Up a Notch Homemade Pasta & Pizza (已搬遷) 新店位置

今日要素食，在open rice看到這間有些素色薄餅，點知今日午餐內沒有素食餐，問了他們可以代為安排，真係好窩心. 先來湯及沙律，紫色薯顏色好靚，而沙律味道清新，菜也很新鮮四式芝士薄餅好正，剛剛焗出嚟，非常脆口，配合芝士味道十分之夾😋😋這個是特別安排的，午餐是沒有這個，蒜片炒得好香，妹妹十分喜歡，她是專程為這個而來😋😋😋，幸好他們肯安排👍🏻👍🏻👍🏻最後當然少不了咖啡😋😋😋結帳時又有驚喜，有折扣優惠 9折（即免了加一）

呢間餐廳嘅Pizza點都要試吓，因為係手工pizza。我哋叫咗一個。佢係長方形，有八件。辣肉腸pizza好食😋但係佢又唔講呢令到你越食越食濟。pizza 嘅料唔算多，但係味道有相當之夠。辣肉腸辣辣地、鹹鹹地，Pizza個底幾香脆。牛扒叫咗封門柳，見到好多人都推介。估唔到又真係相當唔錯！呢個有水準，牛肉肉質好食，配菜有薯角及沙律！薯角又估唔到幾好味～小食有水牛城雞翼，估唔到熱辣辣又脆脆地，味道辣辣地，面上有香草🌿

餐廳環境幾好，裝修夠新；而且坐得舒服。食物中上價錢。我哋揀咗小食：水牛城單骨雞翼$68。呢個整得幾惹味，好入味；而且單骨雞翼食得夠方便。另外，叫咗辣肉腸pizza$138。我覺得有驚喜，幾好食。鍾意新鮮焗起，而且芝士分量剛剛好。辣肉腸同埋少少肉幾夾，味道唔錯！主菜叫左燒封門柳$248呢一隻肉係特別嫩滑。叫咗五成熟，肉汁夠多，切開紅紅地好靚。牛味夠香，好食！兩個人食非常足夠。飲品散叫咗個洋甘菊茶，慢慢飲傾吓計。

難得聖誕佳節，所以從uber eat叫外賣。開開心心點了二十四小時慢煮豬腩肉，可惜換來只是一塊完整的廿四小時慢煮脂肪。整塊豬腩肉完全沒有肉的部份，只是一團脂肪，吃下去的感覺很嘔心，脂肪溶解的味道令人想吐，完全沒有一點肉的纖維，唯一值得讚賞的，是脂肪的外層很脆，只可惜不能入口。除此以外，他的份量與網上其他食評完全不同，份量只有五厘米x五厘米x五厘米，但是這餸價值207元正，總括而言，收到這樣嘔心的食物，極度失望。

疫情的關係很多的節目相繼取消，又無得去旅行唯有留港消費。D2 PLACE 一直以創意市集集中地為主，附近都有不少CAFE、日式小店及連鎖食店進駐。看過不少精品之外，途徑【Up a Notch】，之前四人限聚的關係，真的開心呢？估不到現在卻沒有晚市。希望聖誕時可以有回晚市堂食。【Up a Notch】原來以手工意粉及薄餅最出名，無論主菜、小食、意大利飯等都極具吸引力。食物質素高，但價錢相當貼地而且地方相堂舒適。Buffalo Wings $68水牛城雞翼一直以酸酸辣辣，開胃小食為主。雞翼以單骨令客人食得方便又惹味。開胃的小食份量適中，4人食用剛剛好。松露薯條 $58即叫即製，熱騰騰並以粗身的薯條 富有口感。旁邊配上松露醬，令人食指大動。香煎鳳尾蝦 $88鳳尾蝦香煎過後味道濃郁，而且有少許蕃茄味道，美味極了。U.A.N. 手工薄餅 $208手工薄餅是餐廳推介之一，長方形的尺寸有別於坊間圓形嘅設計，而係呈長方形的薄批，口感薄脆。U.A.N. 手工薄餅 配上番茄醬、Burrata Cheese及Prama Ha，巧頂層再放上Burrata Cheese，切開後呈現流心狀，相當美味又吸晴。煙豬面

