Ulyssa by Aldou (已結業)

今日行完D2 place，就search下有啲乜嘢好食，睇到呢間餐廳嘅食評好似唔錯，就諗住同朋友嚟試一試，點知就中咗伏啦。黎到門口，好似睇落都幾骨子。影完張相，一靠近門口，已經喺條門縫度聽到裏面極度嘈吵。因為都已經等左一陣位，又唔想轉地方，所以硬着頭皮入去。餐桌嘅密度好高，四面牆嘅設計令聲音困住，而且在場仲有唔少師奶大聲呼叫，笑都笑得好嘈，我想同朋友傾計講句嘢都要大嗌。未開始食就已經頭痛，咁就唯有睇下個餐牌有咩好食啦。叫咗一份法式低溫慢煮澳洲牛柳，好快就已經有麵包做前菜上枱。嗰份牛柳嚟到嘅時候，我同朋友都愛左。佢嘅賣相似乎有少少……令人不安。撇除presentation，份牛肉完全overcooked，叫medium變左9成熟咁，令人相當失望。總括而言，環境已經令人十分唔舒適，食物嘅水準亦有待改善，相信都唔會再返嚟食。

2015年年尾光顧過元朗嘅Aldou Café，知道佢哋雖然喺家小咖啡店，但做菜有水準。早前，知道佢哋跳出元朗嚟到荔枝角廠廈開店，地點就晒我，故已好想嚟試吓。趁老婆有局，費事約人一支公摸上門，獨闖「Ulyssa」食餐晚飯。億利工廈越嚟越多餐廳進駐，小弟亦唔喺第一次嚟搵食，所以，都幾熟「架步」。踏進「Ulyssa」，跟廠廈公眾環境好唔同，一室燈光柔和，甚有氣氛，兩旁放上木枱木櫈，中間留有闊落嘅通道，又晌唔同位置放上適量嘅植物，都予人感覺悠閒。餐廳尾一張共享大枱，獨個兒坐晌度，特別有文青氣息，若果6、7個人嚟，一樣夠坐。由於餐廳內嘅燈光較昏暗，所以，影出嚟嘅餐牌亦較暗，再者，餐牌嘅字粒頗細，老花嘅朋友睇起嚟就會吃力啲喇。第一張嘅晚市餐牌，印有前菜、沙律嘅散點選項；其次，就喺意大利麵、意大利飯、漢堡及主菜嘅套餐，由於選擇唔少，故價位比較闊，配餐湯+餐飲或甜品，餐飲亦有指定，但可選擇加錢揀其他飲品，不過，由於餐飲、甜品只可當二揀一，如可以額外加錢可選齊兩樣就更有彈性喇。第二張餐牌喺另一款晚市套餐，點解喺另一款，因為喺二人套餐嚟，包前菜、餐湯 x 2、意大利麵 / 意大利飯、主菜、餐飲 / 甜品

每個月紀念日都會搵間餐廳食個飯，浪漫一下。💑今個月就黎到荔枝角呢間餐廳食，星期六晚上黎到只係得翻幾張枱，好彩有book枱，唔係就冇得食了環境好有情調，又夠暗，幾岩談心，唯一要挑剔既係有d迫，如果鬆動d會更好❤️餐包餐湯係洋蔥湯，恰到好處，唔會太咸，個包亦十分鬆軟❤️白酒煮蜆偏咸，但蜆肉十分大隻，鮮味十足，份量亦差不多有10隻❤️巴馬火腿意粉少許偏油，但意粉唔會過淋，有嚼口👍🏻👍🏻味道同Parma ham亦好夾❤️比目魚扒十分滿分，必試！皮煎得脆口，又有油脂，魚亦滑身！配菜既帶子同蜆肉又十分鮮甜新鮮！真係好好食❤️Tea and cake叫左鐵觀音但飲落似玄米茶，幫助消化一下。蛋糕選擇左cheesecake，唔太有驚喜但都不俗👍🏻

今日要返上午班, 下午就同朋友打算去荔枝角d2 place道逛一逛週末市集, 原本諗住喺d2 place食一個午餐, 但朋友介紹咗一間感覺唔錯餐廳, 味道同價錢都不錯, 就跟佢一齊去食飯啦餐廳裝修以白色為主調, 配上乾花, 我覺得非常之適合文青去食飯, HEA 下帆立貝有大兩件, 都係原隻嘅帆立貝, 連埋裙邊, 有咬口, 爽, 但唔會黐牙 而帶子煎到微微焦香, 配上黑椒提升味道, 意粉用上羅勒醬, 味道最有個性，既清新又濃郁，配搭意大利麵,再加上洋蔥口感 味道置於一身最後飲番杯玫瑰桂花茶, 散發出淡淡清香, 飲落去回同微甜, 集於一生

