Via Tokyo

营业中

休息中

抺茶控🙋🏽‍♀️🙋🏽‍♀️🙋🏽‍♀️呢间都食咗好多年lu,都系一个抹茶控既好选择黎。红豆白玉抹茶雪糕$54（〰️有时外卖价有8折就会抵食啲）雪糕好挺身唔易溶，抹茶味够浓厚，乳脂充足，回甘无苦涩，甜度都算适中。d丸子🍡都有茶味口感ok。依家得番一间分店lol。

最近我完全系疯狂地迷上焙茶同抹茶。❣️唔知呢到有冇焙茶控同抹茶控呢🖖🏻～ 今次嚟咗呢间位於铜锣湾主打自家制抹茶甜品嘅小店试下🤣 由於系小店，所以店内位置唔太多，所以会见到店外keep住有条小人龙排紧队!! 店内嘅装饰都几有日本风味🇯🇵--✨焙茶半熟焦香芝士蛋糕🍰 $48其实我一直喺抹茶芝士蛋糕同焙茶芝士蛋糕中犹豫不决🥺 因为两个都好吸引，两个都好想食🥲 焙茶芝士蛋糕嘅感绵滑，芝士味都几香浓。食落都有焙茶味味🍵，但个人觉得可以再浓嗰再浓啲🤣 (超锺意焙茶嘅人应该会明白🤣-✨三色雪糕窝夫🍦 $69呢个雪糕有齐抹茶，焙茶同埋牛乳三款味道，最适合有选择困难症嘅我( ˶¯ ꒳¯˵) 抹茶雪糕🍦嘅抹茶粉系选用京都抹茶粉，所以抹茶味都几浓。加上雪糕系用北海道3.6牛乳而制成，所以感较软滑🤣 反而焙茶味比较无咁浓烈，同偏甜🥲 另外仲有唔少配料，例如红豆，白玉同埋粟子粒🥰 相当丰富，啱晒share一齐食( ⋅֊⋅ ).ᐟ.ᐟ

食完lunch去咗呢间食甜品好好彩平日去唔使排队就有位可能天气热，食咗劲多嘢试咗一款甜品套餐同埋嗌多咗蛋卷套餐有煎茶、芝士蛋糕(+$5)、蕨饼同埋软雪糕芝士蛋糕几软身，茶味够浓、唔会好甜唔锺意太重茶味嘅可以加啲cream食落亦都唔会好腻软雪糕拣咗抹茶同牛奶mix唔会好甜，配搭几好入面有啲白玉同埋红豆蓉食落口感唔错蕨饼有得自己落粉同埋糖浆略嫌有啲太甜，同埋太黏最锺意系套餐入面嘅煎茶，茶味唔会太重食甜品啱啱好净系套餐嘅甜品有啲唔够喉，另外再嗌左款蛋卷自己觉得蛋卷有啲太实，唔够松软不过味道几好，焙茶味都够整体唔错不过环境有啲细，坐得有啲辛苦有机会会试埋佢其他甜品

ғᴏᴏᴅɪᴇ ᴛɪᴍᴇ 今次食咗Via Tokyo 一间食日式甜品既小店，星期日晚大概等左20-25分钟先入到去🤓Cremia 3 favour waffle($75)有三款雪糕，分别系cremia牛奶、抹茶同焙茶😆cremia既牛奶味真系最出色，好香浓牛奶味，食落又重奶味又好滑🍼至於抹茶同焙茶两款都好够茶味，唔会太甜🥳而且佢系属於厚身啲嘅雪糕，我就几中意🤤仲有三粒白玉同红豆，加埋一齐好日式⛩Matcha roll cake($40) 卷蛋唔系好大，啲cream 同蛋糕都有抹茶味，不过比起Jomo 个个冇咁抹茶，冇咁有回甘味🤪蛋糕都好松软，仲加埋啲雪糕咁食，好正🥰

ғᴏᴏᴅɪᴇ ᴛɪᴍᴇ 今次食咗Via Tokyo 佢有好多唔同嘅甜品，今次就叫咗个set，又有野饮又有雪糕同蛋糕🍰表参道套餐($96)佢既雪糕真系好出色🥳抹茶味好香浓，又唔系太苦或者太甜😋再加埋啲红豆甜甜哋咁😚啲白玉仲要好好味，好烟韧🥰佢嘅拿破仑就一般，唔特别好味，但系影相就好靓😆侧面仲要见到有几层，有绿色💚有白色🤍至於焙茶既味都几浓，最好就唔好夜晚去饮，因为有机会瞓唔着😆