//D2 Place新開西餐廳🍴//去荔枝角搵朋友食飯，朋友搵咗呢間新開係D2Place一期嘅西餐廳，一行四個人（之前仲係限四人嘅時侯）叫咗以下幾樣嘢🤰🏻👇🏻原來叫咗兩紅兩白😂😆·✨洋腸派對🍕（腸，腸同腸薄餅🤪）R $138呢款係regular size(7x11吋)，另外仲有大size(11x11吋)個名顧名思義姐係香腸啦，用上三種唔同嘅香腸，係薄嘅脆pizza底肉醬濃，又夠多芝士🧀唔錯😍·✨黑鑽（松露蘑菇流心蛋薄餅）R $128幾多蘑菇，仲有好多火箭菜，睇唔到佢嘅流心蛋係因為已經分佈係薄餅上面呢款清新啲，特別少少😝朋友話最鍾意呢款😝·✨鮮牛肉醬配自家製幼麵🍝 $108肉醬意粉🍝正常唔伏，肉醬份量夠多，意粉係較幼身嘅spaghetti， 個人喜好正常size嘅意粉🤤·✨黑松露野菌配自家製闊麵 $118黑松露闊麵口感好過普通spaghetti，有咬口幾好，唯醬汁唔太多，松露味不夠強，份量可以再多啲🤤·✨松露薯條🍟 $58永遠都冇得輸嘅配搭！份量好多，薯條係粗身個隻👍🏻松露醬都係正常嘅質素😚·✨湯/沙律🥗羅宋湯，有牛尾，味道幾濃唔錯沙律拌黑醋·🌟價位正常，價錢包湯/沙律同埋野飲，食物質素

因為限聚令，很久沒有約朋友聚餐了，難得今晚happy Friday，可以放肆一下~地點遷就朋友選擇了在荔枝角的D2 Place，聽說這裏有間新開的餐廳， Pizza以及意粉都是自家製成，好吸引呢~ 所以今晚就選擇這裏落腳店子裝修簡約而且時尚，每張枱都有透明隔版，確保吃得放心又放鬆。餐牌有意粉、意大利飯、Pizza及小食等等，還有每日精選的特色食品。燒封門柳 (12oz) $248來之前早就被相片所吸引着，一來到就決定要點這個，封門柳選擇了五成熟，非常幼嫩，外層亦燒得好香脆，牛味香濃，預先幫客人切好好細心，而且沾上鹽粒或者醬汁都好好吃。U.A.N. 手工薄餅 $208因為我哋有四個人，所以選擇了L size，Pizza已經預先切開9份方便食用。中間白色一大舊係半溶嘅Burrata Cheese，仲有Parma Ham，Tomato sauce，呢個配搭好正，食到香濃芝士同蕃茄味，Parma Ham又不會偏鹹。我最鍾意係佢嘅餅皮，軟硬適中而且夠脆身，食得出師傅功架。Buffalo Wings $68外型看起來好像韓式炸雞，原來是一字骨雞翼，Buffalo醬汁帶點微辣，令到雞翼好惹味，忍不住

曾經住過荔枝角，曾經非常唔鍾意呢個地方，而家久不久都會過嚟行吓。 仲好記得嗰陣時荔枝角乜都冇，想搵間好少少嘅餐廳都冇，D2 place開幕後，都搞咗好耐先至到今日有返啲起色有不同嘅餐廳進場。以前剩係得間西班牙嘢同日本嘢就撐晒成個大局，而家唔同哂。喺呢個商場，走肉素食研究所係我bookmark咗好耐嘅餐廳，廚十三又係想食好耐都未去到，呢一晚先拔頭籌試咗一間身邊幾個朋友都讚嘅Up a notch。首先要講餐廳位置有啲入，不過就正正係走肉素食研究所後面。餐廳都幾大，而且路線唔似係太貴，最重要係個廚，來自廚魔Bo innovation，你未食已經有啲信心啦。可惜當晚要揸車，唔係飲Cocktail飲下酒應該會開心啲，叫了兩杯mcoktail，老婆個杯牛油果沙冰，完全係佢嘅心水，至於我杯沙冰，不過不失。 牛油果帶子塔，你無聽錯又係牛油果，一個人追求口味嘅極致，飲完杯野都唔夠，都要點多個帶子塔做前菜，幸好，幾好食。 前菜出色的有海紅蝦薄切，幾得意，夠新鮮，未試過呢種口感。 水牛城雞翼同黑松露薯條都係最精彩的送酒物，L先生杯白酒，令我十分眼紅。 UAN係呢度嘅推薦，好多鬼佬自己都可以

