佢嘅嘢食都非常之特別，我哋叫咗個牛油果配帶子塔、牛封柳、龍蝦麵、蜆配天使麵，仲有個Pizza。個牛油果同帶子係絞碎再砌返成一個塔，食落去口感好清新好開胃嘅一個前菜。牛封柳就非常之矜貴，因為每一隻牛，都只得好細嘅一個部份，肉味非常之重亦絕對唔會有「咋」，但一定要叫5成或以下，先至享受到佢嘅味道。個龍蝦麵真係冇得頂，先唔好講啲麵係自家製，因為佢個汁係用龍蝦頭熬製，所以每一啖都充滿着濃厚嘅龍蝦味，而其餘嘅龍蝦部份就用咗慢煮嘅方法，絕對唔會有「銀」嘅感覺，反而非常之爽口！而蜆係時念嘅，所以每一次嘅蜆都會唔同。而pizza係薄皮嘅，我最愛，再加上意大利嘅水牛芝士，再加埋火箭菜同埋parma ham，又再一次重拾去咗外國嘅感覺。