朋友係外國番來，咁耐無見，就約食dinner. 簡左呢間西餐廳試下。 雖然係工廈入面，但佢裝修得好靚，一d都唔媽虎。晚餐有set有單點，我地叫左個2 人set張枱仲放左candle, 餐廳燈光偏暗，好有氣氛呢個係跟set既餐湯，係我好中意既黑松露湯！！！！佢黑松露味超濃，遠遠已經聞到，一啖飲落去真係不得了，佢算係我飲過咁多黑松露湯既頭幾位，好味！餐包好得意，好有咬口既包，有d似光酥餅，點住個湯食好正。成個set我最中意既就係呢個豬鞍，肉質好soft, 夠厚，好有口感。下面配左紫椰菜，好脆口，旁邊仲有d紫薯泥，配搭得好好呢杯芒果菠蘿茶都好正，唔太甜，底下仲少少菠蘿纖維

只要你用心搵下, 唔難喺荔枝角嘅工廈搵到一d特別嘅餐廳! 老公帶左我黎Ulyssa by Aldou, 餐廳周圍都以乾花及燈串裝飾, 非常浪漫, 而且佢嘅擺盤亦都特別精緻😍欣賞前菜嘅白酒煮蜆, 原隻連殼蜆肉新鮮大隻, 配上蒜蓉, 羅勒及洋蔥, 真係好香口, 食唔停! 意大利飯嘅材料有黑松露, 雜菌及大大隻啡菇, 有濃濃嘅黑松露香味, 而且飯嘅軟硬度適中法式低溫慢煮澳洲牛柳配紅酒汁亦都很有heart, 擺盤用心, 每一件配菜也不馬虎, 而牛肉肉質嫩滑, 肉厚有口感, 肉味香濃👍🏻最後當然要食返件靚靚甜品啦😌😌 估唔到荔枝角有啲咁高質素嘅餐廳!

「他」的錢，就是我的錢，為了慳錢，所以每年情人節我們都會在家煮飯仔，但今年邁向結婚8週年，趁白色情人節，「他」便很有心的為我尋覓了一間在荔枝角工廈內的Ulyssa by Aldou，以貼地價錢，享受一個浪漫又美味的燭光晚餐。Ulyssa by Aldou位於億利工業中心2樓，鄰近荔枝角地鐵站D1出口，方便易達。 店內環境寬敞，帶有田園簡約風，以柔和燈光配合用心的花花裝飾，予人一份悠閒x浪漫的感覺，二人世界、三五知己相聚都適合。 店內提供HKD498的2人晚市套餐，有前菜、餐湯、飯/意粉、主菜、飲品/甜品，看來很豐富，所以便選了這個餐。 北海道刺身牡丹蝦配芥末檸檬汁 賣相一流，定必相機食先，原來並非得個樣，牡丹蝦大大隻、啖啖肉，肉質鮮嫩彈牙，連蝦頭都多汁美味，配上粉藍色的芥末醬，味道更突出，而翠綠的蔬菜配合醋汁，即時醒神又開胃。蘑菇湯+餐包 蘑菇湯濃而不稠，香滑細膩，每啖都嚐到綿滑的蘑菇茸。 配上有點像印度烤餅的餐包，外脆內軟，沾點醋或湯會更見美味。香煎刺身級北海道帶子墨汁意粉 簡直是一幅可以食的藝術品，帶子外層煎得金黃色，肉質保持刺身般鮮嫩，墨汁意粉柔韌適中，味道不錯。看得出廚師的超群

今日同男朋友嚟到荔枝角行market~附近一向多好野食，今晚就試下呢間位於d2 place two對面嘅工廈嘅餐廳啦🍬🍬 店員推薦我地要2人餐，所以就嗌左呢個set($498)🍸🍽 先上餐湯同餐包，湯正常，反而麵包口感特別，係偏軟身嘅歐式包🍞🍞 之後上牡丹蝦🦐🦐蝦肉新鮮彈牙，沙律夠清新🥗Main要左豬，幾香口，肉質唔鞋，上面有d酸酸地嘅汁做點綴🍽 而薯泥有黑色同紫紅包，前煮偏咸後煮偏甜💁🏻 帶子意粉好香蒜味，墨汁意粉煮得剛好好煙韌😆 最後上左甜品係chocolate mousse cake 😘

