UCC COFFEE SHOP

营业中

休息中

今日有幸抽到時間做treatment ，唔洗湊女可以同姊妹撐枱腳，一於揀好耐無去的UCC，貪佢有自助沙律吧！由於做完treatment已經好夜，過左晚市人潮，唔洗排隊就可以直入餐廳。姊妹多數在家中食素，難得出街食，佢話要食好西，就嗌左個西冷扒，我就要煙肉火腿pizza大家share食。落左柯打，之後梗係要出去沙律吧”砌”沙律啦！ 沙律吧的材料同以前一樣，有車厘茄，桃，菠蘿，薯仔沙律，紅腰豆，沙律菜，啫喱等等！ 一路以來我最欣賞都係佢個薯仔沙律同啫喱，因為薯仔沙律夠晒綿無出水，薯仔，雞蛋，粟米等材料同沙律醬比例一流，簡簡單單但出色。 啫喱夠Q彈，味道又係啱啱好唔過甜，為沙律做出酸中帶甜的清新感覺！無幾耐pizza黎到，批底係簿脆的，可能係日式餐廳的關係，調味較清淡，比美式餐廳的pizza遜色。 西冷牛扒都一樣，唔似美式餐廳咁有火候，反而我欣賞隨碟附送的蕃茄意粉，因為每條意粉入口彈牙，而且擁有自然蕃茄味。其實總括黎講，唔難食但無驚喜，我諗下次我去UCC都係食返日式意粉或焗飯可能較驚喜

「UCC Coffee Shop 」，好多人都會好鍾意佢杯熱咖啡，對於我來講，呢度最吸引呢就係佢嘅🥗自助salad bar ，因為香港其實好少餐廳會有一個咁樣嘅corner ，尤其最近大家都講要食得健康，食得均衡，salad bar 嘅水果蔬菜種類都算多，仲可以自己切出個沙律山，同朋友一齊切一個，好玩又開心！如果朋友各自切，鬥切得高，都幾有趣。令到大家嘅用膳氣氛都會大大提升。不過真係要提一提salad bar 嘅衛生同整潔度，因為有時見到啲食物滴到周圍係， 令到食客大打折扣就唔好啦。

早在窩夫和鬆餅🥞狂熱捲起之前，UCC的西日甜品已有窩夫作為其主打甜品之一。UCC的甜品配咖啡是一個不錯的選擇。不過今次去UCC的時候已經是黃昏，為免再次陷入失眠危機，都是放棄咖啡，吃一份鬆餅滿足下甜品癮。今次點的是香蕉朱古力夾餅。夾餅的賣相不俗，有一球朱古力雪糕🍦，還有些杏仁碎，增加雪糕的口感。朱古力醬的份量剛好，令鬆餅吃起來不會太甜。還有兩枝朱古力百利枝插在夾餅中間，㚒餅上還灑了糖霜，可見店家在食物擺盤很花心思。但鬆餅的温度不夠熱，吃起來温温吞吞，原本精緻的鬆餅因爲其軟糯的質地而失分！

三個女仔Friday night食返個happy dinner先～XD銅鑼灣真係超多餐廳，大家揀黎揀去最後決定食日本野or西餐。黎到銅鑼灣廣場一期，見UCC都唔算好多人，就呢間啦！拎左飛都等左20分鐘先有位。好肚餓啊！！一坐底就叫野食。要左一個本菇墨魚繪飯，一個菠菜三文魚意粉，加左45蚊多個沙律，南瓜湯同飲品。本菇墨魚繪飯：都幾多本菇同墨魚，但味道淡左少少菠菜三文魚意粉：一般，意粉煮得岩岩好，Al dente。但裏面有條細頭髮。。。沙律：佢地會俾一個碗你去沙律吧任你裝幾多都得，但只有一次機會，我地裝左好多jelly~南瓜湯：成餐最好味，有濃厚南瓜味，唔錯！Service 還可以，餐廳環境ok, 食物唔好太高期望。

今天晚上和朋友到銅鑼灣飯聚。 由於我們提早到了銅鑼灣吃晚餐，因此飯後時間還是很早。 我們想坐下來多聊一下才回家， 一邊行一邊找吃甜品的地方。 可是銅鑼灣附近有名的甜品店都大排長龍， 我們便來到位於銅鑼灣廣場一期的UCC吃甜品。朋友點了日式咖啡雪糕紅豆。這杯甜品的底部墊了一層咖啡啫喱， 上層則有雲呢拿雪糕和紅豆泥。咖啡啫喱味道很苦澀，而雪糕和紅豆泥卻很甜，所以吃上去是一口苦一口甜。這杯甜品感覺是一些互不相關的食材胡亂地搭配在一起，怪怪的。 我點了綠茶紅豆夾餅(中)。這份甜品下層是兩塊夾餅，上層是綠茶雪糕和紅豆泥。 不知道夾餅是不是預先做好， 上桌時已變成腍身和涼涼的。味道方面也算不上出色。

