Vision 8

营业中

休息中

最近發現兆和街有不少美食，Vision 8就是其中一間。這裏的菜品不僅口感豐富，各自的風味也能很好地搭配，讓整體用餐體驗十分滿足！烤咸豬手配酸椰菜經過慢火烤製，外皮金黃酥脆，肉質卻能保持濕潤和嫩滑。豬手的鹹味恰到好處，搭配酸椰菜的微酸口感，能夠有效平衡油膩，提升整體味覺體驗。而西班牙海鮮飯是一道色香味俱全的中菜餚，使用短粒米，能夠很好地吸收湯汁和味道。而且配搭的海鮮選擇多樣，包括蜆、蝦、青口和帶子等，每一口都能感受到海洋鮮味，不僅擺盤精美，還帶來獨特香氣，讓人忍不住一口接一口。蘭度豆忌廉湯是一道營養豐富且口感順滑的湯品。吃得出餐廳選用新鮮蘭度豆，煮熟後與忌廉、洋蔥和香料一起打成細膩的湯底。這道湯的味道清新，豆香濃郁，忌廉使得口感更加絲滑，適合在寒冷的日子裡享用。配上一片烤麵包，更是完美搭配。酥炸芝麻雞翼外裹滿滿的芝麻，炸至金黃酥脆，咬下去時能感受到外皮的香脆以及肉質的鮮嫩。Vision 8 (荃灣)地址：荃灣兆和街34號永安樓地舖

情人節當然食個西餐慶祝下❤️💕吾想捱貴餐可以選擇試下依間無論服務菜單味道都直得試試首先上左個熱辣辣餐包好好食，包夠熱嘅基本都好食😂牛肉漢堡包有肉汁大大份，尤其個酸瓜醬好好食本人偏愛酸瓜醬💕另外威靈頓牛扒外脆內軟，入面有蘑菇汁夠香牛扒好軟熟好有牛味😋😋服務員仲會先問影吾影相先再問洗吾洗切再問開幾多件，超細心💙2人消費都系500蚊，節日黎講算不錯之選👍

餐廳內部頗有格調，播放住外語歌曲，座位闊落舒適😍菜式高檔吸引，晚市有唔少食客留意到佢嘅蘋果木燒西班牙黑毛豬扒做推廣，優惠價$80，高質味美都幾抵食😋🥣是日餐湯．周打蜆肉忌廉湯 $55 x2在淡淡忌廉味之中帶有青椒紅椒粒忌廉湯內藏6-7隻蜆肉，食落鮮甜🍞麵包入口鬆軟之中帶點脆身，滲出淡淡麵包香氣附送的松露牛油令人驚喜🍄牛油香滑混合松露芳香，塗抹在酥脆麵包上，一試難忘🥗煙三文魚凱撒沙律 $138凱撒沙律份量令人滿足🐟煙三文魚煙燻風味，咸香濃郁搭上片片香濃的巴馬臣芝士，令整個凱撒沙律滋味無窮🐷蘋果木燒西班牙黑毛豬扒(紅酒汁) $80西班牙黑毛豬扒燻燒出網紋，賣相吸引🥩外層燒得燻香，帶點乾脆，入口伴隨蘋果木香氣口感軟身，配上紅酒汁，味道濃淡得宜，不掩黑毛豬肉味🥔薯菜極具特色，以原個薯仔切成片狀焗淋，配上忌廉與芝士嚐出片片軟淋薯片所堆疊出的層次感，口感creamy軟滑🥘西班牙海鮮飯🦐 $238一隻隻青口與蜆連殼佇立在海鮮飯之上，賣相精緻有心思😍海鮮飯帶有鮮香番茄味🍅，米飯充分吸收番茄與海鮮的湯汁，每一口都香濃好味飯粒煙韌有咬口，配上青口、蜆肉、帶子、蝦、臘肉等食材，足料好味👍🏻總結而言，Visi

