Via Tokyo

营业中

休息中

食左雪糕頂部發現入面係空心，即時同店員反映點解會咁，係咪唧漏左，但係店員話咁樣做係避免個雪糕筒會淋。相反左邊嗰杯有topping既係實心，店員解釋話因為有topping所以就唔可以空心。請問點解有topping就可以由得個cone淋，冇topping就要空心？簡單啲來講即係偷工減料，店員亦都唔肯承認係自己唧小左雪糕，開店到而家都有keep住幫襯，以前都唔係咁嘅，對而家嘅做法好失望。利申: 當初係想問清楚點解會咁，到店員發現自己講野前後矛盾，就話補一杯雪糕俾我，我唔係想R着數，所以並冇接受。如果大家唔介意偷工減料嘅話，雪糕本身冇罪係好食既🙃

好耐之前前食過呢間，覺得啲抹茶味既野真係好正！！！勁好味！當然我自己都鍾意食抹茶既。跟著見佢尖沙咀開左間，又走去食，感覺上第一次食永遠都是最好的感覺😂但尖沙咀果間好似已經執左。我同啲fd都一樣鍾意食抹茶既，有個就由吾食都變食😂今次就叫左三個set，加錢轉左cake，先講雪糕先。雪糕味道由右至左分別係奶茶、焙茶同抹茶。我地都覺得奶茶同焙茶係好味好多，焙茶會再優勝啲，跟著cake就係焙茶同抹茶味，中間夾左層黑糖麻薯，但偏硬，我哋都覺得一般，唔多喜歡。其他枱食客直頭食剩呢層野😂焙茶巴斯克蛋糕味道好濃，cake都幾好味唔錯的！不過，佢嘅野飲真係搞唔掂（冇影到）！我地加錢轉左焙茶latte，抹茶latte，仲有一杯照跟餐茶，但都係叫焙茶。先講下杯焙茶latte，係甜架！我真係接受唔到，勁難飲！個甜味仲要好假，好似代糖果種甜咁。跟著杯抹茶latte其實都唔咪話好好，呢杯係會有啲回甘既。而最好飲既係跟餐既焙茶😂真係茶，唔甜😂

轉登來吃好靚嘅卷蛋，忌廉好重抹茶香，質地又滑又實在，不過忌廉唔係流心來。個蛋糕都好軟熟，夠濕潤，做型好靚，包得好靚，份量都足夠，唔會太大舊太飽。環境都幾靚，服務唔錯。

小編隔咗好耐二訪呢間主打日式抹茶甜品嘅小店，所有嘢依然保持水準😍身為抹茶控真係冇理由錯過呢一間😎每次打開個menu都要糾結勁耐，因為每樣甜品都實在太吸引🥹.🍰抹茶芝士蛋糕 $68味道冇想像中咁甜，茶味偏濃但又唔會苦🤪中和返雪糕隻甜就啱啱好😚不過整體黎講又唔會太突出😎.🍃蕨餅抹茶牛奶雪糕 $56抹茶牛奶雪糕陣味完全就係日本食開嗰隻又唔會融得太快🫣 蕨餅好煙韌，唔會好實好似咬泥膠咁😋.💰人均消費～$70.🍽味道：3/5🏙環境：3/5👨🏼‍🍳服務：3/5💧衛生：3/5💰價錢：3/5

銅鑼灣食完飯唔夠飽，走左去排 Via Tokyo。店細細，又好多人鍾意，所以基本上都一定要排隊。同朋友一人一杯奶茶雪糕，係好味嘅！我個杯加上焦糖火生，口感好好，中間係雲尼拿雪糕，底有少少jelly。食完真係飽肚。本來諗住外賣罐裝蛋糕，掛住食都唔記得左件事。要再去囉。

相信大家對佢地嘅綠茶電糕都唔陌生 但我最鍾意嘅係佢地嘅巴斯克芝士蛋糕🥰今次叫左一個表參道套餐 ($72)🍵 𝐺𝑟𝑒𝑒𝑛 𝑇𝑒𝑎 𝐿𝑎𝑡𝑡𝑒 (+$15)綠茶濃郁 香滑綠茶同奶嘅比例平均 奶味唔會過重帶少甜 但可以接受🍰 𝐻𝑜𝑗𝑖𝑐ℎ𝑎 𝐵𝑎𝑠𝑞𝑢𝑒 𝐶ℎ𝑒𝑒𝑠𝑐𝑎𝑘𝑒 (+$8)蛋糕好滑 中間真係做到半熟嘅效果芝士味道唔會蓋過焙茶味 啱啱好 唔會食到芝士嘅酸味 令濃郁焙茶味更突出非常出色 啱晒我嘅口味💚十分推介👍🏻👍🏻不論鍾意焙茶定綠茶嘅你 都一定唔會失望以前比較多去嘅尖沙咀分店已經結業銅鑼灣店環境比較細 座位空間較狹窄 未必適合慢慢享受但為左個𝐁𝐚𝐬𝐪𝐮𝐞 𝐂𝐡𝐞𝐞𝐬𝐜𝐚𝐤𝐞係值得嘅!😎

對上一次食via toyko應該已經係幾年前😂今次再食覺得雪糕份量少左好多(saddd😿)✨黑糖麻糬宇治焙茶半熟芝士蛋糕✨ $68 👎🏻本身睇到menu係巨期待呢個蛋糕🍰🤪首先個焙茶味係有喺度嘅不過不失嘅濃度啦但蛋糕個質感都幾硬下🤛🏻同半熟蛋糕有段幾大嘅距離喎😨最失望係個麻糬😞😞😞完全係0韌度(有片有真相）☹️個質感係生嘅年糕咁🤣🤣好似食緊擦子膠咁✨紅豆白玉抹茶雪糕✨ $57白玉好食😋終於有煙韌嘅感覺👅抹茶雪糕🍵🍦好濃🥰係好杰撻撻嘅雪糕好正甜度都有唔會話好重回甘味✨紅豆糯米糍焙茶雪糕✨ $57糯米糍都幾好食😌焙茶雪糕相對地比較甜☕️🤭茶味都有嘅但我就鐘意抹茶味多d

