，可以話兩個人share 都夠皮！朱古力香蕉窩夫強大嘅配搭，甜得來唔會好肥，見到除左朱古力雪糕同窩夫之外，香蕉係有焦糖係面頭，再加上朱古力碎同茶凍，非常豐富！

係新蒲崗有時諗唔到食咩，都會諗起可以食里間🤭因為佢個拔絲咕嚕肉真係好signature!好特別，外面好少見，仲要唔貴咼！不過今晚想試下其他野😆睇到menu 其實都想試下佢啲意粉，意大利飯😚不過好似好飽咁！就揀咗一個牛扒餐😆紐西蘭肉眼扒 配沙律薯條 $178足足有12oz😍好大塊又厚切！今晚我哋叫咗5成熟，略略覺得仲係生咗啲🤣不過係食到嘅！佢地煎到外脆有少少焦，好香口！沙律菜亦都好多，好新鮮！薯條係好高質，啱啱炸起，好脆又唔油❤️蜜糖芥末雞翼 $48抵食呀！唔洗$50有成5隻雞翼，不過最正都係個醬勁多，加雞肉一齊食好好味😚焦糖香蕉朱古力雪糕窩夫 $72性價比超高！絕對係要點！之前黎幾次都有食🤣encore!!!蕉用焦糖燒過，外層有層脆coating!!之後個朱古力雪糕亦都好高質，好濃絕對唔係假朱古力味🫶🏻窩夫有小小chewy感覺，加雪糕cream一齊食正呀！最有誠意係佢仲會有擺碟俾你打卡，每次食都有唔同設計！好有心意❤️強調推薦！！

一直很喜歡與家人來食早餐他們的服務態度一直好一般我明白呢個餐廳係sell食物而不是態度所以一直都支持他們最近請的新男侍應幾好有一次我臨走前問：「係咪奶茶唔好飲？」佢真誠關心，我表達只是自己身體不好，不能多飲。他的態度令我感意外，因為好有heart.亦令到我落單時想搵佢多過女侍應。而女侍應唔知係咪做得辛苦，冇什麼招呼。有一次我點蕃茄牛通，食到有陣燶味，請家人試食，confirm係有些，於是女侍應來，我哋表達返，女侍應話換過比我哋，我請佢聞下，佢話：「都冇人話有燶味，係得你哋咋喎」，妳又唔試返自己個大煲，唔查證，就話個客人。本來唔想留言，但見到13/9都有個客人咁表達，令我也想講返，可以黑面，可以不出聲，但可否不要係推卸返客人責任而不檢討、留意自己的食物？

今晚和同事放工即興來個聚會，揀左新蒲崗既wanna eat，交通方便，態度令人賓至如歸！呢個咕嚕肉套餐係必食之選，實在係太足料，份量多，二人都夠食，外皮炸得金黃香脆，肉質鮮嫩，十分彈牙！我地今次決定食pizza，揀左千島醬海鮮，好大塊，兩個人一人一半，十分飽肚。熱辣辣，十分惹味，有好多帆立貝，美味！而且佢地既千島醬味道特別，同平時食既唔同，十分有特色，大推！最後仲食左個甜品，令人感到幸福既雪糕窩夫。窩夫屬於稔身，有麵粉香，雲喱拿雪糕有香濃奶味，紅豆同甜品好夾，唔會死甜，仲有咖啡啫喱！飲品方面，揀左蜜桃沙冰同荔枝冰茶，兩個都好解渴，唔會太甜，下次會再叫！

咁岩有野做要去新蒲崗 做完野就約左朋友食飯 發現原來新蒲崗都幾多野食！行行下發現左間cafe 睇過menu都幾抵下就入去試下！特選紐西蘭牛肉竹炭漢堡配薯條 $88漢堡包有搽牛油煎香過 牛肉都幾厚身幾juicy 仲有啲生菜同蕃茄夾係入面 平衡返入面嘅沙律醬～薯條方面真係即叫即炸 好香好脆一定要趁熱食😆卡邦尼意粉 $65卡邦尼意粉勁大碟 一上枱嚇左一嚇 個量同深水埗嘅majesty意粉有得揮！味道亦都幾好 好creamy而且咸度岩岩好 但係建議可以放少少番茜碎 有返少少色彩 咁就perfect喇👍🏼富士山特飲 $33呢個勁打卡able 仲要唔係虛有其表！除左外表靚似足富士山之外 佢係有內涵好飲嘅野飲✨佢係乳酸味嘅梳打 面頭亦加上左西瓜味爆炸糖 飲之前可以食啲爆炸糖炸下個口 係幾得意嘅(˶‾᷄ ⁻̫ ‾᷅˵)蜜桃冰茶 $18蜜桃冰茶味道岩岩好 唔會太淡或者太甜 亦都唔會好似藥水味咁👍🏼👍🏼