星期五3個女人下午茶，天氣太熱，就去UCC歎咖啡，一人叫一個意粉tea set.一上碟嚇死人，打大風一般，尤其煙肉茄粉，好似人地食剩，求其是旦就搬上碟，D汁飛開，又吾抹碟邊，冇曬食慾。味道好一般，D茄膏冇味，一嚿嚿，好似D街坊快餐，色香味都吾合格。咖啡就冇得輸，唯獨倒瀉左D落碟，一杯多D一杯少D，失去日式餐室要有的準確和細心，令杯咖啡扣分。平心而論，招牌咖啡比以往失色，欠缺應有的咖啡濃滑香純，也欠aftertaste.再來紅豆抹茶窩夫。買相OK，窩夫軟熟卻欠旦香欠鬆化，紅豆夠林夠大也不太甜，抹茶雪糕卻欠抹茶味，整體吾合格，只有賣相，卻欠味道。

我係UCC既忠誠fans, 佢哋既班戟同熱咖啡我間唔中就突然好想食，可惜星期六夜晚無套餐又無得加錢叫飲品，所以只叫咗一杯我摰愛既咖啡，評價如下：味道：記得日式西餐只適宜食意粉，飯同甜品。重要既事要講三次，唔好係日式西餐要求有扒房質素既牛扒！牛扒！牛扒！所以我比UCC好高分，意份如常好食，甜品一樣咁正，最緊要熱咖啡都仲係夠滿夠熱！❤❤❤❤❤份量：充足，滿足又好味❤❤價錢：有套餐個陣抵食，平時夜晚都會嚟，無套餐個陣就普通，唔算貴但唔叫抵舒適：成間餐廳都多卡位，唔錯架衞生：都幾好，起碼表面睇無任何問題服務：都可以呀，無乜問題，幾好

前天與友人在銅鑼灣逛街後，打算在附近餐廳進食晚餐，於是就到了銅鑼灣廣場的UCC Coffee Shop吃晚餐。由於我們9點左右才到餐廳，所以輪候時間非常短。建議如果7至8點到餐廳的話，預多少少時間取飛排隊，因為這間餐廳都很受歡迎!UCC Coffee Shop 與Pizza Express、delifrance 這些餐廳差不多，不過分別之處就是UCC Coffee Shop 的食款式種類較多，有西式，有日式。另外，加$48可以享用自助沙律bar一次，不過要留意時間，因為沙律bar到9:30就沒有了。我與友人分別點了我最愛的煙肉忌廉意粉及煙肉雜菇肉醬意粉。味道調中，不會太咸或太淡。份量方面適合一人進食，不夠飽的話可以再追加小食，但由於我們太飽的關係，這次沒有點。下次再去的話，必定點小食！

以前在UCC食午餐有儲印仔，可以換取自助沙律吧一次，但約近半年前改了會員儲分咭，積分可以在下次幫襯時當現金使用。我們一行四人都不約而同點了「香煎牛肩肉眼扒定食」，雖然牛扒薄薄的，但是十分好味，而我最欣賞的反而是該塊蒜蓉包，看到有真材實料的蒜頭粒在上面，十分好味。當然最畫龍點睛的是隨餐附送的日式咖啡，一直也很喜歡日式咖啡，感覺淡淡的，很純似的，再加上UCC專用的咖啡cream，為完美的午餐作一個美好的收結，讚！

放假同屋企人去食ucc lunch個waitress 擺放碟時 有隻碟黑麻麻 未洗淨 勁污糟都照擺係度。ok fine 換左佢冇事我地一共叫左一個扒餐 2個茄湯海鮮意粉 上左一扒 再上一茄 等左勁耐都未黎第碟茄然後問佢 原來漏單 只落左一個。。之前食UCC都試過漏單，算。。。好，佢補單，等左陣黎個茄湯意omg 點知一拎起隻青口 發現下面有隻食指頭咁大嘅小昆蟲!個樣疑似"小強"。。。。左等右等 等咁耐 所期待嘅原來.. 眼淚水都標埋(本人極害怕任何昆蟲) 啲湯同隻野差唔多色 唉 食乜都冇晒胃口。係我被嚇到眼濕濕之際 家人已好快叫人收起碟野 未影相食肆有呢啲昆蟲在所難免啦 但係呢間啲處理手法真係麻麻經理收起左碟野 我同家人討論:廚房會唔會就咁抽起隻野拎反碟野出黎 然後佢行黎問我仲要唔要 -_- 等左咁耐又漏單又比碟咁嘅野我佢先問洗5洗換其他野食 轉完繼續收全數 其他餐廳醒水少少嘅都會自動幫你cancel order 5收你錢 轉其他野食比你啦 不過有個waiter 算唔錯 聽到我擔心餐具有掂過隻野 自動自覺幫我換左套餐具佢唉 好失望