同朋友係D2 Place買完寵物玩具, 順便食埋晚餐. 呢度裝修好靚好精緻, 感覺好舒服, 服務唔錯, 會詳細介紹餐牌上面既食品, 仲好有禮貌, 值得一讚! 旁邊就係港鐵站出口, 非常方便.U.A.N. Pizza (番茄醬, 布拉塔芝士, 巴馬火腿)第一次食布拉塔芝士, 濃濃芝士味, 巴馬火腿都好香, 配搭得宜. 薄薄既餅底焗到卜卜脆, 份量雖然比想像中大, 但係好好食, 所以都可以食得晒.燒封門柳 (Hanging Tender)啱啱好五成熟, 肉超級嫩, 仲係粉紅色, 而且已經切好一件件, 好細心. 配埋秘製醬汁, 一流!松露薯條松露醬味超濃超香, 薯條即叫即炸, 外脆內軟, 熱辣辣, 差D辣到條脷.

聽聞呢一間餐廳係新開嘅，但人氣極高，所以好想試，不過位置有啲唔方便，都唔係咁容易搵到，但一入到去個感覺就好似去左外國咁，啲櫈全部都好似designer chair咁，而每一隻碟嘅圖案都係唔一樣，仲有個假鹿頭做裝飾，高級味十足。佢嘅嘢食都非常之特別，我哋叫咗個牛油果配帶子塔、牛封柳、龍蝦麵、蜆配天使麵，仲有個Pizza。個牛油果同帶子係絞碎再砌返成一個塔，食落去口感好清新好開胃嘅一個前菜。牛封柳就非常之矜貴，因為每一隻牛，都只得好細嘅一個部份，肉味非常之重亦絕對唔會有「咋」，但一定要叫5成或以下，先至享受到佢嘅味道。個龍蝦麵真係冇得頂，先唔好講啲麵係自家製，因為佢個汁係用龍蝦頭熬製，所以每一啖都充滿着濃厚嘅龍蝦味，而其餘嘅龍蝦部份就用咗慢煮嘅方法，絕對唔會有「銀」嘅感覺，反而非常之爽口！而蜆係時念嘅，所以每一次嘅蜆都會唔同。而pizza係薄皮嘅，我最愛，再加上意大利嘅水牛芝士，再加埋火箭菜同埋parma ham，又再一次重拾去咗外國嘅感覺。

係荔枝角返工既我，D2既餐廳都已經食到厭，最近見到有間新開西餐廳，裝修好靚，餐廳以藍色為主調，格調高尚，感覺柔和，而餐廳主打手工意粉及薄餅。U.A.N. Pizza 主打當然要試，Pizza有兩個尺寸選擇，有regular和large兩款，我們點了regular，也有8件咁多，好抵食，材料有burratacheese，巴拿馬火腿，蕃茄醬，burrata cheese口感很好，奶味香濃，唔算太重芝士味，餅底夠薄夠脆，餅底厚薄適中，口感及味道相當不錯，質素非常高。黑松露薯條 薯條炸得非常鬆脆，乾身而且不油膩，外脆內軟，配埋黑松露醬，非常惹味。