大家都覺得新蒲崗有好多好嘢食，平時星期六日要排隊，今日特登平日去食😎😎😎🤩牛肝菌巴馬火腿意大利飯創新之處在於牛肝菌和巴馬火腿的結合。牛肝菌的濃郁香氣與巴馬火腿的鹹香交織，使得這款意大利飯層次感豐富，口感既濃郁又獨特。🤩拔絲咕嚕肉定食拔絲咕嚕肉大大粒，好得意，咕嚕肉酸甜可口，配上拔絲的口感，美味無比。整餐定食搭配合理，有埋白飯，夠哂飽🫶🫶🫶🫶🤩凍榛子朱古力鮮奶口感滑順，榛子的香甜與朱古力的濃郁相融，再加上鮮奶的綿滑，唔會太甜，都唔錯😋😋😋黃金炸雞柳外層酥脆，內裡雞肉鮮嫩多汁，口感豐富，配上黃金醬汁，更是美味。總的來說，我下次都會再來，試埋甜品🤣🤣🤣

約咗個好耐冇見嘅朋友係附近見面傾計💬好少嚟新蒲崗歲都唔知有咩食，原來睇一睇都幾多嘢選😯選咗間cafe 可以靜靜地同朋友飲杯嘢☕️最搞笑係cafe竟然有中菜食😯🤎川式宮保雞丁飯宮保雞丁辣辣地幾開胃，勁中意食腰果，未食飯之前已經食咗勁多腰果🤣雞丁嘅口感都唔錯，感到驚喜😋🤎香辣蒜蓉海鮮意粉有三款海鮮，唔知係咪次次一樣呢？今次有帆立貝、大蝦、青口🦐意粉偏辣小小，蒜味香濃，非常惹味🤎蜜桃梳打味道好清新，唔算太甜🤎熱情果冰茶估唔到小店嘅冰茶咁好飲，贏咗好多cafe！果味非常濃郁，絕對會為咗冰茶再來😂🦥Wanna Eat (新蒲崗)新蒲崗彩虹道16號地舖🌲🌲🌲🌲🌲🌲🌲🌲🌼懶好食指數：4.6/5🌼懶住去指數：4.6/5🌴只想懶住食、懶住玩、歡迎餵食🌴💤🦥得閒就Follow吓，不過懶得Follow翻你🦥💤

去開新蒲崗買完嘢順便過嚟食過lunch 再嚟近坐返屋企嘅巴士站附近 Cafe。是日陰天最想食返個Green Salad 調節一下🤣講係Green Salad 其實好豐富有煙三文魚響面 煙三文魚健康豐富omega3帶咸香 有新鮮青瓜同蕃茄仲有一大盆沙律菜 跟沙律油醋汁加上滿滿。嘅藜麥 食晒真係好飽肚重有白菌蓉忌廉湯附送再嘆番杯飲品今次加錢要咗杯抹茶Latte 本身想飲咖啡 但係朝早飲得咗兩杯午餐都係飲其他抹茶Latte 有驚喜嗰拉花好靚呀 打咭一流抹茶latte 無糖 嘅 跟包糖可以自行加 我喜歡冇糖 正抹茶latte香濃奶又滑 渡過一個Green day嘅時光Wanna Eat (新蒲崗)新蒲崗彩虹道16號地舖#wannaeat#新蒲崗英美食#hkfoodie#hkfoodblog #hkfoodblogger#hkfood#抹茶latte

