WAKO SAKE BAR (已結業)

幾十款日本不同県市岀產嘅日本酒，咁溝法，呢晚我都只係可以飲到11款...真的...醉了...不過仍然要繼續...飲杯!火炙牛肉他他厚切宫崎煙黑豚肉薯條配黑松露醬地鷄唐揚炭燒鱈魚乾乾貝蒜頭漬炸鷄軟骨燒飯團

某日同老公經過銅鑼灣南洋酒店，竟然發現入面有sake放題，係東京同大阪試過已經好喜歡，沒想到香港竟然有!相當興奮!即刻約埋朋友試一試!本來收費是：$98/30mins | $188/60mins | $368/120mins現在還做緊優惠$268 任飲全晚!真係開心興奮到不得了!1個價錢任飲 100 款日本酒，與東京連線，難怪入到去同日本好似，都係自己行去雪櫃到斟酒，任飲唔嬲!而且店主好有heart!又好細心講解每支酒既故事或來源，個人覺得非常有趣!讚飲到肚餓呢到都有供應小食，而且係好好食!香港有如此有趣既sake放題，真係大讚!相信我短期內會再來!

香流不嬲比較流行西式嘅酒，whiskey gin red white sparkling對大家來講應該都唔陌生，低日本酒.. 大家除左「響」之外又識唔識其他呢？😆喺任何知識界別都要不斷求進步，認識新嘅領域。所以當男朋友介紹日本酒放題俾我嘅時候，我就二話不說當晚就拉左佢陪我去試🤪當晚人流唔多，雖然係任飲嘅地方，大家成年人都飲得好自制，亦唔會有人飲大幾杯講野好嘈，係幾舒服嘅地方。成100款嘅清酒、果酒、同燒酌，試左幾款之後，發現自己比較鐘意果味，對於清酒同燒酌嘅米味就唔太岩胃口。識得分邊款係靚酒係重要，但貴又唔一定岩自己。希望大家都會喺度拉到岩自己口味嘅酒～☺️

早前去到WAKO SAKE BAR體驗全港首個日本酒放題，有成一百款日本酒可以飲，仲有多款小食串燒主食可以送酒。日本酒有清酒、燒酎、果酒同埋梅酒等等。坐底後已經奉上—佐酒白味噌仲有漬茄子我地就試左幾款，最深刻印象就係山田錦品牌出嘅Halloween限定清酒，乳酸味酸酸地係令人喜出望外！而桃味梅酒都深得我心，質地超濃稠！有啲酒仲好岩熱飲！另外仲有真澄、風之森、菊水等等嘅品牌飲成晚都得啊～火炙牛肉他他牛肉薄切一片片，半熟狀態—表層燒完內裡保持粉嫩，再蘸特制醬汁係靈魂嘅部分，食唔停口！燒厚切宮崎煙黑豚肉黑豚版嘅厚切煙肉燒到外面焦脆內裡不失肉汁，配上柚子胡椒，超好送酒！日式照燒雞薄餅批底好薄脆，照燒雞好有日式風味！最後以焦糖菠蘿作結，完美！好滿足嘅晚上～任飲放題嘅價格都幾相宜 -> $98/30mins $188/60mins $368/120mins而呢家仲有啲優惠就係清酒星期三係19:30前入座，就有買 1 小時送 1 小時優惠；Ladies Night就係星期四全晚任飲$188(免加一)。

#日本酒飲み放題 🍶清酒放題係日本真係好常見，但香港又真係少之又少。WAKO SAKE BAR 日本酒飲み放題係第一間香港清酒放題專門店，位於銅鑼灣南洋酒店2樓。星期四仲有 #LadiesNight ，$188無限時飲成晚，100種清酒、梅酒、燒酎任選。星期三都有買一送一優惠，平時就冇咁抵，$188/一小時。ee同一班girlfriends試咗不少清酒同梅酒，三小時已經不勝酒力😂😂😂。呢度都有小食🍢供應，但價位偏貴，建議💡食咗野先黎喝個飽，cheers!📍Wako Sake Bar (灣仔)灣仔摩理臣山道23號南洋酒店2樓#sakebuffet #allyoucandrink #100sakes #wakosake