😋味道：7.7/10📸打卡：7.5/10🗣服务：7/10🏡环境：7/10💵人均：$50-80💰性价比：6.5/10👍🏻推荐度：7/10🏃🏻‍♀️回头率：30% .🐼呢间抹茶甜品店出名左好多年了ʕ •ᴥ•ʔ一打开menu全部都系软雪糕🤤虽然佢系以抹茶雪糕出名 但我比较锺意佢嘅抹茶芝士蛋糕🤣同埋以呢个价钱嚟讲 啲甜品都几细碟🥸个人觉得唔太抵食🥲不过锺意抹茶嘅朋友仔真系要试吓（尤其佢个芝士蛋糕😆）.（👍🏻为推荐）🍵🍦白玉红豆抹茶雪糕 $54 (7.2/10)都算系招牌之一！雪糕的确几滑 不过抹茶味唔算系好香浓 偏甜 红豆都好甜haha 系唔差嘅 不过唔算好惊艳 不过不失😮‍💨👍🏻🍵🍰宇治抹茶芝士蛋糕 $48 (8.5/10)呢个有惊喜❣️一食落口有阵阵香浓嘅抹茶味 慢慢食落就渗出芝士味 口感𥺦𥺦地唔会好实都唔会好松散🤤overall系好浓味但又唔会好漏😌系会一路想继续食而唔会食到好济嗰种甜品😆.

早几日收工食饱饭谂住系附近揾间甜品食下 见到Via Tokyo食抹茶为主 唔洗问即刻入去试下 入到餐厅 环境都Okay 睇完餐牌 两个人商量好Share一份甜品 (岩岩食饱饭谂住过下口引) 行去柜位落单 个服务员先话最低消费一人一份 咁我地都已经即刻话落住一个先 再商量下要多一个咩款 个服务员竟然话「咁等你地谂埋要咩先一次过」 其实间舖头本身无写明有最低消费 而我地亦觉得有都无问题 但态度可以好少少 即使个雪糕几好食都唔会有下次 更何况个雪糕都只系普通抹茶雪糕 无特别好亦无特别差咁解👎🏻

好耐冇食Via Tokyo 喇~ 自从尖沙咀分店结业, 九龙人就少左机会食佢。佢最出名系抹茶焙茶甜品，相信好多人都食过! 我地叫左下午茶两个人分享食, 份量都真系几多, 几抵食! 有齐抹茶卷、蕨饼、软雪糕(可选牛奶/抹茶/焙茶/牛奶mix其中一款茶)、日本煎茶或焙茶。冇食一牌软雪糕依然保持水准，有香浓茶味又好香滑~ 抹茶卷中间奶油层有少少冰感，同唔会好漏。最正系蕨饼，配有黑糖浆同黄豆粉，质感系超软超烟靱又唔黏牙! 食完饮返杯随餐热煎茶~就够晒满足~~

事缘我哋想食完饭食个简单嘅甜品，我知道呢度有一间抹茶焙茶好出名嘅甜品舖, 就决定入去试吓我哋坐低见到Menu之後就决定叫一个蛋卷同埋一个雪糕，点知我哋揭到後面见到有一个set ，见到都有雪糕同蛋卷但系多咗其他嘢，以为系一个抵食啲嘅选择，所以就叫咗佢特登喺OpenRice cap左图，等大家评下理。。。点知嚟到觉得O晒嘴。。 点解可以差咁远㗎个雪糕。。。虽然想睇好似都几大个但系实物睇佢细到不得了。。明明相片系差唔多有四五层嘅雪糕，而且比例上雪糕碟应该同其他嘢食差唔多大，点知实物睇雪糕碟特别细，用旧白玉来比较就知道。。都好意思放张咁嘅相上嚟。。虽然话图片只供参考，但系已经去到有误道嘅成份。。虽然朋友都话系咁㗎喇冇办法，但系我觉得既然放得喺Menu唔应该差得咁远罗。。已经唔系个样靓唔靓嘅问题。。而且老实讲都好冇诚意个蛋卷都唔系动起俾我哋。。啲相影极都好丑样。。。唔多唔少都关个份量事。。同埋我想讲设计呢个set嘅人到底想点, 冇人想来饮茶罗，整到个雪糕咁细个茶煲咁大。。完全唔可以接受，同埋其实雪糕佢哋都唔使用好多钱唔明点解要咁小家比只咁细嘅碟。。。。 食四五啖就冇，如果唔系呢张相我一早分开咗叫