荔枝角D2place剛開了一間「Up A Notch Homemade Pasta & Pizza 」主打手工意粉及薄餅，而且看報導說大廚曾在米芝蓮三星餐廳學藝，聽到都已經好心動，馬上相約好友去食個晚飯。「Pesto Clams Tagliolini」鮮蜆香草忌廉汁配自家製幼麵，蜆肉鮮甜，幼麵有麥香，質地煙韌，香草忌廉汁好惹味，果然有大師級水準。「Black Diamond」黑鑽，其實是黑松露配蘑菇及63度雞蛋加火箭菜 pizza， 薄餅底很香脆， 蛋汁很juicy， 像在吃一個很高貴的黑松露餅乾。「Flat White」 咖啡套餐賣相很美， 連咖啡味道都不錯，香滑鮮奶再甘香咖啡，值得一試。「Cappuccino 」 這杯泡沫咖啡，奶味香濃，咖啡順喉，很不錯。

去D2 place行街，咁當然喺嗰個場覓食埋啦！行吓行吓見到間新開嘅餐廳，決定試試啲嘢食係咩水準先🤣。入到餐廳，空間頗為寬敞，感覺舒服；職員夠專業誠懇，會為食客解答各款美食嘅問題；而食物選擇亦不少，更主打手做意粉及薄餅，好有𝕗𝕚𝕟𝕖 𝕕𝕚𝕟𝕚𝕟𝕘嘅感覺。想知小弟今次食咗啲乜嘢，就睇下面嘅介紹吧！睇吓又啱唔啱大家口味啦😄雖然新開，不過誠意十足，除咗菜單上列明嘅食品之外，更會有數款是日特別菜式併食客選擇，務求帶多啲新鮮感俾我哋呢班識食嘅一群嘞😁

一班朋友好耐冇見，喺時候搞個飯局。揀咗 D2 place 嘅新餐廳。餐廳都幾有格調，環境唔錯。賣點當然喺每日新鮮手製嘅意粉同薄餅。燒封門柳 (12oz) $248如果打邊爐食過就知道封門柳有幾好食，絕對要試下用另一個方式享受封門柳。五成熟的封門柳呈現酒紅色，可以先試不加任何調味去享受原汁原味的封門柳，佢柔嫩的肉質和豐富的肉汁確喺一試難忘。24小時慢煮豬腩肉 $188層次分明豬腩肉有驚喜，經過慢煮的方式處理令肉質保持嫩滑且富有口感，脂肪位更加入口即化。最重要係油膩程度比起一般食到嘅豬腩肉少得多。蜆肉馬拉盞幼麵Special Menu中的食物，有冇得食睇你緣份。蜆肉鮮甜多汁，自家製幼麵口感獨特，盡吸馬拉盞的味道，充滿東南亞風味。Buffalo Wings $68單骨雞翼食得方便又夠惹味，酸酸甜甜辣辣既味道令你食完雞翼會忍唔住啜手指。松露薯條 $58薯條入口熱辣辣，粗身有口感，配上松露醬十分滋味。最後要提一提呢度嘅飲品，絕對可以用驚喜來形容。除咗紫薯特飲好吸睛，另外其他酒精或無酒精飲品都好有創作特色。

如果想係香港食到自製意粉同薄餅又要餐廳環境舒適同朋友chill吓嘅餐廳其實真係唔多但今次位於D2 Place嘅Up a notch真係一個唔錯選擇呢間意大利餐廳除咗性價比高之外食物質素及味道都好出色.新西蘭托托蜆馬拉盞配自家製幼麵新西蘭托托蜆質鮮嫩飽滿比一般沙蜆大而肥美而自家製幼麵蛋味夠重且相當有彈性配上馬拉盞鹹香相當惹味.8oz 燒封門柳封門柳賣相相當吸引肉質非常嫩五成熟真係剛剛好外脆內軟相當多肉汁其中一定要試嘅菜式.U.A.N.薄餅呢個亦係餐廳嘅signature 一上枱已經令我流哂口水特別自製薄餅皮厚薄適中配上芝士、火腿等真的不錯.水牛城單骨雞翼味道酸酸甜甜帶點辣味每一啖都有好濃郁醬汁相當開胃味道好正宗紫薯mocktail估唔到呢間餐廳嘢食高水準之外嘢飲亦相當有特色呢一杯紫薯飲品亦相當少見，每一啖都有淡淡紫薯香味配搭相當出色。