Vision 8

营业中

休息中

好友約我食晚餐，我地去左位於荃灣兆和街34號永安樓地舖的 Vision 8 ，環境舒適清靜，最岩傾蜜偈。我點左個 西班牙海鮮飯 $238，好友點左個 蘋果木燒西班牙黑毛豬鞍扒 $268，另外點左個 V8 田園沙律 $138。服務員首先送上餐飽，餐飽熱辣辣，塗上自家製醬料，非常好味；V8 田園沙律賣相吸引，材料豐富又新鮮，有牛油果、無花果、迷你蕃茄及各款沙律菜，相當健康的食餚；西班牙海鮮飯十分好味，材料豐富又鮮甜，有大蝦、帶子、青口及蜆，飯底軟綿好食；蘋果木燒西班牙黑毛豬鞍扒係配左黑椒汁，豬鞍扒燒得外脆肉嫩，肉汁豐富及好食。

荃灣美食多，呢間西餐性價比高最出名威靈頓牛扒😋環境舒適小溫馨～～佢地既餐包熱辣辣，好鬆軟仲配埋黑松露牛油，陣陣香味✨佢地既餐湯🥣好新鮮當日係鮮蕃茄🍅濃湯酸酸甜甜，飲到真蕃茄味道🥹🥹✨酥炸作魷魚圈🦑魷魚圈炸完吾會太油膩，配埋他他醬魷魚每個都大大舊，外皮金黃酥脆肉質鮮嫩，好開胃既小食🤤✨ 鮮菇蜆茄醬燴意大利麵🍝蜆份量多，每粒都好新鮮鮮茄醬🥫豐富，鮮甜，好夾成個意粉意粉口感剛剛好，吾會太軟有口感，又熱辣辣上菜～～✨ 烤紐西蘭羊仔架🐏羊仔架肉質好鮮嫩，脂肪分布平均咬落去有滿滿肉汁，吾會好大臊味👍🏻仲配埋薯蓉，入面仲加左香香既芝士🧀🥰

[✨荃灣Vision 8· CP值滿滿意大利菜🍽️ ]#vision8 #荃灣🍽️餐前麵包餐包口感鬆軟，加上濃郁黑松露牛油，好好食😍💕🍽️煙三文魚千島醬薄餅 $158薄底Pizza好香脆，千島醬甜中帶酸令人開胃；煙三文魚份量十足，再伴上大量火箭菜，味道滿分🥰💗 🍽️烤咸豬手配酸椰菜 $258豬手外皮炸得勁脆身，肉質軟嫩帶點點油香， 骨膠原滿滿🤩伴菜有酸椰菜同沙律菜，解膩一流，好推薦大家一試！🍽️白酒忌廉煮藍青口 配 薄多士 $158藍青口好新鮮厚肉，經過白酒同忌廉慢煮後更加突出到佢嘅鮮味，再配搭薄多士＆忌廉汁組合，真係好完美嘅一份菜式😋🍎甜品 Apple Crumble $78烤到好酥脆嘅麵包糠鋪係軟淋淋蘋果粒上面，加上雲呢拿雪糕甜度適中，一齊食都唔會覺得太膩💞————————♡♡♡♡♡♡————————✨總結餐廳座位闊落坐得舒適；店員非常親切有禮，食物水準都頗高，好適合同朋友聚會或慶祝生日嘅餐廳😊📍Vision 8 (荃灣)🏠荃灣兆和街34號永安樓地舖#jmhkfoodie #hkfoodie #hkeat #hkeats #hkfood #hkig #hkgirl #food #hkfood

首先會上送既餐包 🥯配埋黑松露醬 ，仲要質素唔差黑松露醬入面溝左牛油 用黎送包一流。炸芝麻雞翼（4件）炸得好酥脆好好味，而且係熱辣辣，即叫即做，雞肉好嫰滑，5星推介👍🏻👍🏻煙三文魚配千島醬薄餅大量火箭菜係上面，有落到醋， pizza 個批有cheese , 有三文魚 ，用左千島醬，好夾，個pizza皮係脆皮，不錯！厚切美國🇺🇸肉眼扒（5成(芥末汁）牛扒都好厚，同埋肉汁帶小許juicy,唔會太熟，岩岩好，又唔會un,係略為有小小肥膏，我唔太鍾意，整體都係好食😋間店雖然門口唔起眼，但都keep住有客入，可能係黎開，食物同員工既服務態度都好好，加分！