又是一個大太陽的日子，想起我心中的招牌餐，UCC。。。我愛這裡，當然，吃了多年，和朋友聚會好地方，今天十二前到，已有數檯入座了，感覺輕鬆。今天看到有個特別推介餐牌，和友人一起看看甚麼選擇，看畢了，感覺不錯，但，仍心中記掛，“招牌餐”是我給的名。。就是海鮮湯意。。。。我至愛。因為，不論我甚麼心情，就算本來不想吃的，到了這裡，點了這個，最後都會全清了。。。，今天看到天氣好，心情也好起來，為自己加了沙律。。。。，這裡的薯仔沙律吃，因為有蛋原故吧！栗米。。。菠蘿，還有啫喱糖。。。當然，還有其他的，我會珍惜食物，要吃的就取，還要吃清啊！不要浪費食物！我的招牌餐到了，看到海鮮在蕃茄湯中游泳，十分豐富，已經很開心啊！好享受！加上友人點了雜菇煙肉意粉，看到已經色香味皆全。我們分別點了凍咖啡和橙汁。開心完結今天的午餐，充滿力量了，可以去血拼了。

餐牌碟茄汁海鮮意大利燴飯賣相的確好靚，99元另加一服務費！可惜嚟到時淡而無味，賣相同相差好遠……可能是我祈望過高，忘記ucc出名係咖啡，不是意大利燴飯！呢碟飲完全不合格！Causeway Bay 搵地方食飯，呢間的確好，因為地點方便，裝修靚，staff都非常nice同professional，最重要係甚小要等位！要等最多等1-2張枱！！10分鐘內就有枱！但可惜食物完全不能接受！！只有杯咖啡可以一試！！

點解要我地等咁耐啦😡😡係咪公司有指引，四人枱係要分兩位兩位入座..唔可以入三位... 負責叫飛個位四眼哥哥..不停叫咗6.7 張2人枱... 仲要係遲過我地攞飛..我哋就等咗半個鐘都仲企喺門口...係咪有啲過分呢？！ 幾好食都係假啦😡😡咁樣做生意不如以後做搭台啦...全場每一張櫈都有人坐啦！星期五老遠走來呢度食...遇到呢啲罔顧客人感受嘅餐廳...真係好失望囉係咪以後冇雙數人就唔可以食UCC

咁多年嚟都好鍾意UCC既咖啡，間唔中就會嚟食，但都係為左杯咖啡，飲緊個陣簡直覺得係下午茶既最高享受，正！由佢哋沙律吧任拎到依家淨係限拎一次，我都係佢哋既忠實fans(杯咖啡)。記得係普通個隻唔係其他款式🙈佢哋既下午茶其實唔係特別話好好，都係普通正常野，但勝在佢哋既質素非常統一，食物完全唔會中伏，間間一樣，除非你食牛扒就幫你唔到喇，哈哈！最鍾意食佢哋既墨汁意粉，其實飯都唔差，但記得唔好揀扒，除非你鍾意食poxx cafe既扒，或者日式西餐既扒。不過我自己食扒就去番扒房或法國餐廳。講番今日食既野，普通甜品，最緊要杯咖啡，除了咖啡還是咖啡～服務正常無特別，順帶一提呢間夜晚有套餐，特別抵，成個銅鑼灣只有呢間有，因為我為咗飲咖啡先去，要單叫我應該未必飲🙈

一直都係UCC Coffee 粉絲，鐘意佢既日派西餐，佢嘅咖啡係吸引我再度幫襯嘅原因我獨愛位於銅鑼灣嘅分店，夠就腳，食物質素保持得相當好，從不令我失望。以前習慣一人叫一個晚餐，每次都飽到爆肚，從經驗學習，今次兩人叫一個晚餐跟沙律bar, 再單叫一杯我最愛嘅炭燒咖啡，超滿足。很喜歡負責攞沙律，每次都可以食很多既新鮮又開胃嘅水蜜桃，菠蘿，車厘茄，粟米，配以另上的千島沙律醬，真係好好味呀！典雅嘅咖啡杯碟載著完美嘅炭燒咖啡，就算不加奶，足以令心神為之一振，拋掉一整天的忙碌感。跟餐嘅house coffee 也很香濃，招牌啡!香滑嘅暖鮮奶另上，可以自行調校鮮奶分量。我們點了芝士焗肉醬海鮮飯，陣陣幽香既芝士未入口已經俘虜了我嘅心。海鮮份量十足，有大大的青口，彈牙的魷魚，鮮魚塊， 蜆，加上每口都熱辣辣香噴噴既日本飯，暖在心頭!餐廳環境舒適，就算坐bar枱也很寫意，望著店員悉心準備各式餐飲和美味甜品，確實另有一番風味!整餐只需每人100大元左右，我們飲飽食醉，夫復何求!