港岛吃货系列🎏 — ViaTokyo✨抹茶控要试试💚#90cp铜锣湾篇 #90cp甜品篇➖➖➖➖➖铜锣湾除咗好多食冰店之外 其实亦都有唔少其他甜品舖😎 呢一间Viatokyo n年前已经嚟食过 近排就嚟回味下👅 点知完全唔记得10点完堂食 所以好赶急咁食咗个雪糕就走左佬🤢美味指数 😋: ⭐️⭐️⭐️⭐️环境指数 🏖: ⭐️⭐️⭐️服务态度 👨🏼‍🍳: ⭐️⭐️⭐️⭐️翻兜指数 💫: ⭐️⭐️⭐️⭐️(五粒星为满分💯)✨ 白玉抹茶云呢拿雪糕 $49好彩叫咗两沟😂 小编过嚟觉得佢嘅抹茶雪糕味道非常浓郁 如果你系抹茶控嘅话应该都会几锺意🤤 但系如果你唔锺意太浓郁 可以好似小编咁叫抹茶牛奶味 有牛奶味中和返 食落都唔会太甜真系好正😍💰Total: $49✅ 整体嚟讲如果你未黎过嘅都值得嚟试下😆 小编都唔会想再嚟试埋佢嘅焙茶味😎💡温馨提示💡店内嘅位置唔算太多 有机会要等位 大家要自己预返时间啦🤣➖➖➖➖➖📍 Via Tokyo (铜锣湾)铜锣湾礼顿道106-126号礼信大厦地下1A-1B号舖

呢度嘅抹茶雪糕闻名、其後出咗芝麻同焙茶味。响几年前我每个星期都会嚟食一杯，基本上是晒佢哋成个餐牌上多款食物。不过隔咗咁多年，兜兜转转试过好多唔同新舖头，之後再经过帮衬，觉得呢度嘅茶味已经冇以前咁香浓，剩下嘅系一啲好甜同多奶嘅味道，觉得冇以前咁出色。 唔知系我口味变咗，定系舖头改咗配方。食嘅都只系回忆

Set:抹茶卷🍵+抹茶焙茶软雪糕🍨+日本煎茶🍶$78 （7.5/10）⁣食左野嘅关系，所以我地一齐share左一个细set 💚所有甜品都偏迷你😎⁣⁣🍦🍦软雪糕可以拣双茶味/焙茶/抹茶🍵☺️，雪糕超软滑，充满奶味之余带啱啱好嘅茶味。但就比较易溶，记得要快啲食！⁣⁣🍰抹茶卷嘅蛋糕系偏实质地，整体湿润而且抹茶忌廉好厚重，唔会食落好似食空气咁🥰！抹茶味取中间位，带微回甘亦唔会过浓。⁣⁣煎茶个壶超靓🫖🫖，茶味超甘浓😗。食晒成set野再饮埋依个茶，可以解腻之余仲可以带住成口茶香走人🤪🪄⁣⁣

绿茶味既Via Tokyo就食得多！所以今次简左焙茶味～😉😉大多数茶味雪糕会系甘味比较重既~但依间焙茶味雪糕比较甜，可能系奶比较多，要落到喉咙果下先有甘味～茶味唔算好出, 所以对於一个茶味雪糕控既人黎讲真系唔系好够喉呀~~不过D白玉就可以中和番雪糕既甜味~所以食咁大杯都还可以~佢最好食既系D红豆!!!好彩佢比左好多我JAR!!虽然店铺既座位坐得比较近但又唔会有茶记好迫既感觉~成间店以木为主,感觉都好CHILL 既~

平时净系食雪糕，今次想试下佢个表参道套餐 (˶‾᷄ ⁻̫ ‾᷅˵)咩都有啲咁好似好开心咁哈哈哈🔻表参道套餐7 ($78) 🍵个set有雪糕、卷蛋同埋热茶，味道可以拣焙茶/抹茶焙茶雪糕够茶味得嚟又够creamy，面头啲玄米脆脆好香🤤仲有两粒白玉，其实无乜味但胜在有啲烟韧野咬下😂抹茶卷蛋相对之下较失色，好普通的一件卷蛋，无咩特别评价，下次都系食返雪糕就够🤫我觉得壼热茶其实几好😂因为啲雪糕食多几啖就会冻到条脷无左味觉咁。呢个时候饮返啖热茶，再食雪糕就有返味啦😂😂

.喺铜锣湾食完饭之後，有时都会想食吓甜品，氷屋就食过几次，第二间谂到嘅就系Via Tokyo，所以今次就去依间黄店食下抹茶雪糕！.蕨饼抹茶蛋糕（$56）• 小编拣咗嘅系抹茶雪糕配红豆同蕨饼。雪糕🍦唔知系咪因为多抹茶嘅关系，佢系冇咁容易溶架。不过口感好软滑，抹茶味好香浓。红豆蓉配埋雪糕一齐食，可以增加少少甜味同减少抹茶嘅苦涩味，可以话系Perfect match。而蕨饼都整得唔差，口感有少少Q弹，不过唔够顺滑。下次我都系拣返白玉🍡好似会好味啲。.其实焙茶嘅茶香更香甜，但系抹茶轻微嘅涩味又好吸引，你哋会拣焙茶定系抹茶呢？.餐名：以上价钱：$56评分：8.5/10餐厅：Via Tokyo (铜锣湾)地址：铜锣湾礼顿道106-126号礼信大厦地下1A-1B号舖