Vision 8

营业中

休息中

今日同閨蜜去咗呢間餐廳，真係要大力推薦！🤩 首先講吓個 **香煎帶子配牛肝菌意大利麵** ($188)，真係好食到喊！帶子煎得啱啱好，外脆內嫩，咬落去仲有啲juicy嘅感覺，完全唔會過火。牛肝菌意大利麵嘅醬汁濃郁得嚟又唔會太膩，每一啖都充滿菇菌嘅香氣，真係食到停唔到口！🍝 呢個價錢有咁高質素，真心覺得抵食！👍另外仲試咗個 **蘋果木燒西班牙黑毛豬鞘扒** ($80)，揀咗野菌汁，真係冇揀錯！黑毛豬扒燒得香口，肉質嫩滑，蘋果木嘅煙燻味同野菌汁好夾，食落好有層次感。跟餐嘅 **餐湯** 都唔錯，creamy 湯底濃郁，飲得出係用心熬製，暖笠笠好舒服。🍲最後仲點咗個 **Apple Crumble** (79) 做甜品，外層脆，入面嘅蘋果餡酸甜適中，食完主菜再食呢個甜品，完美收尾！🍎🍰

性價比超高中午set lunch呢間荃灣西餐set lunch都幾有驚喜，食物又平質素又幾高。紅酒繪牛肋條配烤比得包肉質鮮嫩，紅酒味夠香同牛肋條入晒味，烤比得包超級外脆內軟，配牛肉好夾。烤安格斯西冷配野菌汁西冷牛排七成熟，肉質唔差肉味都濃，野菌汁濃郁，層次感豐富。酥炸芝麻雞翼外皮金黃酥脆，肉質多汁，淡淡芝麻香味，其他小食價錢都平。Set lunch價錢以人均一百多，性價比極高，味道同份量都不錯，值得再訪！

Vision 8荃灣兆和街34號永安樓地舖經開荃灣，老友推介高質西餐，環境舒適，食材新鮮，果然冇介紹錯！😽甘筍忌廉湯面層加了香草和忌廉提升層次，甘筍湯又香又滑，鹹度適中，配鬆軟的麵包，好開胃！😍烤安格斯西冷配野菌汁五成熟的安格斯西冷剛剛好，口感煙韌，肉汁豐富，香氣四溢，邊位的牛脂肪特別香。薯菜有炸薯王、甘筍和小椰菜。野菌醬汁濃度適中，調配得恰到好處，推薦！😻炸魚薯條配他他汁即叫即炸，炸油新鮮，又香又脆，炸魚點他他汁，粗薯條點茄汁，Perfect match，好食到停唔到！😸凍檸檬茶檸檬新鮮，茶膽香滑，冰底夠凍。😺Vision 8 環境舒適氣氛好，食材新鮮高質， 西冷炸魚薯條正，侍應服務態度好，還會再來。😎🤘🏻

好耐前已留意依間餐廳，今日經過，無預約之下都可以俾位我哋，兩個人叫左一個Set Dinner，一份Pizza：Set Dinner :餐前餐包 - 麵包軟綿綿：又夠熱，口感都吾錯餐湯 - 黑松露忌廉湯：好重黑松露味，忌廉又夠Creamy，好好味前菜 - 巴馬火腿凱撒沙律：份數雖然吾係好多，但沙律菜夠新鮮 主菜 - 香煎安格斯西冷扒拼鵝肝：牛扒我哋叫左5成熟，但嚟到幾乎係10成熟，所以比較韌，鵝肝煎得吾錯，外脆內軟，比牛扒更出色甜品 - 心太軟配雲呢拿雪糕：甜度剛剛好，心太軟做到流心效果，不錯餐飲 - 咖啡：一般貨色Pizza：煙三文魚千島醬薄餅 - 薄餅真係好味，薄薄的餅底，夠脆口，千島醬甜甜的，配煙三文魚，口感一流但用餐時間實在太耐，由Order後，先嚟餐包，之後等了10分鐘先嚟沙律，再等10分鐘，嚟餐湯及Pizza及咖啡，之後再等，一等就45分鐘，就嚟牛扒，食緊牛扒時已經話甜品可以嚟埋，點知又要等，又等45分鐘，問左2次，甜品先嚟到。。。。雖然食品吾錯，但出餐時間實在太耐，成個晚餐足足食左2個幾鐘，如果趕時間，真係吾好嚟。。。或者係我吾好彩，咁啱所有野都等咁耐。。。但我覺得都係試一