總結｜優質西餐小店 所有菜餚熱辣辣 🔸香煎煙鴨胸配野菌燴意大利飯🔸鴨胸啖啖肉，偏幼嫩味道濃郁但不油膩意大利飯入味又不會太軟身有野菌但不算多，味道不重🔸餐包🔸所有菜餚熱辣辣，特別係餐包又熱又香外層脆香內部柔軟瞬間溶化牛油，非常好食🔸餐湯🔸湯底濃郁🔸服務🔸下晝去座位寬敞，環境舒服但桌面較細，如果晚餐時間多人或許有點迫想加黑胡椒員工幫我在碟邊扭上服務態度一流🍽️｜Vision 8📍｜荃灣兆和街34號永安樓地舖環境｜🌟🌟🌟地理｜🌟🌟🌟賣相｜🌟🌟🌟味道｜🌟🌟🌟性價比｜🌟🌟🌟推薦度｜🌟🌟🌟🌟（5星為最高）

收工同朋友喺荃灣試吓一間西式小店，有意外驚喜！☺️☺️酥炸生蠔✨炸生蠔是十分新鮮，經過裹粉和油炸的過程製作而成。這道菜肴外脆內嫩，保留了生蠔的鮮美口感，並增添了香脆的外層，深受海鮮愛好者的喜愛。蘋果木燒西班牙黑毛豬鞍扒✨蘋果木燒西班牙黑毛豬鞍扒結合了優質肉類與獨特的烹調技術。西班牙黑毛豬，通常指的是伊比利亞豬，因其肉質豐富、油脂分布均勻而廣受喜愛。使用蘋果木燒烤，增添一種甜美的果香味，與豬肉的肉汁相得益彰。蘋果木的煙霧能夠為肉品賦予柔和、清新的風味，這讓每一口咬下去都充滿層次感。在高溫下烤製，讓外層形成香脆的焦皮，內部卻保持著豐富的多汁感。香煎帶子配牛肝菌忌廉汁燴意大利麵✨香煎帶子配牛肝菌忌廉汁燴意大利麵結合了新鮮的海鮮與濃郁的醬料，口感豐富且層次分明。這道菜的主要成分包括香煎帶子、牛肝菌以及奶油，搭配意大利麵，使整道菜既美味又具高雅氣息。

餐廳環境整潔為新乾淨，而且好有氣氛，服務非常之好，交通都非常方便。煙三文魚沙律新鮮嘅蔬菜色彩繽紛，健康美味，再配上鮮味嘅煙三文魚，非常之開胃。新鮮麵包配黑松露牛油之後再嚟一籃新鮮嘅麵包，有三款不同嘅麵包，麵包夠熱，再加上佢哋配製嘅黑松露牛油，黑松露牛油溶化喺麵包嗰度，實在太好味啦，我最鍾意就係食牛油加麵包，重點麵包仲要係熱辣辣。香煎比目魚配菠菜忌廉汁燴天使麵用料上乘，真材實料，比目魚煎得外脆內軟，而且好有魚油味，天使麵非常之圓滑，而且滿滿嘅菠菜忌廉汁，口感層次豐富。烤鹹豬手配椰菜烤鹹豬手不僅分量十足，味道更是剛剛好，不會過鹹。原隻打卡後，仲會將豬手切成小份，方便食用，肉質滑嫩，滿滿的膠原蛋白令人大滿足。搭配的酸椰菜既能中和油膩，又讓整體味道更加清新，這樣的配菜不僅新鮮，還增添了開胃的效果。整體上我真係好滿意，餐廳經常提供優惠，以實惠的街坊價錢享受到酒店級的美味，實在難得。

今晚同朋友去咗間荃灣一間小店食西餐首先係 做緊優惠$80的 西班牙蘋果黑毛豬安扒豬扒煎得啱啱好，外皮香脆，裡面仲好嫩滑，仲有少少肉汁，加埋蘋果嘅香甜，食落好開胃，我地揀左紅酒汁底，唔會覺得膩。伴碟嘅 薯蓉 都好好味，清清地可以平衡返。蕃茄濃湯一上枱已經聞到好香蕃茄味，飲落好濃郁，酸酸甜甜好開胃，仲有少少香草味，飲完成個人都暖笠笠。個湯仲配咗黑松露牛油麵包*，麵包外脆內軟，搽上黑松露牛油，香滑十足，點湯食一流！鮮菇蜆茄醬意大利麵意粉煮得啱啱好，口感彈牙，茄醬好濃郁，仲有好多鮮菇同蜆肉，食落好鮮味，份量都幾足，兩個人share都夠食。酥炸生蠔生蠔炸得金黃酥脆，咬落去好香口，裡面嘅生蠔仲好嫩滑，點埋汁食更加惹味，不過得三隻就有少少唔夠喉啦！總括來講，今餐食得好滿足，每樣菜式都幾有水準，價錢都算合理，下次有機會會再嚟試下其他菜式！