This place needs no introduction- I always come here when I crave the creamiest richest matcha soft serve 🍦But this time I wanna talk about their new sake flavour soft servePrice: $58The soft serve was a little icy for me, but maybe sake is quite hard to emulsify into soft serve. The flavour of sake was strong! But I still prefer their matcha soft serve overall

呢間via tokyo 已經屹立喺銅鑼灣好多年，由以前到而家，一到晚飯後時間，就會有條人龍喺出面等。企鵝妹隔左幾年冇食，嗰日同一班朋友翻去再品嚐茶味甜品🍵⭐️Cremia 三色雪糕窩夫 $78 (7/10)一睇menu 就想叫呢個，因為可以食齊cremia抹茶同焙茶味。Cremia 係本身品牌雪糕嘅味道，奶味好滑好香，焙茶同抹茶都係呢間店嘅signature，當然都有一定水準，茶味濃微苦唔會過甜，啱晒唔好甜嘅人。但呢個甜品最大嘅扣分位係溶得太快，其實相片係佢啱啱上枱嘅樣子，已經見到雪糕開始溶了，再過多一陣，就變成雪糕醬，感覺如果雪糕質感控制得好d，會係一個出色嘅甜品🍦⭐️焙茶麻糬巴斯克芝士蛋糕 $68 (5/10)見到menu上呢個蛋糕好吸引，所以企鵝妹同友人都非常期待，焙茶味一如既往地濃，芝士蛋糕亦好creamy，但問題出於麻糬，唔知係當日雪得太耐定點，好硬亦唔煙韌，影響左成個進食嘅口感🥲⭐️抹茶Tiramisu $68 (7/10)Tiramisu質感幾滑，奶香同抹茶嘅苦澀balance左，呢個就正架發揮🐧企鵝妹食後感:對於多年後再次嚟到via tokyo，感覺有少少失望，好似水準不如以

我仲記得嗰日落雨我哋四個人一齊等位, 好好彩去到嗰陣我哋係第一個排隊, 加上夏天又熱又濕濕粒粒好想食雪糕… 我哋等多10分鐘到, 點知開門有個金色頭髮嘅男仔叫我哋分開枱座。。 我哋問返佢嗰兩張枱係咪隔離㗎？係都唔緊要啦！點知佢同我哋講因為太多人呀，嗰兩張枱要瞓到好開😮‍💨 你唔想做生意就早啲同我哋講啦！等咗一陣，你明知我哋四位，你而家先講？！都算啦我哋再等！之後就例牌叫咗啲甜品咁啦。。。點知食到一半有個年紀大少少嘅姐姐係咁行過嚟我哋張枱度！我哋都諗緊究竟佢望乜，原來係咁望我哋食晒啲雪糕未，好想收我哋啲嘢食！佢望左三次，佢忍唔住終於開聲問我哋食晒未？喂大佬呀你都見到我哋未食完喇！你仲問咩啫？你問咗係咪代表我哋要快啲食咗佢？完全冇禮貌囉！成間舖頭都搞唔掂囉！加上你哋啲雪糕又唔係特別好食，我哋係唔會再幫襯！簡直係貼錢買難受！就算你哋啲雪糕再好食都好，咁嘅服務態度實在太趕客！

外賣自取抹茶芝士蛋糕,店員沖完其他客人飲品後直接用一直帶著的手套徒手將蛋糕拿起放入外賣紙盒中間眼見帶著那對手套已接觸很多地方隨後要求換過一件 他們才利用廚具砌另一件

今日下午路經，見到店內好多位，入去叫咗個套餐，好食抵食。所以就買兩件抹茶蛋糕外賣返屋企食，見到店員帶着對藍色工作手套，隨即用手攞起件蛋糕放入盒包裝俾我，佢帶住對手套工作，接觸過其他碗碟及物品，然後再攞蛋糕俾我，我覺得好唔衛生，係咪應該用個鉗夾蛋糕會衛生啲！

銅鑼灣Via Tokyo有個短頭髮、戴圓眼鏡嘅中年女士店員，態度極之唔友善，幫人落單唔講嘢，直接西面兩隻手攤開望住我，示意我開聲先。之後亦聽到佢呼喝其他員工及客人。而且杯雪糕求其吱，又唔好食，同以前嘅質素完全兩回事。建議管理層改善下員工服務態度以及食物質素問題，否則好趕客。

要了一個雪糕蛋糕茶set,抹茶卷，牛奶雪糕，雪糕有麻署及紅豆伴，質素中等，抹茶卷還可以，可以再鬆軟新鮮一點更好，唯茶不錯，感覺這個價格,份量和質素可以更好呢！❤️

銅鑼灣呢間甜品舖新出左日本甘酒酒粕軟雪糕，作為Via Tokyo嘅粉絲，一定要試啦！🍦 日本甘酒酒粕軟雪糕 $58 (9/10)使用天之粒酒粕製造，聽落好似好高級好犀利咁🤣甘酒味道好香濃，好純粹嘅酒香，一啲都唔會苦，唔會太甜，有回甘嘅感覺，就算唔太鍾意飲酒嘅人都會覺得好香好好食！隔離一粒粒嘅方形質感偏硬身，都係帶少少煙韌，冇乜味，脆米增加左雪糕嘅口感！鍾意飲酒嘅人一定要試啊！推薦指數: 10/10真心超級高質嘅日式甜品，超級推薦大家去食😆