有時想舒舒服服坐低食個西餐，都唔一定要過海食貴野既，荃灣呢間vision 8 係平民版既西餐之選～好欣賞店員係會留意食客用餐進度，然後逐樣野食上～1⃣️凱撒沙律（煙三文魚）（$138）沙律配上脆脆麵包粒、芝士片，健康開胃。而且煙三文魚都份量充足，唔會過鹹。2️⃣巴馬火腿薄餅（$158）呢間既pizza係薄脆既餅底，食落冇咁飽濟，面頭巴馬火腿鹹香，配上火箭菜同埋焗香既芝士，一件一件咁好快就清盤😋3️⃣烤美國極佳級肩胛牛扒（$288）牛肉五成熟啱啱好。顏色好靚～中心粉紅，外面就係炭烤既顏色，配上紅酒汁自己加黎食。另位伴碟既薯蓉好出色🤩佢係刨成薄片既薯仔，面頭有炙燒過既芝士面，食落富芝士奶香又保留薯仔質感☺️4️⃣是日餐湯（+$55）粟米忌廉湯入面有滿滿既粟米粒👍另外仲配有三件餐包，加埋黑松露牛油好香好好食。

【荃灣區】【Vision 8】呢排少咗搵旁證哥食飯，其實大家仲係同事嚟，都唔少機會見面，只係一直都夾唔到時間食飯。今次難得同佢一齊去荃灣做嘢，點都要食埋飯先。行咗陣千色店之後，喺附近諗吓食乜。大家都冇乜 idea，又唔想食啲大集團嘅餐廳，跟住就見到呢間西餐喇。我哋入去就決定 share 食，試咗佢哋午餐 $108 嘅「慢煮紅酒汁燴牛尾配蘑菇飯」，都幾好食，個牛尾煮得好腍，個紅酒汁都好味，蘑菇飯好夠熱同好香，勁易入口，勁快食晒。而個餐仲有「餐湯」同「餐包」，都係具質素嘅出品，連旁證哥都讚不絕口呀。另外佢哋仲有個系列叫 V8 特色包，我哋試咗 $118 嘅「烤中東包」，估唔到呢度都有咁好食嘅 pita，係有驚喜嘅。而佢哋仲有啲午市特惠小食，都幾抵，廿零卅蚊就有一份，我哋忍唔住試埋 $38 嘅「炸魚薯條配他他汁」，呢個價錢食到呢啲嘢算係超値，掂呀。。。（地址：荃灣兆和街34號永安樓地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foo

住咗喺荃灣咁耐，成日都經過呢間西餐廳，每次經過都好多人幫襯，不過一直以為呢間主要係飲酒，咁啱今日經過睇咗Menu，原來佢都好多唔同嘅嘢食，咁就嚟試吓啦。香煎帶子配牛肝菌意大利麵帶子煎得金黃，外脆內嫩，口感極佳。牛肝菌意大利麵嘅質感滑溜，同帶子嘅香味口感完美結合跟餐附送嘅餐湯同樣令人滿意。湯底濃郁，香氣撲鼻，入口即化。無論係天氣冷時暖身，定係天氣熱時開胃，呢道餐湯都係一個絕佳嘅選擇。蘋果木燒西班牙黑毛豬鞍扒（芥末汁）豬鞍扒經過蘋果木燒烤，外層焦香，內部肉質嫩滑，每一啖都充滿咗燒烤嘅獨特香氣。芥末汁嘅香味同豬鞍扒好夾，雖然好飽，但都忍唔住繼續食啊。呢間餐廳又平又抵食，而且氣氛好好，好適合情侶或者朋友聚會呀。

