Up a Notch Homemade Pasta & Pizza (已搬遷) 新店位置

D2 Place呢個位一向都好旺，轉咗新餐廳即刻同同事去試下！點餐嘅時候有件小趣事，因為坐吧枱分得闊少少就經常聽唔同對方講咩，所以點餐點得亂，不過店員哥哥唔單止好細心咁解釋咗餐牌俾我哋聽，仲幫我地整理咗order🤣抵讚呀！我哋叫咗4個餐share，店員幫我哋加多咗一份沙律同飲品+$15叫咗個韓國隊長pizza，好彩叫咗regular size，因為切開9份我哋都係剛剛食得曬，加上有泡菜嘅味道拎到個Pizza味道豐富咗。以下牛餐係推介嘅：以下午餐唔推介：個杯都好有心思～隔離枱同事超好奇問我哋order咗咩特色飯品！不過都係橙汁🤣整體嚟講大部份同事都係比正評嘅！

D2 係我近期好鍾意去嘅地方，附近舖頭特別有特色，亦有好多其他地方冇得玩嘅嘢， 例如黑暗中的對話 virtual golf, VR. 亦有好多特色餐廳. 今日揀咗呢間新開嘅意大利餐. 大眾化價錢 但食物好有質素. 裝修舒服, 連餐具也特別訂製，睇得出有誠意餐廳. 服務亦好好, 問咗一啲餐牌上面嘅問題 服務員唔單止詳細解答, 更加出餐畀其他客人嘅時候畀我哋望一望, 真係好細心. 因為午餐時段 餐牌同晚餐唔同 揀咗意粉同牛扒. 意粉醬汁好味, 意粉煮得剛剛好 唔會煮到好似快餐店甘淋patpat. 牛扒煎得好香脆，今時今日平貴都經常煎得唔準，唔係太熟就太生， 呢間煎得我要求的啱啱好，廚師功力真係唔錯。下次一定要晚餐嚟試 手造意粉同埋 pizza， 店主話個個都話好味。D2試過好幾間，呢間真係真心唔錯 坐得寬闊舒服 價錢抵食 淨係睇意粉同牛扒 已經知道廚師功夫好唔求其 店主好有心!

同朋友响D2 Place行完手作市集，就响依度揾野食, 見到依間餐廳相當多人，於是就試一試啦! 餐廳環境好舒適，最啱同朋友chill吓。我地order左:1. 8oz 燒封門柳($198)五成熟，肉質非常嫩，外層燒得好香，好細心咁切好左一件件，方便開心share👍薯仔都好出色，外脆內軟，配埋個sauce, 好好味，一定要試! 2. 野菌忌廉汁配自家製闊麵($108)一上枱已經聞到好香濃嘅忌廉汁味道，調味適中，自家製闊麵就唔係我杯茶，因為比較厚身同有口感，不過可能其他人會鍾意。3. 水牛城單骨雞翼($68)一客有8件，味道酸酸甜甜，醬汁好濃郁，好開胃😍大家快d去試吓啦!

D2係我其中一個常去聚餐嘅地點，呢度好多特色餐廳，而今次呢間餐廳係新開業，😉👍🏻梗係要試吓啦！餐廳佈置簡潔典雅，令人感覺好舒服，用餐區位置每張枱都有合適嘅距離，啱晒最怕迫迫枱嘅我。😙我同閨密諗住食pizza，店員好細心咁介紹咗比我哋，一個叫U.A.N.嘅口味，係餐廳嘅signature ，一上枱我哋以為係流心蛋，點知原來係一件半溶嘅芝士，🤩🤩真係好新奇又勁好味，薄餅皮厚薄適中，唔硬又脆口剛剛好，上面嘅火腿又唔太咸，真係好有水準。水牛城雞翼係辣辣地好惹味，最方便係單骨開咗，可以一口lun完，正！而牛油果控嘅我梗係推介牛油果帶子塔，佢唔係完全溶哂做到他他咁，又有少少粒粒果肉感覺好fresh ，而帶子份量一啲都唔少，我好鐘意呢個前菜，其實我自己一個人都可以食哂😋😋😋諗住飲品都係正常嘅唔會特別有驚喜，但竟然一向食嘢咀刁嘅閨密講咗句：「杯咖啡好好飲」，我問點好飲法呢？佢話總之係好味過出面，🤣🤣🤣⋯⋯除咗食物出色，呢度嘅員工都好nice 服務好好又有禮貌，仲要係好有型😍😍😍⋯⋯整體嚟講呢間餐廳我係短時間內一定會再去💪🏻💪🏻💪🏻