越做越差，早餐其實都OK。但請咗個把口唔收嘅「阿姐」，落單又好，俾錢又好，總係俾面色你睇😮‍💨俾說話你聽。啲客人好聲好氣問佢攞杯水，佢會同其他同事講：「佢問完你攞，又問我」。…最串嗰句係…去酒店啦笨！！係呀，清楚明白收到香港人都係好笨，有心少少想去撐 小店😮‍💨，都俾你窒🤨。阿姐，你返工㗎咋，好心唔好害老細，老細由朝頭早直踩到夜晚🍀。🙏🏻純屬我個人意見Although it got worse over time, breakfast was still decent. However, please take note of that unfriendly lady who wasn't very polite during ordering and payment. Her attitude and facial expressions towards you weren't very friendly 😮‍💨. She likes to complain to other colleagues, saying, "That guy asked you for water, and

今日覓食嚟到新蒲崗”Wanna Eat”，位置方便，鄰近Mikiki 商場，就在大馬路巴士站旁邊，店內闊落，坐得舒適。香辣蒜蓉海鮮意粉 $88意粉用蒜蓉椒絲炒過，夠香夠辣，啱晒鍾意食濃味嘢嘅我，份量偏多。(圖中意粉量係一半，由於見到隔籬枱太大碟，所以叫店家給我一半)蜜糖芥末雞翼 $45雞翼偏大隻，蜜糖芥茉味夠重，好食。Fuji Mountain 富士山特飲 $33其實係檸檬乳酪梳打口味，夏天消暑解渴一流，仲可以打卡呃like。

估唔到西餐廳都有得食中菜，而且呢一間嘅中菜仲要係超級好食晚餐嚟食嘅時候會有得食中菜，我就叫咗個麻婆豆腐定食同埋一個咕嚕肉定食，會包括一份木耳和蓮藕同一杯餐飲。麻婆豆腐真係好正！豆腐嫩滑入味，配上辣椒醬汁同埋肉碎，味道濃郁香辣。加上一碗熱騰騰嘅白飯，真係好飽肚又好食。另外，我試咗咕嚕肉定食。咕嚕肉個醬汁濃郁，有金黃色嘅光澤，而且仲識拉絲，好過癮，酸甜味道正好，肉質軟嫩多汁。套餐仲包括一份木耳蓮藕，真係好開胃，套餐仲有一碗白飯同埋一杯飲品，真係飽肚又解渴。

拔絲咕嚕肉定食Wanna Eat的定食拔絲咕嚕肉差不多每枱必叫，咕嚕肉成粒雞蛋大細，粉漿很薄，十分鬆脆，肉質嫩滑，醬汁酸酸甜甜，醒神開胃。定食伴有麻辣雲耳，微辣爽口，蓮藕薄片有麻油香氣。台式三杯雞定食台式三杯雞用上雞脾肉，入口啖啖肉兼無骨，金不換是靈魂配料，帶出陣陣幽香。蒜頭紅蔥頭份量下得很多，釋放甜味。熱情果冰茶定食可以半價加飲品，果味冰茶味道不太甜，伴台式定食味道很合。抹茶牛奶 抹茶牛奶質感幼滑溫醇，有明顯抹茶味但未至於太濃，甜度適中。 抹茶蕨餅雪糕杯抹茶蕨餅口感煙韌滑溜，食落有清新抹茶味，加上糖漬紅豆及雪糕更能帶出抹茶的甘香。

如果行開新蒲崗，通常都會去附近大商場，但行返去彩虹道個邊有間唔錯嘅餐廳，座位舒適，座下望望餐牌就點了餐，小食就係蜜糖芥末雞翼，大大隻，炸得外脆內軟，上面放了香濃蜜糖芥末醬，入口夠晒惹味香口！而主食就係霹靂雞扒配沙律及薯條，霹靂雞扒真係十分足料，以兩大塊厚身雞扒組成，每塊都煎得十分香脆，切開雞肉嫩滑入味，加埋薯條十分香脆配上健康新鮮爽口沙律菜，真係十分滿足！留肚食甜品😍最後加埋個想食 •焦糖咖啡芭菲，見到之後絕對係一人價錢二人分量，大大隻芭菲杯內放滿了一層層焦糖脆脆、黑糖水晶、朱古力粟米片、朱古力海綿蛋糕、濃縮咖啡外，還有上面嘅香濃朱古力雪糕球，這個絕對係必食推介之一👍🏻飲品就係蜜桃沙冰，香滑嘅沙冰入口陣陣蜜桃氣味撲鼻，完全可以消暑解熱之選！落單後廚師出菜快，分量足，店員有禮，下次可以再來！在這區又多一個選擇了🥰