疫情前/後的用餐體驗。。。能夠跨過疫情仍生存都有理由相信可以再訪一次😁話說有天經過見到西班牙黑毛豬鞍扒$80,嘩！嘩！嘩！點都值得再試下啦，擇了個吉日便訂檯，星期六仲要7點的緊張時間，我便獲得了應該係當晚全店坐得最唔舒服的一個位置，想不到負責人竟然明白兼體諒之下免費送了兩杯白酒据扒🥩加配酒精是常識吧！從來都喜歡飲點酒鬆弛一下神經，何況這裡的威靈頓牛柳確實值得再乾一杯真的真的埋單才知道負責人竟然免費請我飲酒，仲係兩杯都免費，其實一杯都讓我感動，謝謝謝謝你說真的，小店環境確實較擠逼，吃這樣質素不錯的牛柳，環境真的扣了小小小小分，再來的話又真的要看我有幾掛住再吃一次靚牛柳總會再吃的

😋✨呢次我已經係第三次幫襯，頭兩次都係食牛扒。今次見到餐廳做推廣，原本$268嘅豬鞍依家三折，只係$80！💥呢個豬鞍雖然平，但係質素一啲都冇打折扣。肉質彈牙，同埋用炭爐燒過，真係好香！🔥而且啲伴菜一啲都唔馬虎，薯仔切片用芝士焗過，好好味😋！另外餐廳會送鬆軟嘅麵包🥖，真係好貼心。洋蔥忌廉湯，餐廳做得好細心，湯面鋪咗啲碎煙肉，又靚又好飲！🥣👍除此之外，我每次都必嗌白汁帶子蘑菇意粉🍝，個汁好creamy，但又唔會油膩，真係好滿足！😊餐廳面積唔大，裝修簡約，係區內算出名嘅小店🏠。 我啲朋友都讚我介紹得好！👏今日全場爆滿 記得要book位呀😄🍽️

呢間係荃灣區的西餐廳裝修同環境都好舒服，好岩朋友一齊傾計食飯或者慶祝生日，而且離地鐵站唔遠幾方便，員工服務態度都好親切。工服務態度都好親切，仲會跟住每枱客人的節奏，慢慢一道道出餐，先嚟熱辣辣濃郁嘅雜菜湯配餐包，餐包外脆內軟，最難忘的係香濃嘅黑松露醬，一定要試。西班牙海鮮飯 $238海鮮飯好足料，入面有成隻新鮮嘅大元貝、鮮美嘅蝦、青口同蜆，飯粒吸收咗海鮮嘅鮮味，每一口都好滋味。烤咸豬手配酸椰菜 $258烤咸豬手外皮烤得好香脆，咬落去肉質嫩滑又多汁，配上酸椰菜，配上酸椰菜嘅酸味，完美中和咗油膩感。Apple Crumble $78最後的甜品揀左Apple Crumble，香甜嘅蘋果味道混合住溫暖嘅玉桂香，配上外層嘅脆皮香脆可口，真係為呢頓飯畫上完美嘅句號。