喺荃灣誤打誤撞搵咗呢間西餐小店～好欣賞佢個餐包，有三款唔同嘅包，暖暖哋仲好軟熟，而薄多士就係脆口嘅～配埋佢個黑松露牛油，好正～黑松露味好出餐湯係粟米濃湯，有粒粒粟米～個湯好Creamy烤紐西蘭羊仔架 羊仔架煮得啱啱好，見佢啲肉仲有少少粉紅色，唔會韌～薯蓉面層脆卜卜，入邊都幾重芝士🧀白酒忌廉煮青口配 薄多士份量都幾多，煮出嚟啲青口都有肉食～因為之前食過第二間餐廳係縮晒水😅蘑菇意式辣肉腸薄餅呢個薄餅係薄底，好脆口～蘑菇同辣肉腸都好多，辣肉腸少少辣唔會死鹹，同埋芝士好拉芝

呢日出開荃灣 經過見到呢間Cafe 坐朋滿席 等左一陣好快有位 見menu有lunch set 價錢都合宜 好快就上左餐湯同餐包🙂🙂個包有微溫 配合牛油係裡面 就好軟熟！💫烤安格斯西冷配紅酒汁擇左7成熟 牛扒勁厚切 肉質好鮮 配搭埋佢提供既醬汁食牛扒 勁開胃🤤💫芝麻雞翼炸得好香脆口 面頭有少少芝麻碎就令雞翼勁香💫烤中東包個中東包包皮好薄身 每咬一啖 裏面嘅餡料都唔容易跌出嚟 內裡夾住豬肉 什菜同沙律醬 勁好食🤤仲有炸薯角 同洋蔥圈配搭蕃茄食用😍仲可以食下沙律菜 🥤奶茶茶香奶夠滑, 不錯

同事last day，帶佢黎食呢間私家飯堂。麵包新鮮熱辣，黑松露牛油好食到暈，配濃濃雜菜湯同事好like。👉🏻西班牙海鮮飯海鮮非常豐富，有帶子、蝦、青口、白蜆，鮮味十足。蕃茄同甜椒融入晒西班牙米，唔會太濕啱啱好。👉🏻白酒忌廉煮藍青口配薄多士忌廉汁有淡淡酒香，多士薄脆香口，點汁食正。👉🏻蘋果木燒黑毛豬鞍扒$80無理由唔食，而且呢個特價菜式真係無揸流攤。厚厚一塊帶骨豬扒表面燒得香脆，內里仲保持粉紅色😍皮脆肉嫩就係呢啲。豬扒有肉汁，點芥末醬食好惹味。伴碟嘅芝士薯塊同紅蘿蔔都好好食。

荃灣呢間「Vision 8」個舖位都算低調，但啲菜式有板有眼，價錢唔算貴，同朋友食飯啱晒！1. 香煎帶子配牛肝菌意粉（$188）帶子煎到外脆內嫩，牛肝菌醬汁超香濃，夾埋意粉好夠味！帶子有成四隻，超級滿足！2. 是日餐湯（忌廉什菌湯）（$110兩碗）菌湯夠滑，菇味爆棚，飲落有啲松露香，冬天飲好舒服！3. 蘋果木燒黑毛豬鞍扒（野菌汁）（$80） 豬扒好Juicy！蘋果木燻到啲肉香噴噴，配野菌汁好夾，但塊扒唔算太大件，大食佬可能要叫多份炸蠔頂肚，不過做緊優惠$80已經算係超級抵食！4. 酥炸生蠔（3件）（$58）炸皮脆到嗦嗦聲，蠔肉又肥又鮮，點埋檸檬他他醬好開胃，抵食！ 呢度啲主菜有水準，特別係豬扒同炸蠔，價錢合理，可以encore！

想係荃灣區食間有質素嘅西餐一定會考慮呢間～除咗嘢食冇失望服務態度真係好到會令我想再去食過🤣今晚食咗個威靈頓牛柳完全係咬得爛唔會韌唔會鞋口個松露蘑菇醬配合埋個牛都幾夾個酥皮亦唔會太厚太飽好鍾意佢放喺旁邊嘅焗薯😆炸生蠔就當係一個前菜小食我個人最鍾意嘅係個比目魚菠菜忌廉天使麵個洋蔥味好香但又唔會太漏個天使麵係有口感唔係軟爛嘅麵最重要係個比目魚煎得超香冇特別調味不過塊皮係脆嘅！最後一定要講嘅係一開始個餐包同黑松露牛油都好正😆