香港人對清酒好像也不陌生，為何「好像」呢？以日本料理在港的受歡迎程度便可見一斑，有食自然有飲，什麼大吟釀、純米大吟釀、本釀造、純米酒、生酒、生酛、古酒、秘藏酒等，就算不常喝也常見常聽吧？但對一般消費者而言，實難單從酒的類別或精米度分辨出其風格、香氣或味道。有見及此，SSI（Sake Service Institute International) 便將其簡單的分為「薰爽醇熟」四大類別，以利消費者昜於明白酒的風味。主要以「香氣強弱」和「口感濃淡」來劃分，知道其分別後，就更易找到心頭好了。  薰～ 如果實般的水果香氣， 代表：純米大吟釀、純米吟釀 適合溫度：10～15度C  爽～ 輕快、簡單的香氣， 代表：本釀造、普通酒、生酒 適合溫度：5～10度C  醇～ 旨味成分多、酒體扎實的風味， 代表：純米酒(生酛、山廢)等 適合溫度：20度C  熟～ 琥珀色調、濃縮高度香氣、數量稀少 代表：古酒(熟成酒)等 適合溫度：20度C  然，有的酒需暖飲才能發揮其特性，這個自助熱酒器便幫到手了。  這裡有超逾100款日本酒任你揀任你飲、由淡至濃，起碼有基本

讚1. 氣氛好，好多客黎，係香港係尖嘴間燒酌吧有咁地道既氣氛2. 清酒款多，連九頭龍都有，相當難得，同埋啲酒既溫度都唔錯，唔會凍到乜味都無3. 野食竟然唔錯，烏魚子好香口，炸雞炸得好好，薄餅亦比想像中入味彈1. 雖然有三個收費時段，但鋪頭係唔會提人夠鐘，所以都幾肯定係人人都飲爆廠先出黎2. 野食價錢都幾貴，四舊炸雞賣八十幾銀

大膽、大膽！一名膽大包天的港男竟然在香港開設清酒酒吧，兼且以放題模式營運，九成九可以肯定是一個破天荒之舉！坦白講真心佩服這位港男對清酒的熱愛，身為清酒唎酒師的他更欲透過品嚐清酒，將清酒文化推廣至香港人。在現實社會裡做生意不外乎為錢，但當揭視港男大膽背後的原動力是理想之際，確令我有點兒感動，即時要收一收眼框內的濕氣！「WAKO」清酒放題以分段時間收費 — 30分鐘 HK$90 (每位)，適合初接觸清酒的朋友 ；60分鐘 HK$188 (每位)，來個中等程度的 Happy Hour 剛剛好；而 120分鐘 HK$368 (每位)，當然是適合「好飲得」的朋友。至於逢星期四的 「Ladies Night」，女士們以 HK$188 (每位) 可享全晚任飲、免加一，又怎能不約同「好飲得」的姊妹們同暢飲，好似我倆當晚便孖妹上陣！全場提供逾 100 款的日本酒，包括清酒、果酒和燒酎，而這排大雪櫃收藏的全部都是清酒啊，好厲害！「WAKO」設於酒店內，綜觀當晚全是愛好品酒人士，環境整潔、空間感不俗，設有吧檯、站立式位置！若然想自成一角，這邊的散座位置最適合不過！我們第一時間選擇了吧檯，何解？一會便會明白！

第一次係香港試清酒放題，感覺都幾新鮮。呢度有好多款酒都任飲，搞到有選擇困難嘅我都幾頭痕。最後都試咗好多款唔同嘅果酒同燒酒，回曬本😂。除咗酒，呢度都有好多佐酒小食可以選擇。絕對值得推介俾愛好杯中物嘅朋友。

上星期四3個女人仔走了去Wako Sake Bar當冰凍的女人，事原全港首間日本酒飲み放題在星期四推出了Ladies Night女士星期四！任飲全晚都只係＄188(免收加一)而且提供多逹100款日本酒、果酒、燒酎，我這酒鬼前半年為減磅而戎酒終於在這天大解放了！ Wako Sake Bar位處灣仔南洋酒店內，環境輕鬆自在最重要是顧客斯文，跟一般酒吧沒那麼複雜，女仕們可夜心在此享用美酒佳餚！！ 正規的日本酒放題有三款收費＄98/30min、＄188/1hr(佐酒小食一份)、＄368/2hr(佐酒小食一份、特選清酒50ml)其實已相當抵玩，像我們遇上星期四Ladies Night來捧場便更加優惠了！ 而餐廳更會按季節不定期更新日本酒名單，所以放心就算多來亦必定會有驚喜送上！！ 餐廳牆上似人氣掛滿受歡迎的日本酒！像我不知從何入口的可以作藍本，或請教員工和老闆他們絕對樂意為大家效勞。 我們先選上自己喜歡的清酒杯回吧檯座位，我們喜歡跟員工互動所以選坐吧檯，如大家喜歡密密斟的也可安座其它位置。 甫坐下我們得到兩個小酒勺和佐酒的白味噌，花生、魚乾佐酒試得多味噌真的首次品嚐