餐湯／沙律今日嘅蘭度豆忌廉湯口感滑順，餐包的選擇特別，口感鬆軟。1號餐：慢煮紅酒汁燴牛尾配蘑菇飯呢個慢煮牛尾燉得入味，紅酒汁的香氣跟肉質完美結合，搭配嘅蘑菇飯香濃又滑，令人食得好滿足。不過，如果牛尾嘅油脂較多，可能會有啲膩，但整體口感依然好吸引，特別適合作為主菜！🍷🍚4號餐：法式香草烤雞半隻配紅酒汁配意粉法式香草烤雞外脆內嫩，雞肉非常鮮嫩，香草味道香氣四溢，紅酒汁增添咗深度，意粉搭配得宜，令整道菜色更加豐富。🍗🍝炸魚薯條配他他汁炸魚金黃酥脆，內裡保持住鮮嫩，薯條炸得香脆，搭配他他汁的酸辣味道，真係開胃之選。只要控制好炸魚的時間，保持魚肉的鮮嫩，整體味道就會更加完美，經典組合好吸引！🍟🐟心太軟配雲呢拿雪糕心太軟外脆內軟，內餡甜得啱啱好，搭配雲呢拿雪糕，冷熱對比非常好，食落去真係好享受。不過，如果甜度再低啲，可能會更加吸引，讓甜品更加平衡。

好多人都比$80超優惠燒豬鞍扒吸引入黎，星期二都好爆場。👉🏻蘋果木燒西班牙黑毛豬鞍扒擺盤有心思，豬鞍扒厚厚一塊，配菜有紅蘿蔔蘿、西蘭花、焗芝士薯塊。$80真係抵食～揀左配芥末醬，切開有肉汁，邊位既脂肪燒得好香，肉質都鬆軟易咬。👉🏻雜菜湯熱到燙口好有誠意，湯料有好有多豆類，有咬口感覺特別，大大碗幾抵飲。👉🏻辣肉腸蘑菇pizza即叫即焗嘅pizza真係特別好食，芝士拉絲，配辣肉腸非常滋味，芝麻菜有獨特香味。👉🏻蘋果金寶配雪糕即叫即焗嘅apple crumble，冰火兩重天，好好食。

今日同老公去左呢間Vision 8西餐廳撐枱腳🤗。地點近地鐵站，又近千色，食完飯行街真方便。暖笠笠餐包真係唔錯，有三款包，兩款鬆軟一款脆口，配埋黑松露牛油，好正好開胃。酥炸小食拼盤有雞翼，魷魚圈，炸魚柳同薯條，即炸熱辣辣，最驚喜係炸魚柳，食得到新鮮魚的味道，誇張！雞翼咸道剛剛好，魷魚圈同薯條都炸到金黃香脆，好惹味呢。西班牙海鮮飯，賣相同味道都很出色。海鮮豐富，有帶子，大蝦，蜆肉同青口，飯底還有濃郁蝦湯味道，好食。蘋果木燒西班牙黑毛豬鞍扒，上桌已聞到烤香噗鼻，有煙燻炭燒嘅味道，切落去已經知道肉質好軟身，食落好juicy肥瘦適中，配上老闆推介的芥末籽汁，味道一流。最後緊係壓軸的甜品，心太軟♥️，流心的朱古力醬加雲呢拿雪糕好好食，好滿足。整體來說餐廳環境舒適，食物質素優質性價比高，老闆同職員都好有禮貌，支持小店👍

🩵餐包 & 餐湯欣賞呢到既餐包係熱辣辣，焗得外脆內軟，配埋自家製既牛油，更香口！🩵香煎蟹餅伴沙律配油醋汁蟹餅煎完再焗，外層薄薄既木糠碎包住滿滿既蟹肉，真材實料，一絲絲蟹肉，做得幾出色～🩵蘑菇配意式辣肉腸薄餅 & 煙三文魚千島醬薄餅呢到既食客有3成都係外國人，坐我地隔離枱既外國食客好熱情，仲話share大家既pizza，可以試曬2種味🤣 Pizza皮超薄，少少似餅乾既口感，幾脆口😆🩵蘋果木燒西班牙黑毛豬鞍扒配紅酒汁豬鞍扒好軟淋，唔洗點汁，肉本身既調味都好夠～

荃灣大街小巷都充滿住平民價又高質嘅餐廳 今次發掘到呢間西餐 入面坐得舒服，menu上又見有啲公仔插畫幾得意，而且人情味滿滿！見老闆同大部分客人有講有笑！😙lunchset $98起包餐湯🌽//沙律配意式油醋汁＆餐包必須大力讚賞佢哋嘅包 新鮮烘起仲要好好食應該係軟包（？）店員見我哋掛住影相仲細心提我哋趁熱食烤安格斯西冷配 芥末籽汁 $148鍾意吃肉！呢份肉扒肯定滿足到你🥩配菜除了薯菜外還可以選意粉白飯～選擇了medium rare ，切開裡面仍然是紅色的.ᐟ蔬菜調味掌控得很好🥕🥦🥔upgrade 特飲+$10榛子咖啡☕️一出場，就已經吸引到我！濃郁嘅咖啡香配上淡淡榛子味🌰，真係飲落去好滑順，仲有種暖心嘅感覺甜品試咗蘋果金寶，真係驚喜！🍏 金寶(牛油+麵粉+糖混合物)鋪面，蘋果味道鮮甜，配上雪糕一口咬落去係滿滿的幸福感！🍴Vision 8荃灣兆和街34號永安樓地舖