昨天是白色情人節，我就帶男朋友去食個西餐，其實荔枝角區都有好多值得去嘗試嘅西餐廳或者Cafe。上到去都真係幾多人，唔想煩就揀個二人套餐。鮮牛油果藜麥沙律都幾豐富，特別係睇落有好多唔同嘅顏色花款，就算是平平無奇的沙律都變得非常吸引。牛油果本身比較新鮮，所以個口感都比較鬆化；另外有好多唔同款式嘅沙律菜，係室溫嘅溫度，所以比較新鮮；藜麥就可以令到人更加健康但口感仲要幾好囉。仲有個蘑菇忌廉湯，裏面有一粒粒嘅蘑菇非常清新，而且忌廉湯份量做得OK ,所以好滑。仲有啲類似印度薄餅嗰啲包，不過點買黑醋同埋橄欖油就冇咁齋啦。香煎刺身級北海道帶子墨汁意粉本身帶子刺身已經好有彈性又夠新鮮；仲有啲墨汁意粉唔會乾爭爭，好多墨汁係表面，提升咗意粉嘅香味，仲有啲火箭菜。低溫慢煮美國殻飼豬鞍架配菠蘿黑梅汁本身叫嘅時候都諗住叫男朋友幫手切左佢，點知原來店員想來嘅時候已經幫手切左，食落去勁方便！本身個豬嘅生熟程度啱啱好，所以味道同埋口感都比較適中，加埋呢個特別嘅菠蘿黑梅汁真係清新得多，唔會食原有肥膩嘅感覺。仲有個黑色嘅薯蓉，好似係竹炭薯蓉，幾特別啊。只能選擇餐飲或甜品⋯咁我哋最尾就揀咗嘢飲凍芒果菠蘿茶、玫瑰黃金桂我飲嘅玫

行完marjet就嚟到荔枝角玩下，見呢間cafe幾多人食就一於試下😋😋 位置幾闊落，裝修走文清風🐥🐥 我地要左2人餐，餐湯係pumpkin soup😆 幾香甜，配上麵包更好食👍🏻 Appertizer 要左牡丹蝦刺身，幾新鮮大隻！上面仲有d酸酸甜甜嘅石榴，好開胃🥗 另外揀左墨汁意粉😀 炒得幾香，意粉煙韌有口感，帶子好彈牙😘慢煮豬亦唔錯，肉質嫩滑😎而薯泥係紫薯整嘅，好fresh😀野飲要左凍果茶，唔太甜🍹

有朋友喺荔枝角嗰度返工，所以約佢食飯通常都揀返返工地點附近唔使曬車錢。今次就揀咗一間係工廈中嘅西餐廳，估唔到個環境都幾唔錯。最後就選擇了一個二人套餐。餐湯蘑菇忌廉湯及麵包都幾清新，淡淡蘑菇忌廉香味，還非常有口感。麵包就冇咩味可以點上蘑菇忌廉湯或者橄欖油黑醋一齊進食。鮮牛油果藜麥沙律🥗由於朋友注重健康所以都選了較為健康的沙律，除咗賣相靚之外，有齊牛油果以及禮藜麥等嘅健康食品，好睇又好食。香煎刺身級北海道帶子墨汁意粉原來呢個北海道帶子係刺身級別，即係用刺身形式去食一樣冇問題。食落去真係好新鮮。墨汁意粉方面墨汁狠狠地包圍着所有意粉，所以每一口都是豐富的墨汁味。低溫慢煮美國🇺🇸穀飼豬鞍架配菠蘿黑梅汁低溫慢煮可以有助鎖住肉汁同埋令到豬肉變得更加鬆化，而且店員幫手分幾part可以幾個人一齊食唔需要用刀。原本個豬已經不是太肥膩，何況加埋菠蘿黑莓汁味道就更為清新。另外留意餐牌之後發現原來餐飲或者甜品二選一，我哋就揀咗飲品。凍芒果菠蘿茶小小清新、甜甜的。玫瑰黃金桂是茶包，有淡淡的玫瑰香味！

