Ulyssa by Aldou (已結業)

今日行完D2 place，就search下有啲乜嘢好食，睇到呢間餐廳嘅食評好似唔錯，就諗住同朋友嚟試一試，點知就中咗伏啦。黎到門口，好似睇落都幾骨子。影完張相，一靠近門口，已經喺條門縫度聽到裏面極度嘈吵。因為都已經等左一陣位，又唔想轉地方，所以硬着頭皮入去。餐桌嘅密度好高，四面牆嘅設計令聲音困住，而且在場仲有唔少師奶大聲呼叫，笑都笑得好嘈，我想同朋友傾計講句嘢都要大嗌。未開始食就已經頭痛，咁就唯有睇下個餐牌有咩好食啦。叫咗一份法式低溫慢煮澳洲牛柳，好快就已經有麵包做前菜上枱。嗰份牛柳嚟到嘅時候，我同朋友都愛左。佢嘅賣相似乎有少少……令人不安。撇除presentation，份牛肉完全overcooked，叫medium變左9成熟咁，令人相當失望。總括而言，環境已經令人十分唔舒適，食物嘅水準亦有待改善，相信都唔會再返嚟食。