去開附近，無意中搵到呢間小店，見大家個評語都唔錯，於是入去試吓。牛油用安佳牛油，包又熱， 食物好味，食得出係有誠意製造。最值得讚就係佢真係等客人食完先收食物，並唔係趕住要交枱俾佢收食物，又不停加水，亦都表現出唔介意客人慢慢飲埋杯餐茶， 同埋佢真係等你食物食完，先問你飲乜嘢，成件事覺得不得不講，好自在舒服， 其實我覺得依啲係好加分，可能客人只係坐多5分鐘就會走，但係成個感覺覺得自己係被welcome，下次去開嗰度都會再食呢間店舖👍🏻👍🏻

蘋果木燒西班牙黑毛豬鞍扒 黑毛豬鞍扒用蘋果木燒製，豬肉嘅香味夾雜住淡淡嘅果木香氣，入口肉質結實有嚼勁，油脂喺口入面慢慢化開，但一啲都唔覺油膩，鹹香適中，食得好滿足！！特別一提，咧個豬鞍扒做緊優惠，80蚊就可以食到1份喇~~香煎比目魚配菠菜忌廉汁天使麵 比目魚煎到外皮金黃香脆，內裡魚肉鮮嫩軟滑，唔會煮得太柴。菠菜忌廉汁同天使麵搭配得啱啱好，奶油嘅濃郁融入菠菜嘅清新，加上天使麵比較幼，可以yam到更加多汁，每一啖都充滿層次感。酥炸芝麻雞翼 雞翼炸到外酥內嫩，雞肉鮮嫩多汁。表面加咗啲芝麻，令到食落除咗有油香仲有淡淡嘅芝麻香，鹹香微辣嘅味道，真係一個人食曬成碟都得~

荃灣不嬲美食多，講到西餐不得不提呢間喺兆和街中間嘅西餐廳- Vision 8。呢間西餐廳距離地鐵站唔遠，近千色店。舖頭細細，裝修別緻，環境昏暗，好有西式傳統味道，有浪漫嘅感覺。餐廳西餐選擇好多，鍾意飲酒嘅朋友可以少斟一番。食物擺盤精緻，味道都不錯！1）是日餐湯配麵包：今日蘑菇忌廉白湯，可以品嚐到顆粒感嘅蘑菇，飲落香滑，份量比其他餐廳多。另外熱辣辣嘅麵包配上黑松露牛油，好香口2）酥炸生蠔-外層炸到脆卜卜，外脆內軟，生蠔新鮮3）香煎帶子配牛肝菌意大利面：一上枱賣相好好，色彩繽紛，食落去每條面都掛上牛肝菌汁，好惹味，帶子亦好新鮮。🥰4）烤咸猪手配酸椰菜-好大份啖啖肉，仲有職員幫手切片，好滿足！

喵仔琴日同喵女去咗荃灣嘅Vision 8撐枱腳，環境舒適，食物質素高，價錢合理，絕對係一個慶祝紀念日嘅好地方！ᗦ↞◃ ….….. ᗦ↞◃ ….….. ᗦ↞◃ ……… ᗦ↞◃ ………✨1) 烤美國極佳級肩胛牛扒（黑椒汁）5成牛扒煎得啱啱好，外層焦香，內裡粉嫩，肉汁豐富，口感一流！5成熟嘅熟度完美鎖住肉汁，每一啖都充滿牛肉嘅鮮味！黑椒汁濃郁惹味，同牛扒簡直係絕配！配菜嘅薯蓉幼滑 creamy，西蘭花同甘筍亦都好新鮮！✨2) 煙三文魚配千島醬薄餅薄餅餅底香脆，煙三文魚份量十足，配上清新嘅沙律菜，口感豐富！千島醬酸酸甜甜，好開胃！✨3) 巴馬火腿凱撤沙律沙律菜新鮮爽脆，巴馬火腿鹹香惹味，配上脆卜卜嘅麵包粒同芝士碎，口感層次豐富！凱撒沙律醬汁 creamy，味道調得啱啱好！