餐廳採用灰色水泥牆為主環境舒適 設計簡約帶點格調餐枱面積唔大 每次只可放一碟😂店員會留意用餐進度逐一上菜見到推廣黑毛豬鞍優惠價只需$80超抵食🫢但今次就想試餐牌上的廚師推介👨🏻‍🍳🤭餐包🍞有3款唔同口感的麵包，有軟有脆口，搽上黑松露牛油一齊食好香好好味巴馬火腿凱撒沙律🥗好足料用上5大片巴馬火腿🥓充滿鹹香味，加上大大塊芝士片味道濃郁及香脆麵包粒，大量清新爽脆的沙律菜🥗，配上凱撒醬汁風味十足，作為前菜令人胃口大開又健康😋西班牙海鮮飯🍛擺盤有心思❤️，舖滿6隻青口🦪，6隻蜆，帶子及大蝦🦐，海鮮份量足料，香煎帶子及蝦入口鮮甜爽彈，蜆肉鮮甜無沙，米飯粒粒分明，加入肉粒，洋蔥粒及青椒粒，食到番茄味酸酸地幾開胃😋烤咸豬手配酸椰菜🍖上菜時店員比我影完相之後先將豬手切成9件好貼心🤣，好大隻咸豬手🍖烤到皮脆肉嫩，啖啖肉得來唔算太肥，酸椰菜混入肉碎，提升口感層次豐富，有黑醋汁沙律菜🥗伴碟，食完豬手再食酸椰菜即時解膩，如果識飲酒的朋友仔配返杯酒一齊食簡直一流👍😆

眾所周知，荃灣有很多美食可供選擇。這家餐廳的裝潢簡約，採用工業風格。臨近節日，餐廳已掛上了滿滿的聖誕裝飾🎄氣氛相當之好✨在食物方面，每一道菜品都十分出色，從餐湯到主菜，都能感受到廚師對食材的用心🥓🥩。餐包配黑松露牛油醬🧈小編十分之喜歡脆多士，配上黑松露醬，香氣撲鼻。餐湯 🍲薯蓉忌廉湯，味道濃郁，裡面還有細小的煎香煙肉 🥓，既能暖胃，又十分可口！🍎蘋果木燒西班牙黑毛豬鞍扒原價 $268，現在餐廳活動三折，僅需 $80，性價比非常高。豬鞍扒燒得金黃誘人，配有薯蓉🥔和紅蘿蔔🥕，配上菇菌汁，口感一流。黑松露薯條🍟薯條的粗細介於粗薯條與幼薯條之間，薯仔的味道香濃，香脆度適中，不會過於硬脆。以黑松露調味，將簡單的薯條提升至另一個層次，散發出黑松露的芳香🥰。主菜香煎比目魚搭配菠菜忌廉汁天使面。比目魚🐟外脆內嫩，與菠菜忌廉汁搭配，口感順滑，令人欲罷不能。天使面的爽彈與醬汁的融合，為整道菜增添了層次，是我最喜愛的主菜❣️#荃灣美食 #平民美食 #平民西餐 #西餐廳 #埾誕快樂

之前試過既Vision 8覺得佢地係荃灣開小店黎講幾高質,連住開大西北嘅同事都同我講有機會到荃灣都想食下😂今次點左三款菜式:✅香煎帶子配牛肝菌意大利麵✅巴馬火腿凱撤沙律✅蘋果木燒西班行黑毛豬鞍扒:食落口有淡淡既燻香味~過左一年幾再食,水準都仲Keep到!!另外,有朋友推薦我下次要試埋佢地既威靈頓牛扒~🥩另外佢地都有套餐同生蠔🤭幾岩一大班朋友黎叫埋Share黎食~以宜家餐廳早收既狀態8點黎到都仲有一半場坐滿客人都算幾受歡迎🤭