我揀左呢間cafe同朋友食晚飯，要朋友遷就我返工附近，平日荔枝角區晚上都比較靜，上樓既食肆也一樣，行到餐廳門口，店內環境優雅，用上啡色枱同木色餐椅，簡約的燈飾同不同乾花裝飾，有d獨特嘅清新風格，座位間寬闊坐得舒服。南瓜忌廉湯，忌廉湯做得幼滑，南瓜香突出，湯中有粒粒南瓜蓉，感覺天然足料羅勒白酒煮鮮蛽，蛽汁多仲好香酒味，落埋啲檸檬汁，將蜆嘅鮮味帶晒出來，粒粒蜆肉都好飽滿，湯也飲光意大利巴馬火腿牛肝菌意粉，意粉煮得爽口，巴馬火腿咸香醒胃，加上同牛肝菌口味咁夾，而汁既味道滲入意粉中，啖啖都有溫暖既感覺，好食玫瑰黃金桂好特別嘅杯，看到玫瑰花包，飲一口花茶，感覺非常幽香，香氣在口腔內散發，令人心感輕鬆、愉快整餐質素唔錯，店內環境恬靜，店員招呼亦算友善，收費亦算合理，間中來一下獨個兒慢活的感覺，亦算不錯。

今晚收工唔想返屋企食飯，於是近近地去咗荔枝角開餐。呢間工廈餐廳環境幾好，裝修簡簡單單，暗暗地幾有情調侍應推介我哋食二人餐，唔使＄500有齊頭盤、 餐湯、意大利飯/意粉、一個肉類嘅主菜再加餐飲或者甜品，非常抵食先來個餐湯同麵包餐湯係甘筍忌廉湯，味道幾清新開胃！頭盤我哋揀咗秘製香烤乳豬件個size成個主菜咁大！乳豬皮真係又薄又脆，乳豬雞肉就好嫩滑多汁，不過我就嫌淡左少少，可以再濃味少少之後有個Parma ham意大利粉睇落細細兜，但其實份量都唔少！意粉煮得軟硬適中，同Parma ham呢個配搭冇得輸啦～跟住第二個主菜我哋加左＄58，要低溫慢煮澳洲牛柳！牛柳好大件，但因為係慢煮嘅關係，成件牛柳都唔會好硬，入面好淋好juicy個紅酒汁味道幾突出，同牛柳好夾！食完之後我哋就喺度諗要飲品定要甜品！餐廳有個甜品櫃，有五六款甜品任君選擇，不過我哋食完咁多肉之後真係好飽，所以就叫咗兩杯茶算數～甜品就留返下次啦

同乖女睇錯完醫生，就帶她去吃晚餐，誰去知她說帶我到荔枝角吃，因我朋友吃過，印象唔錯，原來係工厦裡，上到二樓門外不覺是餐廳，裡面很舒服😌幽雅，尤其佈滿乾花有清新自然的感覺吃了兩人套餐加了一548元，每蝶份量很足先來甘筍忌廉湯，很creamy 超甜前菜：香烤秘製乳豬件，乳豬皮超脆，肉嫩多汁香煎刺身級北海道帶子墨汁意粉，意粉很多生熟恰當，帶孑嫩而不韌還大大隻，蝶邊劃的好靚，好像櫻花🌸畫一樣低溫慢煮美國穀飼豬鞍架配菠蘿黑梅汁，肉是粉紅色的，不會乾，伴蝶汁酸酸甜甜很野味凍芒果菠蘿茶，甜甜地有香芒味，飲了很舒服，玫瑰黃金桂茶，好像綠茶咁

呢排反工地方又開左新店，又係西餐，都係係億利，裝飾仲不錯潻，所以叫左朋友過黎同佢食個生日晚餐，餐廳內感覺燈光比較暗，所以如果想影靚相就比較困難啲。 呢度有一個晚市套餐，二人餐$498+10%就試下呢個啦: 我揀左份主菜慢煮豬鞍架因為慢煮關係，等左好一陣子才到。有三大塊豬肉連骨位，肉質就不算得上嫩滑，有些位置較淋身，有些較鞋，不過值得一讚就係配菜及伴碟，特別是那個黑色嘅薯蓉，好香牛油味，滑身，黑色幾特別。 今日嘅湯係南瓜濃湯，好香南瓜味，不錯，配兩小塊薄餅。朋友生日，好開心呢度甜品可以加上生日快樂及名子，不用加錢，蛋糕又不會太甜，讚。