荃灣呢一間隱世西餐真係不得了！除咗嘢食超好味之外，餐廳嘅店員十分之細心，我哋一入去，驚我哋凍，就安排比較入嘅座位，未俾餐牌之前，就先比杯暖水我哋，有種被重視感覺 。食左幾款香煎帶子配牛肝菌意大利麵 + 沙律蘋果木燒西班牙黑毛豬鞍扒 +甘筍忌廉湯酥炸生蠔每味菜一拎出嚟，都係超級香噴噴！甘筍忌廉湯甘筍味濃，喝下去暖暖的香煎帶子配牛肝菌意大利麵超香 。帶子煎得剛好 。麵比較幼身，最初以為佢係天使麵隻碟係暖，睇得出佢哋好細心！侍應上菜時強調呢一個係豬鞍嘅部份，因為之前有其他人以為會好似牛扒咁滑 。聽完佢咁講，我以為豬鞍會好硬，點知外脆內嫩，煙燻香氣撲鼻沙律超新鮮，吃起來爽口餐包個牛油都有黑松露！

荃灣的西餐廳林立，總跟朋友來這間餐廳來個悠閒午餐午巿套餐包括餐湯或沙律及飲品蕃茄雜菜湯湯品色澤鮮艷，蕃茄味道與多種蔬菜煮成，湯底濃郁，適合開胃。青沙律配意式油醋汁沙律的菜脆嫩，搭配意式油醋汁，味道酸甜平衡，很好的開胃菜。烤雞件 配磨菇汁燴意粉烤雞肉外焦內嫩，搭配濃郁的磨菇醬汁，意粉吸收了醬汁的香氣，口感滑順。烤安格斯西冷 配野菌忌廉汁 薯菜牛排7成熟，肉質鮮嫩，野菌忌廉汁增添了深度與香氣，薯菜的搭配則為整體增添了口感層次。炸魚，薯條配他他汁炸魚外酥內嫩，薯條金黃酥脆，搭配他他醬，最愛的小食呢。凍檸水檸檬水解渴，酸度剛好，可以自己加糖水。熱奶茶奶茶香濃，茶味與奶香配合，飯後喝上一口，為整頓餐點畫上完美句號。每次來也飽足，下次來再試試別的晚餐。

荃灣依間餐廳到咗晚市嘅時候都會滿坐所以我就過嚟試吓啦我首先叫左一份咸豬手，咸豬手的香脆與酸椰菜的清爽，口感豐富多變，咸豬手外脆內軟，肥美適中，而且鹹味適中，都幾好食。而煙三文魚配千島醬薄餅，薄餅上還有一層火箭菜，這搭配簡直是絕配，火箭菜好清新！三文魚的鮮美與千島醬的濃厚在口中交融。另外會有跟餐餐湯同餐包，餐包仲會跟黑松露牛油。最後是Aple Crumble，這款甜品絕對是完美的結尾。蘋果的微酸，上邊仲有脆卜卜嘅麵包粒，再加上甜甜地嘅雪糕，好夾。

去開荃灣，又再去左Vision 8食野，每次都有啲驚喜！😍首先講下烤咸豬手配酸椰菜，咸豬手真係好正，外皮烤到脆卜卜，咬落去仲有啲油香，內裡肉質又嫩又juicy。配埋酸椰菜，嗰個酸味啱啱好，唔會太搶味，成個配搭真係一流。😋再嚟就係西班牙風乾火腿薄餅，嗰個薄餅底一樣好脆，火腿鹹香味濃，真係一啖接一啖，食完一塊仲想食多塊，停唔到口。🍕酥炸魷魚圈都唔錯，外層炸到金黃香脆，內裡嘅魷魚圈真係勁彈牙，唔會太韌。仲叫左當日既是日餐湯配麵包，湯底濃郁，飲落去好暖胃，麵包烘到又香又軟，蘸埋湯一齊食，真係好正。😌出門口先留意到，原來佢哋嘅蘋果木燒西班牙黑毛豬鞍扒而家做緊3折特價，只係$80，真係超抵！👍🏻希望下次來仲有！🤣🤣