荃灣人 🌆 大部份人都會識呢間西餐廳因為佢已成慶祝好去處 🎊 有精美甜品 🍰 又可以叫酒 🍷 見其他客人好多叫紅酒，發現～$180一枝 🍾 就可以Chill 嘆，幾抵玩！ 😌煙三文魚配千島醬薄餅 $158 🥓 每一塊三角薄餅一定會有一塊三文魚 🐟 薄餅上面就有芝士 🧀 撈千島醬、洋蔥 🧅 嘅配料，配搭很好，好食 😍蘋果木燒西班牙黑毛豬鞍扒 $80 🐖 門口仲係做緊 $80 🍽️ 蘋果木燒西班牙黑毛豬鞍扒餐 兩人限叫一份，但呢個豬真係相當好食 😋 有淡淡的蘋果木味 🍏！超厚肉 💪餐湯 每位 +$55 🍲 南瓜湯好Creamy，不錯 😌心太軟 $78 💖 做到入邊流心基本，最鍾意佢係新鮮熱辣上枱 🔥 仲配搭埋雪糕 🍦，可以令我有冷熱交融嘅味覺享受 🌈

係荃灣兆和街搭小巴，成日都經過呢間西餐🍴網上見到評價幾好，就揀佢啦！餐廳環境好有feel，好適合情侶或者一家大細去食/慶祝特別日子🎂🦀香煎蟹餅拌沙律配油醋汁 $148沙律菜新鮮爽脆，蟹餅切開入面好多一絲絲嘅蟹肉，蟹肉好香海水鹹鮮味！🍝香煎帶子配牛肝菌意大利麵 $188意粉軟硬啱啱好，又掛汁，帶子新鮮又大粒，煎嘅火候控制得好好，好嫩滑，好曬兩個人share!🥩烤美國極佳級肩胛牛扒(5成、野菌汁) $288牛扒質素好好，五成煎出嚟好多肉汁，咬落去外面脆口，入面juicy!配上薯蓉口感豐富！🥕跟餐餐湯x2 $110餐湯係羅宋湯，餐湯濃郁，用上大量蔬菜同火腿一齊煲！餐廳另收加一服務費🍽️Vision 8📍荃灣兆和街34號

今晚同朋友試咗呢間隱藏喺荃灣街角嘅西餐廳Vision 8，由頭盤到甜品都充滿驚喜🍞 餐包+黑松露牛油一上枱就聞到濃郁黑松露香氣！微暖嘅餐包外脆內軟，搽上自家製黑松露牛油，鹹香中帶松露獨有嘅 味道，未食主菜已經想encore多份包～🦪 酥炸生蠔（小食）** 炸漿薄脆，咬落「咔嚓」聲超治癒～生蠔保持爆汁嫩滑，完全無腥味，邪惡但停唔到口😋🍝 香煎帶子配牛肝菌意大利麵帶子煎到金黃焦香，中心保持半透明刺身級嫩滑👌🏻 意大利麵掛滿濃郁牛肝菌醬汁，每條麵都滲出菇菌獨特嘅味道，仲有微微松露油香🥩 烤美國Prime肩胛牛扒（七成熟）黑椒汁Prime級肩胛肉油脂分布均勻，七成熟火候掌握得剛剛好，切開粉嫩。肉質軟嫩帶嚼勁，黑椒汁辛辣惹味但唔會搶走牛香，配菜薯蓉面頭仲加上芝士～ 🍫心太軟配雲呢拿雪糕🍦壓軸甜品 一𠝹開流心朱古力漿澎湃湧出，濃郁微苦平衡甜度。熱辣辣心太軟+冰凍雲呢拿雪糕，冰火交融嘅口感真係無得輸！ 🌟 環境暗調有情調，枱與枱之間空間感足，啱晒閨蜜傾偈或情侶約會。服務細心，上菜節奏流暢。每道菜式都感受到廚師對食材搭配嘅心思，絕對會再encore🫡*（溫馨提示：晚市幾full，記得訂枱呀～）📍