見到某平台做緊優惠，$488兩位1.5小時，仲包左一個小食，所以同同事收工一齊去試下～之前試過任飲既清酒酒櫃都係係日本既餐廳先遇過，第一次發現原來香港都有任飲清酒，算係幾新穎。黎到見到擺滿既酒櫃真係超多唔同款，花多眼亂，佢地見我地唔知揀咩好，都會比D意見我地。因為我本身鐘意D比較甜身既酒，所以就由各式各樣有加入水果釀制既酒開始飲，相對酒精含量也較低，算係由淺入深慢慢試，避免少喝酒既我一下子受不了。前前後後試左密瓜，桃，菠蘿，金桔，柚子⋯⋯，果然聞起上黎都會有淡淡果香，入口後亦帶有不同程度既甜酸味，整體來說都很清新，適合配小食前菜飲用～另外仲試左D對我黎講比較難入口既清酒同燒酎，同事就話超正，因為自己唔熟酒廠同白米品種，就沒有太深究了。食物方面我地食左牛肉他他，燒三色肉腸，炸雞，全部都好好味呀！如果要揀一款既話，我會揀牛，望落去以為好生，但食落一D都唔生，好嫩好香，配埋個汁一流！一定要試！1.5小時過得太快，仲有好多酒想試，希望下次會出2小時既優惠啦～～～各式各樣既酒～～牛肉他他～～燒三色肉腸～

本身對日本酒都有啲興趣，最初見到有網上媒體介紹呢間餐廳有日本酒放題就好快手mark低左，一路去到最近先有機會去試下，果然一試難忘😍對於我地呢啲日本酒嘅BB班黎講，眼見咁多選擇真係無從入手，超過一百款嘅清酒，果酒同燒酌，就連應該由邊度開始試起都搞唔清楚，係我地仲糊哩糊塗咁係度睇緊啲酒標嘅時候，餐廳嘅唎酒師就出現了。。(((我諗佢都睇得出我地望住啲酒滴晒汗咁😅)))呢位哥哥仔好好人，就返我地嘅程度去講解點樣區分唔同口味嘅酒類，根據自己嘅喜好去揀選我地想試嘅野 (((由於選擇性實在太多，如果一晚要試晒全部我地應該返唔到屋企))) 選擇性多不在話下，就連質素都唔差 (((雖然對日本酒嘅知識唔多，但對愛酒人仕黎講，至少會分得出好唔好飲)))，睇得出佢地係有用心去揀選過，有數款酒仲要係期間限定，所以全晚都好驚喜好滿足，因為哥哥仔慷慨嘅開心sharing, 我地仲邊飲邊學到好多新知識😋除左酒類飲品，呢度仲有啲佐酒小食同串燒可以order (((飲幾杯落肚就會有意欲想食少少野，相信喜歡飲酒嘅朋友會好明白)))，我地都試左好幾款，味道不錯，價錢都唔算貴。

其實我哋兩個都幾鍾意飲酒🥂，尋晚就去左銅鑼灣南洋酒店Wako Sake Bar🍶嘅日本酒飲み放題，佢地總共有100款清酒，果酒同燒酒任你選擇，仲有專人介紹各種酒嘅特性，半個鐘都只係$98起，同時仲有好多款小食同串燒添😋因為偷雞出嚟輕鬆一下🤫，所以我哋只係飲咗一個鐘，但其實都已經飲咗十多種酒，超滿足🤪.

之前係日本體驗過Kurand Sake Market既日本酒放題專門店，真係一試難忘，最近見到報導話香港都有日本酒放題，即刻心郁郁約埋朋友上去盡情暢飲收費以入座時間起計，半小時$98，1小時$188，2小時$368，以半小時為一個單位，店員為左唔想騷擾客人，佢地係唔會提你埋單時間，所以大家暢飲既同時要留意返時間呀呢度有超過100款果酒，梅酒，燒酎，吟釀選擇，用左唔同顏色既牌仔分類，望到個酒櫃都已經興奮，我自己就比較喜歡甘口的吟釀，果酒，燒酎真係太濃烈啦，不太岩我因為飲左1.5小時，每人都有一份佐酒小食，原來係麵豉，無諗過麵豉同米酒係咁夾，大大話話都試左15款，真係會係咁飲停唔到架不過呢度12am就打烊，我就覺得早左d，下次要早d上黎再飲過

無論什麼時候，我都未曾試過喜歡上清淡無味的日本酒。近年，日本清酒愈來愈多人喜歡，我在一些展覽亦品嚐了一些味道不錯的清酒及燒酎，開始產生了一點興趣。本人比較喜歡飲甜的酒，所以就專攻梅酒橙色牌 一共試了七款梅酒，每款各有特色而且真的是任飲，所以由一開始很有規矩的慢慢淺嚐，去到最尾的劈酒。另外仲有串燒，價錢唔貴又好食，仲有加錢任食嘅零食。成日覺得飲Sake嘅地方好大叔feel但呢度完全無咁嘅感覺。味道唔錯下次都會來。